試試燒洒一族酒醉系列 好適合返屋企加餸 一開食得超方便 佢哋都幾多分店（馬鞍山/藍田/大圍/南昌/樂富/大埔）都有分店 仲出左麻辣新品 簡單記錄下
.
佢地花雕酒醉系列有好多款 每款都十分入味 充滿酒香
當中 最鐘意 ⭐️薰蹄$45
👍🏻薰蹄外皮煙韌保持爽彈 必食
⭐️溏心蛋$30
👍🏻溏心蛋 蛋黃濃稠 大概8成熟 仲有小小溏心feel
⭐️豬手粒$45
👍🏻比較大罐 豬皮同樣做到爽彈
而最重要係佢地嘅花雕汁 有少少杞子
😋酒香濃郁 唔會太重藥材味 甜度適中唔錯
.
買來擺喺雪櫃做零食或者加餸都唔錯
望番樽底 食用期限 大概可以擺半個月至一個月
.
#hkfunfoodrecord窮遊香港
#hkfunfoodrecord_藍田
.
#燒洒一族 (啟田商場) (藍田)
地址：藍田啟田道50號啟田商場地下啟田市場
.
⭐️評分：
味道：4/5
環境：-/5
服務：-/5
抵食：3.5/5
.

.
#飲食 #美食 #優惠 #抵食 #hk #food #foodphotography #foodstagram #hkfood #hkfoodie #foodiehk #hkfoodblogger #hkblogger #hkfoodies #香港美食 #食評
#香港旅遊 #藍田 #藍田美食 #藍田必食 #週末好去處 #將軍澳美食 #叉燒 #燒味 #沙田美食

想起都有一兩年沒去了，就想想試下吧（平常到啟田商場那邊多）。五點多去到，見人不多（坐了四分一到三分一左右吧，點了三個下午茶，結果等了差不多半小時，收銀一直sell人買蛋糕，都冇理我等到變化石，門口入去個位仲有陣怪異氣味。而且回家後發現有一個餐是錯的（雞扒焗什麼變了肉醬意粉，怪自己等這麼久沒看清楚），味道就是一般餐廳的水準，肉醬意粉的意粉是帶辣味的，如果怕辣既朋友唔好叫，雞髀還好，薯條本身外賣就冇寄望過會脆（事實比我理像中好，起碼唔係勁林過種程度）反正我不會再幫襯了。

一葉小厨是朋友買外賣俾我時先知佢個名, 雖然巳忘記食咗咩嘢, 但記得佢既蔥好新鮮, 放咗响外賣盒咁耐都咁脆. 📍今天得閒逛咗去藍田啟田商場, 突然見到一葉, 橫掂肚餓, 所以毫不猶豫就走咗入去醫肚. 📍餐廳嘅環境一般, 格局有啲似快餐店, 當然喺比較高級嗰啲. 窗邊既坐位好光亮. 見到菜牌多數賣台灣菜, 好多野想食喎. 最後叫咗嗰三杯雞砂鍋同香菇肉燥飯 📍個餸外型好有色彩, 有紅有綠, 好多紅蔥頭, 蒜頭同蔥, 送嚟時九層塔既香味好濃, 啲雞肉炒到乾身, 但啲肉仍然好嫩唔柴好有鑊氣. 肉燥飯嘅肉燥量就比較少, 都好餸飯 好食 ❤️❤️❤️🖤🖤 抵食 ❤️❤️❤️🖤🖤

潮龍園 港式粉麵店～抵食又大份～ 主打牛雜、手打丸類同自家製雲吞♥️ 一碗粉麵大約$30～雙併都係+$8 ～ 份量超足～好抵食～仲要開到勁夜🤭 收工搵食好去處🫶🏻 。柱候牛腩拼潮式扎肉河粉 $32 雙併+$8 牛腩超多件😍仲要係肥瘦均勻 潮式扎肉口感紮實～ 粉面湯底落咗牛腩汁～ 河粉吸收左湯底精華認真唔錯👍🏻 。鮮蝦雲吞拼魚丸幼麵 $28 雙併+$8 喺現場見到店員即場包餃子同雲吞 當然要試試～鮮蝦雲吞大大粒好足料 自家製魚蛋～入口彈牙😁 。菜心 $10 。凍奶茶$14 📍藍田啟田道50號啟田商場地下1081號舖

