小曼谷泰國菜館

營業中

休息中

清明節假請前夕沒有北上大陸消費的打算 想說再留在香港消費，沒想到一進去坐下點餐就被帶有泰國口腔的點菜人員以非常不禮貌的態度對待 問了，幾個問題後就叫我不准再問問題就直接點餐 當我開始點餐時，他又說講慢一點太快寫不到 花錢買罪受 之前消費過幾次 東西並非特別好吃 純粹因為今天不需要排隊，所以才選擇用餐 沒想到受一肚子氣

如果想清腸胃，可以去幫襯下，我就第一次幫襯，已經好難忘。。。。估唔到咁多人排隊，以為冇死，實好穩陣。。。我諗應該係蝦沙律。。。有d腰果，有d菜。。。原本我冇乜興趣，所以我祇係吃了幾粒腰果就有料到。。。勁！一句講哂，下次咪搞

今日叫咗杯芒果沙冰，飲第一啖已經飲到一大啖根，本身以為係果肉嘅纖維。點知基本上每一啖，都飲到有”毛”，其他泰國餐廳就算有果肉纖維，都唔會係每一啖都有。頂唔順，諗住叫服務員換過其他飲品。點知佢哋話係果肉多根，換過同一杯都一樣。我再同佢講想換第二杯嘢飲，服務員不斷重複話唔得唔得，就轉身離去。服務態度差，但沒有理解顧客投訴，沒有嘗試理解自家餐廳飲品質素，反而不耐煩地反駁顧客。飲品質素更是劣。真係從來未試過飲一杯芒果沙冰，每一啖都飲到”毛”

好耐之前已經聽聞呢間小曼谷好抵食，今日係屯門上完堂就同朋友過去試個究竟🧐見到個餐牌真係啞咗，晚市嚟講抵到爛😨我哋叫咗四樣嘢share～👅細冬陰功湯 雖然係細但係都有三四碗😯配料蝦同菇都非常多👍菇類索湯，蝦就一般，湯既味道唔錯，非常推薦😋👅馬拉盞椰菜苗香口惹味唔會太辣，完全無出街食炒菜嘅油膩👍椰菜苗爽脆但唔會有唔夠熟嘅草青味，非常唔錯💯👅泰式炒金邊粉呢個就一般，冇乜酸味，雞肉都比較嚡😅👅泰式甜酸蝦份量幾多，但係個汁太稠蝦肉唔夠爽亦都唔彈牙😂環境就比較舊但尚算乾淨，其實呢個質素都已經好對得住個價錢，下次會再試其他嘢款式😙

打電話問下新年營業時間，順便問埋服務費。（咁啱見到有間魚蛋粉新年收三成服務費嘅新聞）阿姐：你唔識自己過嚟睇？我：我就係唔知先打嚟問阿姐：你冇去過茶樓啊？有冇都唔知，你想俾咪俾咯我：哇！你洗唔洗啊？都係答翻一句有定冇姐，你咁講嘢嘅最後阿姐cut我線我唔知個阿姐係果刻跳制，定係一直都咁冇禮貌。講真今時今刻，冇人要求你要將客人當上帝，但做人嘅基本禮儀都要有掛？仲要係新年期間，本身諗住同屋企人開開心心去食飯，依家真係有d燥，亦唔會去幫襯。知你地唔休做，再冇禮貌都好生意，冇所謂一兩個客。但有樣嘢叫積德，工作都係其次，為自己都唔好咁啦。

位於屯門小曼谷泰國菜館是一家以泰國菜為主題的餐廳，其炭燒豬頸肉飯是必吃小菜之一。😋午市豬頸肉飯可以搭配豉油汁、咖喱汁和香茅汁，還可以配搭秘製🌶️辣味豬頸肉醬汁，更加突出豐富的味道層次。😋😋🐖豬頸肉口感鮮嫩多汁，且帶有微微的炭燒香氣，非常美味。🌿配搭香茅汁清新香味與豬頸肉的油膩感相互平衡，使整道菜更加清爽可口。🥂另外還點了馬拉盞炒通菜，每次到這間餐廳都是我必點的菜式，他的調味醬料讓我感覺是正宗的泰國菜風味😋🥂小曼谷泰國菜館的侍應和廚師都是泰國人，泰國風味十足，價錢也十分大眾化，如果你喜歡泰國菜🥘絕對值得一試。

