御泰坊-泰越菜

營業中

休息中

餐廳裝修環境唔錯，坐得都幾舒服好適合放工同朋友或同事一齊聚餐餐廳服務員都幾Nice都好有禮貌大部份味道都算OK但係如果多人食嘅話呢就份量就唔算太夠要叫多幾份先得豬豬頸肉味道好香，加埋側邊啲汁好夾通菜馬拉盞通菜味道都好夠仲有得揀辣或者唔辣甜品味道尚可。正宗泰式椰汁糕甜品。泰式辣豬肉生菜包炭燒豬頸肉配辣椒汁赤、越小食拼盤有三種醬汁三隻醬汁同小食都好夾鮮蝦金柚子沙律味道食落唔會辣同埋食落去有啲小清新嘅舒服

今日有時間和一家人去食晚餐，去下觀塘apm行。行下行下去到食晚餐時間了，家人想試下這間便這間吧。相片可見，小朋友最鍾意的一定是小食串燒，都好好食。我自己便覺得豬肉串燒有一點硬，小朋友不一定食得到。我便鍾意個沙嗲醬，可以再要多d。菠蘿炒飯想不到是孩子鍾意的，原來不是個炒飯特別，而是孩子不停的食個菠蘿我都覺得炒貴刁不錯，如果可以多一些海鮮便可以更好了，份量是okay 的。今次的彩蛋是個風景。自從裕民坊成了香港人的集體回憶，景觀開揚很多了。。。

星期日與朋友到觀塘吃午飯，朋友介紹到這間御泰坊。我叫了一客菠蘿炒飯及咖哩薄餅。下單後食物很快便來到。菠蘿炒飯的賣相美觀，很有特色，而且非常好味。咖哩汁配上薄餅簡直是一絕，是最好的配搭，我吃過不停，離開後還在回味。

Lunch Set E: 炒金邊粉配軟殼蟹($90)我又唔記得走花生 ㅠㅠ唔夠鑊氣同埋食食下都有啲油勝在算係幾足料，軟殼蟹份量唔馬虎可接受啦調味容易入口，不過再濃味啲就更好🍳係我唔介意再食嘅金邊粉🤗南瓜忌廉湯配蝦🥣🎃成餐飯最滿意嘅品項😝幾creamy、濃郁雖然lunch set唔包嘢飲，但係飲呢碗湯都夠跟餐甜品椰汁糕 正常發揮～🍃✍🏻 老實講係冇咩記憶點嘅一餐，亦唔係特別好食，建議咁啱去商場而又唔想搵工廈嘅泰菜就嚟呢度⚠️ 10% service charge📍御泰坊💰: ●●●◐○環境、服務：●●●●○

今晚放工又尼到官塘APM商場揾食，很久未食過泰越菜，見到有間泰越餐館，於是就入去一嘗這間餐館的品味。蒜蓉炒通菜，可選擇馬拉盞或XO醬，配合不同人士的味蕾。綠悠悠的通菜不但有蒜香味，而且再加上少許蝦米，提升了這道菜的香味，又不覺油膩，十分好味。茘枝及煙鴨胸米紙卷 這道菜是冷盤，米紙卷十分煙韌，裏面包著茘枝、青瓜、煙鴨胸、炸蒜片、甘筍絲、檬粉和沙律菜，再加上微辣和酸的醬汁，有着甜、酸、咸、辣的味道，令我的味蕾百感交集，感覺特別，食落清清哋但又不覺寡，十分滋味。明爐烏頭烏頭魚在熱鍋裏沸騰着，湯料十足，有香茅、南薑、香芹、椰菜、木耳、草菰、肉丸和甘荀絲，香味撲鼻，魚質鮮甜，微酸的香味令我垂涎三尺，再加上微辣的醬油，令我胃口大開。