【觀塘區】【家啡館】我有壓力，被人 WhatsApp 同我講話我做得少觀塘區，我自己都知，但係做過就知咩叫「顧此失彼」，要盡量照顧到大家嘅需要真係好難。不過都慶幸我尚算律己以嚴，都算喺呢個界別裡面已經係勤力周圍走嘅其中一個。

講到觀塘，最近有印象食嘅已經係去到瑞和街街市嘅九鼎百味，真係幾好食。而講到耐冇食，藍田就真係耐，上次係同朋友食木兆小品，真係超耐。之後就食咗一次呢間，但係呢間我唔太想食一次就寫，所以我係食咗兩次。

第一次係食「英式全餐」，個餐係有丹麥酥、漢堡扒、火腿、腸仔、炒蛋、茄汁豆，我只能夠講佢就真係茶餐廳風味，就係好平庸嘅質素，真係冇咩特別好講，配埋「熱奶茶」先 $42 我又唔可能挑剔到啲乜，所以就係咁。

大家睇完上一段就明白點解我堅持要食多一次先寫，喂，真係冇嘢寫吖嘛，我嘅寫作技巧未高超到普通貨色都寫到好好食吖嘛。除非好似某啲 foodie 咁，篇篇都收錢，咁就水晶膠加雙氧水都識得大嗌「好 好 味 呀 ！」啦。

咁第二次我就叫其他嘢，一不做二不休整返個「皇牌精選扒餐」，點知到叫嘢嗰時先知冇羊架，諗住試個牛柳，但又唔想要晒兩件，想試多啲嘢嘛。咁就唯有叫「皇牌牛柳拼鴛鴦腸」，咁嗰兩條腸都唔差，仲有一條係香草腸。

件牛柳同啲薯條就 Okay 啦，只係 okay 咁囉，以茶記扒嚟講唔算差，鐵板上所以五成熟都得。餐湯「羅宋湯」都係茶記風味，反而個餐包夠晒熱，幾好。加 $3 飲「凍咖啡」，我覺得唔差嘅，咁樣夾埋 $91 只係合理囉。。。

