越僑

營業中

休息中

返工想叫下午茶，叫咗越橋下午茶，但外賣完全唔掂，同平時出街食嘅西多士完全唔同好似扁晒咁👎🏻👎🏻👎🏻仲要好薄好細塊。紅豆冰都唔係出邊紅豆冰，唔好飲強烈推薦唔好食佢下午茶的西多士其他嘢可以試

🍗烤雞髀蕃茄蟹肉濃湯飯$63烤雞髀大大隻😆，啖啖肉🍗，仲有唔少蟹肉🦀，湯底出色👍，蕃茄湯超級濃郁🍅，加左黑胡椒更惹味，仲有少少蟹膏提鮮，性價比高仲包野飲.✨捐窿捐罅先系巷仔搵到呢間越南餐廳，位置系中環街市附近，新裝修開返更光猛乾淨，每日都有唔同款式，外賣自取仲可以網上order定

中環地帶食野好貴，捐窿捐罅搵到一間喺巷仔盡頭嘅越南餐廳，就即刻入去試吓啦第一日印象係老細好有禮貌👍🏻睇餐牌仲要有下午茶，仲要唔貴🤓即刻叫個C餐試吓🤤極大碟，一個人基本上食唔晒😆回頭率：👅👅👅性價比：👅👅👅👅👅打卡值：👅

係中環翻工，可能聽過鐵巷里，但唔知入面有間咁神隱既越南餐廳。 如果唔係呀妹介紹都唔知呢間抵食又好味。我多數係叫外賣的，今次都唔例外。 餐廳有星期一至五既日日唔同款式套餐，外賣自取仲可以-$5 星期一我就最鍾意食佢，因為有香茅豬扒春卷香茅豬扒春卷撈檬。 大大盒非常之飽肚 $58 - 5蚊自取仲送埋熱飲當然美中不足係外賣有時多單真係等好耐！ 今次算快，上網落定單半個鍾內有，有試過等左一個鍾... 趕時間既打工仔就要留意呢一點了！

因為天氣炎熱，跟同事中午想食啲濕濕地嘢，決定食湯粉麵，於是經過呢間越式店舖「越僑」就打算試吓啦！當時中午12:05已見到門外很多人等緊，等堂食及外賣的人都聚埋一齊，心諗…唔通呢間店啲嘢食好掂？定還是價錢好親民呢？好，就試吓啦，不過店內比較狹小，所以決定買外賣回公司吧！12:10 下單(只收現金😮)一碗越式牛肉扎肉湯河，我同事因為選擇唔到，佢就決定去附近的「太hing」買外賣了！過了10分鐘，同事來電通知話佢已經買好了，我叫佢等我一陣間啦，如是者又過了10分鐘，我碗河粉仲未得😳，便通知同事叫佢先回公司開餐，其間我已經同店員第一次催單，她表示處理緊……好……我再等……！又過咗多10分鐘，眼見有其他比我遲落單的人客都已經可以取餐，於是第二次向店員姐姐查詢及催單，她再次表示仍在處理中，what???🤬!!! 一碗湯河粉要處理30分鐘都仲未得?!?!望一望手錶，時間嚟到12:45😰，咁點呀姐姐！我打工仔，一個小時午餐時間，等你哋份外賣都等咗4份之3，情何以堪！同一時間同事來電關心情況並表示佢已經食完嘢又清潔完畢了，我唯有黑起塊面又再次催單啦……! 結果我12:55分終於攞到個餐了😤！箭步跑回公司

中環午飯時間一個鐘….係門口等左45分鐘…由 12:08 落單，只係買一碗河粉，結果12:45 先有，仲要係經過幾番催單，我後面啲人基本上已經黑晒面，有一位女士直頭踩入去廚房門口等😤！回到公司，剩10分鐘時間，要快啃！要本尊在街上等45分鐘的外賣(今日天氣34度，體感可能唔止)以為佢啲嘢食好掂啦，點知….. 唉😮‍💨！真心奉勸各位中環上班人仕，要考慮清楚要唔要再幫襯!!!!!!

