德昌魚蛋粉 (九龍城)

KsMeow放工由銅鑼灣坐巴士到九龍城搵食本來好快，
但就是那個討厭的迴旋處，塞了廿分鐘才能夠會合早肥先生，
頓然變成一個沒有胃口的晚上！
思前想後，決定食碗粉麵就回家休息吧！！！

．
．
．曾試過周末路經德昌魚蛋粉，人龍長得誇張！
幸好當晚不用等位便能入座，
我倆點了墨丸米（27個大洋）、四寶河（32個大洋）及青菜（17個大洋）分著吃。

當KsMeow看到雪雪白白的墨丸米送到面前，胃口即時轉好（笑）
外面大部份墨丸的質感，都是較粉及淋身，
但這里卻是彈牙爽口又帶點咸香，啖啖都吃到墨魚粒！
再下少量辣椒油，絕對可令墨丸的鮮味更加突出！
米粉和湯則比較普通，專注吃丸就是了！

．

四寶河有白魚蛋、魚皮餃、豬肉丸及墨丸，
白魚蛋相對炸魚蛋，不帶魚腥，更能吃出鮮香！
魚皮餃外皮不過厚且煙韌，里面的豬肉跟魚肉比例剛好，
吃時肉汁澎湃，很好！
豬肉丸則是普通貨色，墨丸不再詳述！慣性加碟郊外油菜，感覺更滿足。
當晚的芥蘭不嫩口，反而腩汁才是亮點！
既香濃、味道亦足！
部份腩碎混在腩汁中，對KsMeow而言完全是滄海遺珠似的，
相信下次再來，定會試試這里的牛腩！

題外話，在這條街的魚蛋工埸，
那里的魚蛋及炸魚皮亦吃得過！有機會都可以一試！
今次搵食地址係：九龍城福佬村道88號嘉福閣地下，小分享完畢！
有興趣可按KsMeow或Openrice內其他分享！謝謝！

越棧越式湯粉專門店 (鑽石山)

今晚又係'一個人的晚餐'。。。 最好係'快、靚、正'搞掂就返屋企! 本來想去隔鄰店舖"元X壽司", 未夠七點但當然, 一如往常, 雖然係'閒日'但又係全爆! 攞飛仔都要等廿幾個號碼, 其實次次都係咁多人, 咁....我唯有'退而求其次'去鄰店"越棧"啦! 七點未到, 呢度好多位任坐, 入坐後店員先奉上一杯好清香的暖茶, 應該係花茶, 但一飲仲以為係玄米茶, 因為個味似....總之好香!

打開餐牌, 好多選擇....但一下子被佢餐牌上句宣導Slogan--- "一個湯底的傳說"吸引....叫咗湯粉麵套餐, 一碗生/熟牛肉金邊粉, 跟餐飲凍檸七, 盛惠HK$49.00.

碗粉一嚟, 即刻有點失望, 原因係放响我面前我完全聞唔到半點香味, 再加上得3片金不換, 用一粒仔辣椒穿著, 真係覺得佢'控制成本'做得非常好, 但相對地做客人的我當然覺得不夠喉! 點都好, 試啖湯再講, 睇吓有幾'傳說'先?! '傳說'啲咩呢?! 其實....以我粗略估計...真係唔駛飲都知無料到! 尤其是我Honey自家制作整過用真材實料用牛骨用靚香料熬湯做湯底煮粉俾我試過之後....果然信自己無咩錯啦! 有無用足料熬係各位食家飲幾口湯就試得出嘅! 越棧就係'普普通通唔香唔濃'嘅牛肉粉湯底一個囉...飲唔出有無用骨熬/有無香料味咁囉...如果唔係佢果句slogan真係唔知佢有幾proud of自己個湯底, 真係唔明!

其他各方面, 有少少洋葱圈, 有算是多的芽菜在碗底, 金邊粉的份量亦係剛好夠食, 牛肉反而係比想像中好得多, 正所謂"牛有牛味"! 所以整體的分數又拉番好少少啲! 其實如果唔係佢Menu上的過度吹捧那個湯底, 我覺得感覺會好得多, 因為各方面都係'ok', 反而最失敗就係個湯底, 須知越南湯河最重要的就係個湯, 咁你個湯一般喇, 唔夠香, 就應該俾多啲金不換我, 搵其他嘢拉上補下咁, 就好似九龍城福佬村道某越南店咁一籃仔放上枱, 雖則個籃入面都只係俾一小段另加生芽菜一堆, 但起碼感覺上好得多亦專門得多!

