韓食家 (已結業)

在新都會中,有一間韓食家,如果你想食韓國料理,呢度可能係該區比較好既選擇隨意叫個鐵板雙併$70.香辣豬肉和雞肉前菜看樣子,都知道這餐廳必然是比較港式,但不要緊,最緊要味道鐵板上的肉熱度十分高,豬肉用韓式辛辣醬來撈,甜中帶噴火既口味,雞肉則用類似燒汁來煮,味道亦帶甜,整體上其實都有韓風,味道亦不太差.而且肉既份量都幾多雖然不出眾,而且不正宗,但味道還算可以

又一星期六中午下班後和男友一起食LUNCH~~今次選了韓食家，因很久沒來吃了。想不到星期六中午也有午市套餐，套餐包括前菜，主食，飲料，都只須六十多起，算是便宜！前菜不是任食的，味道普通，沒有特別。豬女叫了一個海鮮豆腐鍋，配白飯。海鮮豆腐鍋內有多種海鮮，但全都是超超…超級迷你版，青口居然比我手指尾指甲還細，真是很新奇。所以不多講啦。豆腐也很多，配上韓式辣湯很捧，湯也不會太辣。白飯是珍珠米來的，咬口煙un，配上韓式辣湯，很好食。最後飲埋杯可樂，肥死啦！XDDD

與小妹兩伙子一心想吃韓國菜，就來到韓食家。我叫了豆腐柚子絲沙律及鰻魚石頭飯套餐，跟飲品。點菜後，先來前菜，泡菜酸酸辣辣，幾好味，好開胃!豆腐柚子絲沙律味道只是OK，沙律柚子味都算足，望落沙律也算是新鮮，好爽口，不過失分的是汁太酸。鰻魚石頭飯，完全不夠醬汁，好乾，另叫侍應拿多碟醬汁，但不停揮手好像也視而不見，一會後才終於有侍應來服務。醬汁味道不夠突出，只是用來吊味。鰻魚也煮得淋，味道亦一般，不過太細舊。食物味道不過不失，不過服務就麻麻，有待改善。

今日好想食韓國野就同朋友去左韓食家食晏就因為無乜人 唔洗等位 好快就上菜我同佢都點左lunch set 香辣豬肉炒粉絲 包埋泡菜同汽水或湯都只係52$唔算貴豬肉同泡菜都唔算好辣粉絲好彈牙入味將係豬肉上面既辣醬沾上去粉絲會更加好味極度推介

由於好想食辣野既關係～所以去咗食韓國野～7點鐘左右，有最後一張枱，唔洗等位～旧但太近門口，出出入入成日撞到落完單好快就上前菜泡菜遍酸唔太辣牛舌幾好食另外係牛肉同牛骨肉，不過味道同質感相若，可能因為啲醬料差不多味，不過夠淋泡菜豬肉豆腐，夾埋食味道不錯，幾醒胃，豆腐夠滑比較推薦食石頭飯，由於鐘意食芝士，混合完先食，啲飯有一絲絲芝士，好吸引～不過醬汁唔夠多，唔夠撈飯，同埋辣味不夠泡菜煎餅，太少泡菜了，因為比較薄，邊位有小小脆，所以口感不錯，但好多油之前多數會叫set，今次散叫，價錢差不多，400左右，但所有野都岩自己口味～比較建議散叫～

今晚突然想食韓國嘢，於是放工到葵芳韓食家。因時間尚早，很快便有位坐，我叫左$70泡菜豬肉石頭飯跟餐，朋友則要$80純豆腐海鮮湯配飯.石頭飯唔好食，同埋啲豬肉好肥，一個字'油'完全冇意慾想食哂去至於朋友嗰個我冇試，但望落色水好靚，朋友亦話ok,只係海鮮好少。以前好中意到韓食家食石頭飯，因為材料充足夠惹味，但今天卻令我失望了

今日黎左依到食飯 佢有三式前菜同湯前菜有苦瓜、泡菜同豆卜苦瓜個味道唔錯不過偏淡, 好爽脆, 幾正。 泡菜味道就普普通通唔算太出色。 豆卜既味道反而十分出衆, 麻油味好香,帶出左豆卜既豆香味。湯都唔錯,不過一定偏鹹少少仲有海帶同少少肉既味唔錯。\特色石頭飯加燒牛肉終於出場,佢好多汁,幾岩口味,不過肥牛肉真係非常嫩滑, 肉味好濃。燒汁味道偏鹹,不過好好食,如果唔鍾意食太多汁既依個就唔岩喇,因為佢真係好多,不過個石頭夠熱可以令D飯變番乾少少之外仲可以吸到汁既味,正,份量都有番咁上下既,而且配菜唔少,口感又變得幾好。

