發記腸粉粥品

營業中

休息中

最近食得太多熱氣嘢，想食得清啲🙈就同朋友食呢間幾出名嘅發記，見佢啲嘢食算平，就預佢份量唔多，就叫咗一碗皮蛋瘦肉粥，叉燒雞蛋腸，椰菜銀芽炒米粉😆一上菜，份量超級多！皮蛋瘦肉粥好大碗，好滑！叉燒雞蛋腸超級大碟，淨係食佢都飽了😅幾多叉燒，正！銀芽炒米粉正常水準，又係超大碟！食完超級滿足😌

發記腸粉粥品元朗建業街67號地舖Score 分數： A/70這是一間傳統粥品店，味道嘅野......咳！ 見人見志啦～如果我老左，味覺弱左，我覺得佢地嘅粥絕對夠晒味！咸度一流添！加上煮完粥放係砂鍋中嘅粥，濕得更加熱辣辣、更好味。冬天去食就一流啦！！至於衛生.........老人家通常接受到嘅標準囉，有特色！我就年紀唔係大又唔係細，所以試下就好，外賣都可以～* 好啦，講重點：價錢！ 就係光顧佢嘅重中之重！今時今日嘅元朗，去邊度食都唔平，這間粥品店真心價錢合理。總之：可以試下傳統老一輩嘅粥品店，買少見少啦～

今日首次來又新街，見一間舊式粥店有條隊，從玻璃望入見到一個個瓦煲仔，天氣又凍凍地，最佳選擇：食粥！叫了及第粥，發記第一粥，發記第一腸粉、YCH炸両，5分鐘已經到，炸両涼了但口感幾好，第一粥先見芫茜滿滿是材料，乜都有D,及第粥粉腸帶少少苦其他全部鮮嫩的，而第一粥有雞、𧐢仔、豬潤主料，豬潤真的讚，而第一腸亦沒有想到叉燒、蝦、蛋可以組合，仲可以內𥚃帶熱，很好的一餐

這間粥店開了很多年，粥底幾香幾綿滑，而且用沙窩滾粥，用沙窩上，保溫又有風味😚😚😚已經食咗好多次🤭天氣凍就會食，平日食得多重口味嘅嘢，又會去清下腸胃🤭今次一個人來吃😃荔灣艇仔粥好大碗，非常抵食，女仔的話可以兩個人share，一個食唔晒😂😂😂入面有好多菜、魷魚、豬皮，不過今次食，吃了三份一，不知道是裡面還有加了甚麼，有少少骨刺，最怕有骨刺🥹所以就冇食落去，嘥咗碗粥🥹腸粉拉得靚同好軟滑👍🏻👍🏻👍🏻

上次去完呢間食，覺得性價比高又好好味只係好遠，成日想食都冇得食，因為真係唔會入元朗！今日又入嚟就梗係要食啦本身已經一心諗住嚟食豬雜粥，食到豬雜嘅地方唔多，而且要好味又足料，好多時喺出面食內臟唔知點解係會比好少今次嗌咗豬什粥同蠔仔粥，因為同事都好想食蠔嘅鮮味因為今次係第二次食，所以都冇乜特別大驚喜，豬什粥嘅話會有三片豬膶左右，三個好好味又大件嘅粉腸，大量肉片係最多嘅！不過就冇豬心豬肚嗰啲主要就係呢三款，不過夠食因為好味三款材料嘅味道都不分上下好好味缺一不可！叫阿姐多蔥哈哈好率直嘅個性好鍾意🤣俾人鬧都鬧得開心今次冇腸粉食，因為阿姐聽漏咗我哋又驚太多，因為好晏食美中不足下次再食！不過已經減弱入面對佢嘅癮🤣

豬潤靚雞粥 $54好味指數 5/5 🍭🍭🍭🍭🍭{豬潤厚身大件 熟度剛好 帶點爽口 豬潤同雞都好新鮮 雞件都好大件 不油膩 肉很嫩 喜歡食雞或豬潤 一定要試下 粥很鮮甜很綿 不會好稀 整個粥好暖身飽肚}靚靚鮮蝦腸 $22好味指數 4/5 🍭🍭🍭🍭{腸粉很大份 蝦肉大粒爽口 非常鮮味}傳統牛肉腸 $20好味指數 3.5/5 🍭🍭🍭🍬(腸粉很大份 餡料很飽滿 牛肉熟度剛好 只係有點鹹}

第一次嚟食呢間小店！今日係探住喺元朗嘅朋友，自從介紹完佢食靠得住，佢就愛上咗食粥！加上而家天氣凍冰冰，食碗熱辣辣嘅足最適合我哋兩個人一齊share食一碗粥腸粉同埋豬紅價錢非常相宜，比起靠得住好明顯平好多！佢仲要啲粥煲仔相好大碗㗎 ！雖然其實都係一人份量嗌咗個及第粥，即係豬什粥，原來有人會唔知哈哈 因為我朋友話冇豬什粥，我話及第粥就係🤣🤣關由於太肚餓嘅關係冇逐一影！應該有三片好大好厚嘅豬潤！靠得住最多都係得兩篇，仲要貴成倍🥹佢仲有新鮮嘅肉片，粉腸！雖然沒有豬肚，同埋豬腰，不過都冇所謂因為佢呢幾樣嘢已經勁出色，勁大碗！嗌咗個發記第一場，即係有叉燒下同埋雞蛋！勁大份只係$27而且材料極重做！雖然覺得游咗少少，但係都係地道嘅口味嘩你睇吓完全個腸提醒落雞蛋喺度，入面仲有蝦同埋叉燒，我諗應該一條腸粉係有一隻蝦，雖然係急凍蝦，但係都大隻㗎你諗吓呢樣嘢只係27！正豬紅$28大大碗，豬紅比平時嘅好味，我都唔識講點解好味啲但係就係好味🤣🤣嚟呢度就唔好期望咩環境同埋服務好好！不過呢度勝在有獨立廁所喎如果唔係丸嘅話我應該會瘋狂食😂🤣