點都好, 呢處食碗湯粉做晚餐, 幾十蚊...又坐得我幾舒服, 加上阿姐們叫佢攞魚露、加茶都係態度ok嘅, 成晚我最欣賞係杯茶, 好香! 所以我總評都係"OK"唔至於要俾"喊面"! 但如果你為'湯底傳說'而嚟就不必喇, 為飽肚返歸就係OK的! 尚有很大的進步空間, 希望店方有關人仕有緣一看再自己試試啦!

龍皇城中日火鍋料理專門店 (九龍城)

剛剛到九龍城 - 福佬村道 龍皇城 吃火鍋, 食物質素尚可, 但量少, 而價錢超貴; 茶芥+ 醬油 每位30元; 各式餃子每粒約8元, 是冰凍的, 但聲稱是即包的; 五百多元的牛肉拼盒份量少得可憐; 一份公仔麵也要48元; 這樣收費的食肆應該不期望食客會再次光顧, 今晚的經歷彷彿似被打劫!

春風得意 (九龍城)

小妹住在九龍城，平日會獨個兒外出晚飯。今天看見九龍城福佬村道有兩間食店同日開張。一間龍皇城(食火鍋)，另一間叫春風得意(食點心)，一條友當然唔會去打邊爐，門面裝修好跨張，睇埋餐牌主即調頭走! 最後入左隔黎間鋪食點心，由於當天係試業，免茶之後仲有九折，真係抵到笑! 我一個女仔，叫左一個章魚肉餅飯($21)和一碟蘿蔔糕($12四件)，埋單33元仲有九折，都係30元，飽死!

推介：章魚肉餅飯(即叫即蒸)、蘿蔔糕( 師傅好有心機煎，每件每面都金黃)

Ceres Boulangerie et Patisserie (九龍城)

此間在九龍城福佬村道的"Ceres Boulangerie et Patisserie ",近年的風頭已被同街的"曲奇四重奏","Tony Wong"掩蓋.最近期廣為人知的事情,就是影帝級人馬,在店內毆打店員的新聞.

,回看此店近期之食評,某位新晉卓越女食家可以在一個月內,為此店寫上八個食評,另一位小妹妹更是兩個月寫上十二篇!吃個包就寫個食評,聽落都幾"屈機",這一類"包評"問題,由幾年前說到現在,到今天還是一樣.如果以"一包一評",用食評量來谷排名搏升級,恐怕不能如願,不是寫得多,代表你有實力,否則又怎會一個編輯推介也沒有?

兩年多沒有來Ceres買麵包,是天早上在街市吃罷早餐之後,心血來潮買個麵包.早上買麵包保証新鮮,這是一個必然的定律,除非對方夠膽賣隔夜貨.

其麵包價錢絕不便宜,在街坊麵包店,茶餐廳買四,五塊錢一個,Ceres可賣到十多塊一個.非一般街坊能負擔.身上只剩下數十塊錢,就算揀麵包,也要"就住就住".選了三種麵包,有醬香草煙肉包,芝士雞肉腸丹麥酥,粟米火腿包,三款加在一起要四十多塊.這個價錢夠我吃一頓午餐了.店內有些賣三十幾塊錢的蘋果麥包,實在買不下手.我並不是麵包狂迷,但每當上一些高級餐廳用膳,首先上場的麵包籃,往往是最吸引人,由Caprice,Wooloomooloo,澳門Robuchon,由其是盧布松,吃完再添又再吃,近乎Overdose.愛情與麵包在那個時候,是可以並存的,平民化一點的食店,飛鷹餐廳的巨大麥包,又是令人留下極佳的印像.芝士雞肉腸丹麥酥,外表如外面的芝士棒,包身的芝士焦,味道香濃,包身酥脆而鬆化,鹹香的煙肉令到此丹麥酥,添上一份層次感,很多地方也有粟米火腿包,這個外層較為實一點,但內裏也鬆軟,粟米與火腿,其實沒甚特別.最後吃個醬香草煙肉包,一吃便感覺到很香的Pesto味道,芝士,香草,煙肉三種截然不同的味道走在一起,頗為合拍.而且味道平均,沒有偏重某一個味道.在高登不時看到那邊的人,大肆鞭韃貴網食評質素差,去茶餐廳快餐店,麵包西餅也當自己食神上身,什麼亂寫一餐,但這是言論自由的平台嘛,人人也可以發言,十隻手指也有長短,出現此狀況,差不多矣.