（地址：觀塘藍田啟田商場2樓207號舖）

藍田啟田海港酒家 • 出色街坊小菜 咕嚕肉•櫻花蝦粉絲煲•泰式炸蝦餅 📍海港酒家 𝑽𝒊𝒄𝒕𝒐𝒓𝒊𝒂 𝑯𝒂𝒓𝒃𝒐𝒖𝒓 𝑹𝒆𝒔𝒕𝒂𝒖𝒓𝒂𝒏𝒕 🧭藍田啟田道50號啟田商場3樓301號舖 💰人均消費: HKD195 平時係度都係食套餐，今日心血來潮散點試下！ 💯新鮮菠蘿咕嚕肉 $118 𝑺𝒘𝒆𝒆𝒕 𝒂𝒏𝒅 𝑺𝒐𝒖𝒓 𝑷𝒐𝒓𝒌 𝒘𝒊𝒕𝒉 𝑷𝒊𝒏𝒆𝒂𝒑𝒑𝒍𝒆 咕嚕肉堅得！肉炸得勁香脆，個咕嚕汁做得剛剛好，唔太酸太甜，色澤又靚！好耐無得過咁出色嘅咕嚕肉！ 💯櫻花蝦椰菜粉絲煲 $98 𝑭𝒓𝒊𝒆𝒅 𝑽𝒆𝒓𝒎𝒊𝒄𝒆𝒍𝒍𝒊 𝒘𝒊𝒕𝒉 𝑺𝒆𝒓𝒈𝒆𝒔𝒕𝒊𝒅 𝑺𝒉𝒓𝒊𝒎𝒑𝒔 賣相比我想像中靚！火喉十足，粉絲超級乾身惹味，加上椰菜絲增加口感，而有櫻花蝦更加香口 ⭐️馬友魚香海鮮豆腐煲 $138 𝑺𝒆𝒂𝒇𝒐𝒐𝒅 𝑻𝒐𝒇𝒖 𝑷𝒐𝒕 𝒊𝒏 𝑻𝒉𝒓𝒆𝒂𝒅𝒇𝒊𝒏 𝑺𝒂𝒖𝒄𝒆 上枱的確幾香，馬友香唔係好濃，海鮮有帶子、魷魚，豆腐吸晒啲汁，好正！ ⭐️海港小炒皇 $98 𝑺𝒕𝒊𝒓𝒓𝒆𝒅 𝑭𝒓𝒊𝒆𝒅 𝑪𝒉𝒊𝒗𝒆𝒔 𝒂𝒏𝒅 𝑫𝒓𝒊𝒆𝒅 𝑺𝒉𝒓𝒊𝒎𝒑𝒔 飲酒最好就叫小炒皇！好味！好多蝦、腰果同油炸鬼！如果多啲菜脯仲正！ 💯泰式炸蝦餅 $98 𝑻𝒉𝒂𝒊 𝑫𝒆𝒆𝒑 𝑭𝒓𝒊𝒆𝒅 𝑺𝒉𝒓𝒊𝒎𝒑 𝑪𝒂𝒌𝒆 六件大大件炸蝦餅！ 熱辣辣勁香口惹味！ 咬落好彈牙，又啱晒送酒！ ⭐️招牌燒鵝皇 $238 𝑺𝒊𝒈𝒏𝒂𝒕𝒖𝒓𝒆 𝑹𝒐𝒂𝒔𝒕𝒆𝒅 𝑮𝒐𝒐𝒔𝒆 燒鵝有少少超出預期嘅！個皮燒得好香，鵝一啲都唔好肥，肉質仲要香嫩，幾好幾好 ⭐️燒汁牛柳粒 $158 𝑫𝒊𝒄𝒆𝒅 𝑩𝒆𝒆𝒇 𝑻𝒆𝒏𝒅𝒆𝒓𝒍𝒐𝒊𝒏 𝒊𝒏 𝑩𝒓𝒐𝒘𝒏 𝑺𝒂𝒖𝒄𝒆 牛柳汁好嫩好香，咬落有滿滿嘅牛肉香係口！啲椒同洋蔥都好好味！ ⭐️黑椒牛仔骨煲 $128 𝑺𝒉𝒐𝒓𝒕 𝑹𝒊𝒃𝒔 𝒊𝒏 𝑩𝒍𝒂𝒄𝒌 𝑷𝒆𝒑𝒑𝒆𝒓 𝑺𝒂𝒖𝒄𝒆 牛仔骨上枱好香，肉質都算香嫩，但入口略嫌唔夠黑椒香！ 🆗薑蔥焗美國桶蠔煲 $198 𝑼𝑺 𝑶𝒚𝒔𝒕𝒆𝒓𝒔 𝒘𝒊𝒕𝒉 𝑮𝒊𝒏𝒈𝒆𝒓 𝒂𝒏𝒅 𝑺𝒄𝒂𝒍𝒍𝒊𝒐𝒏 大大隻美國桶蠔！拉油做得唔錯，個汁都可以，可惜生蠔有啲鯹 🆗蜜味欖菜骨 $108 𝑷𝒐𝒓𝒌 𝑹𝒊𝒃𝒔 𝒘𝒊𝒕𝒉 𝑷𝒓𝒆𝒔𝒆𝒓𝒗𝒆𝒅 𝑶𝒍𝒊𝒗𝒆 𝑳𝒆𝒂𝒗𝒆𝒔 𝒊𝒏 𝑯𝒐𝒏𝒆𝒚 佢個味其實做得好好，個骨食落有淡淡嘅蜜香，但可個骨炸過火咗 🆗上湯浸菜心 $88 𝑪𝒉𝒐𝒚 𝑺𝒖𝒎 𝒊𝒏 𝑩𝒓𝒐𝒕𝒉 唔似上湯🤣 12人再加8枝啤酒，人均$195真心抵食！水準的確超出預期！ #MFJ藍田 #MFJ中菜 #mfoodjournal #foodie #hkfoodie #foodblog #hkfoodblog #chinesecuisine #chinesefood #lamtinfood #相機食先 #藍田美食 #中菜

