永年士多 (寶城洋樓)

營業中

休息中

又係元朗人唔會唔識嘅車仔麵,唔知點解食咗永年既車仔麵之後返唔到轉頭,食其他車仔麵硬係覺得唔係咁好食，當然係由細食到大啦因為,同埋佢嘅湯底係好香濃嘅藥材味睇返原來佢個湯底都有好多種藥材一齊煲，再加埋佢嘅靈魂辣汁，簡直不得了，每隔一陣都要去食止一止癮啲，我個人覺得最好食係個豬腸豬紅同蘿蔔，所以咁多年都冇轉過餸，可惜人大咗有高膽固醇，所以就將豬紅改為雞翼😂都係一樣咁好食，仲有杯凍檸茶而家甜都唔會苦澀🤭

號碼468，等咗20分鐘，一直企喺櫃檯旁邊，見號碼由461跳到去480，問個職員，佢好快咁遞咗個外賣俾我。好心問吓佢係咪撳漏飛跳咗號，阿姐送你一句擺明係過左啦，係你睇漏咗！下～我企定定20分鐘,好心提你仲要俾人醒，哈哈～想受氣嘅就用20分鐘去換一碗麵贈送挖苦，香港真係多謝你呢d服務質素。

個湯幾入味，嗌咗小麻辣，都好夠辣好香，雞翼尖滷水，都唔錯，入味同埋雞翼尖蟹都有啲肉，啲米線屬於爽滑嗰種個人比較喜歡。個腦嘴豬腸唔錯，滷水味入晒，而且唔係好多肥膏，所以高質。隻流心蛋表面好滑，都有啲蛋黃漏出嚟，雖然唔算好多，魷魚大大塊，爽口冇根，啲菜正正常常，唔老，最後蘿蔔都幾鮮甜冇根，應該之前浸過先，總體不錯，85分😎五個餸加米線$64▫️蘿蔔▫️豬腸▫️雞翼尖▫️魷魚▫️流心蛋湯底🥣▫️小麻辣

中午比較空閑的時間去了永年食午餐，準備想下單的時候個收銀員一句：唔得閒住，之後甚至離開了崗位，差不多離開了了大概10分鐘，最後我都只能夠自己用點餐機去點單，職員就算在忙都不是一句：唔得閒住，是否應該更有禮貌向客人說等待一會，可見職員服務態度沒有進行過培訓

落單前聽到話要等20分鐘，所以一直好有耐性咁等，我排322，後面外賣328，327之類不斷有出單，以前係順序出單，今日D單跳住出，所以我冇去問。直到一個坐喺我隔離遲我15分鐘入場嘅人338已經到左，我先行去counter問，然後counter話漏咗單！成個過程一共浪費咗我40分鐘！

尋晚睇完煙花再去朋友屋企打幾圈，起身都好晏，行過永年士多就買碗麵返屋企食，今次點咗碗豬皮、豬紅、豬腸米粉，大辣，湯分開上，費事浸到淋哂。返到屋企，碗麵同碗湯都仲好熱，大辣嘅辣醬就係咁放喺碗麵上面。倒碗湯落去，攪勻之後就開始勁辣之旅。初初食嗰時唔係咁辣，不過食多兩啖啲辣就嚟料。平時食得好辣嘅我都差唔多要投降，不過都挨到食晒。嗰3樣餸都好入味，難得豬紅咬落去都入面都入到味，豬腸肥膏都唔係太多，唔係咁食得辣咁朋友就要諗吓叫乜嘢辣。

今次行過嗰間我經常光顧嘅小店，忍唔住又入去嘆返啖。啱啱嗌咗碗雞蛋牛肉麵，食落嘅感覺就似返到小時候嘅味道。面條勁啲，彈牙得嚟又唔會太硬，啖啖肉香噴噴，串嘅足料。呢碗好似帶咗位雞仔返嚟給我嚟食；只係小小費事快快就整到，天然味道真係冇得頂！牛肉又嫩又多汁，湯頭鮮甜得嚟仲帶啲淡淡嘅胡椒香，飲兩啖簡直暖笠笠～叫埋個豉油雞，啲雞皮滑溜溜嘅，啖啖肉又腍又滑，仲有股陣陣豉油香，食完一啖唔夠，食完兩啖仲想食🤤。友情提示，除咗車仔麵外，佢哋啲甜品都好有驚喜，招牌芝士布甸就係其中一個，甜而不膩，質感滑溜，一試難忘。而家每次去，我都會叫一份，話唔定可以吃出新嘅口感。下次你去，記得試吓啊！😊🍜🍮

