香港喜來登酒店咖啡廳(尖沙咀)

下午茶Buffet嚟講都算多嘢食，不過以這個價來說是正常。
冇鮮三文魚，冇魚生，只有smoke 三文。
熱盤有八至十樣左右，不是名貴的食物但也能看得出廚師的功力，不是一般快餐式的。
沙律bar 有三款cold cut，法式三文治、泰式沙律（好味）及一般沙律菜。
中式點心不多，但蝦餃有水準。
甜品，連芝士餅有十來款左右，都好好味，最喜歡是豆腐布丁。
Haagen Dazs 雪糕有六款。
有即制粥同墨西哥明火烤薄餅，可借已經太飽食唔落了。
Buffet 連一杯咖啡或茶，可以叫 latte 或 cappuccino，完滿結束這個下午茶。
恒生咭有八折。

Pacific Coffee Company(九龍塘)

　　在九龍塘工作，最不方便的就是找吃的地方，因為選擇有限又貴，一般都是自備午膳的。但今天想和朋友好好地聊天，於是選了Pacific Coffee.

這次用餐經驗實在很愉快。在輕音樂和柔和的燈光裏，我們選了一個角落，坐著輕鬆地聊天。是日精選是Mocha Java，可惜味道有點淡，咖啡味不夠濃；還要了一個菠菜芝士卷，芝士卷的皮層厚薄得宜，質感幼滑，嚼下去更是壓碎了菠菜，平衡了芝士的濃味，做到濃淡得宜。

　　可惜價錢有點貴，只要了一杯特飲和一盒芝士卷便已花了六十一元了。有點奢侈呢，不過適逢週末，有好心情，就不想計較了。　

加東叻沙蝦麵(灣仔)

After trying numerous Singapore cuisines in HK, this is the best so far.

I used to get Laksa from here nearly thrice a week, but once the Laksa was super spicy, so I got deterred from it.

I decided to give it another go, and the Laksa was back to normal, not that spicy.

Ordered Laksa with beef Rendang, the Laksa tasted as good as usual, and the beef rendang was authentic according to my SG friend.

The drinks were perfect too, the barley water was not too sweet, and had a hint of pandan, the texture of the barley water was slightly thick.
The lime soda was literally lime + soda, a can soda with wedges of lime which tasted quite refreshing.

Finally the dessert was mango coconut sago, and as a Anti-Asian dessert person, I really liked it, it was pieces of mango on top of Coconut paste and sago, which is much more natural than mango pudding. The coconut paste was real coconut instead of the processed coconut cream which is a bit fake, and the syrup on top made the whole thing sweet naturally rather than pre-mixed.

嘉樂冰廳(荃灣)

成日行過都見到佢有好多人排, 所以係平日去, 但係都要排半個鐘, 有位侍應唔會叫你入架, 你要自己見到有人走好醒目走入去坐啦, 如果唔係企係出面無人理你架
鋪細細但人多多, 當然好迫啦, 我地2個又試哂佢出名既野, 一張4人枱都迫到爆炸
1) 火腿小奄列- 好普通只係多火煺同D旦大份, 無乜技巧, 價錢又唔係特平, 都係合理,自己煮都煮到
2)西多-都係好一般, 道道茶餐廳都食到呢種口味
3)滷水豆腐-食一件都好飽, 一件SHARE好啦
4)滷水雞翼-哇, 痴線, 咸到死, 食左成支豉油咁,不過問番D朋友佢話平時唔係咁喎..
5)阿華田奶惜-係成餐最好, 真係值得一試

我其實唔係好明呢間野點解咁多人, 佢D食物好普通又唔係平, 只係大件, 大件咁個價又收番高D, 都係一樣, 點解要黎排呢? 試一次夠, 唔會再返黎食LOR~

新巴黎越南餐廳(銅鑼灣)

朋友帶我黎依度開餐, 一睇個menu就覺得幾抵食, 銅鑼灣$20倒有碗粉都算係咁, 唔好太高要求

叫左個生熟牛肉河, 個friend就叫左春捲"mong", 味道正常, 唔可以話好好食, 但一定唔係差, 個春捲幾脆幾香口, 牛肉就冇乜特別

整體都ok啦

再興燒臘飯店(灣仔)

久聞再興大名,曾經在某星期日到訪,當然是吃閉門羹.
近日再興因為外賣呃秤又再紅起來.
是日有事到灣仔,特意來吃午餐,親身體驗他的燒味有多好.
午市時間,堂食,一個人要找個座位,不是十分艱難,比排隊買外賣快
點了雙拼叉鵝(鴨)飯, 少飯,極速送到.我又高速完成,那裡的環境,氣氛會讓人用最快的速度進食
單拼雙拼都是22元, 以22元的收費, 質量可以接受, 好好食嗎? 不難食就是了.
會再來嗎? 不會! 因為吃完後, 我感受到味精的威力. 我的飯已經沒有放"飯汁"
也沒有喝例湯, 只是燒鵝(其實是鴨) 沾了些梅醬.

