從前的食味道返晒嚟～ 聽說第一手老板回來重整Factory 99，於是今日同事生日就一齊去品嘗： 肉眼牛扒大大塊，多汁肉嫩配自製蜂蜜咸柑桔👍 香煎魚柳，魚肉鮮味嫩滑 配蜂蜜桂花烏龍茶 99招牌漢堡包（安格斯牛肉）必食🍔 BBQ燒雞（法國進口）🥂 款式多多～令我回味無窮……

🍵玻璃茶壺精緻高級再加埋個熱底座，成餐飯都飲到暖笠笠嘅香茶
🥄松茸燉螺頭湯＄78（每日不同的廚師燉湯）
燉湯＋熱底座成件事已經好正，一開蓋就聞到好香嘅燉湯味，清香松茸加鮮甜螺頭，飲落滋陰順喉
🥢尚夢終極小炒皇＄188
小炒皇通常有好多不同嘅配料炒埋一碟，而呢度嘅特色就喺好多香脆嘅小魚鋪滿成碟菜面上，脆卜卜好惹味，其他食材有鮮蝦、蝦乾、魷魚乾、韭菜花、紅椒絲及甜菜譜，炒得惹味香口
🥢秘製宮廷香烤骨（微辣）＄178
原件腩排用煲上，堂上即席切開六舊，夠哂儀式感，腩排已去骨，所以做到好似五花腩嘅賣相及口感，但又無五花腩咁油膩，非常軟淋香濃 🥢茳煳炒飯＄112
米飯炒得粒粒爽口分明，材料食到有金華火腿、杞子、菜粒、鹹蛋黃及甜菜脯，全部切得細細粒，每啖炒飯都啖啖有料，鹹香又惹味
🍮杞子桂花糕
超足料嘅杞子桂花糕，清甜芳香，糕面有一小撮嘅桂花醬，好獨特嘅口味，好似喺桂花混合咗咸柑桔蓉，使到淳樸嘅桂花糕增添咗無限層次
😋食埋個甜品，非常滿足

無論係茶壺及燉湯嘅燭臺以及服務態度，每個細節位都到位貼心👍

另外，腩排去骨嘅香烤骨以及桂花糕面嘅桂花醬都創意創新👍

發現有二樓，原來係VIP房可以食私房菜，下次可以約埋朋友試下先🤩
魚堅總評
性價比 4👍
(以5👍為滿分)

三長水遠入嚟元朗，當然要試下呢間咖喱店啦！加上小弟鍾意食咖喱，呢間一定走唔甩🍲🍲 咖喱牛脷飯+薄餅 🍛🐮 （$59+$9） 難得有舖頭煮咖喱會落超多洋蔥，勁惹味 再整塊薄餅點下啲咖喱汁 撈埋啲洋蔥一齊食，正~！！ 牛脷唔會太難入口，幾淋，唔錯👍👍 但如果薯仔可以整多一兩食就最好😆😆 傷檸樂 （+$13）🍋🍋 飲完會好傷心嘅檸樂😆😆 唔係，係檸檬+咸柑桔+可樂 天龍雞皮卷 （$42）🐔🐔 餐廳嘅招牌菜，雞皮卷住雞肉，然後攞去炸，外脆內軟，點啲泰式雞醬，推薦~！！ 雖然鋪頭細小，地方狹窄，但食物質素都可以 👍👍可以再食

早幾日再和朋友去了尖沙咀人和月打邊爐，質素一如既往的好 平日7點左右時間都坐了8成的人，多人來食飯還是預早訂位
我地坐係卡位果邊，裝修幾有型的入面的小間隔，早排公司食飯就係度做節，都有足夠私隱度飲品放滿一大個雪櫃，我又幾鐘意佢既咸柑桔，好濃味
自助區，款式不算好多，不過蔬菜都幾新鮮

