浦和日本料理 (已結業)

空間算寛敞，食物選擇算多，飲品選擇大路，我OK。上菜速度初初就好慢，但之後就正常番。侍應服務態度唔錯，講嘢清楚，唔會有咩隱藏收費。火鍋區有少少嘥位，因為好少人去食。總括嚟講，大眾化，質素又幾好。

來過這家放題數次, 以200元以下的放題質數來說,算是很不錯了。 食物款式很多, 刺身質素可以接受,種類就不算太多。 天婦羅最好吃,但非酒精飲品只有汽水。它的放題也有火鍋, 可以滿足同時想打邊爐的朋友。

與媽媽一起到這店午餐，這裡有放題或是定食。我們選擇了定食。叫了鍋燒烏冬，有蟹柳、天婦羅蝦各一，菇及菜連生蛋一隻。味道不錯，烏冬比一般的煙靭，但不及讚歧烏冬。另外叫了天婦羅烏冬定食，有兩隻蝦、蕃薯、茄子連三文魚沙律反卷。天婦羅炸得香脆，粉不是太厚。反卷就一般，啲飯很黏。不過，若叫定食，可免費享用自助沙律吧！有各款沙律菜、沙葛、紅頭菜、車厘子、青瓜絲等等，這可算補足定食的不足。但位置寬敞，服務不錯。

打算同男朋友慶祝anniversary，係網上睇咗好多放題嘅食評，最終選咗呢間，真係無揀錯。  本來訂咗枱８點鐘，但係男朋友到差唔多七點個陣話肚餓，所以就上咗去碰下運氣，睇下有冇枱。上到去都唔洗等，同個經理講咗之後佢就話可以俾我地入去，真係太好，可能因為星期四所以都唔算滿座。  入到去點菜，雖然野食嘅選擇唔算多，但係都算幾多唔同種類，１７８呢個價仲有埋shabushabu真係幾抵，仲有自助嘅火鍋同甜品區，好驚喜啊！刺身真係唔錯，都夠新鮮，三文魚好肥美，赤貝都好鮮甜，仲有個叫白豚片嘅物體（？）唔知係咩嚟嘅，但係好好食～啲熱葷都唔錯，真係即叫即整，送出嚟仲有煙嘅，當中一口牛特別好食，不過就太細碟。Shabushabu個湯底唔錯，啲肉類都夠新鮮，去個自助火鍋吧到可以自己攞菜，又可以解下滯，幾好～最正就係你唔洗叫啲waiter，佢地都會自動幫你個火鍋加湯，仲要真係加湯，唔係好無誠意嘅加清水，好好服務啊～  出野速度方面，第一輪出野真係好快，差唔多一遞單就上咁濟，快到嚇親！佢地仲幫我地hold起個shabushabu先，因為張枱無位放住，仲會同我地講聲，等我地唔洗痴痴的等。收碟好快，完全唔洗叫人

天氣漸涼無所事事跟朋友逛街食飯，看見天橋有人派傳單，$88任食牛肉火鍋好似好吸引咁，膽操操走去試下，廣場天橋有點嚇人，猜不到頂層有間隱世日本餐及泰國餐，外門滿佈萬聖節氣氛，都可算特別，餐廳環境寬敞，餐牌價錢適中，意外地發現午餐附有自助沙律吧提供，本人跟朋友豪不猶豫點選宣傳單上的牛肉鍋推介，牛肉鍋附上芝麻醬及雞蛋一隻，可算日本風味之配搭，餐前當然不客氣地選擇喜歡之新鮮沙拉及自選湯匙，款式尚可，牛肉鍋份量滿滿，肉質跟味道都合格，$88任食可以說是超值，比較其他地方的可算是不錯的選擇，無限追加之牛肉每次大約四至五片，既沒有拖延時間之餘還能保持食物之質量，值得一讚.個人喜歡邊食鍋邊飲可樂，+$5就有一罐，大家可以參考參考，最佳配搭，是次晚餐，肚子滿滿的離開...

