家家樂風味茶餐廳(葵涌)

我認識這餐廳已有數年了，不過光顧這裡還是第2次，記憶所及
，第一次來這裡是06年的夏季了，印象也很模糊啦！原因這商
場食肆多的是，通常到這裡來時，很少會到最上層的呢！
今天在這裡吃了一個下午茶餐，食物選擇了、香矛豬扒、火腿
奄列及熱好立克，價錢也算抵食，食物質數屬OK啦！

香矛豬扒：外表煎得輕微金黃，咬落肉質鬆化入味，肉質也不
錯，味道也OK，可昔欠缺香矛的味道？
火腿奄列：餡料頗多，味道也OK。
熱好立克：味道不夠香濃，可能料不夠多吧！

星林居雲南米線餐廳(尖沙咀)

米線好好味.....
耐不耐都會黎尖沙咀呢間米線舖食....
自己睇住張紙揀餸.........tick tick tick...... 鍾意邊樣tick邊樣.........
豬大腸, 魚腐,蘿蔔,都幾好味.......
最鍾意係佢碗米線有好多配菜如芽菜,韮菜, 芫茜, 酸菜........
我唔食得太辣.....叫〔小小辣〕就啱啱好................
我見有d人叫走辣...但個湯會好清...
加埋o野飲都係40幾蚊...... 都ok 呀!!
傳菜快...........不過..d waitress唔多識中文.....大家要比小小耐性......

Crystal Palace(葵涌)

今天黃昏經過這裡，發現開了一間新飲品外賣店，
門前仍有擺放著花籃，店員告知是昨天開張的，
今天是第二天；我說：這麼凍，有無熱飲呀！
她說：唔好意思，今天沒有，過幾天會有呀！
我便選購了杯凍飲，朱古力胚牙，售12元，
也算便宜，並看到她即時制作的過程。
喝下時，朱古力味頗濃，還帶點薄荷味似的，很好味！
喝！喝！喝！不斷喝到很多胚牙。正呀！
不知是否新開張料特別多呢？

台竹美食坊(屯門)

琴晚諗住凍凍地打下邊爐, 等位都等左好耐
我6:40去到等, 等到8:16先入座
入座之後差吾多10分之後先有煲
火鍋料真係麻麻
肥牛好硬
揀左山筋, 芝心丸幾次都吾拎出黎
此終都冇拎出黎

部份員工態度差
放低食物好大力
想叫食物, 員工可以吾理會
我寧願俾多少少食多d

農場鮮奶有限公司(元朗)

又越過高山,又越谷....
坐巴士再轉的士,再行走15分鐘....
終於搵到呢間穩世小店~~
傳說中的薑汁撞奶我來啦!!!

原本老板娘會好神祕咁在廚房裡面撞...
係唔會俾你睇到吔....
拎出來就叫你等2分鐘.....

1,2,3,4,5,6,7........
我: 食得未吖??
男朋友: 好似未得....

1,2,3,4,5,6,7........
我: 食得未吖??
男朋友:........你食囉..........
我: 好似未得.....(食落去)...........
我記得睇電視suki話燉奶好味d~~
唔該~想要多個燉奶~~呢個留俾你吖~~

燉奶好味好多~~夠香夠濃~~
又唔使等~~~哈哈哈哈~~~
芒果布丁都好香奶味~~可以一試~~
去嗰度一定要一試的當然係餵羊啦!!!
highly recommend姐姐同bb~~~

五 Cinque Sensi(土瓜灣)

既然開係我屋企附近, 當然要去試下!
雜誌介紹lunch超值, 星期日孖埋老公去食!
Set lunch都幾多選擇, 價錢由$59-$79, 包湯/salad + 主菜 + 可樂/有氣礦泉水
如果要改咖啡就要+$20, 我地試咗一杯, 我個人覺得無咩特別!

湯 : 南瓜忌廉湯, 好正! 又夠熱
salad : 菜夠新鮮, d汁亦唔會過多

主菜: 雞塊意大利粉 - 我覺得個汁濃咗少少, 但意粉本身嘅味道同軟硬度係我"飛佛"
龍利柳意大利飯 - 賣相好靚, 試咗一啖, 唔錯! 意大利飯都好味, 有大量的芝士, 所以細細
碗都好飽

驚喜: 可能新開張, 每人送一客焗蠔, 芝士味唔會過重, 食到蠔的原味, 正!