環境幾好幾舒服，普通員工服務態度還可以。相比真正泰菜之下，食物質素真係好一般。叫咗alaca menu冬蔭公湯同生菜包，冬蔭公湯味道過酸，只係飲咗幾啖同食咗蝦已經酸到飲唔到，以往都有食其他阿萊餐廳叫冬蔭公湯，我係會飲晒成碗湯唔留比朋友飲，但呢間真係酸到好大陣青檸味。$98生菜包肉粒上到枱係兒童size勁懷疑廚房係咪當tea set size咁岀Tea set冬蔭公炒河粉完全冇味粉碎到完全夾唔到結論係試一次就夠，服務態度真係ok既，但食品quality真係唔得，食泰餐我會岀返九龍城食，唔會再係到嘥錢。

高質平民泰國菜推介！發現APM有間坐得舒服啱哂一家人食飯嘅泰國餐廳🍴份量夠之餘又夠穫氣全部即整味道驚喜高質😍#鐵板蠔仔煎蛋 $118👉🏻唔會太油膩👉🏻蠔仔新鮮整體鬆化#泰式滷水豬手 $178👉🏻豬手入味肉質鮮嫩👉🏻調味啱啱好唔會太鹹而且仲有滷水豆腐同菜，送飯一流#香芒軟殼蟹米紙卷 $98👉🏻足料米紙又唔會太厚👉🏻軟殼蟹即炸超脆不油膩，配埋芒果好開胃#炸傳統越南春卷 $82👉🏻大大份皮唔會好厚配料充足👉🏻整體惹味十足

同朋友行開APM，咁就順路食埋個dinner，朋友想食東南亞菜，見唔洗等位，就揀咗呢間試。同朋友點咗三款菜式：泰式青木瓜沙律配炭燒豬肉正常甜甜酸酸嘅青木瓜沙律，炭燒豬肉偏乾身，肉質偏硬。農夫包配星洲咖喱軟殼蟹超多汁，超濃味，軟殼蟹嘅炸漿完整地吸晒d汁。香葉肉碎炒飯個飯比較油，少辣，味濃。整餐飯既野都偏濃味同鹹，食完之後，超口渴。環境方面，都舒服嘅，唔會坐到好逼咁，位與位之間都有充足嘅空間。服務方面，個人覺得麻麻地，點餐嘅時候，侍應表現得冇乜耐性，好似阻住佢收工咁。

明壚烏頭 $228烏頭大大條 有火佐熱住烏頭 魚肉鮮嫩 加上不同的泰國香料及調味 味道酸酸辣辣 湯連魚肉一齊吃 十分開胃 而且當日用HSBC信用卡有7折 十分抵食炭燒豬頸肉配辣椒汁 $88肉質軟嫰 有明顯炭燒味 十分美味 加上辣椒汁 味道更出色 更清爽馬拉盞海鮮炒粉絲 $118炒粉絲調味剛剛好 惹味有鑊氣 而且粉絲有炒開 海鮮亦有不少 有蝦仁 青口 魷魚 啖啖足料雞肉青咖哩 $98青咖哩香辣濃郁 有陣陣椰汁香味 雞肉肉質嫩滑泰越小食拼盤 $198掛住食飯 忘記了拍照 小食拼盤種類多 味道不錯 可以一次試到不同的小食 有串燒 雞翼 魚餅 春捲 食物味道同份量都不錯 當日大家飽到要打包部份食物 而且晚市不用排隊 可以直接有位 如果在觀塘想食泰國菜 不妨一試

▫️馬拉盞海鮮炒粉絲_$118  「粉絲有鑊氣而且炒得足夠鬆散，不過份量略少。蝦仁很大顆，稍為不夠鮮味。配菜和調味平衡剛剛好，惹味同時不會太辣。」 推薦：🧡🧡🧡🧡🧡🖤 ▫️燒印尼椰香雞_$158 「有廚師推介標誌的餸菜，竟然味道平平。雞肉肉眼可見的乾柴（連雞腿口感也偏柴），幸好椰香味充足。糯米飯很有儀式感地放在藤籃中，增添一點甜味或許會令米飯味道不至於這麼單調。」 推薦：🧡🧡🖤🖤🖤🖤 . 環境：🧡🧡🧡🧡🖤🖤 服務：🧡🧡🧡🧡🧡🖤 抵食：🧡🧡🖤🖤🖤🖤 . 🍽御泰坊 🚪未有IG帳號 📍觀塘觀塘道418號創紀之城五期(apm)4樓L4-1&2號舖 . 

