今日放假，終於可以同朋友去下觀塘海濱長廊放鬆下。 沿途見到一個貨櫃箱見佢有落地玻璃，就行過去睇吓。 原來係一間西餐廳，行到有啲攰同餓，就即刻坐低叫個下午茶餐嘆吓，看下海景，順便食吓嘢。 炸甜番薯條 用番薯整嘅薯條，比較少餐廳有得叫。 佢同平時出面食到嘅薯條外型唔同，切到比較長同幼細。份量好多好足料，炸到外脆內軟。再配埋茄汁醬，簡直係Perfect match。 香辣棒棒雞 炸到外殼金黃鬆脆，再加埋調左味少少辣嘅雞肉。有雞肉食之餘，亦都有香脆嘅口感。雞肉亦很嫩滑。 香腸拼盤 炸過嘅香腸、呈金黃色外皮吹口肉質鮮嫩好友湧茗仲有幾款香腸嘅味道，唔會食嚴陣味 鮮榨果汁（新推出） 店主推介新產品，羽衣甘藍+菠蘿汁+蕃石榴+蘋果。 最新鮮嘅配搭，防癌降肝火，清熱解毒。 啱晒而家我哋食完炸嘢後降火飲用。 特濃咖啡 份量太少。奶泡上面沒有拉花，有點失望。 希望可以改進。

海之戀Odelice，店員服務親切，每道菜各有特色，水準很高，上菜節奏剛好。 前菜： 紅點三文魚他他 $145 食材新鮮以及味道清新，內含牛油果，香橙，青瓜，酸豆，油醋汁，每樣食材味道很均勻，很開胃。 第一主菜： 牛脊肉配法國鴨肝 $328 香煎法國鴨肝，口感軟滑溜口，鴨肝味香濃 配新西蘭牛脊肉， 要求了七成熟，口感唔硬，有香濃牛味。配薯蓉及黑松露醬汁。 第二主菜：香橙烤豬腩 $218 必點！豬腩肉軟熟，調味剛好，不會過鹹， 個豬皮意外地超級脆！！好驚喜。加上香橙汁，所以味道很清新，腩肉下邊放着燴熟的羽衣甘藍和薯蓉，配搭會覺得漏！ 甜品： 士多啤梨提拉米蘇$78 這是另一驚喜，酒味輕，大人細路都啱食，香濃的士多啤梨味，內有蛋糕，很鬆軟，唔漏。兩個人分享剛好，不多不少。 飲品選了鮮榨果汁：蘋果+青瓜+西芹汁$42， 保證絕無加水或加糖，好健康又清新！ 另外點了健康花茶- Detox $45，混合留蘭香薄荷， 达送香，百里香， 金珴草和 藩公英， 全採用法國有機田園的優質植物、花卉和乾果。所以除了味道清新，飲得安心放心。 兩人消費一共$942， 食物質數很高，飲品價錢亦很相宜，很值得推介。

五六年前小公主還是細細個的時候，每次出街一定喊着要杯鮮榨橙汁。後來不知什麼原因口味變了，不再嚷着要鮮榨果汁，小編也因此飲少了很多，一年也沒有兩三次。 今日專程去這個新商場（其實開幕已經超過一年）了解一下，一入去經過幾間舖後，就見到這間「左溝右溝果汁店」。名字特別，即時引起小編要飲一杯鮮榨果汁的衝動。鋪面細細間，但比起旺角銅鑼灣街頭的果汁小店來得明亮整齊。兩大組雪櫃內整齊擺放了多款水果，有效吸引客人目光。除了最基本的鮮榨果汁之外，還有果奶系列及排毒果汁。為了遷就小公主口味，揀了最正常的鮮榨果汁，分大 / 細杯及樽裝。共有18款水果可供選擇，揀了菠蘿拼鮮橙。雙拼果汁(細)（$20）。鮮榨果汁，好難唔好飲。鮮橙夠甜，加上菠蘿的熱帶水果香氣，兩者味道非常協調。只嫌水果雪藏得未夠凍，同埋只得一個員工兼老闆，多幾個客人排隊就要等得比較長時間。