今日嘅心情真係好興奮，同班老友一齊去中環食飯。一入餐廳，香料嘅香味即刻填滿咗空氣，可能因為連日嘅陰雨天氣，令我地更加肚餓，所以今餐尤其期待。我哋叫咗一份招牌菜「生牛肉河」同埋「豬扒雞翼紅飯」，睇住菜單上嘅描述，真係食嘢嘅慾望激增。上菜速度好快，可能因為我哋選咗比較早嘅用餐時間，所以餐廳入面都未有咁多客人。第一道上嚟嘅係「生牛肉河」，新鮮嘅牛肉片放喺熱辣辣嘅米粉上面，而牛肉表面仲裹住一層辣椒，色彩真係吸引。夾起一啖牛肉河，入口爽滑得嚟，牛肉嘅鮮味完全保留，配合微辣嘅辣椒，實在係令人胃口大開。跟住，「豬扒雞翼紅飯」都上齊啦，一盤香噴噴嘅紅飯配埋金黃酥脆嘅豬扒同雞翼，令人垂涎欲滴。先試咗一啖紅飯，帶著淡淡嘅香菇味，口感有啲彈牙，令我忍唔住多食咗一碗。然後試咗豬扒，脆皮之下露出多汁嘅豬肉，每一啖都令人贊不絕口。雞翼亦都入味，香嫩多汁，實在係超美味。諗起多年前，呢度係我同屋企人一齊食飯嘅地方。當時餐廳裝潢比較簡單，但佢哋嘅美味食物同親切服務一直係咁吸引客人嘅。而家嘅「越僑」裝潢更加現代化，但係依然保留住啲濃厚嘅家鄉氣氛。

要係中環揾中價錢嘅野食可能都算有好多，但平野就應該會難啲😥呢間位於中環小巷 (出名嘅雀屎街) 嘅平靚正越南菜就係其中一間~仲要係上班族嘅放飯勝地添呀！所以繁忙時間真係要等一段時間，咁啱小編今次嚟到個陣就係放飯時段，所以想食嘅朋友記得盡量揀啱時間呀🤣除左生牛肉河同秘製撈檬係招牌菜之外，小編見午飯時段都有好多人叫佢哋嘅碟頭飯食，唔知好無食呢😝不過都見到佢哋做好多外賣單，好似係再平啲，係附近返工都可試叫外賣！但必須溫馨提示一下，驚雀嘅人就唔推介嚟食，是關真係好多好多好多白鴿。。。J小編真係頂唔緊，不斷揾地方避，好煎熬😫所以再幫襯都係叫外賣算了，唔敢再去個條街🙁

食店位置喺一條橫巷，如果唔係喺呢區返工，其實好難會發現呢間小店，雖然地點唔係喺大街，但完全無影響佢既人氣，中午時間就會見到舖外有好多人等緊位，等外賣既人都好多(⁎⁍̴̛ᴗ⁍̴̛⁎)餐牌選擇都唔少，而且星期一至五都有唔同嘅精選菜式。本身我係PHO嘅粉絲，所以我就揀左個越南湯河。\ 🍜越式四牛湯河 ($58) /職員上菜嘅時候會跟埋一兜辣椒🌶️同青檸，可以自行選擇加唔加。碗PHO既份量好大，四牛🐮包括生牛肉、熟牛肉、牛柏葉同牛丸，配料仲有大大舊蘿蔔，熟牛肉似薄切牛腩，肉質軟腍有牛味，其餘三款就一般。至於湯底，可能本身我對越南河粉既要求比較高，我就覺得佢個湯底比較單調，同正宗PHO有出入🙈🙈當日見到對面嘅食客點咗乾炒牛河，好似好吸咁，而且食到一條都無剩，鐘意濃味嘅可以一試～😋環境黎講，座位比較迫，繁忙時間一定要搭檯，可能餐廳比較有歷史，所以衛生程度一般，但食品份量確實係多，價錢平，所以深受上班一族既喜愛。