餐前小食，泰式鳳爪最正！
好入味又爽脆
限量的海鮮盤！
有鮑魚、元貝、青口、大蜆和大大只海蝦
既乾淨又新鮮
之後店員為我們送上限量的牛肉雜錦盤~
有澳洲M4和牛、嚴選牛板腱、極上安格斯牛小排、手切頂級封門柳、高級雪花肥牛、特選精選牛舌心、嚴選牛下肩、嚴選牛板腱、特級牛胸湯底有8款可以揀，芫茜皮蛋、川式麻辣湯、野菌冬瓜湯、胡椒豬肚湯、鮮茄粟米甘筍湯、藥膳養生湯、沙嗲濃湯和香茅青檸湯，如果想點鴛鴦湯底就要加30元。
我們最後揀了野菌冬瓜湯
湯底用上半個冬瓜切橫而成，入面還有什菌和杞子。
店員教我哋將肉類擺喺冬瓜中心位置，至於側跟位置用來煮其他菜類和丸類
令到頂級嘅和牛不會和其他食物味道混合
元貝真的無得頂！大大隻！特級牛胸爽，其實是牛脂，入口滿瀉油脂香氣

手打丸都有好幾款
大大只海蝦爽口彈牙
嚴選牛板腱是我的最愛，任叫任食！
脂肪不多，牛味濃又不韌

冬瓜煮到後期會變軟，變成冬瓜蓉~必食
甜品有好幾款，不過真的好飽，未能一一嘗試
雪糕是本地手工雪糕，味道出色，個人推介伯爵茶，清清地不太甜，好light 多食也不會覺得有負擔

【四川重口味】 因為好鍾意食辣既關係 所以我勁鍾意食川菜😍😍 今次去咗深水埗一間性價比唔錯既川菜舖👻 烤(側魚)鍋 💰$168 條魚係幾嫩滑既 而且幾有鮮味同份量十足 但可惜唔算好入味 反而配料木耳 蓮藕 豆卜有吸到醬汁 幾香口👹 蒜泥白肉片 💰$52 白肉片得厚薄適中 配搭蒜泥醬汁 表現中規中矩 作為蒜泥愛好者 都幾滿意~~ 涼拌土豆絲 💰$42 酸酸地既涼拌小菜 開下胃係幾唔錯既選擇 回鍋肉 💰$72 個味道炒得幾香口幾夠辣 但煮得太硬 食落唔夠啖啖肉既口感 解辣冰紅茶一杯 💰$11 食辣野就想叫返杯凍飲 呢杯冰紅茶偏甜 攞嚟解辣都唔錯 熱柑桔檸檬蜜 💰$13 係用咗咸柑桔去整 就算食完熱氣野唔驚喉嚨痛啦😆😆😆

平時係沙田返工成日都聽同事講去食天天海南雞，今晚收工終於到我去試下啦！ 坐低後店員已經好迅速甘斟茶，仲係earl grey嚟㗎！睇咗個餐牌一轉，真係好多嘢食可以叫，作為懶人嘅我唔洗諗叫二人餐（$499）實抵食！ 前菜 蝦皮素肉鬆凍豆腐 凍豆腐配上咸鮮嘅醬汁，更能夠突出豆腐嘅原味！ 小食 斑斕汁椰香鱈魚 鱈魚岩岩炸出嚟，外面好酥脆，裏面魚肉好嫩，夾埋斑斕椰汁好香好好食，椰奶味濃濃！ 燉湯 鳳梨凉瓜干貝燉龍骨 湯一定要夠熱先好飲，原盅上keep到溫度，湯料都好足量！ 海南雞 天天海南雞 主角當然就係海南雞啦，我揀左無骨嘅，啖啖肉先夠爽架嘛！雞肉好嫩好滑，雞皮中間做到啫喱狀，點埋啲醬既提鮮又惹味！ 蔬菜 參巴辣椒炒通菜 味道剛好，唔會過辣，而且炒得色香味俱全！ 主食 雞油飯 食海南雞點可以唔配雞油飯，每一粒飯都充滿雞油香味，飯粒硬度適中！ 飲品 恐龍美祿：好有兒時回憶，依然同以前甘好飲！ 酸柑桔蜜：飲完第一啖諗起細個喉嚨痛飲既咸柑桔，酸酸甜甜好易入口！

早陣子在社交平台見到有人post 人和月的酥皮雞煲，非常吸引，一直想和好姐妹來食，今日趁早收工就和她去試試看
多款不同的套餐...
當然價錢愈貴可以點的款式更多更精緻！我們點了晚市極黑和牛海鮮大滿貫C餐環境開揚，乾淨利落，窗邊的位置綠油油的，還可以望到對面九龍公園的風景

