紅煙窗餐廳

營業中

休息中

我覺得這裏的自助餐非常之經濟實惠 ，匯豐卡有時會有75折， 很喜歡吃這裏的鵝肝多士， 翡翠螺及各色的魚生壽司， 生果的種類豐富。 熱盤方面有美味的牛排，pizza及天婦羅 環境優美，服務態度好，值得推介。

好多年冇食過，見到網上做緊首50名買一送一，即刻去試試😂揀左星期六既Lunch buffet，貪佢有埋鴨肝多士同長腳蟹😍估唔到佢生蠔都有兩款，不過刺身就少D選擇，三文魚、吞拿魚、希靈魚、蟹柳同甜蛋。至於熟食就10款度，推薦泰式龍蝦鉗😋另外仲有pizza 、點心、少量炸物、煎堆仔，燒菠蘿、雞翼、蒜蓉青口。甜品都有二十款度，不過不失，仲有朱古力噴泉。另有綠豆沙同豆腐花，即製雜果pancake。雪糕就有Häagen-Dazs 同 Movenpick 選擇，仲有爆谷機。2大人2小朋友，因為4歲以下免費，再加上買一送一，最後都係俾一人價錢，真係超抵。埋單500蚊有找，一家大細去食個lunch 都要啦！

2024年想食自助餐，又有2送1平均$269位，12:00入座到2:30 ，環境舒適整潔，食物款式不算太多味道合格，任食生蠔Haagen dazs回本位 ，熟食霸王雞燒雞翼好味，甜品芝士蛋糕出色

巿道麻麻，想食buffet又想慳住荷包，搵間$500⬇️酒店自助餐真係唔容易，突然想起紅煙窗，呢間有齊三寶🤤生蠔、鱈場蟹腳、龍蝦，你話去邊度搵，話說當晚未夠六點，職員已安排客人優先入座，抵讚👍🏻出去氹咗一轉，基本嘢一定有❁自助水吧❁果汁、奶茶、咖啡等❁海鮮冷盤❁ 凍蝦大隻又爽、翡翠螺鮮味十足💜、鱈場蟹腳大隻鮮甜😋、龍蝦亦唔錯👍🏻❁生蠔❁ 美國生蠔🔸️幾大隻，口感creamy澳洲生蠔🔹️蠔味濃，好鮮甜😍❁刺身❁ 大路嘢，冇乜驚喜🤷🏻‍♀️❁沙津❁ 最鍾意雜果沙津，好好食❤️，起碼唔會加D薯仔同紅蘿蔔😋❁熱盤❁ 鴨肝多士、肉眼扒、炸物、燒物、即淥粉麵、炒時蔬、蒸魚等，質素一般❁磯煮鮑魚❁ 每位贈送兩隻，口感好乾又韌，鮑魚都係炆先好食❁甜品❁款式較少，賣相不太吸引，雪糕有Haagen-Dazs ＆ Movenpick，仲有爆谷車，初初以為佈置裝飾😅🌟當日做緊二送一優惠，四百幾蚊一位，推薦👍🏻

第一種感覺都應該冇咩好食點知今日到咗真係好意外仲諗住冇咩好食食啲沙律傾吓計就算從來都冇食過呢間第一次點知原來有生蠔仲要有美國同澳洲仲有長腳蟹小龍蝦仲有好多款式添的確估唔到$340一位「買二送一」坐得都唔錯舒服環境仲要食物種類咁多不過牛扒就比較靭 雪糕都有兩個品牌飲品都比較多選擇甜品唔使講啦有好多仲有千層蛋糕估唔到係有榴槤～不過一個轉身已經冇喇！所以冇機會食到！～朋友食過唔算驚喜我就反而食鵝肝多士再加再追加總共食咗四片生蠔都好新鮮啊回本抵食～又舒服～