葵芳新都會廣場四樓以上的食店，除了無做的茜廊和新開的牛扒先生外，近幾年來幾乎沒有去過。今天趁返回公司之前，就在新都會四樓的食店食飯。葵芳的韓食家是最近想到的食店，原因是想嚐試一下石頭鍋飯，雖然不是第一次吃石頭飯，但即管在韓食家吃一頑吧。拿起一本殘舊的餐牌，內裡是燒烤物，另有午餐和飲品的餐牌。午餐牌上有湯和石頭套餐，另有午餐精選，是韓風飯加粉絲。但是在下在乎於石頭飯，因此不點「雙併」的午餐呢！特色石頭飯－燒牛肉是在下的午餐。燒牛肉採用了肥牛肉，從形狀看來，好像在鐵板上炒過的，就像鐵板燒一樣。不過牛肉的味道有點像日式的燒牛肉，用上了燒汁，因此味道有一點甜甜的，而且有有點靭。當然在吃之前，將牛肉飯反轉再反轉，撈完又再撈過，使配菜牛肉完全混和。混和的時候仍有一點飯焦，但混和以後，低部的飯焦更燶，可想而知，石頭鍋可等的的熱，熱到飯都燶埋。配菜方面有菠菜及芽菜，味道就較清淡。而整個石頭鍋飯沒有一點醬汁，就算牛肉有一點燒汁都好，但是全碗都是乾爭爭的，而米飯就是這樣被熱燶了。小食方面，有泡菜，菜脯和韮菜，這三款菜味道不一，菜脯就味較淡，但有嚼勁和咬口，泡菜固然是辛辣的味道，辛辣程度就小辣加一點點吧，但

純豆腐牛肉辣湯鍋 (比較濃味同辣辣地但唔夠香, 有d瓜同金菇菜, 好彩豆腐唔係好鞋都有少少滑, 牛肉份量都唔少, 不過都係無乜本身既味道, 撈埋飯一齊食都可以, 韓國野係咁架啦...)石頭醬汁雞肉飯 (撈晒d汁搞到個飯比較濕, 都係都做到少少飯焦食下, 要撈埋韓式辣醬先好食) 檸檬蜜果沙冰 (似係柚子蜜沙冰)

工作又至夜, 跟友人相約在葵芳食飯睇戲, 電影差不多十點開, 往商場內邊逛逛找吃。上到四五樓高, 本著只有酒樓的心態一看無妨, 誰知上面原來另有兩家: 一是不太專項意粉的意粉屋; 另一個則是這家韓食家。商場設計三尖八角, 結果餐廳有一半是室內, 另一半是外露在商場走廊的。感覺奇怪, 而且韓式食品多有機會是燒烤鍋物, 然而餐廳卻要在入座時間已要客人斷定是否燒烤。老實說, 有時我自己都不知道。最後, 我們決定要了個單點的石鍋飯, 然後看到有個麵餐不錯, 便就這樣了。看見有泡菜, 有湯做成個套餐。泡菜清爽, 帶少少辣和鹹, 不算突出, 但也不算是過份味精掛帥。麵餐入面還有另一樣東西, 這是一個飲品。因是夏天消暑套餐, 所以來的是一個柚子梳打。口感清爽, 柚子帶點酸酸爽爽而有些甜, 效果可以。接著首先來的是一個辣味雞肉冷麵, 是套餐的主角。冷麵是韓式水冷麵的拉麵, 幼如天使麵, 但是質感韌如薯粉, 甚有幼的薯仔麵感覺。拌上的是韓式辣醬, 口味來說是鹹多於辣。麵條入口清涼, 只是筷子較難拉開麵條。味道可以, 只是有點鹹。雞肉用切條的胸肉, 白灼過後, 口感還是嚡一點。不過加上青瓜絲, 紅蘿蔔絲等

今日約左朋友睇戲同上堂，梗係要醫飽個肚先。呢間開左咁耐都未食過，就決定黎試試。朋友話佢唔肚餓，所以我地叫左一個Lunch Set同叫多一個餸就算。本來諗住叫小食，但點知佢啲小食勁少同唔吸引，連我鍾意既韓式壽司都無，得飯團。前菜Lunch Set 既前菜，青瓜醃過幾清新，薯仔就唔太有味，泡菜得個酸字，少少辣都無。鐵板豬肉+雞肉份量都算多，一個人應該食唔哂。雞肉好滑，個汁都好好味。豬肉好嫩，唔會咬唔到，個汁有少少辣好送飯。海鮮炒年糕無小食揀之下揀左呢個，年糕本身無味，所以汁同配料好緊要。佢海鮮都算多，有蝦、蜆、青口、八爪魚。如果呢個係海鮮炒雜菜會唔錯，因為年糕好似係多左出黎咁，完全無味，令人淨係想食配菜，所以淨番哂啲年糕。