用到洋洋數百字寫包評,想起也不是一件易事,但是想憑此寫到上高位,實在有難度.其實貴網有沒有想過,下一年的殿堂達人,會否增設"麵包達人"之榮譽,來表揚一班麵包狂迷?

泰之選泰國菜館 (九龍城)

九月份有三位好朋友生日，卻分別在月初、月中和月尾，倒不如一次過食餐飯慶祝，地點選擇了九龍城福佬村道的泰之選泰國菜館。一行十二人獲安排坐在閣樓，地方幾大幾光猛，由兩位泰姐打理，同場幾張大檯都在慶祝生日，真巧合！

甫入座，阿姐先送來了一籃蝦片，雖然是硬性收費，但蝦片的確炸得很薄很脆，味道半點不假，不自覺地吃了兩三塊。

事前得到食友素素的幫忙，預先想好了當晚的菜色，在此先行鳴謝，也補祝一句生日快樂。先來的是酸辣生菜包，豬肉碎混入了乾蔥和辣椒粒，吃起來比想像中嗆喉，感覺有點麻，同時亦有魚露的酸香，包在鮮嫩的生菜內吃，味道刺激也很開胃。

接著是生蝦刺身，由於一碟只得八隻不夠分，就乾脆叫了兩碟。蝦肉上放了生蒜和紅椒，再沾些酸辣醬吃，入口只換來一股辣感，鮮味不足，肉質也不見彈牙，比較普通，反而伴碟的炸蝦頸更得人歡喜，蝦頭早已清洗乾淨，蝦殼更炸至脆卜卜，十分香口，送酒簡直一流！

賣相艷紅的青木瓜沙律，看似超辣，其實剛好相反，味道重酸，卻連丁點辣也沒有，青木瓜絲夠爽口，配合番茄及紅蘿蔔碎，又是一道醒胃的菜色，而最吸引的莫過於其定價，只需 $25，就可以吃到泰國菜中最基本的美味，不容錯過。

接著是招牌菜咖哩炒蟹，我對食蟹的興趣不大，目標只放在咖哩之上，這裡的做法跟旺角新水記的差不多，都是混入了蛋絲、青紅椒、洋蔥等配料，味道甜而不辣，十分惹味，搽在蒜蓉包上吃的確一流，結果我們足足吃了兩大籃包。頓成配角的蟹其實份量十足，蟹殼內更藏有很多膏，絕對沒有以價比貨。

大冬蔭功以窩上，份量足十二人用，急不及待的試了兩口，湯味道重酸輕辣，容易入口，帶少許香茅的和檸檬葉的味道，而番茄、草菇及大蝦等配料全壓在窩底，當中以肉爽的蝦頭最為吸引！

要了一隻泰式燒雞，特別喜歡雞胸的部份，皮烤得脆，入口啖啖肉，而且肉質嫩滑，香料也下得足，不用沾上酸辣醬已很惹味，水準也不遜於同區的泰式燒王。

另一道主菜芒果炸魚賣相豐盛，佈滿了酸酸的青芒果絲，魚起肉炸成脆脆粒，將兩者一同吃，特別之餘，味道也相當搭配，而壓底魚骨亦炸得香口，整體味道不賴，可以一試。

吃至尾聲，遇上一碟令人失望的 Pad Thai，金邊粉一看就知炒得不夠挺不夠乾，用料求求其其，賣相跟食友 Yan~* 吃到的簡直是天淵之別，希望是師傅一時失手吧。沒甚期望的泰寮招牌炒飯反而吸引，以薄薄的蛋皮包著用料十足的炒飯，包括魷魚、番茄、雞絲等，充滿誠意，而且飯粒炒得夠乾身，水準絕對不俗。

這晚吃得高興盡情，九道菜連同四支泰國象啤，買單免加一竟不用千一蚊，實在泰抵食，遲些一定會再來的！

曲奇四重奏 (九龍城)