新景園咖喱小廚(灣仔)

春園街的確可以滿足各食客的需求，要吃什麼有什麼，還要各自各精彩。今次談到新景園，當然是他們的咖哩豬扒飯。

到這店有一個特點，就是外賣平堂食貴，兩者價位竟然可以相差一倍，完全打破了外賣加盒錢的定律。但是外賣要等很久，精明的食客當然會打電話落order，連時間也慳了。

由咖哩的顏色來看，是屬於溫文派，是加了椰汁吧，但是吃下去，又會感覺到陣陣的香辣味慢慢在喉嚨裡滲出來，而咖哩上的薯仔是未炸過的，數量很少，配合咖哩當然無問題。豬扒肯定是主角，豬扒炸過而炸粉很薄，面層的確是香而不膩，油份不多加上咬下去肉質鬆軟，全塊最好吃是有骨的位置，因為較香口，也帶點肥位。不過如果要好吃的話，炸豬扒浸汁太久而變淋就沒有那麼好吃了，所以買完就要快快回公司開餐。(下次問問外賣可否分開咖哩和豬扒飯上。)

精明的我，又用平價來換大滿足。

蛇王燊(灣仔)

nov 17, 09,很寒冷的1天,所以特別想食熱嘢,好似煲仔飯咁啦,6人嚟lunch,我同友人1齊share食咗 :

1) 糯米飯 (hk$18)
-飯都唔會腍到1pat咁,但當然無灣仔強x美食咁挺身啦
-調味都夠,只喺d料少咗d啫~~~~

2) 田雞煲仔飯 (hk$40)
-餸混了點薑絲先去蒸
-田雞肉質都結實
-只喺個飯可以再焗乾身d,咁先可以有飯焦

3) 滑雞煲仔飯 (hk$40)
-呢個等咗好耐,明顯為咗出貨,所以未焗得夠,飯比之前嗰個腍/帶少濕
-同樣有撈過薑先蒸

* 原來lunch好多人...........舖內坐位唔多............所以佢有對面大廈嘅天台位..........真喺好蛇竇feel.........事關落完單,比咗$$$$..........就跟亞姐入對面座大廈上2f嘅天台.............等貨到.............不過因為嗰日天氣凍,好多客..........廚房出唔切...........所以1有貨(煲仔飯因製作時間較耐)到............場面有點混亂

* 我同友人都唔好蛇..........但其他友人就有食蛇羮..........見到都幾多料吓........而且枱上放好的香茅葉碎同薄脆脆都好新鮮

昌記(跑馬地)

雖然山長水遠,終於都係去整返件油砂厚多

牛油+砂糖+厚多,沒有難食的道理
不過要整得好吃,還是要點心思,下點功夫
咁厚一件包,要烘得又脆又軟,唔易架
冇叫野飲都乾哽晒成件,就解釋到佢幾好味

不過今日既重點係服務
或者大部份人都唔會對茶檔服務有咩期望,
ME TOO~
所以預期以外既親切令我今餐食得好開心

坐低左之後,來了一枱四人,
老闆客氣地問我可否轉枱,
轉枱在茶檔冰廳實屬平常,
當然樂意行個方便,
老闆就一連講左四正次唔該/唔好意思

件厚多食到一半
另一伙計走過來同其他熟客吹水,
見我淨咬個包,
問我係咪淨係叫左多士,有冇叫野飲/其他野食
心諗:唔通嫌我食得太少,賺得雞碎?
哈哈,當然唔係,
佢驚我有野漏左單,
得知我乾哽一件厚多,
仲主動問我要唔要杯水或茶
仲話比杯熱啲既我
算係唔話得喇~~

食飽飽,又滿足地結賬
下次再去食其他

廟街牛雜(油麻地)

收工後打算去電影中心睇戲，例牌經過廟街，只是六時許，四季煲仔飯門外竟然排著一條長長的人龍，更奇怪是，四季的斜對面也有一條小人龍，八卦行近望望，原來是久仰大名的廟街牛什，反正有時間，就排隊買番少少試試。