中午時段, actually 應該是接近中午... 為了避過那些洶湧而來的午市人潮, 我獨個兒提早動身到商場去覓食, 不知身體什麼樣的DNA出錯, 腦海中總是浮現著 "石頭飯" 的幻像! 而我的雙腳也不由自主似的一步一步 "瞄準" 韓食家 Baab Korean Casual Dining 急速地前進! 入到店內, 只見職員在進行清潔活動... 原來餐廳才剛開市 (11:40), 正!! 靜靜的獨自吃一頓飯正合我心意~ OK 就讓我成為是日的首位顧客~ 點什麼菜?? 基本上早已有心水, 不過還是打開menu 看一看 我就點了 "B-9" 特色石頭飯-燒午肉 $54 原來午餐還配上了三式前菜、湯或汽水 我點選了湯三式前菜及湯- "前菜" 是苦瓜、泡菜、豆卜苦瓜的味道偏淡, 口感爽脆, 確是夏日之佳品。 泡菜的味道則比較"大路"跟一般市面上所吃得到的沒有太大的分別。 豆卜的味道卻十分出衆, 輕輕的蔴油味帶出了豆卜原有的豆香味。湯... 則不是我杯茶了, 因為實在偏鹹! 鹹得遮蓋了海帶和肉的味。特色石頭飯-燒牛肉-我的心頭好終於出場!! 不過, 一看之下, 為何這麼多汁? 不是吧!? 燒汁之

晚上的試食飯局來得遲, 下午我又需要腦力交戰, 唯有提早吃過便飯再繼續之後的行程。傳統石頭雜錦飯, 午餐價$52, 包三色前菜及紫菜湯有菠菜、芽菜、紫菜、牛肉、半熟窩蛋等配菜, 簡單的材料配上韓式辣醬, 拌要拌快一點, 石窩實在是超級超級之熱, 不然飯會黏窩底起飯焦呢 (若然想食飯焦就另作別論) 。先呷一口海帶湯...淡的, 慢慢地再細嚐一番才會嚐出海草味來, 伴著海草那青澀的草靑味就是豬肉片的肉鹹, 丁丁調過味的肉鹹總算為湯帶來些少希望。三色前菜分別是有韓國麻油調過味及帶甜的豆卜, 質感粗糙但一咬就噴甜汁(可惜只得兩件)、中間是誰人都懂的泡菜、右邊青青綠綠半齒輪狀的瓜就是會令我苦海迷途的苦瓜, 實在是苦不堪言, 一點也不甘 就算有用麻油調過味也不能辟走苦苦最後, 那當然要付加一服務費, 及在早上11時半已開始營業啦~

這天下午放假去醫院檢查, 但又未夠鐘, 所以就想著去享受一個豐盛的午餐而我突然極度想吃石頭鍋飯, 於是便去了葵芳新都會的韓食家已經差不多兩點, 店內的人不多, 甫坐下, 看看餐牌, 原本想叫傳統石頭飯, 但貪心的我又想吃粉絲...最終點了一個泡菜豚肉粉絲石頭飯套餐.前菜是泡菜和海帶湯泡菜味道ok, 沒什麼特別, 如果多一點就更好海帶湯因寒涼所以只喝了兩口..味道一般...不久, 主菜到了, 終於等到熱騰騰的石頭飯~但看到後就有點後悔...因為豬肉比較乾, 粉絲也偏乾, 而且整個飯也很辣...辣味蓋過了其他味道, 最後問侍應拿了一些醬汁來拌飯吃...早知點傳統石頭飯喇...... 由於有點傷風, 所以點了個生薑桂花蜜來驅一驅寒這杯是我最欣賞的, 面頭有茶袋包住桂花, 很香而且不會令客人飲下桂花底部有幾片生薑和一堆蜜糖, 味道很芳香濃郁~飲完令人很舒服~下次再來要試試燒烤和傳統石頭飯

記得以前韓食家以前中午是一個超值的選擇，午市套餐只需大約$40奉送湯及飲品，各樣食品味道適中。裝修後，的而且確是環境更舒適，可惜難吃了。食物：1. 午市套餐(BBQ雞肉飯+韓國拉麵+湯, $48-)點了一個午市套餐。BBQ雞肉飯的BBQ醬竟然是固體，可見此菜於短時間內製作，結果醬汁未能完全用在飯和雞肉中，難以做到享受到BBQ醬之雞肉飯。另外，飯之份量十分少，和商場樓下的快餐店比較，個人認為這個價錢實在不值。另外，韓國拉麵的麵條吃上去口感和家中做的韓國即食麵差不多，雖然有濃濃的芝士香，但更令人失望是這個麵的湯底十分鹹。2. 小食(泡菜)這個泡菜也是十分不濟。吃上去酸味在口中只有短時間，可是長時間也能感受到辣味。個人認為泡菜的特別之處在於它的酸度，如果只有辣味的泡菜確實失去了泡菜的真傳。3. 石頭雞肉飯($51-)這個是朋友點的。朋友認為這個還可以，石頭的熱度不但使飯香噴噴，也能真正享受到醬汁之味道。服務：上菜雖然快，但埋單時待應沒有說多謝，而且效率不高，轉多人桌時也要諮詢經理的意見，浪費客人時間。