同事看完有關百事吉的蝴蝶酥報導後有異議，認為過譽，他進一步介紹我嘗試港姐謝寧在九龍城福佬村道開的“鳳凰四重奏”（cookies quartet）蝴蝶酥。門面已和百事吉有很大的分別，歐陸的風格，簡單整潔，店員制服整齊，店內還備有數張椅子供顧客等候包裝時歇歇……未開戰先贏一杖！
我買了一盒$98的蝴蝶酥，排列整齊，較百事吉只用膠袋包裝再勝一杖！
不過就香味而言，百事吉便香很多；曲奇四重奏餅質較實，百事吉較鬆化；味道各具特色，曲奇四重奏有烘焙香味，百事吉則散發着另一股香味，而且味道較甜。我一家三口都較喜歡百事吉的蝴蝶酥。我會留數片鳳凰四重奏的蝴蝶酥給那位同事自己品評一下，分個高低！
曲奇四重奏一盒$98只得250克；百事吉半磅232克只需$34，可見包裝和名聲有多昂貴了！ 名牌的質量較有保証，但味道卻並非一定最好，這情況在選擇月刊中屢見不鮮啊！

糖百府 (九龍城)

一早聽聞糖百府任何時段都好多人, 招牌甜品係雪花冰. 一直等著一個機會試下.

今天行過九龍城福佬村道, 看見糖百府門口有好多開張花牌, 二話不說便衝入去.

下午三點, 都有70% full, 可能新開張, 未係好多人知道, 好容易搵到個位.

我一個人 order 了 一個 "牛奶秋香", 個雪花冰係用牛奶做, 上面放一些錬奶, 彩針, 賣相已經好吸引, 旁邊再放些芒果, 紅豆和無糖布丁粒.

果然名不虛傳, 個冰底好鬆軟, 入口即溶, 錬奶令個冰更滑更香甜, 芒果好新鮮, 紅豆都好林.

雖然$30 一個甜品的確唔平, 但又真係好令人回味.

大婆牛肉麵 (九龍城)

1 個星期內, 試了 [大婆牛肉麵] 和 [毓民牛肉麵].
當然難免比較.

[大婆牛肉麵]位于九龍城福佬村道頭, 第 1 次找不到, 因招牌唔顯眼.

食左個下午茶~

第 1 次幚襯, 當然要試佢既招牌菜:
大婆牛肉麵, 送豆漿 $28
+2 有1小碟酸菜.
湯底濃厚啱我. 內裡有牛(月展) 牛根.
牛(月展)好林. 好厚. 但太林, 入口即碎無mug 咬口. 'side' 左咁靚既牛肉.
麵底同毓民一樣, 類似油麵咁. 口感林, 無彈性. 唔好食. 我唔鍾意.

鹽酥雞是我的至愛.
+$13 有 1斗 鹽酥雞..
須則下午茶只 +$13. 但制作絕不馬虎.
而且份量唔少的. 好抵食.
雞炸得均勻, 表面鹽酥 野味香口.
配上九層塔一起吃. 簡直系夢幻組合.
讚!

招呼不錯.

Sorry, 相機室內見黃光對不到蕉, D 相好濛, 見諒.

澳門樂園茶餐廳 (九龍城)

在九龍城福佬村道的添樂園,隔離有一間"澳門樂園",份屬同一系人馬.看個名就知道,此茶餐廳是供應一些澳門的地道食物.

早餐時段也是得那些選擇,什麼腸仔煎蛋餐蛋麵之類,稱之為澳門樂園,怎也有一點特別的選擇.有一味豬仔包,有吞拿,咸牛肉,辣魚等選擇.記得在澳門吃過辣魚飛碟,相信要個辣魚豬仔包,應該是接近澳門街的風味.

豬仔包烘過,食落香脆鬆軟,辣魚是辣味的沙甸魚,魚肉打成碎,味道頗辣.此個早餐還包一杯飲品.凍飲的話就$26.

用膳前替食物影相,已是必備動作,其中一名女店員見到我拿住部相機,影個豬仔包,有點好奇,走過來問:{你係咪咩野飲食男?}我支吾而對:{eh..................唔係呀,我影下相乍嘛,無咩特別.}女店員聽罷,說:{如果你係飲食男,影埋個包之外,要影埋我呢.}旁邊其他店員聽到,掩住個咀偷笑.

隨數碼相機普及之後,現今也有很多人,開飯前也會左影右影,已不是新鮮事物.我早應該習慣,原來是沒有稀奇.

曲奇四重奏 (九龍城)

近期最熱門的餅店,應該是在九龍城福佬村道的"曲奇四重奏"了.