呢間酒店自助餐，我食過好多次因為佢近QE，由細到大，做醫院既屋企人逢親大時大節都好鐘意book呢間食buffet，貪佢既HA discount但距離上一次食我諗都超過起碼5年，耐到唔記得左今日阿媽想食，於是一行5人（買4送1）又黎到尋日先係細佬生日，今日補食飯我地早左少少到，但要6點先開始有得食雖然恆豐唔大，但或者我地食野要求唔算好高，同時佢既質素又ok丫，就腳又方便，所以一直都幾鐘意，最緊要係個份由細食到大既情意結一到6點開波，爸一枝箭跑出去夾海鮮佢d蝦都幾大隻同新鮮我覺得紅蝦特別好味壽司、魚生、冷面個類就一般熟食方面，我覺得佢既雞串幾好食同埋宜家自助餐竟然有水煮牛肉，好似以前唔多覺架，近年好似好興酸菜魚、水煮牛個d另外，佢個鵝掌都好味龍蝦湯好似唔錯但我冇試到其實我食量算係好大，但可能食得快，好快飽左甜品類，食左macaron，幾好；豆腐花不冷不熱，麻麻地；另外竟然有榴連千層蛋糕其實以前成日食buffet，我最鐘意就係Hyatt 既甜品⋯⋯講番恆豐，佢今晚仲送左10隻鮑魚，一人2隻，都好大舊下，唔錯服務都唔差，一路有人好密咁執碟我地既蛋糕亦都冇切餅費整體不俗的一餐，開心

是日星期四平日中午去無端的有七折優惠。據同行好友說酒店好多時都會打折，而且亦仗着這陣子政府派消費券要搶生意吧。早兩星期電話訂位，3人同行，被安排的是大卡座絲絨沙發，枱與枱相去甚遠，鄰枱大夥兒大聲說笑也不太滋擾。明知是此地歷史悠久，地方所給予的新鮮感是索然無味，唯坊間多是限量生蠔、燒蠔，因此衝着任吃生蠔🦪而來。如果純以數量，🦪雖然瘦削點然而質素可以來說，絕對已滿足嗜蠔者要求。已來回拿了不知凡幾。冰架上蠔是不斷添，至少至兩點。每回四隻的取，蠔肉總體較瘦，拿了幾回口感大同小異，忽爾有一回四隻極濃重海水味，甚至拿回坐位連好友也嗅得到，此碟蠔外觀上不特別肥美，大啖一口直接接受是海洋的感覺，惜是最後一回再出去取四隻竟是換來一股腥味不好下嚥，似乎賭博一場，見好就收。刺身集中三文魚、池魚、鯡魚，部位未算肥美但鮮度可以。盛手工壽司的透明櫃開門不太友善，要一手揭開透明門蓋；一手夾壽司🍣，比較忙碌，倒是值得一嚐，每款兩至三件不氾濫，造型精緻小巧。甜品總體都減甜，覺得最味美是是櫃下層的栗子慕絲蛋糕。中央自助櫃枱有木桶豆腐花供自勺，黃豆味濃，只是未夠滑口。下午2:30後部分客繼續坐聊，無趕客走情況。後記：究竟是

又去食自助餐lu, 今次試恆豐既lunch buffet價錢二百幾，以依個價錢嚟講算多嘢食佢有長腳蟹 小龍蝦 大蝦 青口，但就冇網上講既生蠔嗰啲，試咗長腳蟹肉質都唔差冇霉有蟹味另外，有刺身同壽司可以食。之後有兩款湯揀中湯同小龍蝦湯，但小龍蝦湯唔好飲熟食就有都多嘢揀，試咗兩款咖哩都唔差。但蒜香豬扒就鞋咗啲硬咗啲。 而且有即場燒烤既雞翼同菠蘿但菠蘿有啲偏酸🥹另外亦有車仔麵可以食。整體熟食都唔差，比一般平價自助餐好甜品-就有好多款揀亦有朱古力噴泉同埋即製pancake細細舊可以試好多款，綠茶既甜品全部都幾正，但其他口味既有啲一般。 朱古力噴泉隻朱古力味唔好味，試完兩舊就冇再食雪糕有兩隻牌子揀，h字頭同m字頭。每隻牌子都有3隻味揀😋😋

當日係朋友既大日子 係香港大會堂行完禮後 佢請左大家黎呢間餐廳食buffet 由於訂左12位所以有折 人均大約500蚊多少少食buffet海鮮一定係重點 呢到生蠔唔洗排隊 亦無限每人每次拎幾多隻 淨係呢點已經跑贏好多buffet 龍蝦亦都係任攞 除左凍食既龍蝦 當日仲有唔少龍蝦熱盤 可能咁岩做緊龍蝦主題其他食物種類繁多 而且質素都有返咁上下 但作為甜品痴漢既我 食buffet最關注既就係甜品 呢到有movenpick雪糕任食 仲要唔係盒裝 係一球一球咁刮俾你 有好多唔同口味 再將雪糕放係香脆既窩夫上 簡直係最佳拍檔

