美味千餐廳(屯門)

曾幾何時美味千的油煙味令月巴家族卻步,前陣子餐廳重新裝修, 雖然地方沒有擴大,但真的比以前舒適,起碼廚房前加了玻璃,仍可從外面見到廚房大哥在廚房裡泡製食物,但又少了惱人油煙味,很不錯! 還有那張以很多藝人照片砌成的牆紙,等待期間數數當中名字也頗有趣。

月巴人通常在是日門外所貼的中西餐中挑選當晚晚餐:

蘿蔔魚腩予我家大人, 數量不少的新鮮靚鯇魚腩切得整齊美觀, 魚肉新鮮又少骨, 炸完後再匯合煮得入味的蘿蔔同煮, 令我家大人讚不絕口! 蠔油生菜份量較少, 澆上濃味蠔油又是另一道菜。

是日中湯為青紅蘿蔔煲豬骨, 一向美味千的中湯也頗有水準, 很有老火湯的感覺, 令次也不例外。

九菜花鮮魷魚片用上新鮮彈牙有魚肉香味的炸魚片,很有誠意! 鮮魷用上個子小小的小魷魚,非常彈牙有鮮味,白色的魚身一看就知道不是水浸魷魚,配合尚算幼嫩的韮菜花,以有鑊氣的手法炒成,下飯一流。

自己的鬼佬餐選了黑椒汁牛脷煎蛋意粉配白湯, 只是回家打開飯盒藝竟發現雞蛋不見了!不過卻發現一塊比較長又比較硬的牛脷,正納悶為什麼牛脷如此硬之際,原來廚師大哥以一片靚爆五花腩大煙肉煎香代替煎蛋給我, 哇哈哈~~~~當然這塊又大又靚的煙肉最後撥歸大人收益。

牛脷質感很有彈性不會過淋,有嚼頭之餘又不會咬不開,很不錯的牛脷口感,只是切得較薄, 要是可以厚身一點會吃來更有質感; 意粉只以水煮熟, 完全沒有以調味料加工過, 很西式的煮法, 而且煮得很彈牙, 比一般港式餐廳軟趴趴意粉優勝很多, 雖然只有很簡樸的意粉味道但好吃呀!! 黑椒汁未夠勁道,可以再香辣一些, 反而平時黑椒炒意粉的味道更濃烈霸道,那才有黑椒味道嘛!!

白湯味道很淡,不像以罐頭湯煮成的水準, 質感很滑溜加入稍咸的火腿片和甜粟後, 味道比較多變化, 原來還有一片蒜茸多士跟湯,正!! 以法包烘成的蒜茸多士外脆內軟,不會脆得像餅乾,這種程度的麵包才好吃的嘛! 蒜茸味道不太重,牛油份量相對重手得多,又香又油蒜茸多士真好吃!!

黑椒德國咸豬手已去骨,只剩一團連皮豬腿肉,豬皮厚厚吃來彈牙,很有豬腳凍那種彈彈感覺,豬腳肉稍為粗糙,帶筋部份反而不俗,彈牙之餘又不會太韌,黑椒汁一如以往未夠勁道。

阿姐極力推介"成塊面咁大"T骨扒,皆因平時每客$46, 今天鬼佬餐只售$40! 打開飯盒果然很大,大型2格飯盒也可覆蓋,下面還有另一塊牛肉,份量勁多!! 細佬一人幾乎全數KO,小試一塊牛肉不很梳打仍有些嚼頭,牛味輕輕不太重, 加上燒汁也算很不錯!

今次不要餐茶改要大碗湯,嘩....以大尺寸湯碗盛的羅宋湯真的巨型, 不但湯多連蔬菜也多,只是個人認為不算太濃郁不太對味,我家細佬卻欣賞非常,一飲而盡!這碗巨湯的確也可飽人, 是日點的西餐實在超滿足!

臺北站(紅磡)

經過紅磡廣場，有間新台茶店喎。

這裡有500cc $10 與 700cc $12選擇，仲有暖 500cc $12提供。

有比利時薯條、鹽酥雞供應。

還是試試珍珠奶茶吧了。

首先收銀員沒有自動的問我要少甜少冰與否？不過就有問要大珍珠定細珍珠。

見店員都沖得慢...我發現我個杯珍珠奶茶個底係未溝勻的？！要自己再 shake，同埋味道淡到得少少奶味，零茶味。珍珠唔彈牙，仲好硬，好像係隔夜雪過的貨色....