食物scan QR code 下單後不久就上檯了
女人是善變的動物，原本一心來食酥皮雞煲的我們被隔離桌的烤魚吸引住！店員告訴我們，他們家的藤椒烤魚也是非常出名，用上多肉骨少的鱸魚加上自家製的湯底製成
自助飲料區，除各式罐裝飲料外，還有外款自家製的飲料供應，個人推介咸柑桔和菊花露，非常濃味，感覺非常足料下火
亦有其他汽水
天氣轉涼我都係鍾意飲熱飲多啲，佢地都有細心提供有熱茶供應
自助生料區，多款新鮮蔬菜丸類...在等湯底滾起之前，可以取幾款小食醫醫肚
呢幾款味道不錯，包括香酥肉，沙薑雞槌和經典水煮牛肉
醬料區~
甜品區
我們食了些小食後就正式開始食烤魚！藤椒烤魚入面有藤椒、香茜、茴香、豆卜、黃芽白...
辣度可選擇到bb辣小辣中辣大辣
我哋叫咗小辣，留意會愈食愈辣的！不食辣的話還是點微辣好了！充滿麻香是四川烤魚的特色！
烤魚用上鱸魚，骨不太多
而且非常之大條下！好有份量
店員為我們送上和精肉拼盤！包括有澳洲M4和牛，嚴選牛板腱、極上安格斯、牛小排、手切頂級封門柳、高級雪花肥牛、特牛舌心、嚴選牛下肩、嚴選牛板腱和特級牛胸爽
食完之後再自行下單，質素和拼盤一樣的好！
特級牛胸爽超正！香濃的特級牛胸爽放入口中有即時溶解的味道！口感卻是爽爽的！
雖然係有啲肥，不過好食的往往就係咁邪惡！海鮮也非常出色，店員送上的海鮮盤非常精美！
包括有貝類，青口、帶子、海蝦和鮑魚
首推海蝦，新鮮爽口又彈牙！蝦膏鮮甜甘香

帶子大大隻

蠔雖然是急凍，不過都非常之大只

要留肚食芝士牛丸，入面的芝士和牛的味道非常合拍

甜品除了自家制的甜品外，還有本地製作的雪糕提供，伯爵茶味香濃，雪糕口感滑溜，比得起一些出名的品牌
再飽，甜品有另一個胃...

西瓜都好新鮮，不過我真的飽了！

打邊爐同時間有得依食埋雞煲🍲 貪心fatfat之選😈😈 🐽 晚市SRF極黑和牛套餐B🐮 ($348) 頭盤有得揀雞煲/酸菜魚/卜卜蜆鍋 我同朋友就揀咗麻辣雞煲🐓 雞件份量好多 而且好嫩滑😛 試咗小辣 好惹味🌶 湯底就揀咗 川式麻辣湯 同埋 椰青香茅青檸湯🥥 椰青湯煲咗一段時間之後好濃😝 打邊爐材料特別推介 鮮打蟹子蝦滑🦐 鮮打家鄉墨魚滑🦑 兩款滑都好食 夠哂彈牙😬😬 海蝦 大大隻 新鮮🦐🦐 另有花膠 台式鴨血 牛肉都有唔少選擇 例如牛板腱 牛下肩🐮 飲品 & 甜品🍹🍮 除咗一段汽水 必試自家製菊花蜜🌼同咸柑桔🍊 仲有雪糕同餐廳自製甜品🍦

