別府駅前料理(旺角)

平日聽到朋友介紹話"別府"值得一試,今日睇完戲就去左一試!
打開MEUN,見到佢地既款式都幾多選擇...
我地2個人叫左個5樣野!!
有三文魚刺身,SUSHI,炒雜菜,陶燒牛舌同埋鰻魚炒飯!!
先講三文魚刺身,都好似幾新鮮,但有樣野唔好既係三文魚下面放左冰,D冰同三文魚左野阻隔住,所以搞到D冰融左變水,就變左水浸三文魚...
SUSHI同炒雜菜都OK啦!!
個鰻魚炒飯真係幾好食..真你好好味
所以都可以去試下...

新城興牛什粉麵專家(佐敦)

今晚係旺角學完整蛋糕, 行咗去佐敦廟街既新成興, 試過上次係銅鑼灣 新翠華既煲仔飯咁失敗之後, 再嚟呢度試食煲仔飯, 叫咗個 北菰滑雞飯 $38 + 可樂 $6, 都頗多客人, 係等候期間要我轉咗2 次位嚟遷就其他客
第1 次要我轉位都無所謂, 但坐定之後又轉過就令人有點煩燥了
講番個飯, d 雞都唔錯, 唔會淡茂茂咩味都無, 但個飯底就唔係好掂囉
可能呢幾晚天氣凍, 多咗人食煲仔飯, d 米好似都未索夠水就拎去煲, 攪到d 飯好似得8 成熟咁, 硬既, 都幾難食, 暫時都未搵到一間好掂既煲仔飯
會趁住呢個冬天,繼續努力尋找一鍋 絕世美味煲仔飯

鮮茶坊(旺角)

吃了兩天川菜，個人也火辣辣的，一於喝口茶冰涼一下自己的喉嚨。

雖然天氣頗為寒冷，但不知何解，貢茶仍是其門如市，而在旁的鮮茶坊，人比較少，而且本人又未試過，一於俾次機會佢。

點了最普通的茶，沒有奶沒有珍珠，只是一杯阿里山烏龍茶，烏龍茶夠冰凍，但又不是太多冰，而且又不太甜，正合我口味，沒有另吩咐也做到這點，抵讚！加上烏龍茶喝得出有茶味，真的叫人喜出望外，但先旨聲明，只是有茶味，不是有很濃的茶味，為何驚喜？因為這看似應份的東西，其實在云云茶店中，就只有貢茶做得好，今天的是有茶味已是不錯的了，但原來也是高興得太早，不知為何其茶味怪怪的，在其背後竟滲出點點的酸味，是茶酸，相信店方用的茶葉應該是很便宜的烏龍茶吧，從阿里山來的，打死我都不信。

怎說也好，十元一杯茶有七百五十cc，還想怎麼樣？

新曼谷泰國菜館(銅鑼灣)

同女友去咗銅鑼灣，本來唸住試吓新嘢，不過女友話好想食番上次間泰國餐廳 - 新曼谷泰國菜館，於是最後都係決定encore!!!!!!

未夠六點已經去到，餐廳內只有一枱客人，枱上仍有下午茶時段嘅餐牌，$30零蚊一個飯+杯飲品，好抵喎~

趕上尾班車，叫咗一個蠔仔炒飯+椰汁紅豆冰~不過炒飯無咩特別，略鹹，蠔仔無鮮味，Cherry話唔好食~有d失望!

今次叫咗個菠蘿炒飯，專登試吓其他嘢，唔食椰青海鮮焗飯嘞~哩個飯配料有新鮮菠蘿肉、肉鬆、腰果、魷魚......份量很大，真係睇見都飽，而且味道很好，個飯炒得夠乾身，一d都唔油!菠蘿夠甜，炒過之後，更加好味!而肉鬆更是不可劃缺，因其是用嚟吊出成個飯嘅香味!而腰果就豐富咗整個飯嘅口感!

上次食過青咖喱牛，今次叫個青咖喱雞~青咖喱依然出色，保持水準，個汁依然係用嚟送飯~!而雞肉鮮嫩，唔會煮過隆而變"鞋"~

食飽咗都未夠七點，同Cherry跟住喺附近行吓就歸家嘞，山長水遠出嚟，都係為咗搵食啫!!!!!

