糖百府(旺角)

被朋友捉去
點了3個雪花冰
朱古力秋香,(番石榴雪花冰+藍梅醬+胚芽+紅豆),(香蕉雪花冰+朱古力醬+七彩彩針+芒果+小丸子)

我的是番石榴雪花冰,它有很香的番石榴香味,很綿很鬆散很好吃,不知是不是天氣凍它被到最後都只係溶左少少 正

意粉屋(旺角)

叫左兩個set
雞翼薯條..D雞翼冇乜味..
三文魚凱撒沙律...最好食
龍蝦湯..OK
肉醬寬麵..D寬麵好硬..

下午茶黎會較抵食...

Popcorn Monster(旺角)

今日去左呢間Popcorn Monster買左個大既Rainbow
開始頭就覺得好得意
但係其實愈食就愈甜
真係頂唔順
講返d popcorn先
我覺得青色既青蘋果味最怪
粉紅色既士多啤梨味就好味
同我地平時食一支支粉紅色個d綿花糖一樣味
都幾得意

飛鷹餐廳(深水埗)

那天朋友說一起食飯原本想去食蝦子撈麵可是有朋友怕唔飽,於是改來這
一進店,環境好暗坐位很迫
坐下來點了一個黑椒牛柳餐,一個西冷牛扒餐,一個什扒餐
他的餐包送來是真係眼都大埋,大到呢,比人地大成倍
之後的鐵板餐份量都係好巨大
牛柳點了六成熟食河落去好"林"可惜沒什麼牛肉味,不過份量好大
西冷朋友點十成熟他說也是很"林"那我可確定了,一定是用了梳打粉 呵呵
什扒份量也好大,不過好多肥肉,煙肉眼看煎到剛好不會太乾
我和朋友一直食,不停有人來,還有人要在門外等,這點生意真好
不這這店的坐位和份量真是成反比

L'Eclipse(尖沙咀)

星期三同fd黎食lunch buffet ,兩人同月生日只可一位獲免費。
今日客人唔多,座位舒適
冷盤有生/小龍蝦/青口/蝦（食過多間酒店buffet最大隻）
熱盤選擇唔多,幾款都係魚,最欣賞雲腿蒸比目魚肉質夠滑,
點心有兩款义燒飽和珍珠雞,燒鵝皮脆香口义燒入味,還有生滾蟹粥,
朋友試過咖喱話好味,我怕辣無試到,
魚生壽司亦新鮮,甜品都算唔錯,鍾意蜜糖布甸夠滑唔會太甜
整嗰lunch buffet 選擇真係少,但品質唔錯,着重食物質數
包一杯飲品,我杯熱檸茶更奉一件朱古力曲奇
＄228+10％~ 生日月份免費只收加一非常低食
另一要讚服務一流,厨師上前主動介绍食物,更幫客人挾食物
煎好了西冷扒厨師更送到桌上
待應有禮貌,收碟快,服務值得一讚。

無名雞蛋仔(九龍灣)

下班走去坐車去深水埗時路過見沒人排隊買個雞蛋仔來吃
他真的是用火燒的,我買了一抵,而朋友買了格仔餅
一口吃下去.....唔...............這個質感一點也不像雞蛋仔
他那個好像是蛋糕的感覺皮有一點點脆,只放一粒落口我完全唔覺有野係口到
不過如果是格仔餅這個質感就應該很好吃,朋友也說他的格仔餅很美味

HOT DOG FORMULA(九龍灣)

因為最近要去九龍灣做野所以都在那開餐
午飯時間和3個同事來試一下這間
我點了蘑菇熱狗餐轉芝士薯條
朋友的是招牌熱狗餐
蘑菇熱狗吃下去味道亡不錯,可惜早兩天去試完Hot Dog Stage的熱狗,所以感覺這裡的比較差一點點,因為他的熱狗的包比較大而香腸是一般的粗道,所以就吃下去沒Hot Dog Stage的好吃但還是可以一試的
而它的薯條真的熱辣辣可惜芝士凍了形固了,如果是流質的芝士在薯條上便美味了

財記茶餐廳(旺角)

落到分店，便跟同事一齊出去食飯。有人介紹這間茶餐廳，好好食咁話喎，咁我就去見識下。

快餐選擇也挺多的，有點眼花瞭亂，忽然見到有我喜愛的滑蛋叉燒飯，就鐵定要這個，餐飲就要熱奶茶。

滑蛋叉飯送上，大概是粉漿比例的問題，很稀的。還好，質感是夠滑，又有蔥花豐富口感，不一會便可吃掉一碟飯。叉燒偏瘦，但肉質不會韌，不錯。但比起當年的蛇竇(是當年，不是現在)，水準還差一截。

