牛角日本燒肉專門店 (德福廣場2期)

營業中

休息中

我最近在呢間餐廳用餐的經驗真是令人失望。首先分配座位制度非常有問題，本身冇book位，但當日咁飛等只須要等兩位，但中途不斷比已book枱人士攝位，導致明明餐廳有不少空位，但攝下攝下成30分鐘後先到我哋此外，服務質量極差。服務員態度冷淡且不耐煩，樓面明顯人手不足，會導致場面極度混亂。點菜後，等待的時間非常長。菜品的味道即不過不失餐廳的環境也不太理想，staff忙到飛起，很多客人都有少少燥總的來說，這次用餐經驗讓我感到非常失望。服務質量差、人手問題都讓我對這家餐廳的印象大打折扣。

今日下午放工後和同事一齊走去九龍灣逛德福廣場，無無聊聊之際看見牛角居然無人排隊，因為平時如果唔係預早訂枱要walk in的話，起碼要等1粒鐘或以上，可能當時已經係下午3點幾，所以咁少人，於是就立即入去醫吓個肚仔先。午餐時段有4個套餐可以選擇，因為我被和牛吸引了我的眼球，所以我揀了午餐C，都係$228。昆布湯湯裏有昆布、洋蔥和芝麻，熱辣辣的昆布湯帶有洋蔥的香甜味，感覺清甜可口。前菜我揀了沙律青瓜條，食落清甜爽脆，感覺十分舒服。一口燒墨魚感覺非常新鮮，有墨魚的鮮味。牛角極上四品燒肉盛盒（可揀不同醃醬，適合不同人士的味蕾，我揀了原味）有美國上級牛頸脊、熊本豚梅肉、日本雞腿肉和日本九州極上黑毛和牛牛肋肉，每種肉類都非常新鮮，一邊燒一邊香味四散，未食已經令我垂涎三尺，咬落還有少許肉汁滲進口腔裏，十分滋味，尤其是和牛，脂肪分佈均勻，不覺肥膩，入口即融，一試難忘。香蔥温泉玉子飯滿佈紫菜絲的牛角飯，再加上美味的日本雞蛋，食落有微微的紫菜鹹香味和雞蛋的香味，大胞口福。還有一杯苿莉花茶熱飲，可揀常温或熱，十分貼心。

用餐環境：牛角餐廳的用餐環境營造出一種舒適而現代的氛圍。餐桌之間的間距恰到好處，使得用餐時保持了一定的私密性。整個用餐過程中，舒適的座椅和柔和的燈光讓我能夠放鬆身心，全心享受美食。食材品質：牛角餐廳以其對食材的嚴格挑選而聞名。他們提供的牛肉是頂級品質的和牛，其理想的油花分佈和鮮美的口感令人難以抗拒。此外，他們還提供了多種其他肉類和海鮮選擇，如豬肉、雞肉和新鮮的海鮮。無論是單點菜品還是套餐，每一塊肉都經過精心處理和切割，確保在燒烤過程中保持最佳的質量和口感。烹飪技巧：在牛角餐廳，每桌都配備了個人的燒烤爐，讓客人可以根據個人喜好來烹調食材。服務員會耐心地解釋每種肉類的最佳烹飪方法，並提供必要的調味品和醬料。這種互動式的烹飪體驗使得用餐更加有趣和個性化，讓我能夠掌握烹飪的過程和火候，確保每一口都滿足了我的口味需求。服務品質：牛角餐廳的服務團隊給我留下了極為深刻的印象。他們的服務細膩周到，總能及時回應客人的需求。無論是烤肉技巧的諮詢還是點餐建議，服務員總是樂意提供幫助。他們對每位客人都非常友善和專業，使整個用餐體驗更加順暢和愉悅。

