玉葉甜品

營業中

休息中

客客气气问一句菜单上的是不是就是所有可点的了 就开始用粤语碎碎念笑死了还以为我听不懂粤语，和老板娘两个人你唱我和的 真是绝配公婆看到大家都在吐槽我就放心了，失策 下次找店一定先看评论

這是一間地道老字號的大排檔，只是為了食物而來，但試過一次就好了。📍位置：上環站 A2 出口，在7-11的對面。🏠環境：在小巷設立一個小小的鐵皮檔，座位不多，安排擠迫，差不多會背對背，衛生一般，基本是有零碎食物會直接掃到地面。🤵🏻服務：人手下單，態度很一般，要有心理準備。眼見一位客人多問一句是否聽到下單，職員態度立刻變得粗魯，叫客人不要問廢話，但只是問多一句而已，需要這麼刻薄對待嗎? 🍽️午市：提供傳統粉麵和糖水，招牌是糖不甩。設最低消費是14元。牛腩麵 $32牛腩牛筋份量挺多，鋪滿整碗麵，麵底爽口彈牙，而且價錢不貴，以中環區來說，整體不錯，但未至於為此值得受職員的火氣。

今日想去幫襯下懷念昔日的味道。未坐低，拍張照片留念，點知惡女人出來鬧話不淮影相，我道歉。佢仍然繼續鬧，問候我娘親。真係火都嚟，拍低二公婆追逐鬧我的片段，粗口八出。香港有D咁既惡人，想有人幫襯都難，影衰哂香港人。

一間態度惡劣到不能嘅中環特色大排檔。食物質素只屬一般，主要係兩位老闆說話非常刻薄，有途人舉機拍照，兩位老闆用粗口不斷破口大罵。一間路邊大排檔，竟然需要最低消費?總之執笠亦不覺得可惜! 中環特色大排檔很多，不用破費買難受。

本來今天中午打算坐低食碗牛腩河粉 邊吃邊等朋友 朋友到達離遠幫我拍照就遭到檔主一男一女不停喺度喝罵話唔俾影相 話佢哋檔口貼咗不准拍攝但朋友當時係喺比較遠嘅位置嚴格嚟講係條街原來成條街都係屬於佢哋 認真巴閉認真講 你哋嘅出品又唔係好食又污糟如果仲有人係想去呢度食嘢強烈推薦行落少少去擺花街食羅富記更好垃圾店

佢有佢既歷史，鐵皮大排檔都的確有保留價值但唔見得兩位老細有幾珍惜呢份情懷。嘢食下品，態度用差劣一詞係不足以形容，鬧你係唔會停咁鬧，鬧到你離開佢視線範圍。不論你係本地人、訪客旅客、來自中英日泰韓一樣冇例外，你做咩都唔會順到佢哋意乜都可以鬧一餐。我好後悔帶咗外國朋友黎，覺得影衰咗自己影衰咗香港 。影響大家全日心情之餘仲令外國朋友每次食嘢入餐廳前都要做足心理建設。但明明香港唔係咁，得呢間所謂大排檔係咁。🙂 細個長輩帶我黎食既美好回憶都感覺不再美好。🫠🫠🫠

呢度嘅店員（相信係老闆娘），態度極差，唔單止冇禮貌，仲侮辱客人，令人非常難受。黑口黑面，呼呼喝喝，好似獄卒咁樣，以後唔會再去。我哋食咗一碗綠豆沙，一碟糖不甩，又唔係特別好食，正常OK囉，雖然好平，但係受到咁嘅對待，免費請我都唔想食。

最近有電視節目說香港大排檔有人情味，但今天見識到的又是另一回事，話說今天逛街路經玉葉甜品，正想行近看看餐牌有甚麼好吃時，有位長者剛好行在我前面看似想光顧而找人招呼，但檔口內正在處理食材的男了以極不專重的語氣大聲呼喝:「想食嘢就自已揾位坐低啦，企响度無用㗎!」，只見長者沒趣地行開。食嘢啫，用不着這麽受氣，於是決定走人，行不到幾步又聽到一把女聲在咆哮:「影乜X嘢相呀，XYZ…」，回頭一看，見檔口一個女工作人員正在放聲鬧人，而且持續成分鐘夾雜粗言穢語，路上行人都避之則吉。食物味道好不好就不得而知，但人情味一定欠奉，為免受辱，不吃也罷!