作為本土特色美食，車仔麵當然係一個非常之好嘅選擇，雖然永年係好多地方都有分店，但係我真心覺得最好食嘅一定係元朗分店🤭我最鍾意就係佢嘅湯底加辣汁，辣度可以自己選擇，我最鍾意就係咖喱辣汁，非常惹味🥰🥰食得車仔麵，點會着重餸菜嘅質素🥳蘿蔔清甜無渣必點，牛柏葉都非常之爽口，水魷相對嚟講就比較普通，佢係比較厚嗰種，如果可以爽口一啲就會更加好！鳳爪都好好食，一咬落去吸晒滷水嘅味道，必推平時小食呢我都會推薦甜酸齋或者韭菜豬紅都唔錯🌟🌟

由中學食到而家，一向保持水準，永遠排長龍，喜歡而家新裝修比以前坐得舒服多！呢晚經過又去排隊食碗道地車仔麵😋.今次試四寶麵，真心大推！四款餸，呢間嘅豬大腸一向大愛，覺得元朗最好食😋入味彈牙，豬紅入味口感剛好，仲有豬皮和蘿蔔，好好味港式情懷😌.老公又點三餸面，仲大大辣，辣得過癮🌶️炸魚皮份量好多！我都拎左好多食🤣今次想要點清淡點左碗生菜魚肉，魚肉好彈牙大大粒有驚喜👍🏻好多菜放係麵一齊食正😆鹵水雞翼又係值得一試，相當入味又大隻厚肉，淋身好好味😋.今次試左樽仔奶茶估唔到咁好飲！因為無冰味道更濃，甜度剛好，港式味道茶香奶滑，飲唔哂仲可以邊行邊飲好方便👍🏻..真心平靚正，難怪長期咁多人幫襯！

細細個就成日食呢一間車仔麵，個陣時都唔係話咁出名。時隔10幾年今次再黎食，睇下有咩咁出名先😜首先先係門口落單，然後再入去搵位，好彩啲學生未放Lunch，12點幾都好容易搵到位🤣坐左一陣就好快就叫number😋😋我就叫左魚蛋+午餐肉+豬大腸配油麵😋魚蛋口感彈牙又有啲懷舊陳皮味👍🏻午餐肉有兩大塊，味道正正常常～豬大腸好有嚼口好正，又夠入味😋不過我就覺得杯飲品有啲貴，凍熱都係加$12😱埋單$59，車仔麵黎講呢間價錢都偏貴🤏不過味道真係唔錯，同埋佢個辣汁少辣都好辣，下次都係叫返微辣好啲🤣🤣

外賣講幾次都聽唔到 要咩餸又要講幾次 我講左幾次要咖哩辣 你撞聾就去睇醫生啦 食個麵食到成肚火 呀姐 你咁樣學咩人返工呀 個腦好似遊緊魂咁 平時收銀玩電話都算啦 人多收銀就醒小小啦

今天放工，一大班同事去了食車仔麵，一行7人也有位，但有位置有冷氣滴水問題，有點兒煩。今次order了三餸湯麵，47蚊，價錢感覺有少少高，畢竟在銅鑼灣也要這個價錢。我點了韭菜水餃，滷水雞翼，豆卜加米粉。一見到湯汁是濃濃的啡色，一口熱湯，也是美味。本身預期的韭菜餃是自家製，但只是似灣X牌的急凍餃子。滷水雞翼是味道就很好，值得推介，十分入味。豆卜就普通。米粉爽口，而且吸收了濃湯味。下次一定要試試他們的綠茶紅豆冰，看似很正！