燒鵝大王(深水埗)

今日交易完左去深水埗買野, 來到兩點先搵野食先

行過呢間見到呢間鋪頭掛住的燒鵝令立立, 好吸引, 燒鵝癮起, 於是就入左去叫個燒鵝飯食啦.

牒燒鵝好快就上到黎, 一望份量都幾多而且仲有脾添, 就好開心啦, 一食落下燒鵝係凍既, 需然飯係熱但係咁既天時都不足令係牒面既燒鵝熱. 另外, 鵝片係巢晒啦, 鵝肉好實, 肉味淡, 應該是冰鮮貨, $28一大牒係平, 但係質素郤令人失望, 只是街市貨色, 早知都係食對面雲吞啦

澳門翠苑茶餐廳(太子)

今日下午 4 點鐘要去旺角學整蛋糕, 知道呢間澳門翠苑咁出名, 順便嚟試吓, 叫咗個 常餐A, $28 有螺絲粉 + 鬆脆鮮油豬 + 熱咖啡
先上咖啡, 真係並非浪得虛名, 果然夠晒香濃, 落咗兩包黃糖再飲, 好正
之後到 螺絲粉, 好熱呀, 如果趕時間的話, 最好叫過第2 樣了, 因為要攤凍一陣至可以食, 味道唔錯嫁, 又大碗, 食咗好耐, 最終都係食唔晒要放棄,有點可惜
重點要試既梗係 鮮油豬啦, 嘩, 好鬆脆, 又夠熱喎, d 牛油又在半溶化狀熊, 好正啊, 食完仲想食多個, 下次嚟到旺角要再食過
埋單時同老細傾咗幾句, 原來隔籬既 澳門大豐新翠苑係佢既第 2 分店, 青衣第3 分店係最新開張

Bistro on the Mile(尖沙咀)

同女友班舊同學gathering, 訂左Bistro On The Mile嘅Tea Buffet，晏晝求期食咗碗粥，等到下晝3點先開始有得食。之前未去過，今次都係諗住陪Cherry同埋試吓......

個場都算幾大，不過食物款式就太少嘞...........

首先，冷盤方面有蠟魚刺生、三文魚刺生、沙律、煙三文魚、壽司、冷麵等等......不過，非常好刺生嘅我就覺得d刺生一般新鮮，味道麻麻、冷麵就淡而無味，兼無口感，反而最欣賞就係煙三文魚~

大約有12個熱盤，包括中式點心、煎餃子、炒粉麵、pizza、忌簾湯、雞翼等等......最意想不到好好味嘅係煎餃子，個皮煎到脆卜卜，而個餡依然係juicy有肉汁嘅!而個雞翼都好好味，不過好似食緊pizza hut嗰d咁。而個pizza就唔值得試，簡單d講就係難食.......

甜品方面有7、8款甜點，不過整體嚟講都係麻麻，反而成個buffet最好嘅就係有Häagen Dazs雪糕任食，數數埋埋成十幾款味咁多，有比利時朱古力、青檸雪葩、芒果熱情果、雲呢拿等等......有一杯杯細細杯嘅，亦有一筒筒自己刮嘅，任君選擇，雖然我唔咪太好Häagen Dazs，不過都食咗十個球........最愛都係雲呢拿同青檸雪葩味~

整體嚟講個tea buffet 就一般啦，主要係因為食物款式好少，而且味道麻麻，不過好在有雪糕補番數，如果唔係就真係無咩好講。不過tea buffet嚟一次夠嘞，無咩值得再嚟多次。

好味屋餐廳小廚(灣仔)

20-11-2009

收工後「下場」喺灣仔, 喺灣仔返工的朋友又要開夜, 不如一齊食 dinner 吧. 是日對交加里的速食店無興趣, 見未食過的呢度供應星馬菜色, 又試試. 叫了魚喇沙配米粉; 朋友就食呢度的招牌海南雞飯.