性價一般般牛肉河粉，就係好普通嘅河粉，同正宗果啲泰式河粉差咁少少小食拼盤，我個人比較鐘意咖喱味果啲，其他就不過不失蝦餅，呢個唔錯，好香口炒茄子秋葵，味道唔錯，不過茄子有啲老，個人建議切咗皮先炒可能會好啲

下午茶時段叫左個 set D 湯粉，全餐廳只得幾枱客人，等了20分鐘食物還未到，開始追職員，追完回應完客人但並無跟進，其間叫過疑似經理幫手追單，但扮見我唔到，最有另一位經理跟進，才送上食物，隔離枱遲我分鐘入座，5分鐘已送食物上枱，服務非常差

星期一的晚上，沒有訂座的情況下，七點幾不用排隊，可直接入座。室內地方寬敞，環境舒服，座位之間的空間足夠。餐枱和餐牌都特別大。看了餐牌都有好多想食的，最後叫了以下食物：⭐️冬蔭功湯一入口覺得味道有層次，不會偏頗一種味道，夠均勻，好好飲。⭐️肉碎撈檬粉撈檬的甜酸醬汁刺激味蕾，口水分泌，好開胃，可惜肉碎質地淡同乾，檬粉過碎。⭐️明爐烏頭好大條烏頭，熱住食有另一番風味，魚肉嫩、鮮，配上泰式醬料，魚肉味更出眾。⭐️馬拉盞炒芥蘭馬拉盞唔夠味，稍微普通左啲。⭐️泰式滷水豬手賣相好吸引，可惜唔夠入味，沒有泰式風味。當日叫了五款菜式只上了兩款，漏單嚴重，整體還是滿意的，因為味道搭夠。

星期六與姊妹到APM行街，即興入御泰坊吃午餐， 其實之前都有食過， 餐廳主打泰越菜， 我們坐在窗邊位置雖然有少少熱，但自然光滲入都幾舒適。午餐🥢 ～ 泰式鮮蝦金邊粉$92、 泰越小食拼盤$198、 綠寶寶$64、白雪山$64、 柑橘梳打$38、 椰汁紅豆冰$38。 ▫️泰式鮮蝦金邊粉🍝 ～ 炒得夠乾身，但味道唔夠酸，亦都唔夠甜。 ▫️泰越小食拼盤🍱 ～ 有串燒、雞翼、魚餅和春捲， 整體味道正常，但如果有炸蝦餅就更加好。 ▫️綠寶寶🫓 ～ 麵包布甸熱辣辣的，但口感帶點實。 ▫️白雪山🍧 ～ 梳乎厘裏面有雪糕， 但味道普通。▫️柑橘梳打🍹 ～ 酸酸甜甜，好解渴。 ▫️椰汁紅豆冰🥤 ～ 椰汁味好濃郁，紅豆又夠腍，味道不錯。 整體食物中規中矩， 但店員服務親切，店內環境舒適。 🏷️溫馨提示～ 整個用餐體驗均屬個人分享意見， 只作參考😊。

星期日去觀塘apm好多人， 3點鐘見此店仲有位（5成滿）試下泰越菜， 服務都ok, 有禮。2人點了越式燴牛尾 $158。5分沒有特別， 越南風味？ 只覺茄汁紅酒feel.牛尾雪藏， 沒有牛味， 份量都算足。有3大舊， 7小舊。份量對得起價錢， 只是沒有特別。泰式鮮蝦金邊粉 $92.。 4.5分炒得好hea 金邊粉， 又唔係新鮮蝦。 炸蝦餅配酸籽梅汁 $88。6分普通蝦餅， 肉質較實。可以接受酸籽梅汁🧐? 只是酸甜醬。總評。食物 5.5分 （合格， 好一般質素）價錢 5分 。（以食物質素而言， 頗貴， 不值）環境ok, 光猛， 坐位舒服。 6.5分服務。6.5分