好鍾意食車仔麵嘅我🍜永年士多係我成日去食車仔麵嘅地方😛配料款式多,湯底好味👍🏻佢哋嘅秘製辣醬相當出色🌶️除咗自選車仔餸外,永年亦有多款配搭好嘅車仔麵比大家選擇🤩好似大碗麵、四寶麵、豬手蝦籽撈麵、蒜油撈麵等等🍜幫大家諗好晒😆今次我哋叫咗佢嘅三餸麵😍揀咗雞翼、魷魚、流心蛋、炸魚皮😛另一碗就揀咗魷魚、豬皮同牛柏葉🤩粉麵可以揀油麵、粗麵、幼麵、米粉、米線🍜更可以轉河粉、烏冬或者公仔麵😍我哋分別揀咗油麵同粗麵,麵條彈牙入味,吸盡湯汁😛辣味有招牌咖喱辣醬同手工麻辣醬🌶️兩款都可以按自己喜愛揀辣度😚咖喱味道香濃,而麻辣就辣得過癮😝如果覺得車仔餸唔夠,可以加錢再加架😆食車仔麵最鍾意加碟菜🥬永年士多有唔同製法嘅蔬菜,有蝦籽、熟蝦醬、蠔油同腐乳,另外亦有唔同嘅小食,好似鹵水雞翼、韮菜豬紅、麻辣豬耳、生菜魚肉、淨酸齋等等🤩我就叫咗腐乳通菜,有勁多腐乳啊🤩通菜口感爽脆,加上腐乳嘅鹹香,送車仔麵一流👍🏻飲品同樣有好多選擇,就連港式紅豆冰、菠蘿冰、抺茶紅豆冰、紅豆奶茶冰都有🫘另外仲有樽仔奶茶同樽仔烏龍茶添🤩拎走飲都好方便😛食完飯仲可以食多士做甜品添😛有煉奶、班蘭咖、鮮油,最近仲有埋榛子朱古力味添🍫我試咗榛子朱古力,濃

入到嚟元朗梗係要去食永年啦～因為佢呢度嘅車仔麵真係好出名！尤其是個湯底做得十分出色。小辣，麻辣各有特色～今日人流非常之多，都要喺出邊排咗一陣隊先有得入去食。今日叫咗個自選車仔麵～$41有3款餸，可以再另加$9一款餸！個人認為好抵食‼️🍜油面，豬腸，雞翼尖，芝心丸，魷魚，牛筋。湯底要（少辣）🌶️個人好喜歡食豬腸，做得非常爽口好有口感。牛筋雞翼尖必食之選。🍜另一碗叫左（米線，豬皮，蘿蔔，豬手）湯底小麻辣！湯底好惹味🌶️豬皮吸收晒所有嘅精華🗣️豬手好大嚿好抵食🌟飲品🥤紅豆冰，凍檸茶我最後叫咗一份咖央多士作為飯後甜品😍麵包整得好鬆脆。

#永年士多這間餐廳一直都是元朗名物，多年前我在總店試過，之後餐廳擴充，在尖沙咀開店，我也試過，當時嘗試已經覺得十分出色！今日剛好在附近收工，又到元朗總店試試，我一人點了最出名的車仔麵，麵式選了油麵，配料選了招牌豬手、冬菇及韭菜餃。（$54）、點了小辣，還點了小食滷水雞翼（$28）及樽仔奶茶 （跟餐價$17）。車仔麵湯底濃厚，小辣比想像中辣，適合愛刺激人士！ 配料中豬手最出色，肉質軟淋及入味，陣陣南乳香，冬菇及韭菜餃都不錯。滷水雞翼有5 隻，大大隻，有滷水及麻油香，啖啖食好滋味！ 樽仔奶茶奶味較重，夏天解渴一流！這間餐廳除了有港式懷舊風味，裝修都走懷舊港味，不只食物一流，還可以打卡呢！人均$100📍 元朗教育路88號寶城洋樓地舖2-4號 （輕鐵豐年路3 分鐘路程）