四季芬芳係一直想試下嘅餐廳，今日相約朋友大飽口福。 餐廳裝修好有懷舊老香港嘅味道，好有特色，環境整潔乾淨。 點菜用QRcode，但都有實體餐牌，方便慢慢睇。 同朋友點左小菜同點心一試，好多樣都好得意，好好食咁，全部都好想試。 點心方面，我地叫左原味小籠包，肉餡做得唔錯，咬落油潤，保持到肉嘅咬口，湯汁都夠足，醋就預先拮左落小籠包上面，非常方便。 咸柑桔生煎包賣相滿分，真係好似兩隻大柑桔，生煎包外脆內軟，食落唔痴牙，包吸左d湯汁更加好味， 肉肉餡同樣不錯。而香脆蘿蔔絲酥餅夠新鮮，食落要小心辣親嘴，蘿蔔絲夠多唔會太水，咬落好軟熟。 蔬菜叫左 牛油花甲波菜 ，花甲鮮甜，而且好乾淨，一d沙都冇。波菜好嫰，仲加左d紫菜，好好食！ 小菜就叫左 灌烏雞湯百花丸，望落好似兩粒大大嘅荔枝，同行友人話呢個係必試，外面好脆， 裏面蝦膠足料又彈牙，加埋少少醋香，真係幾特別。 而麻醬咕嚕雞食落酸酸甜甜，雞肉嫰滑，酸甜細調得啱啱好，配埋麻醬都好夾。 重頭戲 花膠太史蛇羹，好香果皮香味，好足料，有d配料隨個人喜好加落去，食落口感豐富，味道都唔錯。 樽裝飲品味道清新，可以一試！ 今晚食得好開心，可以再encore!

今日放假，午餐同家人睇咗外賣平台，諗住再幫襯寶峰冰室。 家人叫咗特濃蕃茄湯米粉，配煎蛋，火腿 今次的蕃茄湯感覺好淡，雖然都有唔少蕃茄，但絕對唔會係“特濃“，而份量方面就可以加多少少。 我就叫咗沙嗲牛肉公仔通粉，配炒蛋，腸仔 沙嗲牛肉味道OK, 炒蛋及腸仔亦唔錯。 跟餐各一份的多士夠厚，雖然係外賣，但口感滿意。 另外叫咗1份瑞士汁雞翼，雞翼的size雖然較為細隻，不過夠入味，幾好。 飲品方面，家人的咸柑桔夠味 我的凍奶茶，茶味一般，算合格。 整體普通的茶記水準。

👉🏻「粤」全食 - 四手晚宴 (with 天寶閣陳小麒師傅) Four Hands Dinner - Well Done Cantonese Cuisine - 1️⃣陳皮脆皮黑叉燒伴陳醋花膠涑 21天乾式熟宮崎快樂豬) Crispy Tangerine Peel Char Siu & Fish Maw Jelly in Balsamic Vinegar 2️⃣瑤柱蟹肉桂花翅（手拆斯里蘭卡蟹 九州太陽卵 雙頂高茶勾）Stir-fried Shark Fin w/ Fresh Crab Meat & Conpoy 3️⃣黑松露雞頭米釀乳豬(意大利黑松露 浙江雞頭米 西班牙伊比利亞奶豬)Roasted Derico Suckling Pig Stuffed w/ Ttalian Black Trufle & Fresh Prickly Waterlily 4️⃣羊肚菌雪蓮子燉鵪鶉（雲南野生羊肚菌 澳洲走地鵪鶉）Double Boil Quail w/ Morel Mushrooms, & Chinese Lotus Seeds Soup 5️⃣黄炆兩面黄花膠Pan Fried Fish Maw in Chicken Stock 6️⃣美味牛肝菌咸柑桔炆牛尾(香格里拉牛肝菌 新鮮帶皮牛尾)Braised OX Tail in Porcini Mushrooms & Kumquat Sauce 7️⃣上湯火腿竹笙津白(雲川火腿 鮮竹笙) Braised Fresh Bamboo Fungus & Cabbage (Tianjin, Chinese) in Superior Broth 8️⃣脆皮無花果乳鴿(廿五年西班牙黑醋 意大利黑醋)Crispy Pigeon w/ Fig & Vinegar Sauce 9️⃣涼拌雞縱菌麻辣番茄麵（麗江雞從菌 手做風乾麵）Handmade Noodle in Mala Tomato Sauce w/ Fresh Termite Mushroom 🔟雪棗蓮子無花果（天山雪棗 土耳其無花果）Stewed Snow Jujube, Lotus Seeds & Fig 1️⃣1️⃣杏汁木瓜鴿蛋燕窩（樹上熟木瓜) Double Boil Bird Nest w/ Papaya & Pigeon Egg in Almond Cream 1️⃣2️⃣鴛鴦美點（黑糖紅棗無花果曲奇 南瓜子葡萄燕窩牛軋糖）Petite Four - new menu in flowerdrum never fails to surprise me🥰cha siu is my all time fav there n this time was cooked with crispy skin😽 fish maw was super gelatinous🥰 all the dishes were nicely plated and tasted awesome🥰 try it asap cuz this special menus gonna end soon! rating: 9/10 〰️〰️〰️〰️〰️〰️〰️〰️〰️ 鋒膳 (灣仔) 📍灣仔石水渠街69-71號年威閣2樓B號舖 🔗#7eating灣仔#7eating中式