中午一個人過咗嚟中環，想食越式餐廳，所以就過咗嚟，呢間餐廳一向抵食同受歡迎，所以就算一個人都要排一陣先入到座，佢店面比較細，坐得逼少少，不過佢價錢相宜，所以好合理，我叫咗豬頸肉湯檬同凍檸茶少甜豬頸肉同檬粉都好多，豬頸肉好香，而且好淋，檬粉好有口感，湯底好香，清得嚟好夠味，而且又好足嘅香料，仲有件好入味嘅蘿蔔，成碗都幾好食，凍檸茶就正常，茶底再濃啲就好啲，喺中環呢個地點，呢個價錢絕對抵食，一定會再幫襯

【中環鬧市的越南小店😊抵食】簡單介紹：今日去中環想食啲平靚正嘅嘢食發現呢間喺renew左既中環街市附近，有一間收埋喺後巷入面嘅越南小店，越僑以中環商業區呢個價位嚟講嘢食平靚正📸炸蝦餅配春捲撈檬 $60📸 生牛肉河 $53📸 健康油菜 $20💬點評餐廳人數唔多靜靜地慶幸冇去中環街市food court食嘢嗰邊好鬼嘈👅味道：4/5🌌環境：3/5👍🏻推薦：3.5/5如果大家覺得我review得ok，可以follow 我IG @hkdine360(📍中環) 越僑中環租庇利街鐵行里12號地下#hkdine360 #hkfood #hkfoodie #中環 #中環街市 #越僑 #性價比餐廳 #性價比 #中環餐廳 #美食 #中環美食 #foodiehk #吃貨 #餐廳推薦 #打卡 #打卡餐廳 #生牛肉河

正午要去中環中心附近辦些事情。11點半經過上址已經見到有食客，而且外賣order不絕。小小食店有點殘舊，但店員好招呼。第一次幫襯，我叫了乾炒牛河：真係好得，我尤其欣賞用幼河粉炒份量足而且夠曬鑊氣!

係一個平價既越南餐廳，lunch時間好多人，不斷餐廳電話不斷響，亦都有好多人外賣，外賣平台既order，所以堂食都係要等同埋搭枱，但好彩唔洗等好耐- 越式四牛湯河湯頭幾好飲，可以要辣椒檸檬，加左之後仲有少少酸酸既味道，更加好飲。而牛肉唔算好韌，雖然係有生牛肉，但因為啲湯好熱，所以生都變熟左。而牛筋都好大塊，好筋，而牛丸都好幾彈對於打工仔黎講呢間都抵，平平地，份量又足夠。餐廳稍為細，所以外賣拎走會更加好。

唔明點解咁多人食！！！！！！！！質素普通，外賣好早叫都等超耐，等左9個字係完全唔合理，以後唔會再食，大把越南菜好食過佢！而且餐廳好明顯漏咗單或者比人攞咗，追左好多次佢都話唔會漏，後過我嘅單都早過我好多攞，所以我懷疑佢係無幫我追過張單！！！！！！！！！！！佢啲外賣放哂係外面由得啲人自己攞，我見到有人攞錯單都無人理，我相信無辜嘅你可能都同樣有呢個經歷，所以真係無下次！！！！呢間嘢真係唔值得咁多人幫襯！

之前幫襯過幾次，份量大味道正常，都幾抵食。今次試招牌法式牛柳粒紅飯，見佢話係招牌 ，本身都有啲期望。牛柳粒超級多，但最弊係超咸😣😣加埋蔥油真係咸到苦😣唔知係師傅今日重手左定點…食完真係會腎虧🥲下次都係叫返湯粉算🥲