Outback Steakhouse(荃灣)

因為有COUPON所以我黎又黎食嘞~ 第一次黎JOIN左個MEMBERSHIP 有DISCOUNT 先會黎, 如果唔係都未必會食
今次唔知係咪早黎, 黎到就有位, 坐低無耐就有人拎個黑糖麵包黎, 水到未到就有包包食, 記得上次黎都無, 唔知係咪先到先得..呵呵
1)黑糖麵包-平時見D人講到咁好食, 緊係好想試下啦..不過凍冰冰又實的的, 似個粉團發酵唔起, 好痴牙, 唔鐘意, 又唔明點解D人話好食
2)凱撒沙律-沒有什麼特色, 但我個人喜愛沙律, 所以認為好味
3)羊扒跟墨西哥飯-我地西6成熟因為上次黎叫7成都黎左9成所以今次叫6成怕太熟會UN, 今次又無過火喎, 仲有D有血水TIM, 不過好稔, 點埋個SAUCE 剛好~ 而個飯都好好味
4)洋蔥湯-一向對呢D又濃又稠既湯無好感, 似飲SAUCE一樣
5)牛扒跟焗番薯同焗薯-不得不食既係佢既焗番薯,第一次跟焗番薯因為成日諗甜同咸一齊好怪, 不過真係好得, 一定要食~!! 牛扒同樣都叫左6成, 佢表係ROAST, 裡面係稔, 好味~
6)CHOCOLATE THUNDER- 黎得呢間食都係為左佢架啦, 係偏甜, 不過夾住雪糕同忌廉一齊食就岩岩好, 餐後一個完美的結束, 很滿足, 正

今次叫左咁多野食都唔會飽過頭, 我地食完一度叫一度, 咁就唔會凍哂, 又可以慢慢食, 食下抖下

Epoch Coffee Bar and Desserterie(鰂魚涌)

得知Varlhona 7-layer Cake獲得一眾巧克力迷的青睞，身為同好的我，在寒流下尋找巧克力的芳蹤。

為了讓味蕾享受，特意逐層品嚐。有別一般巧克力「同胞」，只得味濃和柔軟。「她」集柔、潤、脆、香於一身，故能獨佔花魁，成為小民的至愛。再邀咖啡和雜誌作伴，在小店度過閒適。

又得店員專業推介其他的「佳麗」，如oreo cheese cake及napoleon，相信邂逅有期。
　

小南國(銅鑼灣)

黎親銅鑼灣都唔知食乜好,唯有去野食市最集中既TIMES到睇下,我地6點半都無乜人, 所以入左去小南國到試下。一打開個餐牌每樣野食都好吸引, 最後我地我地2個人叫左5樣野

1) 醉雞- 招牌菜真係招牌菜, 好有酒香味又唔會太濃, 好味~ 唔好以為好細碟, 其實都有好多件
2)擔擔麵-食過詠黎園就真係無乜邊間可以同佢比, 小南國既擔擔麵唔辣又無花生香, D麵又唔彈牙, 好普通
3)蟹粉小籠包-係呢個大閘蟹季節緊係要試下啦, 一入口蟹粉味久俸味道不差但不算得令人想一吃再吃
4)龍井蝦仁-蝦仁似雪蝦, 有點點茶味,清淡但無鮮味, 都算一般
5)心太軟-很好味, 清甜不漏, 軟綿綿, 很好很好~

岡田珈琲(尖沙咀)

有新的咖啡店出現, 咖啡精 (其實是喝得多但不精) 如我當然會把握機會試一試。

月前, 趁在附近上課有空檔便來了。想不到經過改裝之後, 這裡跟舊重慶大廈簡直是兩個世界。從商場入口進來, 一下電梯便見到了。周末下午茶時間, 人不少, 只有吧位可坐, 就是那放滿一套套日本「有田燒」咖啡杯的位置了, 還可以看到師傅弄咖啡, 很不錯喔。

認得在報上見過的, 來自日本總店的師傅本田先生, 是日在咖啡吧坐鎮, 不禁開始有點期望...