尖沙咀呢間以六七十年代舊香港為主題嘅懷舊雞煲火鍋店，每一個角落都係打卡位🥰 環境闊落，乾淨企理，無論裝修或者用品都充滿舊時代氣息😎 仲聽住老歌打邊爐，好似坐咗時光穿梭機回到過去😆 仲要無限時打邊爐慢慢嘆，下次帶埋長輩來緬懷一番都唔錯🫶🏻🫶🏻 🌟秘製黃蜆惹味辣雞煲（半隻/中辣）$238 雞肉好入味，皮Q彈零脂肪，蜆肉大大粒冇沙👍用咗好多香料同我至愛芫荽，加埋今次挑戰嘅中辣度，香辣指數爆燈😎 順便一提，店內環境夠大，通風系統做得好好，唔怕食完一陣味🫶🏻 🌟脆鯇腩片$98 🌟牛骨濃汁牛丸（4粒）$58 🌟即炸響鈴$68 🌟山水滑豆腐$28 🌟花枝滑$98 🌟油麥菜$38 🌟醬介$22/位 食完雞煲開始打邊爐🍲湯底有零味精嘅雞湯同豬骨湯選擇，我哋揀咗雞湯，更可帶出食材本身嘅原汁原味🫶🏻 脆鯇腩片淥幾下變咗白色就ok,魚肉點下自己調教嘅醬汁食落好脆身又鮮甜👍 牛丸勁重牛味又彈牙，食得出係100％牛肉製作，必食推介🫶🏻 響鈴好新鮮香口，打邊爐必備，花枝滑Q彈鮮甜，份量都唔少👍 🌟自家製陳年鹹檸七$38 呢杯懷舊飲品夠晒特別，影相打卡一流，大大粒咸柑桔，篤開少少已夠味，開胃消滯，值得一試👍 🌟店員親切有禮，有求必應，仲主動幫我地揸機影相,真係唔該晒😆