店名為何叫四重奏?因為是四位城中不同層面的名人合作,來經營這間曲奇小店,其中一位,就是前港姐謝寧.可能很多年青朋友不懂得她是誰,她是1985年的港姐冠軍,廿多年前,應有很多讀者尚未出世.同他同屆的,比較出名的有周海媚,但當天路過此店,我就見到邵美琪,手抽一袋二袋曲奇.

月前仍未廣為人知,見到謝小姐在鋪內打點一切,親自招呼客人.更將蝴蝶酥請客人試食.小弟當天身上現金不夠.試吃少許什錦曲奇之後,無奈離去.

日前友人訂了一大盒,才能真正與蝴蝶交個朋友.曲奇本身要夠牛油香味才算稱職,而蝴蝶酥吃落鬆化香脆,牛油味反而不重手,面頭薄薄的糖衣,是甜味的來源.

現今想吃要訂,而且要排隊,但這個蝴蝶酥是否令大家一等再等?我就有點保留,反而那個雜錦曲奇,我興趣更大.

曲奇四重奏 (九龍城)

上星期, 同事特地到九龍城福佬村道既Cookies Quartet買了兩罐cookies返嚟請大家食, 包括有蝴碟酥及雜錦裝曲奇~~

其實, 早前出去食lunch也試過走入店鋪看看順便試食, 謝寧也在店鋪內, 由於忙著跟店員處理訂單, 無暇招呼我們, 只叫我們隨便試吃, 於是我和同事們就唔客氣咁試食不同款式及味道~~

講返同事請既cookies, 再次食落都係覺得咖啡味不錯, 只係牛油味不重, 個人較喜歡Jenny's Bakery既口感, 因其cookies較鬆軟, 反而, 再吃Cookies Quartet 既蝴蝶酥曲奇又覺得幾鬆脆香口喎!!

但以$138價錢一罐就稍為貴咗少少啦, 不過一試就無妨既!!

中國冰室 (旺角)

知道呢度有間陳年冰室, 趁今日行到身水身汗0黎坐0下. 無胃口, 簡單叫個熱奶茶, 加個油多 (total $16) 就算.

坐0係樓上, 望落樓下, 立即諗起細個時成日去的九龍城福佬村道「洞天冰室」, 真係好懷念. 熱奶茶係「掛杯」的, 飲落奶多過茶好多, 麻麻; 油多太少牛油, 亦烘0左等於無烘咁款, 乾爭爭的幾難吃0下.

對食物0既印象係麻麻, 不過 $16 買個童年回憶, 都抵的.

德寶海鮮火鍋 (九龍城)

果晚,,無意中行過九龍城福佬村道'唔知食乜好,,見到間德寶火鍋,,唔洗點等位''咪入去囉-
仲以為唔洗等位就唔係咁好味,,但係食落就又幾好味wo*見到佢d野食就知啦''個賣相都唔錯ga-
打邊爐,,最緊新鮮丫嘛''佢地真係好新鮮ge-佢個老闆介紹左個魚下爬'仲有豬腳根'都係$48渣'我地都叫左;]
第2 d食火鍋ge好似冇乜呢d野食''我地叫左個鴛鴦ge盪底'一邊係沙爹盪底'一邊係栗米什菌''
都係$58''沙爹又好香呀`!栗米什菌又有栗米,,又有金菇''仲有d什菇係--幾足料ge*
我地4個人食左...
蟹子墨魚滑,,正,,夠彈牙'真係要試下-只係$48
海蝦又平又新鮮,,20蚊碟''
日本烏冬$15,,唔同出面果d''好食好多
醉雞亦$20,,有d酒味''都幾滑幾香,,
花膠$58''要淥耐d,,淋d好味d''
手切牛肉,,$88'佢d紋都幾均暈-有口感'
都係幾百蚊埋單'' { 冇+1 } 呢餐唔算太貴''
我會再去''

京木日本料理 (九龍城)

"京木"位於九龍城福佬村道5-9號地下D鋪，她出名的是8寸長的壽司，本身我忘記了，所以只是隨便點了些我常吃的三文魚、鰻魚、北寄貝、蟹子壽司，還有軟殼蟹手卷、炸雞軟骨，芝士焗豪等等，出乎我意料之外，三文魚、鰻魚壽司竟然有8寸長，足足有牒子般長！軟殼蟹手卷亦很大件，$55蚊有5隻焗豪，正！有機會一定再會再到此品嚐！吃到飽飽都只是共百多蚊，超值！

更多相片請參考：
http://hk.myblog.yahoo.com/samuel-cheung/article?mid=1178&fid=13