次次經過砵蘭街都見呢間餐廳排哂場龍🥺仲要成條街咁多餐廳，唯獨呢間勁多人排隊🤩今日唔趕時間就排埋一份，終於有幸嚟到呢間熱門餐廳食野啦😌😌 🥢螺片鮮雞魚腩龍蝦湯泡飯 $68 馬上就嚟試吓佢哋嘅招牌龍蝦湯泡飯😚龍蝦湯色水會同想像中有啲唔同😛老闆解釋佢哋係完全真材實料，拒絕色素拒絕味精😌所以飲落啖啖龍蝦鮮味唔油膩👍🏻雞件量多又夠嫩滑😋連同螺片鯇魚腩同場爭艷鬥麗🤤白飯另上，可以按個人喜好調節軟硬度進食泡飯💕 🥢鮑魚花膠蟲草花雞煲翅 $128 半邊黃油雞大件夾抵食🥺連埋蟲草花煲成起膠雞湯煲👍🏻價錢親民得來仲可以食到鮑魚同埋滋潤花膠☺️心靈滿足之餘仲大大滿足咗胃口🤤我自己就覺得整體份量太多啦😝可以考慮兩個人分享一個升級套餐，例如試埋雞湯泡飯，又係另一番滋味😆😜 🥢墨魚手指配魚腐 $32 等緊上菜嘅時候，為食嘅我哋都要冒着食唔晒嘅風險🤣嗌多個小食大快朵頤一下😆手打墨魚滑經過脆炸之後十分香口👍🏻如果點埋甜酸醬就似乎微微中和返個香酥油膩感覺😋 🥂熱情果梳打、🥂石榴梳打 +$12@1 夏日炎炎最好就係嘆番杯精選特飲😌村爺爺最近就推出咗全新嘅夏日特飲俾大家品嚐😍😍一嚟就俾大大杯清爽飲品震懾😙入面已經裝好鮮榨果汁😗加入埋全新玻璃樽裝嘅雪碧汽水，儀式感十足之餘😜見到都想大啖大啖飲落去啊🤩

難得同喺尖沙咀做嘢嘅朋友見面 梗係要搵間坐得舒服又好食嘅餐廳 喺朋友推介之下 就第一次嚟到呢度試吓 估唔到幾高質🤣 . $368 Bouillabaisse 好豐富嘅海鮮拼盤 有大大隻龍蝦, 青口, 魷魚, 蜆肉 好有法式菜嘅味道 10分鮮味🥳 . $165 Charcuterie Platter 好開胃嘅前菜 有幾款唔同種類嘅火腿 配埋酸青瓜同麵包食真係好夾🤩 . $195 Duck Confit 松露蜜法國油封鴨腿 鴨皮脆得嚟肉質十分嫩滑！😍 本身怕會有啲肥膩， 但配菜有酸酸甜甜嘅肉桂蘋果， 一齊食幾夾之餘仲中和咗油膩感❤️ . $88 Crêpe Suzette 火焰橙酒可麗餅 首先賣相一流嘅可麗餅🤤 份量超大超滿足！ 餅底煙韌得嚟唔會乾身， 配上雪糕同燈酒有酸酸甜甜嘅感覺， 食完都唔怕太濟！ . $42 Beetroot, Apple, Carrot Smoothie 鮮榨果汁- 蘋果、紅菜頭、紅蘿蔔 韓國勁興嘅ABC juice， 健康得嚟又開胃， 甜甜地好岩一路食嘢一路飲 . $45 Coconut, Mango, Passion Smoothie 好新鮮嘅果汁主要以芒果味為主 同朋友一路飲嘢一路傾偈真係好正 . 喺度食嘢傾偈都唔捨得走🤓 下次想同朋友吹水嘅話 都會繼續選擇嚟呢間餐廳🥳

呢間係k11 art mall 裏面專以水果茶為主嘅茶飲店，除咗新鮮嘅水果茶之外仲有佢地自家製嘅鮮奶酪同雪糕😍店舖旁邊仲有小量嘅堂食位可以坐低慢慢享受😎 ❣️台灣愛文芒果沙冰 $48 呢杯超驚喜！大力推薦大家一定要飲！以前一直飲開嘅芒果沙冰都會好明顯會飲到加左糖漿嘅個種甜度，但呢間 嘅唔會，飲落去係真係好明顯係芒果嘅清甜(叫咗7分糖)！芒果嘅味好新鮮，熟度剛好！沙冰嘅口感唔會好強勁但又會做到沙冰嘅感覺 讚🤩底部仲有蒟蒻同飲到嘅芒果粒，增加口感🥰 ❣️繽紛水果茶 $38 拎上手已經見到裏面放咗唔同嘅水果係到，飲落嘅感覺似係用鮮榨果汁，因為每一淡都好原汁原味🤤最特別嘅係有時飲到西柚味，有時係橙汁味，又有時係百香果味😆飲到底時發現原來都放咗幾多水果，有百香果、一大片菠蘿🍍、橙、蘋果同芒果😍果然係好繽紛😆 ❣️厚珍奶鮮奶酪 $28 店舖選用咗特A級鮮奶製作，再淋上手工醬同珍珠，呢個甜品就大功告成！每一淡食到煎茶嘅香味(唔知係米錯覺🤣)之後就食到好香嘅奶茶味，珍珠喺偏透明嘅珍珠，煙煙韌韌好有咬口🥰底部奶酪清淡嘅奶味好正，超中意🤤 ❣️芋見泥新地 $28 先要讚一讚佢地嘅雪糕🍦同一般嘅好唔同，因為佢地嘅雪糕係加左花奶去整，味道更鮮更正！加上芋泥唔會好甜同雪糕好夾😋不過若然底部嘅芋圓可以再煮淋啲就更完美啦！😆