本來想試的特選岡田珈琲竟然暫停供應 , 反正想吃點東西送咖啡, 要了一個 Cake Set 抹茶慕絲蛋糕 ($30) + $22 配岡田珈琲。咖啡因為是 set 的緣故, 所以只以普通杯上, 但也配以一小杯日本忌廉; 但即使是下了忌廉也覺得太淡了, 而且不夠熱, 還有點偏酸。反而蛋糕卻沒有令我失望, 很是精美, 上面有一顆稍為太甜的綠色 macaron 和少少紅豆, 下面的蛋糕則是抹茶慕絲、啫喱和綠茶蛋糕交替。慕絲層還有粒粒紅豆在內, 綠茶香味足卻又不會苦澀, 是不錯的。

原來單點咖啡才可以在咖啡吧上, 挑選自己喜愛的杯子來喝的。而且剛才令人沮喪的岡田珈琲是不連日本著名的和三盆糖的, 為了這兩樣東西, 又再點了哥倫比亞安迪斯咖啡 ($60)。我還以為賣 $60 只有咖啡杯那麼一小杯, 好在是一大壺的上, 份量也有兩杯多, 不然就簡直是謀取暴利了。這安迪斯咖啡倒是拿回一點分數, 可能這種豆的特性是酸度偏低而帶果香, 所以相當容易入口。當然, 那靚到暈的咖啡杯是加分位了。 (我挑了顏色最鮮艷, 而且店家宣傳都會用上的那套啊!) 另一名物和三盆糖, 是一種日本的高級手工糖, 製作過程要一星期以上, 在日本, 加了和三盆糖的和果子, 是即刻「升呢」的呢。一看, 糖粒極細如沙, 口味清甜, 加到咖啡裡更顯其醇美。

到此, 總算滿足了我的咖啡癮。臨走的時候, 見到門口附近有個賣咖啡商品的地方, 放著一包包的即飲滴漏咖啡 ($10@), 根據包裝圖示, 咖啡粉是放在一個小紙兜內, 將它掛在杯邊, 加熱水, 由咖啡滴落下來後便有得喝了。這次買了兩款 Okada Blend & Special Blend, 後來更發現有巴西山度士的口味。

收銀處旁又放了一樽樽果子, 店員說購物可加 $5 換購, 於是又買了一樽白豆栗子啫喱回家。這個嘛, 一言蔽之: 甜到爆 !!!

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
本來一直打算試完這裡的蛋包飯才寫食評的, 不過有次經過店門外, 擺出日式鮮果玉子蛋卷的宣傳牌, 後者就此成為我的下一個目標了。

在附近飲宴, 唯恐席間失儀, 事前先來打打底 。要了日式鮮果玉子蛋卷, 配岡田珈琲的套餐 ($40, 單點 $23 )。
看見它是很金黃的吧? 她擁有極濃的蛋香味, 而且相當鬆軟, 上面洒上糖霜也不會過甜; 裡面忌廉不算多, 有少許芒果粒, 很出色。咖啡今次雖然喝得匆匆, 但也覺得做得比上次的好, 有點醇香, 濃口醒神, 正合是晚的要求。

服務方面, 又不是很差啊, 起碼問服務生加水、要紙巾結帳等都很快手。

漢和韓國料理(旺角)

之前睇過D食評,仲以為會好差,點知都OK喎~
去之前打左電話去問左幾$任食燒烤,聽電話個人態度幾好,價錢又唔貴(118+1),於是就BOOK左6:45 6個人去食
去到見到個環境都OK LA~D位大大個,唔怕迫使
野食方面就唔算多選擇,樣樣野都唔係好多款
不過就一D都唔難食,(至少三文魚新鮮,豆腐花夠滑,水果好甜)
對食物質素要求唔高既我已經合格,不過如果要求好多野食就真係唔太夠LA
員工方面:服務中上,叫佢換個燒烤板好快就換到,又唔會有人催你走,我地食足2小時燒烤再熜火慢慢食甜品,佢地見我地真係停晒手同口先走過來問我地埋單~

車仔麵世家(上環)