首先講環境：預咗係舊式，但係冷氣真係好唔夠🔥，本來一心去食粥，結果我哋只order一碗粥分享😅建議改善下個冷氣。跟住講服務態度：有一位 負責落order 女職員比較勞氣，收銀果位女職員👌炒麵🍜：椰菜☘️同芽菜🌱都幾多。麵質啱我，唔會太淋。份量都幾多幾大碟。炸兩：腸粉唔厚皮，唔會糊口，但係炸兩唔脆，比較失望。豉油偏鹹。皮蛋瘦肉粥🍲：十分足料，連蔥花都多😆，最後皮蛋食剩少少。粥底可以，比一般冇咁糊狀。

元朗一食粥一定諗起發記，雖然都知姐姐態度唔係咁好，不過啲粥真係好食，所以都係繼續要去😜最愛豬潤粥，豬潤處理得好好，唔會過老，另外上次外賣蘿蔔糕返屋企，拎返屋企氣炸後更好食。

嗰個呀姐入甜醬好辛苦我明白，但炸両冇甜醬真係唔好食，次次都唔比，買兩盒就比一包，算啦，去第二間食，不過鷄粥的確係正，基本上全部野都唔差，就係個阿姐唔比甜醬人，幾無謂。

食完昨天的富記牛雜，呢舖真係肚痛到腸胃炎，在等睇醫生嘅時候，我去附近食左碗（嚴格黎講係一盆）放左鹽嘅白粥，外加一碟蝦米炸両。餐牌上沒有白粥可選，入內問問，19蚊，清清地清番腸胃。難以想像白粥可以煲到如此吸引，綿綿的，咸咸的，令我一口一口的食著，彷彿肚沒有疼一樣。蝦米炸両的味道還好，腸粉夠滑，但入面嘅油條就唔係好夠脆，影響左整體評分。不過，好似食親間間加蝦米都係油條唔夠脆咁，都係唔加正d又平d。不過，總結黎講，呢間野係好味嘅，仲滿載回憶添。

今日又跑左去元朗搵食，因為食左糖水無耐又唔想食太飽所以今日晚餐選擇食粥😂依家粥鋪叫發記，係元朗都愈開愈多分店，平時我食開近又新街果間，今次去左另一間分店度幫襯。我地一日叫左一碗沙煲生滾粥：皮蛋咸雞粥同蠔仔豬潤粥加一個即拉布腸粉，蝦米叉燒腸雞粥咸咸地粥底幾綿，煮到連d雞油都出埋黎蠔仔粥d蠔大大粒，豬膶好滑個拉布腸份好大份，腸粉皮夠通透，次次食都覺得好正😝係豉油比較咸。兩個人食埋單都係百幾蚊，好抵食

女樓面態度十分十分十分差，黎食個粥要睇人面色。落錯單仲派錯粥仲講到好似我錯咁。諗住唔舒服食粥點知背脊骨落。粥味道一般，唔值得我咁辛苦咁受住氣食。女樓面掛住自己傾計唔會理你，佢地落單鍾意就過黎同你落，唔鍾意你就等下先。環境又迫又窄，坐得一d都唔舒服。外賣落完單唔會俾單或俾號碼你，你要係門口企係度等叫，試過有人同我落同一樣食物但遲過我好多落單，食物準備好個女樓面一叫另外果個人一黎攞左我個外賣，我要等多十五分鐘，但女樓面黑面話唔關佢地事😡😡😡😡😡😡😡😡😡如果大家唔介意受住氣去食或想挑戰自己EQ可以去試下

見好多人叫雞粥同埋蠔仔碎牛粥。。最後嗌左雞粥食😋😋👍🏻.新鮮滑雞粥好味度：⭐️⭐️⭐️⭐️雞好滑，而且好有味，真係好好味。。同埋見佢喺鹽焗雞來。。個粥，雞都好多～見都有其他客人剩係買雞返去做手撕雞。。都唔錯啊😀😍👍🏻👍🏻.發記第一腸好味度：⭐️⭐️⭐️主要蛋，叉燒，蝦。。。個腸粉最好味係佢ge 腸粉皮，做得好滑同柔軟，其次係佢個豉油，食落似甜豉油+美極～好正😁😋.豆漿都抵😀😀

滑雞粥味道鮮美，米粒煮得剛剛好，碎牛粥食落口滑溜，牛肉碎咀嚼起來鮮嫩多汁，散發出淡淡嘅肉香；叉燒腸粉啫係外皮輕薄柔滑，內餡鮮肉或叉燒味香可口，落埋配好嘅豉油，真係好好味！無論係早餐定係晚餐，非常推介俾鍾意食粥又行開元朗嘅朋友。