講起上嚟真係好耐冇食過啲咁離譜嘅食物 本身想早餐食個大快活 但係男朋友完全接受唔到食大快活 唯有喺隔離食呢一間咁嘅嘢 叫咗個香煎雞扒配煎蛋煙肉 講真呢幾年我都未試過喺一間餐廳 嘅煎蛋 可以咁慘不忍賭 究竟啲咩煎蛋先至可以咁難食佢絕對唔係一般嘅煎蛋 佢有蛋殼 而且個蛋黃喺成個蛋白面唔平均咁嘆開 我懷疑佢根本就唔係煎蛋黎 然後過煙肉 我冇諗過，原來個煙肉🥓竟然係烚熟咁，完全冇香邊，好似條死屍咁樣攤咗喺度 然後個雞扒 係硬嘅 唯一值得讚嘅，應該係佢嗰啲茄汁焗豆 幾正常 嗰幾條生菜，同埋個一片蕃茄 望落幾新鮮 其實佢都唔係第一次咁樣 幾個月前去過食區最貴嘅嗰個牛扒餐 咩王牌牛柳 真心真心$128 我不如自己買塊扒自己煎 牛扒完全咬唔入 啲湯，都唔係特別好飲 想像唔到呢間嘢，竟然可以喺啟田商場生存咁耐 竟然仲日日都有人食 大快活，壽司郎，茶泰就喺隔離 點解啲人仲會用$87兩位（早餐）嘅價錢食啲垃圾？

在藍田地鐵站到啟田商場的路上，有林林總總的食肆，但堂食選擇不多，在啟田商場見到對面馬路的大壹燒鵝，看上去環境唔錯，所以去食燒鵝。 燒鵝叉燒雙拼飯 燒鵝皮香脆而肉嫩，皮同肉中間重有層油脂，十分完美。加上酸酸的燒鵝醬，好好味。 叉燒也非常入味,口感柔軟多汁，肥瘦均勻，也是必試。 紅豆冰 近半杯的紅豆和紅豆蓉，啖啖都有奶和紅豆味，飲完重可以食紅豆粒 咁正宗的紅豆冰真的難搵了 可以食到咁美味的燒味和紅豆冰，環境又清潔舒服，真的好難得，難怪平日晚上也坐滿人了

早上去開藍田，找個地方食個早餐，近近地地鐵附近啟田商場，韓樂，試試韓式有咩早餐食，朋友叫咗 韓式泡菜豚肉牛角酥(忘記影相)，味道都ok，我早餐就唔食咁刺激，叫返個正常清淡d，叫咗 無糖高纖鮮奶燕麥片 配鮮野菌鮮奶炒滑蛋+牛角酥+田園沙律，味道賣相都唔錯

話說現家D街市都好靚好乾淨 間唔中都喜歡去買下送 Shopping儲定d貨係屋企 見到有間好大間既 燒味鋪? 但見佢又有好多西式野 幾得意 同埋價錢係勁貼地 ((如果係學生仲有優惠🥹 即刻買返d返屋企😂今晚又可以偷懶了~ . 🔸酒醉系列 酒醉薰蹄/酒醉海蜇 $45@ 一大樽用左酒同杞子等食材浸到勁入味 薰蹄同海蜇都係爽口 so yummy 入貨 雪入雪櫃隨時食都得 . 🔸香草法式燒春雞 $65/隻 係原隻 係原隻燒春雞!!!!! 呢個價錢真係冇得輸 香草法式既做法 入味之餘 d雞皮都好脆身 雞肉好嫩滑😍 . 🔸西式燒味飯 $35 ((學生減$2 絕對唔hea既燒味飯 我揀左醬燒豬助骨 入味份量多 件件都有肉架~ 仲加左$10要條德式烤香腸 記得要叫多汁 個蜜糖豉油好好味 . 性價比極高 而且多區街市都有分店 去到邊都可以加送啦✨ . 📍燒洒一族 (南昌薈) 📌深水埗西邨路19號南昌薈街市地下5號舖 另有分店 : 啟田商場 / 顯徑街市/ TKO Gateway / 恆安商場 / 樂富廣場 / 大元街市 / 德田廣埸

