「啤啤bear韓國包車」是尖沙咀最近新開的一間韓國餐廳，以韓國機舖作主題，帶有五光十色的Y2K霓虹燈光裝飾，有種回到90年代的氛圍，就連播放的音樂都是二代團的歌曲！餐廳提供特色下酒菜和各種美味的韓國料理，今次就點了數款試試。 <蟹籽海鮮蛋卷> $138 蛋卷表面鋪滿大量蟹籽，蛋卷內裏軟淋，入口明顯蛋香，熱辣辣+流心效果，內餡有海鮮粒粒，層次豐富。 <蕃茄韓式辣海鮮湯配中華麵> $238 配料比想像中豐富！包含多種海鮮如大蝦、青口、蜆、魷魚，以辣番茄湯作為基底。湯底味道鮮甜，韓國的青陽辣椒增添辣度，令人胃口大開。配搭煙韌的中華麵，這款適合同朋友開心share。 <甜米露> $22 韓國傳統飲品，味道偏甜，有些顆粒狀的米露，第一次嘗試頗特別!! <BBB刨冰啤酒 荔枝味> $98 刨冰啤酒是餐廳的招牌之一，小編選擇了荔枝味，刨冰懸浮在啤酒上，賣相不俗。主要是啤酒加少量甜味，清涼解渴。

經OpenrOpenrice $568 less 31% ,抵到你唔信喇掛 長腳蟹腳 冇死鹹死鹹，有蟹味 九孔鮑魚 大大隻大大隻 即開生蠔 細隻左D，咪食多啲 芝士焗波士頓龍蝦 你唔好話都幾鮮 刺身 吞拿魚赤身差D囉，其他都可以接受 清蒸東星斑 一個字 ‘掂’ 燒羊架 我冇諗過自己食緊羊，鮮甜 新鮮水果 我太太話菠蘿好正，我叫佢攞幾塊俾我試下，點知隔離枱個師奶，一隻碟掃曬，剩返兩嚿頭頭尾尾，我太太見到後面有個小朋友等緊就俾埋佢喇，返到埋嚟就抱怨點解香港人都會玩一掃而空，返咗大陸咩。 雪糕及甜品 個榴槤雪糕可以添食喎，其他甜品都好好食。 你哋真係要試下乜嘢叫做平價抵食自助餐

今次品嚐2017年創立，有4間分店的蟹仙
有超過40年海鮮入口經驗，行內神仙手帶來不少不能人工養殖的罕有品種，例如深水海域的太平洋饅頭蟹，澳洲琵琶龍蝦。

主打海鮮蒸氣鍋，過程中絕不能用任何調味及腌製，每一口都是來自海中自然的鮮味，世上無任何調味可比， 每一道海鮮都有專業店員職場蒸煮，確保火候，才可把每道海鮮的精髓完美讓每位客人享受