呢個泰國餐廳真係好味嘅！首先，蠔仔蛋餅好特別，有脆口嘅蠔仔同香軟嘅蛋，一口咬落去好滿足。係有驚喜～然後，生蝦真係去泰國餐廳必食之選。新鮮嘅生蝦配埋泰式調味料，咬落去鮮甜又爽口。蝦肉好彈牙，同埋微辣嘅醬汁好搭，帶出獨特嘅風味。泰式金邊粉亦都好吸引。佢有好多配料，包括新鮮嘅蔬菜、豆芽、豆腐同香料。軟綿嘅米粉加埋泰式醬汁，味道層次豐富，好好食。珍多冰係一個絕妙嘅飲品，用上泰國椰奶同各種水果，再加上珍珠粉，一碗色彩繽紛、口感豐富嘅冰品。每啖都有椰子香氣同水果嘅清新風味，好好味。最後，生菜包係一個健康同美味嘅選擇。脆生菜包住香噴噴嘅肉餡，加埋泰式醬汁同新鮮嘅香草，食落清爽又有層次。總括而言，呢次食泰國菜真係好滿足。每一道菜都有泰國菜嘅獨特風味同精湛烹飪技巧。不論係蠔仔蛋餅、生蝦、泰式金邊粉、珍多冰定係生菜包，每樣都好好味同令人驚喜。好推介俾鍾意泰國菜嘅食家試下！食左咁多野，每人都只是$130🙊

之前也聽聞間野好耐態度出名差，特別個幾個「阿姐」，有幾個特別冇禮貌。朋友試過夜晚等位比阿姐skip左叫左下一張（人數相同），走去同阿姐講，阿姐仲聲大夾惡話都比左人入law! 你等下一張la! 唔好望佢講返句sorry,仲鬧返客轉頭！ 我當日中午系附近做野，諗住同同事快食個lunch, 經過米入去食下。叫野食時d阿姐已經粗聲粗氣啦，好似欠左佢地咁，黑口黑面，d客仲有禮貌過佢哋。我哋只系menu問多幾句個阿姐竟然黑面仲走左去，我哋都呆左，自問一直保持禮貌，但個阿姐周圍發人脾氣，結果搵左另一個落單，後來見佢對其他客都系咁，反而d客仲唔該前唔該後，但d侍應一句多謝都冇。講返食物，我哋叫左雞肉炒飯，抄金邊粉，串燒，椰青，炒通菜。雞肉炒飯-好多油，食完有堆油系碟上浪下浪下炒金邊粉-正常串燒-雞肉好食，豬有陣豬so味兩個椰青-正常，只系斬一下插枝筒，唔會出事炒通菜-正常問野真係唔憂做咁ge款，唔好同我講 「收你咁平又唔加一講咩服務吖」，而家唔系冇服務咁簡單，系入嚟食要受人氣！有比錢架！又唔系真係平，飲品全部要散叫，平日都冇餐。講平其實附近食店都平，加上平同貴與否亦不該是消費者受氣理由。寧願行多幾步食

經過置樂經過泰國小曼谷 就求其叫咗個菜同芒果糯米飯，個炒菜普通，但係見到個芒果糯米飯O左嘴，雖然係平，但都不至於得一啖卦😞 之前食過都好似唔係咁差，但係而家真係越做越差，食物嘅水準又下降，份量亦都少得離譜

小曼谷泰國菜館@屯門位於屯門呢間性格比唔錯嘅泰菜，應該好多人都識架喇，價錢真係好親民，店舖內所有員工都係泰國人，但服務真係唔好太有要求🤣繁忙時段坐滿都會比較迫，大家就當好似大排檔feel咁🤣👍💥香燒牛柳肉HK$55牛柳肉雖然燒得比較乾身，但食落唔會好柴邊邊位有少少焦香，配上醬汁好食👍👍🏻 評分 : 7/ 10💥馬拉盞炒通菜HK$45剛炒起上枱熱辣辣，馬拉盞好香兼帶少少辣味好惹味👍🏻 評分 : 8/ 10💥 泰式炸蝦餅HK$47蝦餅普普通通，皮略有少少硬，蝦肉都好實好彈牙👍🏻 評分 : 6/ 10💥馬拉盞炒茄子煲HK$53呢個煲仔菜又係配個白飯就無得頂，超級惹味又香口，⚠️不過小心痴住茄子配料會有可能有啲乾蒜好硬。👍🏻 評分 : 7/ 10💥泰式炒粉絲HK$47普通普通，呢個粉絲其實係炒金邊粉既味道加配料，不甜甜地都幾好食👍🏻 評分 : 5/ 10💥椰汁黃咖喱雞HK$47 (跟一個白飯）咖哩汁略為有點稀，雞肉有雪味，薯仔有點硬，呢個真係好一般般。👍🏻 評分 : 4/ 10💥泰式燒豬頸肉HK$47燒得好香口，肉質好嫩，有焦香，都係配上醬汁好惹味👍🏻 評分 : 7/ 10💥香燒蒜蓉包HK$19

