Habitu Ristorante The Garden(銅鑼灣)

星期六到Habitu Ristorante The Garden 食 Tea, 環境係好好, 在Garden outdoor dining係香港少有的. 但係d 食味道就吾係太好...我地四個人叫咗2個ice cream set, 一個cake set , 一個sandwich set 同一個pizza..

ice cream D 口味幾特別, cake set 同 sandwich 得個樣... 個pizza ( 吾係tea set) 算係最好味lu...

稻香超級漁港(杏花村)

好久之前去lee 間茶樓飲茶, 係等位等到傻的.. 而家去竟然好多位, 好多卡位
吾洗等位又好食.. 真係好

山頭火(鰂魚涌)

第一次到Ramen Santouka時, 覺得d Ramen 非常美味, 好彈牙, 好想好想再食.. 因為第一次叫半熟蛋時, 店員喺d Ramen 未唻之前就上左個蛋.. 今次就叫佢地個蛋同d Ramen 一齊上..

lee 次第2次幫襯, 個蛋一樣咁好食, 但係d Ramen 就差好遠, 好硬呀.! 我個friend 個辣Ramen 就一d都吾辣, 佢標榜豬頸肉好淋..都係既..算係ok la!

KK正宗印度餐廳(葵涌)

從以前大學老死Zia口中得知, 荔景山既印巴力量, 絕對不比佐敦, 重慶, 天水圍差. 而的確, 荔景山頭幾條屋邨, 周不時都有印巴家庭出沒, 落黎美孚地記返學既, 更多.

是鱔稿又好, 有附近食客倀過覺得正忍不住要寫一篇又好. 總之, 是看了某一個精彩的食評, 才吸引我放工, 兜一兜路上來, 試一試呢度既印度咖喱.

地點都幾隔涉, 出了荔景站, 仲要轉小巴上祖堯, 係商場落車, 上二樓, 大昌旁邊, 有一間門口閃著燈, 就是小小的咖喱屋. 能操一點廣東話的老闆娘同滿面鬍子老闆, 熱情的招呼我入內.

入到去, 由始到終都係只我一人, 小小店, 好重"星"味. 突然回想起Birmingham大學附近的小小Balti House, 冇乜人, 輕輕鬆鬆的一個人嘆咖喱. 是晚天氣冷, 朋友在facebook提起羊腩煲, 咁我就倒不如來一個咖喱羊 (Lamb Massala), 老闆娘問我Spicy or not Spicy, 那當然要Spicy啦, 不香辣怎成咖喱.

中間等了一會, 事因店主一家工口正忙著打理旁邊釘左版既吉鋪, 想必是另有新業務. 搬好野, 回來才即煮我既美味咖喱.

出來的小兜咖喱, 味道香, 羊肉亦好多件, 而且仲有一隻蛋, 印度的香料令到這兜野香噴噴, 天寒地凍, 特別的吸引. 盡管米飯只是普通的澳洲米, 雖覺得格格不入但也無礙. 淋上濃香的咖喱汁, 一啖熱飯, 一啖羊肉. 口感美味, 而且羊肉效應, 食飽走人時, 雖身在冷冷的荔景山頭等小巴回美孚, 但也感覺到暖氣慢慢從胃裡散發出來.....另外出來的不只是熱氣....記得當年的日香糖廣告嘛.....一句我剛剛食完印刷咖喱.....沒有口香糖....自已都聞到自己滿口咖喱味. 若是日食的話, 相信都會令自己自身散發出印度香.

味道, 果然是正宗, 這樣有心經營又好食的的小店, 值得帶多幾個人上黎, 開個小小印度會. 下月要搬離美孚時, 走之前約三五美孚葵青荃友, 來個為食入新界 荔景山的正宗印度力量 飯局又如何.

新星海鮮酒家(元朗)

今天的天氣很凍，最好就是打邊爐，上完堂後到新星看到門口已經很多人，幸好有人一早攞飛，等到８：３０左右已經可以入去，上到一樓坐下，已經快快手點了湯底，湯底由５０－７０左右．再點食物，食物選擇還算多．但等了接近２０分鐘湯底還未到，已經一催再催，再過５分鐘終於到了，但是食物又未到，又再催，又等了五分鐘，終於又到了．時間也已經是九點了．

食物是用一個大牒上的，我們已們很肚餓了，也顧不了這麼多，先把易熟的食物放入鍋內，肥牛，肉丸，蝦．．．血拼完一輪後，已經開始飽了，速度慢了下來，好就講講食物的味道吧．食物大部分都是雪藏的，上枱時還沒有解凍由於上枱時是全部放在一大盤上上的，賣相比較差，另外很多食物如肉丸，牛丸都比較鹹，大家要有心理準備，所以你可以任飲汽水及啤酒

埋單要＄１１０一個人，總括說，這樣的味道$110也不便宜，再附多點可以去稻香，可惜稻香較遠．

另外，服務真不行，阿姐上食物時發現我們已點的已經上了，用粗口埋怨厨房又出錯，心知不是說我們，但在客人面前這樣說也不好吧，可想而知她工作上並不好過．侍應人手不足，要多次催促才有用

還有，上枱是的食物和點的數量永遠不一樣（這是任點任食的通病吧），而且食物上枱時賣相差，使到胃口大減，浪費了很多食物，建議可將食物放到一個地方，我們自己擇喜歡食的以免浪費．客人又可以快點拿到食物

維記咖啡粉麵(深水埗)

其實普通個一樣送既麵都係HKD23-想點呀?
講真,真係幾好食丫~點解D人要求咁多....
每次我都會係紅日去..但都唔需要等好耐.
好似油麻地-某日本拉麵,等勁耐.....D人好似鬥唔肚餓去等位
大家多D支持本土食物啦~~

講番食物質素先~
湯底甜,公仔麵OK,如果米粉就有少少淡,
豬潤,牛肉-正!雖不是入口即溶,但易咬,適合老人家,小朋友食
凍奶荼,比較甜....無乜荼味
咖央西多士-聽聞是馬來西亞野~幾好WO....甜就緊架啦~幾特別~值得一試!!