開始蒸海鮮之前，職員預先將所有餐具放喺蒸氣鍋入邊，蓋上草帽，然後會碗筷消毒！
很有氣勢。
今次點了尊貴海鮮套餐$449,有齊十款海鮮，

加拿大野生海虎蝦：蝦香味濃厚，肉質鮮嫩。

台灣九孔鮑魚：
所有內臟都已清洗乾淨，令蒸熟好的鮑魚可以即食，九孔鮑魚外殼同普通鮑魚相比比較多洞！口感彈牙，甜度分別不大。

韓國斧山珍珠蠔：
體型雖然比較細小，但肉質依然鮮嫩。

蟹皇大元貝：元貝令蟹皇的鮮味更突出
大元貝其實就是扇貝，柱肉呈圓形，肉質細嫩，清甜爽滑！

大西洋野生青口同紐西蘭刀貝蚌：
很鮮甜爽口，睇完都很飽滿，味道很香

野生琵琶龍蝦：帶微微的鹹味的野生琵琶龍蝦，食上去很爽口，肉質都很鮮嫩同彈牙

罕有大黃奄蟹（每人半隻）
一打開所有蟹膏都浮現晒出嚟，而且肉都好多

清蒸蔬菜

不需要任何調味，都很，清甜口感也得以保留，尤其粟米是最鮮甜最好食。

最後來食粥底，每台石鍋下都有獨立的純正蒸餾水，蒸氣形成的水份同海鮮的精華會全部保留到粥底，為石鍋去煮粥，所以絕不會黐底。

再加上椰汁燉雪燕，最後打打卡就可以離場了
（距離油塘地鐵站都大約只是15分鐘路程）


🔶凡惠顧蟹仙海鮮蒸碢全線分店
1. 兩位起奉送價值$288加拿大野生赤蝦刺身2隻或罕有太平洋饅頭蟹1隻，二選一
2. 四位起奉送價值$588菲律賓野生凍花蟹1隻或加拿大野生赤蝦刺身4隻或太平洋饅頭蟹2隻🔶

🫶🏻好耐無食過粥底蒸鍋，今晚特意去太子一間有粥底蒸好多海鮮既小漁港食。 ［是日廚師自選套餐］ 🟠日日新鮮 款款時令 🔴一口價（免加一、免小食、免茶芥） 刺身拼盤 一坐低先嚟碟刺身拼盤打下卡先。款式有希靈魚、帶子、北寄貝同三文魚。款款新鮮，一啖一片，凍凍地食口感好正😊 小食：避風塘豬手 即叫即製，外皮非常香脆，仲要係惹味既避風塘口味好邪惡👿。我超鍾意食豬手內既骨膠原。 ［究竟有咩海鮮呢？］ 肉蟹一隻、（賴尿蝦）視乎隻蟹大細而定、大蜆、鮑魚、粉絲元貝、海蝦、蟲草花蒸雞（烏冬底）、配菜有勝瓜、小番薯、玉米、芋頭、南瓜 不得了，竟然咁多款海鮮。依個套餐好豐富。當然全部海鮮都好新鮮，肉質彈牙。 粥底：豬骨粥 落蟹蓋一齊慢煲，蒸海鮮汁會慢慢向粥底流，最後配埋炸豆、蕎頭食，脆脆又酸酸地😋 飲品：血橙鮮果汁、IF椰青水 甜品：黑糖紅豆果：外形似茶果，甜甜地幾好味🤤

之前都食過呢間位於海港城嘅泰國菜餐廳幾次，覺得都幾好，所以琴日又再去試吓。 而家公眾假期去夜晚都唔使等位，不過仍然有限時90分鐘，坦白講你入座率都不復舊觀，我覺得限時就冇必要。 可幸的是，啲食物水準仍然保持到。我哋琴日三個人食，嗌咗蝦餅、串燒雞、冬陰功湯、青檸烏頭魚，同埋菠蘿炒飯，全部都幾好食，冬陰功湯雖然幾貴但非常足料，係略嫌甜咗少少。 上菜速度都幾理想，所以一個半鐘頭嘅限時係有啲唔方便，但係唔會太趕。我哋三個人最後食咗大約$1000，我覺得性價比都可以接受。

去左間家家戶戶！放工又去左一間韓國菜食飯、我比較中意食韓國菜、特別係海鮮湯類、有湯🤣、加埋特別中意佢地的泡菜😉 牛肉味未太出眾、反面海鮮味更為出色、麻麻辣辣的口感、而且有菜比較多、本人較為喜愛食菜🤣 炸醬出色、不會死鹹、麵質還可以、一般般、不過佢的醃蘿蔔較為好吃、甜甜酸酸的口感