果然台茶店不是間間都入流的。

大吉居酒屋(中環)

尋晚同3個朋友一齊去咗間食放題口既大吉食飯。 睇間雜誌話要分兩個時段，所以訂做8:45。

8:30 去到已經去到，等咗一陣就可以入去。口個度除了有氣水，仲有荔枝蜜，都系任飲。口個侍應話天氣凍，所以有埋熱飲。超細心體貼。

唔夠一陣，一大碟魚生就到。件件厚切，分量十足，抵讚！
口的食物話咁快就到齊。其中串燒燜最好食，和牛肉都唔錯。不過燒三文魚頭賣相就麻麻

我同朋友都一致認為天婦羅最好食。即叫即做。蝦天婦羅夠大隻。我同朋友食咗30隻。

服務一般，但就不停有人加茶，換碟。

我覺得值得再嚟！

老地坊(灣仔)

某天晚上貪方便叫外賣, 為的是一碗酸辣湯... 結果是非常失望, 不可一不可再...

1) 酸辣雲吞 - 簡直不知所為, 酸辣湯裡面竟然會有檸檬 ? 味道就像冬蔭功+酸辣湯混合版, 奇怪到不得了, 而雲吞也是爛爛的, 基本上吃了3,4口便已放棄
2) 排骨麵 - 排骨很好味, 也有軟骨連在一起, 但麵的則很粗糙
3) 餃子 - 這個ok 可以接受的

二人共消費 : $86

星巴克咖啡(銅鑼灣)

太多野一次過發生..心情煩悶, 於是放工去cwb, 行下街...令自己開心D~

相公話佢放工陪我行下, 於是就約於timesquare等了.

自己行了一陣.., 好想飲杯咖啡, 即走去6樓既 starbucks, 望見玻璃櫃入面, 也新出了各款聖誕節既cakes, 於是也要一件, 令自己心情好一點吧~ (雖然本魚唔食甜食, 但心情影響, 食少少無妨呢)

chocolate crunch candle - 入口似chocolate mossue, 古古力算濃, 但奇怪, 第一口, 第二口, 都仲未有crunch? 去了邊? 直至食到中間, 才發現細細片既crunch..但...咬落...無脆脆地既感覺......只有淋..同cake 既質地一樣...有點失望...

dark cherry mocha - 唔...飲到有小小既dark cherry 味, 但落太多古古力...無了平本身淡淡咖啡味....飲落似飲熱古古力多過似mocha....有點失望

starbucks 既價錢越來越貴, 本魚係外國飲既價錢比香港較平, 仲有依家佢地已無咗short size, 點解喎...? 唔係個個人都可以飲晒一整杯Tall size 呢~ 例如本魚...飲唔晒...唉...

鴻星海鮮酒家(銅鑼灣)

同朋友影完畢業相宴客, 現在是吃大閘蟹的季節便去了鴻星吃大閘蟹套餐.

我們點了最貴的套餐 (1880$ 那個), 基本上除了大閘蟹和蝦球不錯外其餘也不行, 以味道來說不值這個價錢, 如果只是想吃大閘蟹倒不如吃1380那個套餐還行.......而且明顯order很亂, 到繁忙時候要催促很多次才行. 我不會再來的!!!!

小湘館(紅磡)

上星期六行過這間食店，抱著一試無妨心態try try，order 了米線串燒餐

米線:
水餃米線挺特別，內有其他食店少有麻香味，啖啖肉,值得推介。
另一個是豬軟骨米線都幾入味，可以一試

但我覺得米線湯底可以濃一點會更好!!!

串燒:
我們點了司華力腸、豬寸骨、四色丸和羊肉，應該用了孜然粉所以都幾惹味
尤其是個豬寸骨，初時睇個名都唔知咩黎，但好入味，食完後支條骨好似匙羹咁，
不如叫"匙羹骨"

較可惜串燒類無我至愛燒香蕉及菠蘿

下次會再去試試此店的麻辣菜式^^

The Pier (西環)

離開HK大半年，再開始寫我啲食評了!

前排第一次去西環碼頭附近食甜品，發覺原來隔離有間裝修得幾特別的Bar。就算唔睇名，淨係睇佢啲裝修都估到個名應該係碼頭之類.... Bingo! 真係估中! The Pier.

本來諗住三两個朋友食完甜品找個地方飲o野，点知細佬call我話有興趣join我，細佬一來到Pier經過隔離間甜品店就撞到两個娛樂圈朋友...張xx和余xx, 佢哋跟住轉場到Pier坐最埋張枱跟我細佬閒談。本來我跟朋友只係坐張四人枱，D friend打比我問有セ攪，我就緊係佈告location之餘再講埋遇到張xx和余xx添! 点知唔夠45分鐘我就由原本四人枱調到六人枱最後大大話成十個人，仲坐到出門口添!