這裡牛什賣七蚊串，價錢不比十三座便宜，心癮起，正想舉起相機，阿姐即揚手示意不要影，我當然意見接受，態度照舊，另要十蚊牛什，因為十蚊什會放在膠碟上，吃時比較方便衛生。

平時我喜歡吃牛肺、牛膀，因為這些部位口感較特別，放入口慢慢咀嚼，待牛味慢慢散出，確是一種享受，這次試新店，故沒有指定部位，一於來個雜錦的，腸、肺、膀、肚樣樣齊。牛什到手後，先加入黃芥辣，再一口接一口的品嚐，牛什的味道絕對夠香夠濃，雖然是街邊檔，衛生也做得不錯，腸十分爽口，不帶多餘的肥脂，牛肺、牛膀味道亦足，水準可見一班。硬挑剔的話，或者是牛什煮得較淋，味道也是一瞬即逝的，並不持久，跟十三座比較還是差一點點，但十蚊一小碟，論味道、論份量、論價錢，也值得再來幫襯。

這檔除了馳名牛什外，還有柚皮、豬紅、豬皮、蘿蔔等小吃，下次或再來一個大包圍。一邊站在街角吃牛什，一邊望著四季門外的人龍，確有種「未睇戲先吃花生」的感覺。

浣紗廚房(大坑)

(有相)好唔好食第 304 回: 第一次推介之必食店: 大坑浣沙廚房
http://hk.myblog.yahoo.com/goodboy_philip/article?mid=38513
 

好少寫 "必食店" 呢三個字! 食完呢間位於大坑既浣紗廚房, 可以放心大力推介! 中菜少食, 興趣亦唔, 不過呢度既小菜真係好得! 呢間食店係好兒童既好介紹, 好唔好食? 又睇落去? 
 

地址: 大坑浣紗街
 

香萶皮蛋豆腐: 冰涼滑豆腐皮蛋碎, 包埋生菜包食, 清淡醒胃! 
 

生菜包切成圓形, 幾有美感?
 

煙燻豉油雞: 真係香噴噴, 燻得唔算燶, 豉油味滲哂入雞皮, 當夾塊雞埋口食既時候, 會聞到好香既煙燻味! 如果雞肉鮮嫩 d 就更好!
 

鮮拆蟹肉粟米班球: 炸到純白色, 唔係金黃色係咪炸得唔好? 絕對唔係! 先淨食一塊魚, 魚肉厚厚且新鮮, 外層炸得剛好唔油膩, 十級推介!
 

再黎一塊連埋拆下既鮮蟹肉粟米茸一齊食, 黎! 比碗白飯撈一撈!!!
 

好味到咀郁郁!
 

石窩薑蔥桶蠔: 石窩上枱, 又一香噴噴既一味餸, "支支" 聲蔥油爆到飛起, 相機唔可以整太近所以幅相朦朦地, 蠔肥蔥香, 連蔥再來一碗飯!!! 有飽飯食好快樂!!!
 

你睇我幾大犧牲? 為左影比大家睇, 隻蠔涷左 "一度" 呀! haha...
 

老陳皮蒸手剁牛肉餅: 好有住家菜既風味, 陳皮又香, 肉餅彈口好好咬, 唔該! 再比多碗飯撈一撈!!!
 

食飯時候全滿! 所以一定要事先 book 位!
 

呢間咁好味食店既 "血滴子" 終於收伏左好孩子!
 

0拿! 我唔係食店既打手 , 老老實實真係覺得好食, 先至將呢間浣沙廚房列入好唔好食? 又睇落去? 必食推介既第一間食店! 食晚飯小菜又有好去處! 門口好多泊車位, 食完仲可以過隔離食糖水 tim!
環境: 3.5   (有卡位有大廳, 裝潢唔老土)
衛生: 3.5 
服務: 4  (有禮親切)
味道: 4  (整體質素非常好, 每一味菜都香噴噴, 擺位整潔細心, 味道一流, 就係最老土既一句: 色香味俱全喇!)
價錢: 3 (價錢合理!)
最終評分: 4  必食推介, 一定會再去!
浣紗廚房,大坑浣紗廚房,好孩子,日本,食評,好唔好食,好唔好食又睇落去,東京,煙燻豉油雞

高標準美食快線(半山)

中午時份, 同事仔另外有約, 一個人, 正在想食什麼之際, 往公司的外賣紙collection裡找. 發現一張已經派了多個月, 因為地點同好似冇送餐服務而一直沒有考慮的Gourmet Xpress. 反正是日沒有什麼事幹的, 中午正好做做運動. 上山找找看, 而且那$18叉燒飯promotion, 非常之吸引. 悠閒的lunch time, 就登高去. 上山就不行了, 坐巴士好d, 兩個站....