出面嘅鐵板燒Omakase，閑閑地一個人都千幾二千。龍亭呢間隱蔽嘅鐵板燒Omakase，最平一人套餐都只係$588。 當日有$588（5道菜）同$788（7道菜）嘅套餐選擇，我地兩個人各自嗌左$588嘅入門廚師發板套餐加一枝梅酒。鐵板海鮮同肉類選擇唔固定，建議問下當日有咩選擇。 月桂冠甘濃梅酒 酸酸甜甜好易入口，配鐵板燒一流。 一、煙三文魚沙律 配上黑醋同龍珠果，酸酸甜甜好開胃。 二、鐵板海鮮兩品 當日有四款海鮮選擇：扇貝、帶子、鮑魚、東星班，選其二。 扇貝新鮮，配上牛油黑松露汁又鮮又香，大推！ 新鮮帶子加上意大利黃瓜，黃瓜吸哂鮮甜嘅帶子汁。 東星班煎到脆脆地，非常可口。 每款海鮮都可以點隔離嘅蝶豆花泡泡，鹹鹹地，新奇又得意。 三、鐵板肉類一品 櫻桃蘿蔔切成蘑菇形狀，造型可愛。 雞扒皮脆肉嫩，豬扒厚實，配上好fresh嘅特製醬汁，大加分！ 四、炒飯 炒飯炒得好香口，想食多碗～ 五、雪糕 上面嘅紅豆爆珠好特別，可以逐粒逐粒係口入面爆開。 總括黎講CP值唔錯，新手想嘗試下鐵板燒Omakase可以嗌入門套餐。間餐廳門口比較隱蔽，見到門鐘就係門口啦，放心㩒落去。

當您品嚐到Signature Combo 自選海鮮拼盤時，首先您將被選擇的海鮮種類所吸引。您可以根據自己的口味選擇海蝦、青口和細聖子等等，每一種海鮮都有其獨特的風味和口感。配料方面，您還可以添加腸仔、粟米和薯仔等，這些搭配能夠豐富海鮮拼盤的層次感和口感。而最令人期待的是搭配的檸檬蒜蓉汁，它為海鮮帶來了清新的味道，使每一口海鮮更加開胃，讓您的味蕾感受到無比的享受。

店員將海鮮和配料放入袋中搖晃，這一過程不僅使調味更加均勻，還讓海鮮與搭配更好地融合，使其味道更加豐富。當您打開袋子時，被一陣濃郁的海鮮香氣所包圍，讓您的食慾大增。每一件海鮮都可以充分沾取汁液，保證了每一口都能夠充分品嚐到海鮮的鮮美。

而蟹肉卡邦尼扁意粉則是另一道令人驚艷的美味。意粉煮得剛剛好，口感柔滑豐盈，每一口都散發著迷人的香氣。搭配濃郁的蟹肉卡邦尼醬，呈現出濃郁的蛋香滋味，使得整道菜色香味俱全，帶給您極致的味覺享受