今日同事突然請我去食牛角我哋三個人12:30等左大約半個鐘先有位同事話佢係會員，今個月有送一盤四人份嘅食物但係前提要叫夠$400先可以送溫馨提示✨牛角已經用電話QRCODE落單好耐我哋叫咗最貴嘅燒肉套餐價值$128 🥩最貴嘅燒肉套餐可以任揀套餐內五款燒物另外我加$10要咗普通份量既牛角飯、加$2要薑味汽水同事就另外再加兩個雪糕終於湊夠$400 ，於是送咗一盤四人份嘅食物落完單後，服務員好快送上餐前小食泡菜同海帶湯不過啲嘢食要啲時間先送到，而且份量亦都唔係想像咁多，有埋送嘅四人份食物先夠大家食牛角嘅牛🥩帶點雪花，入口即溶可惜海蝦唔新鮮、冇咩蝦嘅鮮甜帶子好細隻，建議都係食肉類比較穩陣我覺得加$10牛角飯係必須嘅，珍珠米配合紫菜豉油十分開胃👍🏻食完埋單會有服務員送上糖果

牛角已經食左N次，今晚見得閒又過黎食番餐。牛角一直係我心中食牛嘅首選。價錢合理之餘，又可以一邊同朋友傾下計，一邊慢慢燒，享受下BBQ嘅感覺。牛舌切得好蒲，所以唔會靱，而且好有牛味自己最鍾意食牛肋肉，肉汁飽滿肥而不膩，燒烤完蘸上醬汁，認真係一流嘅享受。食牛之前食個海蜇柚子醋沙律，甜甜酸酸，先開開胃，非常合適。服務都好周到，又係一次好愉快嘅牛角餐!

仲未有假去日本旅行🇯🇵喺香港想食燒肉所以去咗牛角食lunch九龍灣分店有weekend lunch menu性價比幾高⭐️牛角極上四品燒肉盛合⭐️👉🏻個set重點係有四件日本九州極上黑毛和牛肋肉😍牛肋肉油分比較多所以燒個陣已經聞到油香味🤤肉質超軟滑，入口即溶😋👉🏻美國上級牛頸脊呢個位置係牛運動量較多既部位有適量嘅油花肉味濃郁牛肉厚度適中，不會太薄或太厚👉🏻熊本豚梅肉同日本雞腿肉其他燒肉就不過不失👉🏻牛角飯食燒肉一定要配飯日本飯，加上牛角自家製燒肉汁同紫菜好美味👍🏻

今日同朋友行街行耐左，食飯嘅時候已經好晏，於是就嚟咗牛角打算食佢嘅宵夜套餐。因為時間已經好晏，所以等嘅時間都唔係好長，好快就已經可以入座。我哋一行兩人嗌咗個二人餐，另外在每人加咗一個牛角飯，整體上都非常之夠份量食完都好飽。講吓食物嘅質素，牛嘅質素不過不失，唔算太鮮嫩，但係都唔會話好韌好難入口。最推薦係佢嘅牛角飯，我最鍾意就係加啲鹽醬落去，配埋啲牛一齊食非常之好食。但要注意唔好落太多醬，否則就會超級鹹。

第一次幫襯，亦都係最後一次。之前一直都聽人講牛角好食，但次次經過就勁多人排隊。所以一直冇去食。尋晚8點經過，見門口一個人都冇，咪試吓囉。點知牛肉基本上未融雪 牛冇牛味🥶雞冇雞味 😵牛腸臭架 難食到想吐 但唔想晒嘢 所以盡力吞落肚，但都頂唔順吐左幾舊🤢真係我食過最難食嘅燒肉而且係冇人拾枱架 已經係非繁忙時間 成間餐廳得返幾枱，大佬，有收加1架，加1服務費啊，冇服務都唔講，成張枱都係空碟，拾枱係基本架咩？真係好嬲 嬲都第一次寫食評

燒肉lunch set $189-238肉質中上，份量適合lunch ,上菜快！除了和牛，雞肉都好嫩滑最爱紫菜溫泉蛋反反後配上雪糕，雪糕加了黑糖和黃豆粉！最好預早等位，12：30前到容易攞位。

好彩有朋友carry，朋友手機攞飛，好方便！知道差唔多時間，先返去等安排入座。唔似得佢樓上間韓式燒肉，book左位都話未有枱，又唔知幾時有枱，係門口罰企左4個字！都係牛角好！👍🏻👍🏻餐廳環境裝修靚，最重要係抽氣做得好！食完一晚，個身一陣油煙味都無！呢個超好！肉類選擇多，你一定搵到啱心水！而且肉質好好，燒完再配牛角飯，一流啊！食完印象最深刻係牛舌拼盤，同燒鱈魚片😂燒鱈魚片我encore 左3次！海鮮方面，帶子同蠔都好味😋整體上，係推介的！👍🏻👍🏻👍🏻好食！