其實遇見娛樂圈中人有セ咁出奇要上OR寫食評吖! 不過到OR見到一Ｄ非會員的食評，我要為The Pier 平反!

1) 由九点幾飲到差不多零晨两点，大大話話轉左最少３次枱，埋單時都唔見有帳目出錯的問題
2) 我哋飲紅、白酒，cocktail, shooter都有，杯杯都好夠份量，唔見大細杯的情況
3) 小食種類又多又好味
4) 老闆娘態度友善，仲送多幾碟小食比我哋

係老蘭、CWB都蒲左十幾年，而家追求的是三五知己聚一聚飲下酒，有D 音樂播下熱鬧得呢又唔嘈吵唔雜的Bar係西區一帶好少。最重要係老蘭、CWB都去到悶哂，係時候要找一些新地方。

雲峰和食屋(尖沙咀)

同幾個朋友行去老尖，經過間新店，就入去試下。果然有驚喜喎！
1.鹽燒雞皮：香噴噴，脆扑扑，一D都唔肥，好好味，連續叫三碟，大滿足！
2.汁燒雞串：好夠味，好正。
3.串燒冬菰：又係鹽燒，好香口，咸道適中。
4.酒煮大蜆：酒味好香，蜆都新鮮，最好一開始就食，中途先叫會淡口左D。
5.鹽燒三文魚頭：平時食慣油甘魚頭，三文魚頭都唔錯喎，佐酒一流，適合哂我地呢D啤酒怪。
6.鹽燒牛舌：好味，好香口，唔會太乾。
7.天婦羅烏冬：估唔到佢地D烏冬好的得喎，好正呀。熱辣辣，好飽肚。
埋單仲俾佢嚇左一跳，三個男人，每樣叫兩客以上，加埋飲野，每人一舊水，抵到爛啦。
個老闆有傾有講，鬼咁好人，見到佢問佢有咩好介紹就得喇。

滾得棧(深井)

早兩日特別凍，本來想去旺角試一下旺順，不過原本個個食評都話無乜人的哩間野，都因為天氣凍多人打邊爐而爆晒棚，於是索性返深井去試下滾得棧。

可能因為我地晏黎啦，都成九點半，所以戶外區都有幾多位唔使等。其實凍凍地係戶外打邊爐仲夠Mood，好過坐室內周圍煙。

我同朋友兩個人要左個胡椒豬肚湯，其他火鍋料包括：
炸魚皮
雞件
四寶丸
韭菜餃
魚麵
西洋菜

唔記得仲有無其他，但應該係咁上下。其中有啲係半份的，但最後都係食唔晒。

個胡椒豬肚湯好好味，當湯飲真係一流，至於的火鍋料，最正的係啲雞同魚麵，可惜因為食左其他野先，哩兩樣到最後反而食唔晒要打包。至於其他的火鍋料，因為都只係大路野，所以都係正正路路咁，但四寶丸中的蝦丸真係值得一讚，好爽口，好有蝦味。

紅蔥頭(旺角)

星期3同bf黎食dinner
因為佢有個2人餐188, 幾抵食
唔講野食先
我地入去食果時7點都未到
餐廳入面冇咩客
o係我坐低冇耐, 竟然有埋waiter 圍埋o係張台度吹水
我想講係, 間餐廳入面既然有客, 就唔該認真少少啦!
而傳菜的waiter ge態度亦未見得好, 好求其放低d碟
就連上湯同drink果時都唔會問我地邊個係飲咩

至於野食, 豬仔骨同海鮮天使面不過不失, 而且份量相當多
有驚喜的竟然是甜品
係1/8個blueberry cheesecake
係個甜品值得一讚

花園餐廳(銅鑼灣)

喺銅鑼行街行到八點幾，又攰又餓，想即刻揾位坐低食飯，但係度度又排長龍，只有呢度仲有大把位，都知唔慌好嘢，但見佢夠胆大大隻字寫話自己係牛扒專家，又賣成80幾蚊一個扒，諗住衰極都應該有個譜。當然我唔會咁無知將佢同Outback比，只係一心諗住佢會好過大快活個紐西蘭牛扒餐姐，要求都好低吓啦，點知....