西班牙嘅美食令人相當懷念 總係有舖癮咁! 最近萬麗海景酒店萬麗咖啡室推出咗全新主題buffet- 西班牙漫味「豐」情自助餐盛會 一次過可以嘆盡十幾款西班牙美食 見咁抵食 咁點都要試下啦🙌🏻 ***************************** 嚟得呢度 西班牙美食自然係主角❣️ 🐖原隻西班牙烤乳豬 由專人即點即切 外皮烤得香脆 乳豬肉質嫩滑 充滿油脂香味😋 🥘經典嘅西班牙海鮮燉飯 亦不容錯過 海鮮份量非常多 面上嘅青口同魷魚堆砌得好靚😍 西班牙米飯粒索滿醬汁 充分吸收海鮮嘅精華 咁啱係星期五、六晚 可以試埋Joselito原隻西班牙火腿❣️ 由侍肉師即場切出 片片都切得均勻 工整地排喺碟上 真係少啲功夫都唔得 同場仲有提供好多款精選西班牙醃肉及芝士 鐘意食肉肉嘅朋友仔一定會好滿足 叫得西班牙主題當然唔少得西班牙Tapas❣️ 呢度有好多款 完全滿足晒為食嘅我哋 最先食嘅係我最愛嘅西班牙番茄麵包🍅 面包上舖滿蕃茄 大滿足呀😝 馬鈴薯蛋餅亦係我嘅心頭好 香口又美味😋 另外仲有特色嘅西班牙凍盤醋漬鯷魚、西班牙沙甸魚、醃製鮭魚、Fish Carving 等 仲有平時較少見到嘅西班牙番茄凍湯、西班牙香菇炸丸子、西班牙欖油蒜香蝦等 除咗西班牙特食美食外 回本區當然首選靚海鮮😍 有凍蟹腳、麵包蟹等各款時令冰鎮海鮮🦀 全部大大隻 整齊咁排列好 新鮮美味 而想熱食嘅亦有香口嘅炒蜆肉等 龍蝦喇沙亦值得一試🦞 湯底充滿海鮮嘅鮮甜味 另外仲有多款日式刺身、壽司、雜錦魚生丼🍣 有少見嘅和牛壽司 一定要試下呀😋 最後當然唔少得要食埋甜品 餵埋第二個胃嘛~ 有西班牙炸油條🥨、巴斯克焦香芝士蛋糕、聖地牙哥杏仁蛋糕、香橙米布甸🍮同Tiramisu等 仲有Galato雪糕呀🍨 ***************************** 見到咁多美食 每一款都好想試少少 結果我哋都食到爆晒肚先走🤣 同行朋友都大讚好高質 又唔洗就住食🙌🏻 我哋係喺萬麗網上商店預訂架 會有7️⃣5️⃣折 超抵玩呢❣️

尋日同朋友嚟到呢間好抵食嘅粥底火鍋，冇諗過呢個價錢可以食到咁多海鮮。我哋叫咗兩個肉蟹餐，每人只係198蚊，竟然可以有七款海鮮，入面仲要包括鮑魚蝦聖子等等，樣樣都非常新鮮鮮甜，啲蝦上枱嘅時候都仲郁緊～食完海鮮之後可以再任選六款配料，配料方面啲嘢嘅質素都唔錯，鮮蝦雲吞爽口，牛丸都好夠味。之後再加上一啲佢哋包咗嘅粟米、蘿蔔啊等等，最後就係最期待嘅環節。用呢個咁鮮甜嘅湯底，職員會加埋粥膽、雞蛋、蔥、芫荽等等，整咗一碗香好食嘅海鮮粥出嚟，海鮮粥又軟綿又甜，雖然已經好飽但都食晒XD一晚呢個價錢可以食晒海鮮、配料同海鮮粥，真係好滿足啊！😆

韓國街咁多餐廳，但就唔係間間都好食，呢間正宗韓國料理就好好食，經常排長龍，仲有唔少韓國人專登嚟幫襯，真係好似喺韓國嘅小店食飯咁 嚟呢度好多人都會叫韓式豬手，人唔多仲可以叫豬手同五花腩雙拼，一次過可以試晒兩樣 豬手好淋好入味，半肥瘦嘅五花肉加埋泡菜用生菜包住食，油膩感冇晒，食多幾舊都冇問題 大推呢度嘅海鮮煎餅，餡料豐富粉又唔多，仲煎到脆卜卜，配埋辣汁真係冇得輸 好鍾意飲韓式嘅湯，純豆腐海鮮湯係首選，夠鮮味又辣辣地真係可以餸到一碗飯 蛋卷入面有火腿、蔥花、仲有好邪惡嘅流心芝士添

聽講呢間海鮮蒸鍋好正，所以一直都想試吓。今日終於有機會嚟試，果然冇令我失望！
我對海鮮嘅要求都幾高。今次嚟到呢間餐廳食完感覺啲海鮮好新鮮，湯底又鮮甜。
我哋叫咗個海鮮蒸鍋放題，有好多款海鮮可以選擇，啲海鮮好新鮮，而且出餐速度好快，唔使等好耐。
例如花蟹，蟹膏好鮮甜多肉。扇貝勁大隻而且好鮮味。蟶子都好爽口。蒸完海鮮之後嘅湯底更加鮮甜，用嚟煮乜都係一流。
另外仲叫咗個麻辣雞煲。雞煲好惹味，啲雞肉好嫩滑。我哋用麻辣雞煲嘅湯底嚟煮海鮮，又係另一番風味。