到達科達中心, 就在電梯大堂旁, 對著花園道既門口, 就是那小小的外賣攤檔. 落order, 就要到後面, 像是停車場收費亭既地方, 落單, 俾錢. 晏上來, 又冇打電話落定order, 是日的叉燒飯已經賣哂, 不想食素, 不想食其他燒臘, 不想食辣. 看了像走馬燈的LCD電子menu, 咖喱吧, 要一份咖喱牛腩. 之後等服務員從電梯出來, 外賣部加埋杯豆漿俾你. 自已拿走. 而我就輕步輕快的行落山.

打開飯盒, 咖喱味道好清, 不像一般茶餐廳的多油製品. 普通的有薯仔, 有牛腩啦. 味道還是可以. 可能是行落山時凍了, 感覺沒有熱辣辣咁好, 而且汁唔夠.

特登上來, 相信不需了, 不過就在半山上打工的人事. 如旁邊的百佳. 40元樓下的飯盒, 又近又抵食. 而且沒有味精. 真是不錯. 是日最可惜的, 就是吃不到那$18叉燒飯.

海星特式茶餐廰(大埔)

今日行開tai po 見佢d地方，食物，同price都ok ，就入左去，

一入去，睇到個餐牌，見到有很多西式新口味的飯呀，丁麵呀咁，

都未決定到食咩，d 嬸嬸就走來趕你寫單，5分鐘內一路問你食咩食咩，

問到我就隨便決定叫左個

軟殼蟹雞扒丁麵+凍朱古力+ 忌廉湯$57

朋友仔就叫左個

"魔鬼汁牛粒飯" (大約咁叫啦) + 凍奶茶+ 忌廉湯$54

食入口覺得好正呀，食物 款式又多又特別，打算再來之際，

都未食完，食緊咋，D 嬸嬸又走來眼望望，吹水又望實，打下機又望實，

左住你睇電視，連食到一半擦下個嘴就想要收碟啦!!

但當時個場得好少人，大把位，D嬸嬸好明顯就是趕人走咁，

我地走的時候，都是9:00PM ，收銀話佢地收11:00PM喎，

重點是回到家，我就肚有少少唔舒服
點好食都無用啦~

P.S. 中午一點之後，我淨係 係這裡食過野

裕一品四川麻辣米線(旺角)

今日本身想去番同一條街的香格xx，不過d位太窄，冬天d衫太多，不想去了，

so 就選擇試裕一品啦，入到去d呀姐好nice，(令到我加分想再去)，仲比我地揀位坐，

然後叫左一個麻辣雞肉米線，一個炸醬酸辣米線 ，$20/6隻香茅雞翼，一杯豆漿+一杯奶茶，

麻辣雞肉米線~>湯底 同譚仔差不多，似用麻辣油而已，不過5小辣=人地的3小辣了，

炸醬酸辣米線~>炸醬份量少得一小碟咁，不過都是我喜歡的濕濕地那種
酸辣湯底(好唔得呀/唔得到我之後要偷麻辣湯)，
無酸菜，湯是豉油湯色，我本人唔太喜歡law，

香茅雞翼~>等左25分鐘，不過都ok ，

豆漿我好像飲到有杏仁味(我本身唔鐘意杏仁味)

因為d 服務+ 環境+餸的選擇多，唔使等位，又平，我會再去，但要識揀

五谷香粥店(銅鑼灣)

腸粉真係難食到接受唔到
係散到變粉咁, 完全唔係腸粉的質地!
腸粉又太薄, 仲要粉口, 想入口都幾難!
豉油唔咸, 冇味!
街邊檔都好味得多呀...
依家好怕食腸粉呀...