雖然呢間餐廳地點偏遠，但都無阻我地多次光顧呢一間泰國菜館，已經成為我地既泰菜飯堂，每次一諗起想食泰國菜，都會忍唔住過咗黎幫襯。今次叫左每次必叫生蝦，今次生蝦夠晒大隻，新鮮爽口，而且夠晒凍！炸蝦餅新鮮炸起，非常熱辣辣，食落外皮脆口，蝦膠爽口彈牙，值得encore!再黎既係燒牛仔骨，燒得夠入味又唔乾身，上枱已經切好晒一件件，食起黎非常方便。主食叫左個辣椒肉碎炒河，呢間泰菜既炒河真係非常有鑊氣，而家份量好多，飽肚抵食。

同朋友兩個中午去左呢間屯門隱世既泰國菜lunch由於呢間野好旺，平時都比較難食到，趁今日專程黎食就試多啲野。我地一去到，職員都比兩杯甜既凍茶，係炎熱嘅天氣真係透心涼！兩個人食左6樣野，分別係馬拉盞炒通菜，燒豬頸肉，冬陰功湯，海鮮粉絲沙律，炒金邊粉，同埋芒果黑糯米飯。馬拉盞通菜好香好正下次一定會再食，好耐冇食過咁有鑊氣既馬拉盞炒通菜。燒豬頸肉都好香燒既味道，一定唔係煎式烤焗出黎，配埋個醬更加野味冬陰功湯就不過不失，我自己就唔係好食得辣，所以都覺得好辣，個湯有好多菇同幾粒蝦，蝦就應該就係雪藏蝦，但39蚊一碗我都覺得係物超所值海鮮粉絲沙律對我黎講都係好辣但味道上都係好食，好吸引！原本我地想叫燒牛肉沙律，但原來燒牛肉沙律只有晚市先有炒金邊粉就係加單，都唔記得影相，但唔好食最後係芒果黑糯米，18蚊，一人份量，正

依間小曼谷一直都好出名，好多人都會揸車過嚟食，因為門口就有停車場，每次同老公食都可以每次黎都至少叫四五碟，因為性價比好高，價錢又平，但係啲嘢都好食😍每次嚟都會叫炸蝦餅同埋冬陰功，周不時會嗌炒海鮮，咖喱海鮮飯都好正，最重要係唔食得辣嘅，我都食到，除此之外，嘢飲嘅味道都好濃郁，芒果沙冰好好飲！🤭

生🦐真的很棒、一人食剛剛好。蝦很新鮮，泰式醬也很正宗，加蒜瓣吃下去好清爽，第一次吃完仲想來第二次。從沙田過來好遠，但不會後悔呀。豬頸肉火候稍差少少，不過價格平，總之都很推薦

💡蝦醬炒飯➡️呢個炒飯好特別，佢會煎隻蛋鋪鋪喺上面，令到識落冇咁單調。但略嫌有啲油，罪惡感極高。在最特別之處，佢係有臘腸係入邊，鍾意食臘腸嘅你又鍾意食蝦醬味呢個飯啱晒你👍🏻💡燒牛肉沙律➡️夠晒辣，不過小編唔係幾岩呢種辣，但如果鍾意食泰式酸辣鳳爪嘅話，食呢個都會好啱你口味。不過略嫌燒牛肉有啲"嚡"口💡肉碎生菜包➡️好可惜呢間泰式餐廳係冇得多酸小辣，但出黎感覺唔太突出。📍但呢間餐廳性價比好高，食物普通，但價錢便宜，相對其他泰國餐廳價格較低。另外，如果大家去食午市，餐廳係會送龍眼冰比你，解渴一流👍🏻👍🏻不過晚市就要自己叫一杯啦。(5🌟為滿分）環境：🌟🌟🌟🌟打卡：🌟🌟🌟🌟🌟味道：🌟🌟🌟🌟🌟價錢：🌟🌟🌟🌟再訪：🌟🌟🌟🌟🌟