今次同朋友一齊嚟到蟹仙海鮮蒸氣鍋，試咗佢哋嘅「尊貴海鮮套餐」，真係好食到爆！「尊貴海鮮套餐」有野生膏仔蟹、野生琵琶龍蝦、大西洋野生青口同紐西蘭刀貝蚌等等，每樣都新鮮美味！係超級豪華既海鮮蒸氣鍋套餐！ 「尊貴海鮮套餐」入面有好多新鮮海鮮，老闆係香港海鮮入口商經營批發30年經驗，確保拎到最靚既海鮮，天天直接空運到每間店鋪，所以全部都超級新鮮！ 當中最推介既係野生膏仔蟹、野生琵琶龍蝦、紐西蘭刀貝蚌！野生膏仔蟹係有超級多膏，又香又滑真係唔講得笑，蟹肉鮮甜到～～野生琵琶龍蝦同樣係出色，今次係第一次食琵琶龍蝦，食落有d似龍蝦，又幾鮮味，同樣有膏實在太開心！紐西蘭刀貝蚌就大大隻啖啖肉，厚肉得黎唔會蒸過火，好爽甜！當然其他海鮮都一樣出色，原汁原味，好好食！ 最後會有有機蔬菜籃、同埋唔少得既精華海鮮粥！入面有晒所以海鮮既鮮甜味，加左粟米、芋頭粒、排骨，食完好暖胃好滿足！ 店員細心幫忙蒸海鮮更係經驗豐富，樣樣都時間岩岩好，做到完美無缺，真係一個食物體驗！如果你都係海鮮愛好者，絕對推薦你嚟試下佢哋嘅尊貴海鮮套餐！

朋友約我到「龍亭」，以入門價享受「入門廚師發板套餐」，套餐提供了五道菜的組合，有沙律、海鮮、肉類、炒飯和甜品，每人價格為$588。雖然名為入門版，但食身質素奇高，只因廚師一對巧手，以鐵板燒方式煮出美食😋😋首先，沙律🥗🥗以魚子醬、龍珠果搭配三文魚，加添一點黑醋，呈現出非常精緻的樣子。魚子醬的鮮味和三文魚的柔嫩肉質在口中交織出美妙的味道。而龍珠果的甜脆口感和黑醋的酸度，則為這道沙律帶來層次感。接下來是鐵板海鮮兩品🐠🐟我和朋友各自點了兩款，所以有生蠔、東星斑、扇貝和帶子。這些海鮮都是高品質的選擇，而且以鐵板烹製，能夠保留它們的鮮甜和嫩滑口感。生蠔帶有鮮美的海味，而東星斑、扇貝和帶子則能夠提供豐富的口感和風味🐚🐚鐵板肉類一品和朋友各選一款，包括雞肉和豬肉🐷🐥雞肉外皮煎得極為香脆，雞肉肉質鮮嫩，可見食材十分高質！而豬肉經過適當的調味和烹調，保持了嫩滑的口感，體會濃郁的豬肉鮮味！作為主食的炒飯🍲🍲以鮮魚子和海鮮作主要材料。這道炒飯爐粒粒分明，調味濃郁，而且加入海鮮帶有豐富的海洋風味，而魚子🐟🐟的加入應該能夠增添豐富的口感和味道層次，可以提供飽足感和滿足感。最後，時日甜品有紫薯雪糕🍧🍧和柚子雪葩。這些甜品非常清涼爽口，紫薯雪糕的香甜和柚子雪葩🍨🍨的酸爽應該能夠平衡整餐的味道，為客人帶來甜蜜的結束。除了以上的五道菜，我們還點了鵝肝多士（$138）。廚師將鵝肝切片，輕輕地放在鐵板上煎烤🪿🪿使鵝肝的表面變得金黃酥脆，同時保留鵝肝內部的嫩滑口感。然後將煎烤好的鵝肝放在多士上，非常味美！而朋友點了甘濃梅酒（$168）🍺🍺具有濃郁的梅子香氣和甜酸平衡的口感。我則點了麒麟啤酒（$88），具有麥芽的香氣和微苦的味道，口感輕盈、純淨且易於入口，非常配合伴隨鐵板燒飲用。龍亭 (佐敦)