奶茶反而幾好，用厚身瓷杯上，夠滑，奶味茶味得到平衡，又有掛杯效果，喝下幾舒服的。

幾十蚊的一餐，梗係要爭住埋單啦！

泰昌餅家(九龍灣)

那天早上要到九龍灣工作,經過時沒有人排隊買了一個蛋撻去吃
買完拿回到office,食下去蛋還是熱辣辣的有一點點甜曲奇皮很趣很好吃
現在已經愛上了每次經過也要買一個去吃

Delicieux Bistro(中環)

聽到友人嘅介紹,nov 14,09嚟lunch,叫咗 :

1) 越式特級法包餐($49)
i) 青檸梳打
-+咗hk$4
-因為罐梳打喺無糖,所以只喺有氣,並無甜味
-於是要額外向店員索取糖水
-青檸味也很弱
-呢個就以元朗邦美x較為出色喇

ii) 越式特級法包
-經店員推介,呢個喺人氣之選
-有鵝肝醬,越南扎肉,咸豬手及雞肉鬆,醃過的紅蘿蔔絲
-另再問我要不要+芫茜同辣椒絲
-個包咬落暖熱,都脆口,硬度唔會挖口
-餡料有咁多,味道自然豐富啦,尤其有鵝肝醬同雞肉鬆,呢點比佐敦嘅添x或元朗嘅邦美x突出
-辣椒絲就要求隨量啦,雖然只得1條,但咬到辣椒籽,真喺辣到我跳晒舞

* 服務很好,我食剩1/2件,女店員主動幫忙拿去pack起佢

Hot Dog Stage(荔枝角)

早前看到有post說他17/11結業,那天下午便去試一下
和朋友點了招牌熱狗和純牛肉芝士漢堡
他的招牌熱狗的香腸很粗很美味和包的大少剛剛好美味
而純牛肉芝士漢堡吃下去很香漢堡很大快,朋友說質感吃下去有點"鞋"不過我喜歡XD
期待他找到新地址重開

川味港威記川菜(大角咀)

這晚收工後約了朋友去川味港食辣野大概是十一點多,我點了雞煲(大辣)海蜇和干鍋肥腸,很可惜沒有影底給大家看,
雞煲的雞是用新鮮雞的,很鮮,而且辣度也足夠(可能是大辣吧)還有底下的配菜完全吸了汁的味道,爽!!!
干鍋肥腸_麻味十足,有一股勁從口直上頭部令你馬上流汗,而且肥腸比深圳的川菜館不遑多讓,不俗
整體來說這裡的食物不錯.

美心西餅(青衣)

美心西餅---東南亞風味系列~咖央包

日期：2009-11-18

在"美心西餅"買了新推出的"東南亞風味系列~咖央包"($6)。在家用焗爐翻熱[以200C焗3分鐘]。

咖央包---麵包內餡是*咖央醬(Kaya)，表面沾上糖霜。麵包外脆內鬆軟，咖央醬稠身，椰味不算很濃郁，略甜了點。

*咖央醬(Kaya)，主要以椰漿、蛋、糖和牛油等材料製成。

越南越順餐廳(鰂魚涌)

我估唔到香港竟然有咁好食嘅越南菜, 好地道。特別牛油雞翼, 好脆好香,大大隻ｏ仲有嗰咖喱牛腩河, 超特別Ｄ咖喱超好味ｏ聽聞好多明星去食, 嗰日先见到農夫嘅6wing 和 TVB一個藝員, 以後會多Ｄ來, 因為好食又平,唔使$300 就有個六人餐

麥當勞(青衣)

McDonald's---火腿扒蛋芝士扭扭粉 (Ham & Egg Cheesy Twisty Pasta)

日期：2009-11-19

在"McDonald's"買了新推出的"火腿扒蛋芝士扭扭粉~配薯餅及McCafé優質即磨咖啡]"($23.8)。在家用焗爐翻熱薯餅[以200C焗2分鐘]。


1.火腿扒蛋芝士扭扭粉---內有雜菜雞湯、S形扭扭粉、火腿扒、煎雞蛋和車打芝士片。雜菜雞湯材料有椰菜、青豆、紅蘿蔔、粟米和蕃茄。火腿扒味道像煙肉又像豬肉乾，鹹香惹味。扭扭粉偏腍身，煎雞蛋軟滑夠蛋香。雜菜雞湯加上溶化的車打芝士片變成"芝士湯底"。清甜雞湯味加上車打芝士味，湯頭尚算濃郁，整體味道不俗。

2.薯餅---口感香脆，薯味十足，只是略鹹了點。


3.McCafé優質即磨咖啡---咖啡味尚算香濃，奶味略多了點。