先嚟朋友的熱奶茶 (海南雞飯的餐飲), 堂食竟然用外賣紙杯 serve!? 色水不錯, 飲落幾滑, 奶味 vs 茶味約 3:7, 朋友嫌太「茶」, 我就覺得剛好, 結果由我「包底」

海南雞原來並無去骨, 朋友好唔 likey , 我倒覺得無所謂, 不過雞皮軟弱無力, 完全唔爽口; 雞肉亦一般, 黑肉就叫幾嫩滑, 但白肉係嚡得「挖喉」 另上的醬汁只得薑茸及酸辣汁, 試了後者又覺得唔夠酸唔夠辣, 唔多掂.

油飯 / 雞汁飯唔「油」, 食落乾身煙韌, 但實在太唔夠味了, 還是般咸道嗰間 (http://www.openrice.com/restaurant/commentdetail.htm?commentid=1940028) 好.

冬瓜雞湯幾清, 帶輕微胡椒味, 無乜 MSG 痕跡, 叫 ok 吧.

仲有碟前菜 / 花生 / cashews, 食了點漬木耳, 酸酸爽爽, 又反而不錯.

魚喇沙米粉底就完全係一碗面頭淋了咖喱汁 (?) 的雜錦米粉... 湯底薄, herbs 香薄, 無椰香, 遑論海鮮湯了; 魚係炸過的急凍魚柳, 叫幾腍滑; 面頭的疑似咖喱汁唔辣, 帶椰香咖喱香, 反而幾惹味; 米粉十分索汁, 叫 ok; 其他配料有豆卜, (雪)青口, 魚片及炲蛋一隻, 其中最喜歡甜甜的彈牙魚片, 又最唔喜歡硬硬實實的無誠意炲蛋...

食物一般, 環境就係幾乾淨光猛的茶記格局, 不過伙計們太唔理人了, 印象麻麻.

埋單每人約 $50, 唔貴, 但食物絕對稱不上「好味」. 連新加坡文華海南雞 (!?) 都搞成咁, 無興趣再來了. 下次都係食返泰妃雞 (http://www.openrice.com/restaurant/commentdetail.htm?commentid=1973730) 吧.

雅敍閣西餐廳(太子)

星期日去旺角維景酒店食自助午餐，幾個月前食過今次傳菜式又來試。
餐廳地方不算大環境普通，今期主題是國際美食。
熱食有：豬腳薑、蟹肉蒸水蛋、青口蒸水蛋、炒米粉、魚肉碗仔翅、三文治、
紅酒會牛尾、花生雞腳、韓式炒年糕、白切雞、烤羊腿、烤牛、田螺串、
什錦滷水、日式關東煮、炒硯、蔬菜等。
其他還有中、西湯、甜品、蛋糕、糖水、自選喇沙湯麵。
味道方面：蟹肉蒸水蛋好味、田螺串無什麼特別、魚肉碗仔翅好味、
不過魚生剌身就每位只有一份，有菜式只出一次要食就要快手，
其他菜式味道都是一般，補充也很快，連加一只是98圓都算抵食。

喜客比薩(尖沙咀)

一年多前, 因為其中一位友人大力推薦, 所以就一大夥人去了apm的Shakey's, 吃過後的感覺: 無甚特別, 一般過一般.

從此, 沒有再幫襯過.

最近又有朋友提議去這家餐廳飯聚, 因為上一次的經驗, 我對食物沒有什麼期待, 反正出席的朋友們才是主角.

點菜我也沒參與, 都是提議來這裡的朋友發板, 因為他才知道什麼好味道值得點嘛~

是夜餐單(仍然是例牌不記得那些菜名...):-

炸芝士條
你喜歡吃芝士嗎? 如果你喜歡, 也會喜歡這個芝士條 外層炸得香脆, 內裡的芝士軟軟熱熱的, 一口咬開香味四溢, 非常不錯!

雞中翼
味道不錯但又不算非點不可. 注意一下附碟的酸忌廉不是人人受得了那個味道, 不知自己接受與否, 還是先醮少少試試味比較好.