我點咗個79蚊ge西冷鐵板餐6成熟，我老公就要咗個豬扒鐵板餐，都係70幾蚊。餐湯我要咗羅宋湯，好大碗，但係係無味ge，好似飲水咁，好明顯係溝水再溝水之作，連丁點牛肉殘渣都揾唔到。面包我無食，但唔慌好得去邊。

扒係鐵板上，但唔明點解佢要用一塊細過塊扒ge鐵板嚟裝塊扒，切ge時候搞到好"Le Hae"，可能咁樣會顯得佢塊扒大D。同埋佢係上枱時喺你面前即淋汁，但係只有一塊tempo咁大ge餐巾紙provide 俾你，遮得面嚟遮唔到衫，簡直係有心整估。

講返塊主角－牛扒。一切落去，知"頼"嘢啦，明顯係有用鬆肉粉醃過，咁就知好食極有限。可能初初幾嗒因為肚餓關係所以都覺得無咩點，當自己喺大快活啦，點知越食越唔對路，塊扒越嚟越淋，到最後咩胃口都無晒，我就攞扒嚟玩，用隻义係咁"顏"剩低落嚟嗰1/3塊扒，竟然俾我不費吹灰之力就將佢"顔"成一堆肉醬啦, 哈哈哈....

其實佢駛咩搞咁多嘢，又俾把扒刀你，又問你要幾成熟，其實都係D門面嘢，完全係劏牛不需牛刀，6成熟揾滴血水睇吓都無（但係我諗如果唔係全熟我都唔敢食）。

埋單盛惠$170，我仲要拎套衫去乾洗。一句講晒，我寧願去返大快活食紐西蘭牛扒。

牡丹(尖沙咀)

見有這麽多笑臉就來試試，叫了兩個 set dinners，一個脆皮八寶鴿及一個牛排
頭盤是魯豆腐、芝士茄子味道不錯，蜜瓜火腿沒有味
Carrot Soup 說是用雞湯加胡蘿蔔做，不過飲不到雞湯的鮮味
主菜八寶鴿皮不是很脆，肉有點硬唔夠嫩
牛排生熟度剛好，可是沒有味，可能醬汁太少及徧淡
服務員服務態度好
換了廚師嗎？實在有點失望

花之家(尖沙咀)

前兩日有個朋友同我講寶勒巷10號2樓有間花之家LUNCH好抵食,又話個日本人師傅係北海道人.
今日我就約埋四個朋友唸住今晚去試下....入到去見到好多面熟o既人,即係侍應同d師傅個d啦...八卦問左問..哦..原來佢地都係隔離街櫻日本料理d人黎架....眼見menu同推介都一樣....問完朋友d意見就即刻叫左幾樣食住先....
最愛既 "北海道牛肉" ...好耐都冇食過啦...依然係入口即溶..
魚生???當然係新鮮到極啦...有左口魚...金古魚...池魚....響螺....今日仲食多左一款刺身叫"平政魚"...佢d肉質鮮甜可口啵...嗯...幾好食...師傅同我地講 "喜之次" 好食...我地係舊 {櫻} 既fans梗係要試下啦...喜知次盬燒...皮香脆...裡面魚汁好多 ... 魚肉好滑...唔知點講..總知就係好好食...串燒同 "香蔥吞拿魚腩飯" 就同以前一樣都係咁好食...
最後師傅仲送左超甜既溫室密瓜俾我地食tim呀...好香好有密瓜味 ... 好似食緊密瓜糖
不過呢度仲係新仲係有d裝修味囉...同埋有d天拿水味tim囉不過聽佢地話係樓下裝修緊傳上黎既....
今晚...我地都食得幾好開心架...一定會再黎....

老闆娘雲南米線(荃灣)

平時都帶飯番工既我，今日都有帶，但看來BB真係好厭飯，恨食米線...
趁未夠鐘胡亂上Openrice睇下公司附近有冇米線食..點知咁近就係街市就有?
好啦...一於就落街買!

我1:10pm到步，見到堂食既碗已經覺得好有迫誠意，大大隻既中國瓦碗，唔用膠碗的！

見網民都會點什菌餃，於是叫炸豬扒米線+什菌餃，外賣$27
可是企係度一等再等....已經1:35pm...先拎到外賣 v_v
不過真係好好生意,坐到好full,人手可能唔夠啦...同埋都上年紀..都冇計啦～

番到公司以15mins時間要食埋碗面的確有d難度,好在湯不是滾滾燙~
第一啖湯就覺得好正,酸味岩岩好,唔食得辣既我叫了小小辣~好正!

但食什菌餃就發覺唔岩胃口...食了半隻就冇食,好浪費>< 可能大肚婆口味就係咁=_=
而豬扒因為等得耐...都涼了,不脆了...
btw, D 阿姐都好有禮貌,話唔好意思要我等咁耐

整體上係大件夾抵食的！有機會都係搵星期六放工，堂食～唔洗咁趕頭趕命！