這一間車仔麵店幾乎是我每星期總會吃的，lunch $28 三餸 + 一麵和菜 + 飲品；不跟餐更只須 $20

自助排隊選購形式，再找坐位，午膳時間好多人，所以最好別一個去，否則好難霸位。

這店用心煮食，最簡單的紅腸、午餐肉都煎香過，其他冬菇、雞翼、咖哩魚蛋都好入味。雖然在舖內，但很有小時候街邊車仔麵檔的風味。

我最愛咖哩魚蛋、魚肉春卷、冬菇，還要加秘製辣汁，不吃辣也加少少試試，好香。

新藍塘餐廳麵包公司(半山)

因老細既事, 上左半山, 中午就自然地係山上搞掂. 係堅道, 西式的餐廳也許太貴了, M記是有的, 但不感興趣. 心中知道, 堅道好多茶餐廳. 本來打算誤打誤撞, 有間燒臘就準備入. 若不是同事仔發現對面馬路間藍塘, 都唔知道原來有好野.

在外面看, 是一間古早味的麵包鋪....(哈哈, 而家古早味, 古法已經變成常用詞). 再細心看一看, 有lunch menu的, 再深入少少望入去...原來內有雅座, 咁兩個人就決定過馬路. 入到黎, 原來是一間古早味的冰室. 服務半山student同打工仔. 不過可惜, 沒有嘉諾撒商科既靚妹仔係度食, 冇得邊昅女邊食飯.....

店內, 大部分是長者, 服務同食客也是. 前鋪麵包蛋糕香噴噴, 快餐果part也一樣香溢. 大叔伙記笑口笑面的. 介紹是日快餐. 於是, 同事仔要了一個著仔雞飯, 而我就另外向炒粉麵既餐牌看, 叫一個燴牛脷飯.

牆上大字報, 除了Menu外, 亦登出兩段報道, 說出多食咖喱減中風機會, 多吃洋蔥減老人痴呆機會....好明顯, 呢度既主要客源, 係附近既老中環街坊.

食落, 兩個飯, 味道都偏向清淡. 好開心食得出是沒有落味精的. 著仔雞飯, 雞肉嫩, 汁又夠. 可以好enjoy咁食. 而且份量適中, 唔係太大碟, 食唔哂只會倒, 浪費食物.

這裡說多吃洋蔥好, 我的燴牛脷飯就充滿了Onion, 而且是半熟洋蔥, 事後口氣真的好重....果然有殺菌功效...怪不得佛家人士要ban佢啦. 牛脷切成一條條, 煎得好香. 汁, 燴上的蕃茄汁又甜甜地. 味道濃而唔杰. 也是送飯一流既汁. 不過, 餐後兩杯奶茶唔夠熱, 失了分.

服務親子友善, 離開時, 不小心踢爆了人地既拖地桶, 應真不好意思.

海天亞洲漁港(灣仔)

其實我對灣仔火鍋一向唔太過熟悉, 但為方便老友, 而老友又想去打邊爐, 我便很隨意的找了"海天"

以下是我對海天打邊爐 的comment:

要求裝修華麗的酒家, 請不要找灣仔海天
要求精美特別火鍋料, 請不要找灣仔海天

但為何我不是劣評呢?

要求坐得舒舒服服, 請找灣仔海天 (座位之間的空位好闊, 老牌酒家的特色)
要求唔吵鬧的環境, 請找灣仔海天 (酒樓中都算很靜, 或者人真係唔多掛, 昨晚THUR 去, 大檯都有幾張無客)
要求價錢平平平平, 請找灣仔海天 (酒水(有7up, Pepsi, Brick 啤酒, 竹䉀水一渣) /醬料任攞, 真正的任攞, 放在酒樓中央位, 任你去攞, 雖然自己其實都唔飲得多, 心理上覺得好鬼抵, 有姑寒的感受, 或者是 無劣評的原因, 值得一讚) , $220 兩個人, 真正任飲任食, 2100後 應該係 $90 樓下(有特價, 但實價不確定)

正正由於我只想與老友聚一聚, 又怕太多人, 竟然食物不是第一位, 這裏是達至這個目的的好去處....

莊園韓國料理(銅鑼灣)

現時在夜深時份要吃個宵夜比以前難多了...

在老銅這一家是開到0500的店...當煞人影不見.
和同事在15度以下吃一個熱騰騰的海鮮鍋

前菜碟還是港人的...不見特別.

看菜單...那個八爪魚寫成八瓜魚...也不知多少年的事.

小鍋賣250 ,材料也新鮮也足...那口湯大呼過癮.

泡菜餅很香口...味道也是以前一樣啊.

但真的很想念 鄉村....好吃一些.