地址：佐敦寧波街27-31號地下A-D號舖

蝦類入面，我都最鍾意食大頭蝦，所以一直都好想試依間燒烤餐廳，終於有機會嚟到荃灣分店，我當時晚上7:00嚟到，先知道原來而家做緊兩周年大優惠，冇限時間任飲任食😍我非常開心。 環境非常之舒服，月台之間都好闊落，而且冇乜油煙味，唔會煙霧瀰漫。一坐低被安排到去一個好長嘅大頭蝦缸隔離，我覺得就算唔夾蝦，一個咁大嘅歌，而且好清澈好活躍嘅蝦喺隔離陪食都一大滿足。店員會簡單介紹一啲細節，例如喺光度夾完大頭蝦，就要放入冰桶凍暈啲蝦先再擺落去燒，咁樣啲蝦就唔會太活躍周圍彈。另外值得注意嘅係啲鮑魚一定要先起殼燒🥳 我簡單行咗個圈，海鮮類非常之新鮮，而且我見長期都係擺放滿滿的，唔會話俾人攞咗就會冇咗，而且左右海鮮都好新鮮，鮑魚類仲不停郁動，海鮮類有兩款蜆，多款魚類，鮑魚，扇貝，帶子，生蠔🫠 之後到其他類型，有不同種類嘅蔬菜區，例如茄子、尖椒、翠玉瓜等等，而且各式各樣嘅肉類都有，例如羊扒、雞軟骨、雞腎、多春魚、雞皮、乾魷魚、等等，款式多到真係講唔晒，而且全部擺放得非常之整齊以及乾淨，真係望到都覺得每樣食一款都食唔晒🥰🥰 飲品方面有超過20種，最值得要講一講就係有酒類任飲，有不同的啤酒，而且韓國米酒都有，真係適合一啲人鍾意一路燒一路暢飲，更加滿足！ 另外當年去到，而且啲食物又未燒好嘅時候，亦有一系列嘅熟食可以先食住嘅，包括可以自己淥菜，而且有啲涼拌、魚蛋、螺、蝦等等 調味料方面除咗每張枱頭會有四款調味料可以自行調校，包括粗鹽、孜然粉、五味粉以及辣椒粉。而且亦有一個調味吧，包括泰式醬、蔥、蒜頭、辣椒可以俾我哋自行調劑燒烤嘅味道，非常出色。 甜品方面雪糕亦有好多款唔同嘅味道，而且仲提供香蕉可以整香蕉船，另一個食法就係燒香蕉，亦都非常之滋味。 當我開始燒嘅時候，每個爐都可以有相同下面兩層咁燒，咁樣放嘅食材就可以更多，而且令我意想不到嘅係每一樣都燒得好快，好快就有得食，而且就算坐喺路前面都唔會覺得好油煙，而且好熱，成個燒烤，而且食嘅時候都非常之開心😄😄 店員服務方面亦都好好，店員會不停幫你清酒所有枱面嘅垃圾，而且服務亦都非常之好，第一次經理唔識點樣起鮑魚殼，亦都會示範一次。 整體嚟講呢間燒烤店真係非常之值得推介，除咗材料非常之新鮮，環境整潔，最重要係冇限時間，唔使成日驚啲食材燒得太慢而食得唔飽😍😍😍不過值得留意嘅係，冇限時只限荃灣分店，另外仲有一間喺佐敦嘅就包咗3小時任飲任食😊😊