絕對係要試的加多雙筷系列 全家一致認為好好食 重點係相!當!抵!食!!!!!!! 小店於不同地區的街市都有落腳點 搞搞震有幫襯當天星期二 香草法式燒春雞做緊優惠價🤤💕 ⟡.· ⎯⎯⎯⎯⎯⎯⎯⎯⎯⎯⎯⎯ ⟡.· 加餸以下菜式 ⟡. 香草法式燒春雞 ($65/隻) ⟡.黑糖烤豬頸肉 ($48/份) ⟡.酒醉花雕雞 ($50) ⟡.酒醉溏心蛋 ($30/ 4隻) ⎯⎯⎯⎯⎯⎯⎯⎯⎯⎯⎯⎯ ⟡.香草法式燒春雞 店員好細心咁問洗唔洗整熱 Say yes 即焗了~ 熱完返到屋企就即刻開餐~ 雞肉不會令人失望的嫩滑之餘 香草🌿味食落相當好出🥹 不會有過重醃料味調味剛剛好🥹🥹🥹🥹 ⟡.黑糖烤豬頸肉 這簡直是跌落凡間的天使~豬🥹🥹🥹 本身看樣子有點擔心佢鞋 點知食落去甜甜地脆脆地既燶邊 包裹著的是很爽爽的豬頸肉~ 通過全家一致認為 呢餐加餸真係全部都好好味🤤 洒醉系列 - 店員又係好貼心咁提醒⏰ 樽底有食用日期，開封後最多存放三日 ⟡.酒醉花雕雞 雞件數量約有十件 花雕味濃入左隻雞度 兩者味道真係相當配合 ⟡.酒醉溏心蛋 花雕match溏心蛋真係出黎既味道真係無得輸 送飯一流！(⸝⸝⸝ᵒ̴̶̷̥́ ᵕ ก̀⸝⸝⸝)ෆ ⸜ ⸝ဗီူ⸜⸝ဗီူ⸜⸝ဗီူ⸜⸝ဗီူ⸜⸝ဗီူ⸜ 𓈒𓏸 以下地方都有分店⸜ ෆ‪ ‪⸝‍ 藍田啟田道50號啟田商場地下啟田市場 藍田碧雲道223號德田廣埸街市地下M80號舖 大圍車公廟路69號顯徑街市地下M30號舖 深水埗西邨路19號南昌薈街市地下5號舖 將軍澳常寧路2號TKO Gateway 東翼地下EF15號舖 馬鞍山恆錦街1號恆安商場地下恆安街市48號舖 大埔汀角路10號大元街市地下403號舖

之前呢一間曲奇店喺藍田啟田商場擺了好長時間嘅攤檔，但係自從冇咗就唔知道係邊度可以買返嚟食🤧好彩比我搵搵下見到將軍澳原來有得賣，曲奇嘅款式好多自己最鍾意係朱古力脆脆，朱古力味好重同埋曲奇好脆！