今日中午去 銅鑼灣 食越南餐 餐廳裝修 舒服 食物 如果以快餐來說也是不錯 只是價錢中上 凍越南百分百甘蔗汁配鹹柑桔 泰國進口嘅甘蔗汁 本身非常清甜 加上咸柑桔嘅配搭 清涼可口 解渴而神 一定要飲 生牛肉雜錦湯河 原本我只是想食普通嘅生牛肉河粉 但是找完成個餐牌都冇 所以我點了這個 肉湯清甜 足料 扎肉 牛丸彈牙 牛肉嫩滑 最特別有2嚿牛骨 非常入味 好嘢未 佢仲有一件豬皮 好特別 河粉夾雜著香菜和蔥 好好味 酸甜柑桔汁無骨鳳爪 (微辣) 香脆可口 最特別係佢有甜酸柑桔嘅味道 做開胃菜一流 對我一個唔食得辣嘅嚟講 一點也不覺得辣 感覺到有點甜酸 豬肉春捲配生菜 香脆可口 最特別嘅竟然佢嘅生菜係鮮甜 證明貨源不差 甘蔗蝦串配生菜 正正常常的 蔗蝦 不過不失 蝦的味道中規中矩 菠蘿串燒 菠蘿好甜 可以再燒焦少少但係一樣好味 佢上面放咗啲越南蝦鹽 有驚喜 特濃練奶咖啡 可惜這杯咖啡非常失敗 如果佢沒有講特濃 都勉強可以飲得 但是這杯咖啡和普通咖啡冇乜分別 一點也不香 煉奶味又一般 總體來說這個食下午茶或者快中午餐是可以的 如果想食得好可以再揀其他啲餐廳 Today, I went to Causeway Bay to have Vietnamese food. If I consider this as fast food restaurant, it is good, but the price is medium high. Vietnamese 100% Sugarcane Juice with Salted Citrus The sugar cane juice was imported from Thailand and the combination of salty citrus is refreshing and delicious, quenching thirst and refreshing, must drink Raw beef soup pho with assorted meat Originally, I just wanted to eat ordinary raw beef pho, but I couldn’t find it from the entire menu, so I ordered this pho. The base soup is light and full of flavor and the beef balls are tender. The pho mixed with coriander and green onion. It tastes wonderful Boneless Chicken Feet with Sweet and Sour Citrus Sauce (Mild Spicy) This is crispy and delicious. The most special thing is that it has a sweet and sour citrus taste. To me, I cannot eat spicy food. It doesn't feel spicy at all, but it feels more like sweet and sour. Pork Spring Rolls with Lettuce Crispy and delicious, the most surprising thing is that its lettuce is fresh and sweet, which proves that their vegetable supplier is at good quality Cane Shrimp Skewers with Lettuce Normal cane shrimp, but the taste of shrimp is just satisfactory Pineapple Skewers The pineapple is so sweet, it can be burnt a little more, but the taste is good. Out of surprise, chef put some Vietnamese shrimp salt on it, nice Super Rich Vietnamese coffee with condensed milk It's a pity that this cup of coffee was a big failure. If chef didn't say its extra rich, I can barely accept. The coffee is plain, no strong flavor at all. Overall, this restaurant is good for high tea or quick lunch only

間唔中都會茶記去食下小炒，叫餸食飯，貪佢夠方便又快捷。見啲晚餐咁抵食就叫屋企人唔好煮飯，去茶餐廳食 晚市套餐有6折優惠，有成15款可以揀。有雞有雜菜煲有小炒，圍起都係七十幾蚊個，包白飯例湯同飲品。每月1/11/31號就會轉款，絕對唔會食厭😜 今次我地就試左炒飯同兩個餸，都好抵食 🔥鹹魚雞粒炒飯🍚$56 炒飯粒粒金黃而且乾身，炒得好靚，雞粒用左雞扒肉黎炒，鹹魚味唔算好重，材料夠多，夠晒鑊氣 🔥椒鹽鮮魷🦑$81 通常食開小菜我就會揀佢！椒鹽鮮魷件件都咁大件，外皮炸到脆卜卜，椒鹽亦都夠多，極邪惡惹味😈 🔥啫啫雞煲🍲$81 雞件都算大件厚肉，同豬肚嘅比例各佔一半。醬汁煮得入味，賣相吸引 🔥紅豆咖啡🫘$27 （跟餐$17） 見佢講到招牌就忍唔住嗌😆又真係幾特別，咖啡濃郁 同紅豆溝埋一齊異常地夾，紅豆煲到好綿，既有咖啡香氣又有紅豆嘅甜味 🔥檸檬咸柑桔🍊$27 咸柑桔感覺好足料，食完飯解膩最啱 Btw有啲好奇餐廳名🌚係咪有個墟叫賓墟

喺附近酒店staycation 因我們二人都吃不了buffet 所以沒買dining package 在想在附近怎樣吃應該都吃不了$1000😂 走著走著看到了這麵店 門外有排隊龍 心裏想 有人排即係好野啦 所以揀了這間作晚餐啦😌 柚子拉麵 咸酸味平衡得很好 如果鐘意咸柑桔果啲味 會大愛 感覺似聲沙喉嚨痛食左會好返咁😂 清新口味來的 有驚喜❤️ 辛辣沾麵 中辣 下次會叫 大辣 叉燒有火炙過 好香 加左青檸 令好濃嘅汁平衡返 愈食愈開胃 結果加了一份替玉😂 加了一份 芝士雜炊 真係得芝士撈飯 冇其他配菜 簡單滿足的 超邪惡 好好食 好似食意大利飯咁 性價比高👍🏻👍🏻👍🏻 平民價錢 有去日本食的地道小店感覺😎 會有下次的 還想試試其他小食啊