唔覺得大排檔一定需要係咁，簡直就係趕客自斷財路。就算幾好食都係假，佢都唔願意服務你，無需要俾錢佢賺，大家都無謂傷和氣。我剛剛企定攞個電話出嚟準備scan安心出行嗰code，就已經大聲轟頂咁不停喺度鬧我做乜嘢唔掃安心出行。我係當場即刻走，完全唔俾反應佢。佢仍然喺我背後大叫，全條街都聽到阿叔喺度死撐咁叫。眼見其他好多comments 都係講同一個問題，難怪全場空枱。今時今日仲想用呢啲態度嚟賺錢，恐怕佢都將會經歷唔起時代嘅洪流跟隨對面嘅民園嘅命運啦！

買過一次外賣,態度極差. 店主成日周街鬧人。住附近，成條街都聽到。有途人影相勁惡鬧人做咩影佢，仲會有陣時係條街度無啦啦同人哋大鬧！真係好滋擾! 千祈唔好去，食飯仲要受氣😡

再踏足中環，再次光臨玉葉，如其他食評所言，老闆娘依然粗聲粗氣；坐下傾斜的坐位，稍為看一下餐牌，綠豆沙便送上來。味道有點過甜，但就有好重嘅香草味。有清熱散暑效果。雖然老闆娘冇乜禮貌，但也可算是風味一種！跟糖水一併吞下吧！

買個麵要受你氣，大佬我無得罪你。無啦啦對我超級冇禮貌。話說我9:30去到，諗住食個麵。個（靚女）佢喝住我唔好座落去呀你食唔切嫁。我見個（靚女）咁無禮貌、就問個（靚仔）請問收幾點收？答得仲衰、指住個馬路話你自己睇。笑左！算啦咁買外賣。三餸一麵見佢個碗咁細個可唔晒入去。問下..請問係咪人放晒入去。佢想食左我咁既眼。唔出望住我無出聲。我問都次即係點呢？ 佢就發脾氣話緊係啦你叫一碗野。佢個個都鬧。真係影響香港形象。請不要支持呢D店。

態度唔好，幾好食都係假。開口就巳經鬧人咁款兩公婆都不禮貌， 開個檔口話為咗鬧交，唔係做生意。影衰香港人， 全無待客之道。 做生意唔係賣笑，但最少都有基本嘅禮貌。唔想做就返屋企，食政府囉。

唔值得去的所謂懷舊店。晚上9點到店。未坐低就無限次大聲講要掃「安心出行」，未坐好又大大聲叫:喂，掃「安心出行」。食芝麻糊糖水超甜又水，想食雲吞麵話無雲呑，想食水餃麵話無水餃，問多一句就話無就無，跟住就只好食魚蛋魚片麵，唉，麵質超硬，未熟感覺。跟老闆講兩句，好似要殺人咁，成條街都聽到佢把聲，兼發脾氣。要不是帶外地朋友逛中環，都唔想再坐低及立即起身走。食食下台頭一望，原來有葉劉姐姐張海報，可能有姐姐關照就咁惡？香港有這種食店，嚇怕遊客兼壞印象。我比錢食嘢仲要受氣，唔會再去幫襯。。。

芝麻糊(熱) $14芝麻味聞落淡，食落更淡，味道怪怪地，質地好稀，似杏仁杏霜味多過似芝麻糊，收14蚊係呢個質素，我只可以話我傷心糖不甩(熱) $14睇落好吸引，但湯圓好冧好冧，冇咬口，冇糯米味，上面係糖粉，芝麻得幾粒，冇花生碎，食落好甜。椰汁西米露(冷) $15以為椰西實冇死，但其實佢最差，西米少夾生，外面好冧，一pat野，中間嗰心硬，椰汁冇椰汁味，超級淡味，好失望。真心係食舊香港氣氛，綠色嘅帳篷，摺枱摺凳，大大把風扇，食，係食成個氣氛同埋佢喺中環嚟講夠平，而且中環冇咩中式糖水。