晚餐冷盤唔夠新鮮，長腳蟹鹹味過重，生蠔乾水和較細以及唔係即開；凍蝦唔夠新鮮彈牙，熱食的選擇不算多，服務態度一般，大不如前。將貨就價，晚飯價錢（$518）不值，如果食中午平日二百幾蚊都可以考慮一下。所以之前睇咗啲評價都唔相信，原來恆豐酒店紅煙窗D食物同埋質素真係劣評也不少，同埋服務態度也不佳。直到自己去過就會明白。希望將來佢哋會改善下佢哋嘅服務態度同埋食物質素。比多少少錢唔係問題，起碼啲食物質素唔好咁差。同埋啲侍應唔到及員工服務可唔可以專業啲。接納客人嘅投訴及意見。

第一次平日去食lunch buffet，D野總體過得去，當然亦有改善地方。佢嘅主打係生蠔，但d蠔好細隻，有d甚至冇乜肉而只得一塊皮，有d失望，唯有食多幾個補數。佢嘅蝦就好大隻，紅噹噹好搶眼，d肉比較硬身，有質感。三文魚刺身師傅切得好薄身，叫兩個人嘅份量但感覺同一個人嘅份量差唔多，唯有走多幾轉，攞多幾次。魚只有魚塊而冇成條蒸魚供應，非常失望，晏晝Buffet接近三佰蚊一個人冇乜理由食唔到原條海魚(我冇要求石班啦)。龍蝦湯水準以上，但芝士蛋糕就冇乜芝士味。俄國牛柳絲裡面嘅牛柳好冧，感覺良好，食多咗幾舊，正式嘅牛扒反而就冇肚食啦……

同事生日，所以搵下公司附近既午市自助餐❤️發現左Red Chimneys 位於恆豐酒店樓上預先book位，有折扣優惠，所以都算抵食😋第一輪當然係生果，冷盤海鮮都有4-5種選擇，亦有生蠔大部份冷盤食物都多選擇，個人覺得熱盤比較失色，因為款式唔多，同埋有唔夠熱既情況甜品方面，同行朋友覺得都好食，選擇款式都足夠，有中式西式，仲有豆付花，唔係咁多餐廳會有👍👍不過值得欣賞餐廳既環境同座位，當日平日人唔算太多，每張檯都保持到適當距離，坐得舒服之餘，傾計都好合宜👍如果同行有小朋友更方便，唔怕好迫，活動空間足夠

去到餐廳坐低，環境舒適，當晚人流不算多，食物品種比其他餐廳多，好有吸引力。(热盤)--- 有很多不同嘅種類例如片皮鴨、羊架、西冷牛扒，春卷、pizza、蝦多士、叉燒及油雞....等。特別較喜歡燒牛肉，外層嘅肉剛剛熟，內層呈粉紅色，配上燒汁，一試難忘。(冷盤)----有蝦、龍蝦、沙律菜、生蠔、三文魚、海螺同壽司。回本食物係龍蝦可以任食，大致上都很新鮮，鮮甜，refill 都好快。甜品蛋糕整體口感鬆軟，不太甜，食多幾件都得😋整體嚟講，這餐自助餐都食得好開心同滿足。

由於入住恆豐酒店、個package係包埋早餐套餐、早上大約八點九去到餐廳、我哋係第一台客😂早餐嘅套餐有三個選擇、一個歐陸早餐、一個中式早餐、一個係美式早餐、我哋就叫咗一個美式早餐同一個中式早餐、飲品係叫咗兩杯鮮奶、一杯系凍一杯系熱。美式早餐包括煙肉、太陽蛋、薯餅、多士兩塊、配埋少少嘅沙律菜及雜水果、早餐平平無奇、同外面茶餐廳差不多😑中式早餐、一碗魚粥、點心四小粒、兩粒蝦餃仔、一粒牛肉、一粒燒賣及一小碟炒麵、先講碗粥得幾嚿小魚肉係入面、配咗花生同埋啲蔥加左、味道淡而無味同食白粥冇乜分別🙄四粒小點心似公仔點心多一啲、炒麵份量勁少、上枱時都有啲凍、又係淡而無味、中式點心真係令人失望、完全唔似係酒店嘅出品、如果用$108價錢嚟食、真係物非所值、大家不用嚟試😔

佢嘅早餐有三款選擇，我就揀左個美式嘅🤪個炒蛋都炒得幾滑，煙肉、多士同薯餅都偏硬，沙律無汁，有啲黑醋會更好😢整體嚟講份量係好夠嘅，但食落就唔係酒店質素，唔值呢個價🥲除非住酒店包左早餐俾你，如果唔係唔建議大家俾成百蚊去食🥲