秘製脆薯
朋友勁推介的脆薯. 自問很喜歡吃薯仔, 不過不太覺得這個脆薯有什麼特別, 而且感覺好熱氣, 味道無不妥, 但不是我杯茶.

炸雞件
上桌時大家都笑說像是去了KFC 看到賣相顏色頗深, 以為是那些炸到乾的貨色. 沒想到外層炸得又脆又香, 雞肉卻仍然保留肉汁之餘還很嫩滑, 雖然是貴版家鄉雞, 不過叫得過!

凱撒沙律配鮮蝦
蝦略嫌細了一些, 其餘不過不失, 沙律好難做得差. 尤其在吃了大量熱氣食物後, 你會發現自己對沙律從未如此渴求過!

牛油果雞肉pizza
中規中距, 沒什麼特別, 可點可不點. 在乎的只是席間的朋友夠不夠飽! 坊間一眾集團式經營的pizza店應有的正常水準.

今次之後, 對她們完全改觀, 記憶裡的壞印象一掃而空! 雖然不至於是我的開飯首選, 但作為一個平常的朋友飯局, 倒是個不錯的地方!

永華麵家(灣仔)

Wonton noodles is one of my favourite foods and so every now and then, I will go and look for a good bowl. The only good noodle place near my office is Wing Wah in Wanchai and so that is where I went today.

Sadly, Wing Wah is very inconsistent and today's noodles were too soft, broken into bits and the wontons were all wrong. They were overcooked and some of them broken up. One wonton only had a big piece of uncut pork inside and the shrimp had swam out into the soup.
I also ordered a plate of boiled vegetables. Usually boiled vegetables at noodle shops are a bit too much for one person but the portion at Wing Wah has only about 6 vegetables, so only enough for one person and at $30, that is expensive for a noodle shop. Today, the vegetables were Kai Lan and very crunchy and green, the beef flank sauce I asked for instead of oyster sauce goes better with it. So at least that was a consolation.

The other thing that you must have if you go there is the pickle turnip in a jar on the table. It is pickled in vinegar with a bit of chili and while waiting for the food which is often quite slow, it's nice to have some.

In terms of wonton noodle shops, I much prefer Ho Hung Kee or Mak's as they are more consistent. After a bad bowl at Wing Wah, it will take me a long time to want to come back again. Sadly, this isn't the first time I have had a bad bowl of noodles here although I have had good ones too.

新九記粥麵(灣仔)

閏五月下旬•悶熱

三天兩個大局，先燒鵝再烤豬，最後吃海鮮，就算好吃如我，畢竟年事漸高，食力已越來越弱。一覺醒來，仍然飽飽滯滯。已經跳過了早餐不吃，只喝杯熱咖啡就算，但念及晚上又要在高溫下作短道速練，也要吃一點東西，就來吃碗粥。

還記得這裡以前是九記，出品很一般。後來換上新九記，水準依舊。但是日再來，發現餐單上換了不少有趣的項目，看來不錯，來碗蠔豉鹹廋肉粥。

廋肉粥相當對辦，粥底看起來綿滑，鹹廋肉是撕了幼絲的，很仔細。肉絲吃起來鹹香夠味，口感軟綿綿的，很不錯；蠔豉不算大隻，但軟身好吃，加上煲得不錯的粥底，我覺得是相當有水準的。

埋單32蚊，會再來吃其他粥麵的。

香之香讚岐烏冬(銅鑼灣)

連續多日食了很多東西....想吃點清淡..

見這家烏冬清淡...進去一試..

點了五目湯鳥冬.

湯夠熱. 鳥冬都十分彈.. 又有香香的麵粉味.
炸蝦不太熱氣的感覺.用料都新鮮..

又有清茶供應..要一個快快的簡單餐... 這店是個好地方.