大家都知道潮州出名食牛，今次就黎到一間由潮州人主理既潮式牛肉既餐廳😙平時食飯時段好多人排隊，諗住朝早11點去可以唔洗等位，點知入面都坐滿人，果然好受荃灣街坊歡迎😍 ‣ 崩沙牛腩拼牛丸 ($56) 牛腩好軟身，完全唔會柴口，而且切得比較細塊容易入口；牛丸幾彈牙多汁，兩者都好好味；河粉同樣煮得幾好唔會好散，整體黎講都幾好食😍 ‣ 招牌牛三寶麵 ($60) 牛三寶包括牛腩、牛筋、牛柏葉，一碗三種餸都幾滿足😙牛筋幾彈牙，牛腩相對大塊d，而且三款食物份量都幾多，性價比幾高🤣 ‣ 酥炸魚皮 ($30) 魚皮好大塊而且炸得好脆，我同朋友都覺得唔錯👍 ‣ 通菜 (+$12) 估唔到通菜份量都幾多，上面係腐乳，稍微偏鹹；下次叫應該會走腐乳😋 ‣ 凍檸檬茶 (+$8) 💭 C͟o͟n͟c͟l͟u͟s͟i͟o͟n͟ 餐廳座位都唔少，空間比較窄；食物質素唔錯，上菜速度非常快，性價比好高，難怪咁受荃灣居民歡迎😝黎開呢邊既朋友不妨黎試下😁 💰Total: $174 ($87/pp 無服務費) 📍潮龍園 荃灣荃灣街市街47號地舖(到訪分店) 元朗擊壤路17號順發大廈地下D-E號舖 太子西洋菜南街237號地舖 元朗阜財街14號宏豐大廈地下7號舖 藍田啟田道50號啟田商場地下1081號舖 🚩更多同類餐廳 #foodstep_中餐 🚩更多同區餐廳 #foodstep_荃灣 📣Like & Share & Follow @ourfoodstephk_ 🙏🏻多謝你既支持，成為我努力分享既動力💪🏻

瓏苑新開不久，有在藍田區行駛的小巴身賣廣告。位處藍田呢個傳統住宅區嘅餐廳如此賣廣告實屬少見，一於一試。
瓏苑位處的啟田商場內同附近有同類型餐廳競爭，其中位處瓏苑更下層優越地理位置兼屬集團形式經營嘅海港酒家，食物價格比瓏苑更實惠，人流目測都比瓏苑多。抱著獵奇心態，還是一試瓏苑。
筆者抵達瓏苑時，差一點就到午市時段。餐廳內人客頗多，但筆者隻身一人去到，不需等位，搭枱坐4人枱，便趕緊下單點早市點心。
香芋鴨腳扎，一碟兩件，腐皮看起來不會過淋，保有少許脆口口感。鴨腳扎中肉類（疑似是豬/魚肉），味道不錯，質感札實。 芋頭條不過腍。
蠔皇鮮竹卷。
有木耳。
有紅蘿蔔絲、蔬菜。
燒汁木魚茄子。 熱辣辣。 瓏苑點心鏢鎊非中央工場製作，價錢亦不算過貴，可列入考慮之列。

啟田商場前排新開咗間酒樓！第一次提供圍餐！估唔到有驚喜！夠大碟而且味道都好出色！每席$3288連12位茶介加一，包6罐飲品+6罐啤酒 上湯大蝦伊麵 - 16隻蝦！勁足料 鴻運乳豬大拼盆 - 唔止乳豬，燒肉、燻蹄、切雞、燒鵝 翡翠花姿象拔蚌 - 荷蘭豆同啲象拔蚌麵好爽口 發財好市大利 - 有兩個超耐無見嘅食材：髮菜同豬脷？估唔到仲有酒樓會整 紅燒花膠海皇翅 - 又係勁足料，啖啖都有材料 蠔皇金錢生財扣鮑魚 - 蠔豉都算大隻，不過鮑魚有啲過淋，但係入口嘅 清蒸沙巴龍躉班 - 最晚最好味！魚肉新鮮又滑！蒸啲火喉岩岩好！但唯獨豉油太過多油 海南貴紀雞 - 字食以為係海南雞，但其實係普通白切雞，中規中矩，唔差既 臘味糯米飯 - 比較細碟，但食到尾聲其實都好飽了，每日1-2啖就無咗 滋潤薑汁糕 - 重薑味，幫助解滯 總括嚟講，以團年飯嚟講，性價比高，而家有surprise!! 希望酒樓可以keep住個質素