上年同亞爸和女人黎食都覺好味，服務態度又好，今日開完夜就約左女人黎e度食野，黎到不用等位就入得，而家$178/位，但甜品好似要加$38有得食…所以今次吾食住等仲餓先去加錢。今日係失望，刺身肉入面d雪仲未溶得好，只有三文魚和甜蝦好味道，其他都未溶雪。熱食有一半都係凍，熱冬菇，雞翼都好味道，咖喱豬扒飯好味喎，味濃而豬扒仲有熱度。壽司乾身，手卷味道正常但料少左點。芝士蠔同炸蠔細隻都睇吾到，但都係凍。因為我生日有心太軟食，意外好味喎，一切勁多朱古力湧出黎吾太甜又夠軟身，必食推介。服務態度係這裡冇變依然咁好，但食品質素講真堅失望，未必會再黎食野。

自問食過唔少既日式放題，但係食物品種既少同差既賣相真係無咩點見過⋯刺身款式少，唯一係赤貝都仲算唔錯，飲品款式少，⋯連甜品都係得兩，三款⋯⋯差到唔識講⋯⋯無下次，

又是星期五了，又是一周完結前的最後一天，今天Team Lunch來吃浦和日式料理。平時只去隔壁的金泰皇，也不知道這浦和是如何的寬敞舒適，有逾百雅座，就算是Happy Friday也不用等位。午餐的選擇也不少，這裡是先選主菜，另外沙律、麵豉湯、糖水等均是以自助形式提供的。連加一只是$50餘元，相當超值。沙律吧沒太多選擇，都是一般羅馬沙律菜、紅蔥、小蕃茄、粟米、提子乾以及一些千島醬、沙律醬等，並無特別。麵豉湯可根據自己喜好自選加入豆腐粒、金菇等等，但由於本身鈉含量太高，我只是喝數口便算。午餐主食點了一個滑蛋吉列豬扒飯，售價連加一只是$50元，份量充足算是相當超值。蛋汁混合日式醬油產出香甜的味道，唯蛋味不及濃郁香滑。吉列豬扒被滑蛋汁浸至軟腍，建議可另上以保持豬扒香脆。

星期日同班朋友係荃灣睇完戲,睇完已經八點,我地就係路得圍附近搵地方醫肚,比我地發現力生竟然有放題我地就去門口了解價錢係點..原來浦和星期日係感謝日,8點半價錢已經平左，158!!好平!係門口等左幾分鐘就可以入座了。食放題當然要食三文魚order左大約9分鐘就黎左!好肥美炸物類都好多選擇,點左小丸子,庶蝦！熱到剛剛好,唔會熱到入唔到口！仲有清酒梅酒飲..我見好多放題都無..值得比讚@@甜品巴有雪條，雪榚，奶凍，自製棉花糖機等等...太多啦仲有員工會提醒你小心地滑呢間餐廳比我感覺好舒服一定會再黎支持

久未到浦和吃過午餐，原來現在午市有新增設的沙律吧，提供不同的新鮮沙律菜，湯，糖水，不用放題，午市套餐也可享用沙律吧，最便宜炸餃子拉麵套餐$43就有交易，可算是極之抵食。軟殼蟹卷定食 配 牛肉烏冬 $628件軟殼蟹卷份量驚人，清新醇厚的壽司飯中包著炸香的軟殼蟹，口感軟糯香脆，雙重口感，極為滿足。牛肉烏冬是迷你份量，對於女生，一份卷物足以飽肚，但依然要稱讚烏冬軟糯中帶少許煙韌，可以一試。日式牛肉火鍋 配 白飯 $58相對於平時的打邊爐，日式的sukiyaki更令我傾心，甜醬油湯底配搭脂肪均勻的牛肉，吃時沾上生蛋汁，入口味道更為順滑香甜，牛味更為清香。配上蔬菜和葛絲，是美味又營業均衡的午餐。午市的人流比起晚市顯得清靜，不過員工服務保持一貫超班水準，值得讚許！