元氣壽司(沙田)

自《元氣》於十月中進駐第一城後，每次走過店子時，門外總有條長長的人龍…
還記得開業初期曾聽到某途人說「啲人新X坑三日香！」，但似乎它的「香」不止「三日」啊…

也許近日實在太冷了（大概只有12至15度左右），大家都紛紛打邊爐去…難得今晚沒啥人等候，那就親親這遲來的「新X坑」…等候了不一會兒便安排入座，我們竟在沒特別要求的情況下（我們向來都是「順德人」，order檯也好什麼檯也好，總之能夠入內坐好便可）被安排坐迴轉檯…

而且我們的座位就在廚房出菜窗子旁、迴轉帶頭，任何壽司端出之時，均是先經過我倆「檢定」、「品評」，然後從中挑選最漂亮、最肥美的。嗯，這個簡直就是很多很多人「夢寐以求」的位置…我們一邊從那小窗子「窺探」師傅們弄壽司的情況，一邊等待吃「頭啖湯」的時機，感覺就像在吃「即叫即製」的壽司般…（雖然款式「唔到我地話事」，就當作是廚師推介吧！）

我們是晚的第一客就是玉子壽司，它應該被遺棄好一陣子吧？！沒辦法，我們就是愛吃這款嘛…然後是每次必吃的腐皮壽司（不久後廚房又端出一批新的腐皮壽司耶，但我們決定「留肚」吃別的款式）…「新鮮出爐」的鰻魚壽司（其實鰻魚都是預先燒好的，只是飯團是剛壓上的吧！）…

一看見師傅端出燒三文魚壽司，便即時拿了一客來試試，挺肥美好吃的呢（比普通的三文魚壽司更好吃）。當再出這款之時，我們還多吃了兩碟呢！泡芙又是因為「新鮮出爐」的關係忍不住吃了，人所共知是「來貨」貨式來的喇。泡芙內包著雪糕餡，對甜品向來沒啥喜惡的他竟吃了兩口呢！

我們還看著師傅弄三味三文魚的整個過程，他們一端出來迴轉帶時，我們便一口氣拿了兩客。所謂的三味三文魚其實就是燒三文魚壽司、煙三文魚壽司及普通三文魚壽司，前者不用多說吧？！中者的味道很不錯啊…

吃過了數碟壽司以後，決定來個「中場休息」。

光是看著那迴轉帶也可以看足15、20分鐘左右，一邊看著廚房端出什麼新品、一邊品評哪款好吃哪款賣相「核突」、一邊在辨認哪碟壽司已放了良久也沒人「認領」。這些果然是人生一大樂事，怪不得食客們大都喜歡坐迴轉檯啦…如此「筍位」絕對可遇不可求，頓覺這頓晚飯「抵吃」多了…

最後一round：元氣卷，即是包著青瓜及炸（三文魚）魚皮的三文魚反卷，味道普普通通…

就在我無聊地看menu之際，有位女侍應走過來向我們推介芝心八爪魚丸，她還說很熱賣的呢，於是點了一客來試試看。待了好好好好好好好一會才上桌，丸子沒有八爪魚肉（還是面積太小而吃不出來？！）、芝士沒有芝士味，說實在就是一顆平凡的炸粉糰，原來「熱賣」不等如好吃的呢…

就這樣，兩口子吃了十一碟壽司小吃、放下了$180左右，滿足地離開…

尚有更多照片於blog內啊　http://www.pangsy.com/read.php?396

老地坊小館(上環)

20-11-2009

原本想去阿爸介紹的隔嚟「金葉」食海南雞, 但見到呢間上海店又好似不錯, 結果撞了入嚟食碗醉雞拉麵 ($48).

呢味 menu 上有「老地坊」推介 label, 不過質素認真麻麻 -- 醉雞份量唔少, 但完全係「醉還醉」,「雞還雞」, 雞件食落完全唔入味0架喎 , 雞皮軟撻撻又勁多肥油, 連 (寥寥可數的) 雞肉都係嚡口的, 唔得 酒汁就好勁酒味, 帶點苦澀, 麻麻哋喜歡.

拉麵質地幾煙韌, 不過麵條及湯底都淡出個鳥來, 唯有自行淋上大量醉雞的酒汁, 叫做無咁悶.

環境係茶記格局, lunch hour 人多擠迫, 搭檯在所難免, 食完快閃好了.

$48 埋單, 唔滿意, 唔抵食,「淒涼面」唔想慳了. 唔知其他食物會唔會好 d?