呢間小店位於文咸東街和孖沙街的交界，店舖放滿了生果，有賣生果杯和鮮榨果汁，平日都多人幫襯。有時早餐食得飽飽地，中午飯時間會買簡單小吃，水果杯是一個健康的選擇！ 水果杯分了兩種： 1）淨一種水果 2）雜果 因為有選擇困難症的關係，通常會揀雜果杯，而且顏色豐富，較健康。 雜果杯$16 包括9-10款水果，每次有少少分別，今次買有蘋果、梨、紅肉火龍果、普通火龍果、奇異果、西瓜、番石榴、芒果和哈密瓜。 每款水果都好甜，好好味😋

去咗朝聖啦🍓🤤 鰂魚涌太古坊最近有咗間韓國 No.1 果汁店 JUICY，即刻去試吓先 用新鮮生果即製果汁，味道鮮甜，賣相好都好靚啊 其中推介菠蘿橙汁🍊幫助消化，感覺較健康橙 味道酸酸甜甜，醒神開胃，即刻可以嗌多兩份炸雞食啊 除咗有多款新鮮果汁之外，仲有奶昔、奶茶同咖啡等等 唔少得有招牌韓式一口雞雜錦炸物拼盤🍗 韓式一口雞香脆多汁，一口雞外脆內嫩 一啖咬落去好juicy啊，配上蜜糖芥末醬，簡直係Perfect match，食唔停口啊！🤤 除咗有一口炸雞粒之外，仲有薯條、洋蔥圈、炸雞柳、滿足晒我咁多願望🤤

呢間以飲料為打主嘅小店，飲品種類繁多，咖啡、奶昔、乳酪、果汁、茶都有‼️仲有小食揀，買嚟當下午茶都幾唔錯☺️依家仲有Sica 應援😍 ❣️牛油果香蕉奶昔(M) $42 兩種味道唔會特別邊隻特出啲，味道好夾😋而且飲得出係真材實料🤩，就算唔太中意牛油果都接受到呢隻味👍🏼中意奶昔嘅朋友值得一試🤤 ❣️芒果草莓汁 $38 味道好濃郁🤩酸酸地嘅草莓加上甜甜地嘅芒果 味道超夾😆啖啖都係鮮榨果汁嘅味道，落足料👍🏼必試‼️ ❣️Juicy Mega Combo $58 裏面有雞柳、單骨雞翼、雞軟骨、雞球，相當豐富😋全部即叫即炸，熱辣辣又脆卜卜🤤單骨雞翼食用方便又嫩，雞軟骨大大粒，雞球有肉汁唔老，雞柳都好嫩🤤仲可以點番茄醬或者芥末醬食 更惹味👍🏼 ❣️Juicy lunch $48 Lunch set係揀一款主食(雞翼/雞柳/一口雞)+薯條同飲品，我就揀左雞柳，有4大條，內質鮮嫩👍🏼薯條冇落鹽，薯仔味濃，可以點番茄醬或者芥末醬食會更美味😋

一直都有幫襯依間健康果汁小舖～最近又出左新產品我好鍾意 依杯果汁叫做天空之城， 由日本抹茶， 芒果 ，香蕉同埋牛奶混製而成。 味道出奇地夾。 芒果同香蕉味唔算特別出眾， 散發著少少嘅甜味， 啱啱好中和咗抹茶粉嘅苦澀味， 配埋牛奶成杯果汁入口好順滑， 值得一試。

約左個朋友食野，大家都未食飯都好想食甜品，見到附近有間新開既小店叫溏水吧，望下餐牌除左有糖水同甜品食之外仲有鹹食！諗都唔使諗就決定食呢間啦！ 餐廳有套餐供應，我地叫左個石鍋飯同埋個麵餐！ 麵餐我地揀左芝士雞翼餃子，個芝士汁幾濃幾香，個麵既炸醬好夠味，撈埋個麵一齊食都幾好味！ 另外我地叫左雞翼石頭鍋飯，熱辣辣，撈埋個韓式辣醬食，食完個人暖笠笠 驚喜既地方係套餐既餐飲竟然係鮮榨果汁，我地叫左杯哈密瓜汁同埋西瓜汁，原汁原味，真係鮮果榨出黎！ 甜品我地叫左雜果紫米露加椰果、芒果糯米糍同埋香蕉船！ 芒果糯米糍皮薄餡靚，每芒果都幾甜！ 香蕉船賣相已經夠吸引，最正嘅地方係佢哋嘅雪糕係用Movenpick！而且價錢唔貴！ 整體黎講性價比高