認識浦和放題已經有一段不短的時間，緣起於一班好友的飯聚。有一次，我們為了要"坐得耐"，又不用擔心其中一位特別大食的朋友叫了超出各人預算的帳單，異口同聲要選擇放題或火煱。那時候，我們知道的無限時放題，除了灣仔的銀座藏人，就是浦和。衡量了各人的地區和回家路線，於是決定了在浦和飯聚。自此，浪子就三不五時會在浦和吃飯，不論是大伙兒還是三倆人。浦和雖然不是香港第一代的放題食肆，但還算是其中較有特色的。他們的最大賣點，就是無限時放題和有清酒梅酒任飲(而且不另收費)。另一賣點，是食物出得很快，侍應跟得很足。服務員的速度很快，但又有條理。最難得是他們收碟和清理檯面是很有效率的。服務態度良好，你會覺得每個服務員都很親切。其中一位好像叫"櫻濠"和"家樂"的負責我坐的那個區域，服務態度真係好得令人驚訝。食品和飲品主要都可以在餐紙中看到的。選擇算多不多，但也不算少。刺身，壽司，串燒，火煱，天婦羅都齊全。論整體，食物都在一般放題的質素，部份會較一般放題好。刺身方面不算太多款，控制在10款左右，但每款都幾好食。尤其三文魚如果出腩的話真的好好吃。吞拿魚也是浪子的至愛。壽司方面，花之戀係浪子其中一個推介，飯不多。其實

今次係我第一次寫食評，請大家多多包涵今日我地試下呢到浦和料理既Lunch點解會黎呢到呢，主要俾佢免費沙律吸引過來～首先講下餐廳既環境，它位於力生廣場最高那一層，餐廳算是非常寬敞，我跟朋友兩個看過餐牌後我點了一個和牛粒石頭飯，而我朋友點了一份刺身～石頭飯熱騰騰的上到我們面前，員工細心的把石頭飯攪勻，非常有禮，辣辣的和風醬配上和牛粒和配料剛剛適合我口味，讚！而我朋友點了的刺身，刺身新鮮，外觀亦非常吸引，值得一提，餐廳內設有自助沙律吧，免費給我們添加，午餐過後還有我最喜歡的香芋西米露送上^_^一個字來形容我當時的心情----飽最後埋單220元～不算太貴的午餐～

相信係荃灣友，或者食過幾次都會覺得是很差。之前食過一次已經很差，但我冇心死，想決定試多一次，原來始終都冇變。刺身最為差劣，其次為串燒。兩者的質素低，其他只為一般，反而甜品水準不差。刺身可能未解凍，有雪味。吞拿魚完全不好食，其實定食都算ok。但服務生的態度真係要汁一汁，來兩次，兩次都差

今日夜晚，約左幾個好姊妹系荃灣食野，我地約左系地鐵站等啦.行過天橋見到附近有間日本放題.因為我地懶.吾想再行.甘就上去左啦.可能今日星期一..系門口等左5分鍾就可以入去..但門口真系有點熱😂😂入到去坐低之後，侍應就主動問我地優惠想選擇八位送一定系要1.8L大清酒😳八個送一個，除番其實每個都唔係平左好多，所以我地選擇左要支超巨型清酒，我地好少飲清酒^_^所以就想試下，我地仲求左個靚仔侍應好耐，佢足之很送份海膽我地食😝好快我地寫既刺身order就到左，賣相好吸引😳仲有三文魚腩呀！超肥美呀！之前去第間放題食都無腩..好美味😝😝我地問待應哥哥有咩推介，佢介紹我地唐揚炸雞，食炸雞唔一定去韓國餐廳，原來放題都有，真係岩哂我地一大班人傾計飲酒，食到中到我地仲點左個涮涮鍋，餐廳入面仲有個自助吧，俾我地好多選擇！讚！好快我地就食到好飽😂估唔到係荃灣區都有甘高質素既放題！下次一定會同朋友再黎！

昨天跟男朋友們慶祝生日，朋友們一早預訂了荃灣浦和日本料理，一早知道這間餐廳已服務水平，食物速度為主，猜不到食物也提升了不少，日式放題加上涮涮鍋，比其他放題的還要豐富，刺身如已往一樣新鮮，首轉刺身都送上大頭甜蝦放在刺身盤上，Yummi,炸物，天婦羅都是我最喜歡的，而我最喜歡的炸物是炸蠔和炸蝦，食落口配上沙律醬都令我忘記了要減肥噢⋯⋯嘻嘻甜品比已前的多很多款，例如：日式和菓子，香蕉冰卷，泡沫，雪米池，雪糕，綿花糖........最令我意想不到的是那裡的韓風職員推介了我們食刨冰，我選擇了草莓味刨冰，而我男朋友則選了終極挑戰之啤酒味刨冰，今日的晚餐非常滿足，下次再來荃灣一定會試的