經常經過呢間牛角，都有好多人排隊，攪到我都好想試下添。今日終於有時間黎幫襯，到餐廳時差不多晚上七點，weekend 個然人多，都已經有八九成已入座。食物選擇不算多， 我們選擇了牛角飯, 牛肋肉, 新潟雞肝。牛肋肉份量不多，一共6塊，兩個人還可以。肉質鮮嫩，雪花紋清晰，加上本人多年燒烤經驗，先可以燒出嫩而不老的肉質😂。配上滿滿紫菜碎燒汁同芝麻的牛角飯，平時唔太食飯嘅我都食左幾碗😂。新潟雞肝就幾新鮮，燒完之後，食落柔軟多汁，有一些雞味。整體食物質素不錯，不愧咁多人光顧!

好耐冇去過牛角，以為6:30鐘之前到達就唔使等位，原來我諗多咗，終於等到7:40左右先入到去食。會員卡已經過咗期，咁就續返一張，因為會員會有六品拼盤，已經價值三百幾蚊，所以比$200會費都係值得。食物質素依然保持，就係服務比較一般般。啲職員行過都好似好趕時間咁。最喜歡食牛肋肉，所以除咗六品拼盤之外另外都叫咗兩碟牛肋肉。牛肋肉80幾蚊四片，其實有啲貴。不過好食嘅。蜜糖雞肉幾特別，有蜜糖同埋蒜片可以自己加上去。仲食咗牛角飯，拉麵，牛角雪糕等等。牛角飯好食，拉麵同埋甜品唔算好出色，好處就係唔會伏。飲品，檸檬茶柚子蜜之類，$12一杯，價錢都抵。食物OK嘅，唔俾笑面因為服務，收得呢個價位，但服務好似茶餐廳咁樣，有嘢想要成日都要吼住有人經過即刻叫住佢，有時都叫唔住。唔係要求一流嘅服務，起碼侍應同你講嘢都應該行埋你身邊，唔使個客大大聲。呢度就係離遠咁應你。

見到黃老闆出左post 有新優惠，即刻去試。叫左hsbc $266/1人前餐，內容如下就咁數，每位有21件食物，都ok la630係app 拎飛，去到岩岩好🥰蛋沙律蕃茄，正常呢個得幾塊菜嫁咋😂牛個4塊好好食，質素一d 都唔差，我覺得呢個價錢ok la，個d 豬呀雞呀都係正常囉正常玉子飯😂 我覺得加鹽醬好正**總結，計埋加一，一人三百蚊，平時食放題lv2 好似都4百蚊位，呢個餐私覺得ok 既，同埋佢送會藉，可以比新朋友用

成日聽牛角嘅燒肉好好食，但冇諗佢哋嘅其他食物都好好食。今次特登同朋友嘗試牛肉烏冬同埋泡菜豆腐鍋，真係無得彈。 牛肉烏冬的味道鮮香可口，有著濃郁的牛肉湯頭和醬油的香氣，咸鮮適中，烏冬麵筋道有嚼勁，牛肉薄片入口嫩滑，仲有蛋王嘅味道錦上添花，整道菜色香味俱佳，是一道美味又營養豐富的料理。而泡菜豆腐鍋味道酸辣可口，豆腐入口爽滑，泡菜則帶有微微的酸味和辣味，整體味道豐富多樣。鍋底的湯汁是這道菜的靈魂所在， 配埋紫菜白飯，讓整道菜更具有濃郁的辣味，口感豐富，味道酸辣可口，非常適合在冬天享用。

之前因為朋友生日加上有會員我們一起去了吃牛角 這間燒肉聽很多人提過但老實說我還是第一次去 朋友都說這裏質素不錯 最緊要是介意價錢相宜不會太高消費 先吃了一個烏冬試試 一吃之後就給朋友話我傻 他說來到牛角必定要試試這裏的牛角飯 但我已經浪費了一個quota在烏冬上 所以未有嘗試到 但他們對這個飯讚不絕口 之後來了一堆燒肉 果然性價比很高他們的色澤油脂分佈多非常漂亮 感覺上不枉此行 可惜燒肉太油利了得吃得太多很快便飽但還是很滿足 特別讚賞這裏的服務員都非常友善