IKEA 📍九龍灣Mega Box IKEA cafe shop🤝 又來食平民美食🤣 黑毛豬火腿無花果火箭菜沙律🥗$39 ⭐️⭐️⭐️⭐️⭐️/5 CP值超高，足料又大碟 😂講真有時出街食仲平過自己整 呢盤沙律有黑毛豬火腿、新鮮無花果、 生菜、沙律菜、火箭菜 & 麵包碎。 瑞典肉丸5粒 $13 ⭐️⭐️⭐️/5 記得好耐之前食係$10 5粒跟薯蓉 太耐無來食，原來加價到$13 但都係好抵食😬 香辣雞槌 3隻 $13 ⭐️⭐️/5 呢個麻麻地😂都係鍾意食M記脆香雞翼多D 鮮榨果汁（番石榴+梨）$13 ⭐️⭐️⭐️⭐️⭐️/5 呢個好味又唔會太甜， 鮮榨果汁感覺上健康D

喺元朗Pet friendly Cafe唔算多，呢間可以比狗狗坐室外位置，室外都有遮陰，落雨都吾怕😆 食物價格合理，選擇多元化， 十分推介🤩 - 焦糖洋蔥野菌芝士酸種包 ($78) 幾種餡料夾埋味道好match，尤其係煮到好淋既洋蔥，好香甜！半拉絲既芝士配埋野菌，好juicy!伴菜有薯條，啖啖薯蓉，新鮮脆口！😋 - 烤大啡菇安格斯牛肉漢堡包 ($110) 牛肉漢堡扒好厚好有份量！肉質好juicy亦有牛肉香味， 配料有蕃茄芝士，口感豐富🤤 除左大啡菇，仲有另一款鵝肝漢堡選擇架！ - 熱泡沫咖啡 ($35) 咖啡比一般cafe價格相宜，平時至少$45-50😕 吾怪得見到好多人都會過嚟買外賣咖啡！ - Kale mix ($55) 鮮榨果汁有羽衣甘藍，青蘋果同青瓜，清新既配搭，吾岩咖啡類既都有其他選擇😆

突發同朋友係又一城見面， 朋友話食呢間，橫掂未食過就去啦。 原來以為都唔平，一睇價錢相宜！ 叫左pizza, 意粉同雞翼。 迷迭香洋蔥肉丸pizza 本身覺得應該細細地，點知一嚟到係三人嘅份量。味道都幾好食，好似Ikea 肉丸🤣🤣 水牛城雞翼 個醬偏辣，但係就真係好食！ 軟殼蟹意粉 個軟殼蟹唔油好食，意粉就正常野啦！ 其實我最驚喜係佢有鮮榨果汁， 仲要係幾隻生果溝埋都係30幾蚊一杯， 即刻覺得健康咗！ 環境就都幾舒服喺溜冰場隔離， 有時如果有人玩曲棍，就會聽到人大嗌😂😂😂 整體來講幾好！ 最後埋單每人$175 都好平！

今晚到了the one食odelice! 之前有去過其他分店，尖沙咀這家位於商場內，非常方便，玻璃窗可一覧附近景色，環境闊落幽靜，適合慢活的一晚。❤️ 特式主廚拼盤 特意配上紅酒🍷中和口感，跟芝士搭配得宜，不過濃不過酸。😘 法國Reblochon牛奶軟芝士帶獨特香氣，口感較柔軟幼細富奶香，Comte芝士奶味濃郁帶堅果味，容易入口。Parma ham跟salami加上適量芝士，帶出肉脂香味，酸種麵包烤至香脆，加上橄欖🫒更有風味。😋 法國油封鴨腿蕎麥薄餅 蕎麥薄餅厚實帶香味，飽肚感十足，鴨腿肉拆肉放在中間，把蛋黃汁打散，配上芝士，沙沙醬和沙律菜，一口咬住整塊薄餅，健康得來層次豐富。🥰 低溫慢煮伊利比亞黑毛豬柳 黑毛豬柳油脂分布豐富，口感較為軟淋，油香感十足，紅石榴酸甜開胃配上牛油香氣薯蓉，棉滑細膩，炒香菇類更惹味。😙 巴斯克蛋糕 擺盤十分漂亮，將外側烤至焦香的芝士蛋糕，添加了一種特別的風味，配上酸甜的士多啤梨醬汁，味道更有層次。😉 紅菜頭甘荀蘋果汁 鮮榨果汁，顏色鮮艷，味道平均清爽，亦能同時味嘗到三種材料的味道，十分健康。😊 不得不說分店的風格各有不同，食物質素有保證，會繼續支持😝