不過其中一間鋪有位姐姐態度不太好,,,,,疑似新移民朋友!!!!
話我地食剩太多野.........勁無奈.............................

海洋超級漁港(荃灣)

最近天氣咁凍, 當然要去打邊爐la, 係荃灣, 通常都會去海洋, 已經幫襯好幾年la

今次同中學同學一共6個去打邊爐, 由於我們係星期六9:00食, 火鍋配料價錢分別係$18, $28, $38, 比起幾年前真係貴左, 不過食物質素唔錯, 都好多人等位

海洋推出了個$1醉雞湯底, 其實我唔係特別鍾意食醉雞la, 不過$1咁平, 唔試好對唔住自己ga wow, 心想一試無防, 點知好有驚喜, 竟然有大約半隻雞跟火鍋一齊上, 而且仲幾滑幾好食tim, $1都交足貨, 抵讚

我們另外仲叫了
我最愛的貢丸 - 呢間的貢丸真係好好食, 超彈牙又有香菇味
粟米 - 強烈推介, 超甜, 而且10次有9次都甜, 保持到水準
炸芋頭片 - 好香而且夠粉, 正
唐生菜 - 新鮮
油蜜菜 - 新鮮
雞片 - haha, 唔知醉雞鍋會跟一碟雞, 所以又叫左碟雞片, ok ga, 幾滑
炸魚皮 - 好脆, 應該好難會難食
金菇 - 正常貨色
魚皮餃 - 正常貨色
粉絲 - 正常貨色
菜肉餃 - 我個人唔太鍾意, 覺得有怪味, 但我d fd超鍾意, 仲order左2碟
白鱔片 - 我係唔食既, 不過又係我d fd話好好食
特價牛肉 - $8, 我覺得麻麻地, 無mud肉味

我們9:30食到差不多12:00, 每人埋單$95

小店(九龍城)

經朋友介紹，說小店的甜品非常不錯，便決定去試一試。
環境ok，九龍城區算清靜，地方亦整潔。座下便立即點了心太軟及拿破侖，心裡充滿其侍....
心太軟熱辣辣很香濃，一义下去，裏面既朱古力立即湧出來，外層軟綿綿，內層熱辣辣，甜度適中，非常好味。可惜分量太少，我想我可以吃兩份！
拿破侖也很值得推介，酥皮做得很鬆化,吉士亦很滑，芒果肉香甜，每一部份都滿分！此店的確值得介紹！！
我想下次要試試其他的甜品！

稻香超級漁港(尖沙咀)

十零度既氣溫最適合打爐邊, 見網友既食評都唔錯, 鐵定嚟試試...

<服務>
1) 一個字形容 "差", 我同男友被安排响死角位, 真係叫天不應, 叫地不聞果隻
2) 當叫到有侍應, 佢就會循例問下要D乜, 但每當我哋開口講佢哋就會行開... (大姐我知您好忙, 但唔好咁敷衍了事丫, 如果唔係開咗壼茶, 我哋真係會即走 !)
3) 每次叫侍應拎杯/濕紙巾/碗/加湯... 都要叫2次或以上

<環境>
地方很窄, 位與位之間要貼住坐

<食物>
豬骨鍋 ~ 淨得黑胡椒味
安格斯肥牛 ~ 無乜牛味, 不試也可
雪花丁方 (牛肉粒) ~ 好新鮮, 好有牛味, 推介
冰豆腐 ~ 一般, 放湯後好快爛
炸腐皮 ~ 同小肥牛有得比
雲吞/水鮫/魚皮鮫 ~ OK
四寶丸 ~ OK
珊瑚蚌/貴花蚌 ~ 好鮮, 值得一試
冬菇/秀珠菇/雞脾菇 ~ OK
油麥菜 ~ OK
混醬 ~ 茶芥己包

二人共消費 : $488

發記腸粉粥品(元朗)

本來是想跟朋友到一間粥店食雞粥的，
不過3時許去到，都仲未開，咁就試左對面的發記。

本來是抱著食雞粥的心情，
所以都想試下d雞粥，
不過一見到個價錢.......算吧。
就叫左個碎牛皮蛋粥試試，
等左陣就有得食，
佢一拎到我面前，
我先知道原來是用煲仔，而且是一大碗粥，
份量就夠，不過唔知味道如何?
試左啖，都ok喎。又試下d皮蛋，都不錯。
因為熱同大碗，所以食左幾耐。

總結:
味道不錯，份量多，價錢平，開飯吧~
下次試下其他野~

Soulmate Coffee(葵芳)

縱橫葵涌廣場+新都會廣場逾十年,葵涌廣場內有新開咖啡店竟不知道,可怒也!! 走遍2樓一周也遍尋不穫,實在不忿氣!!翌日再找一次,終於在法國麵包後面那條不起眼的小巷裡找到這咖啡小店。

全店燈光柔和,座位只有高高的bar 椅, 相信這種座位可讓客人跟店主溝通時更為方便!不過咖啡店兩旁就是場內最大米線店所在,其他客人熱鬧地品嚐小窩米線、豬骨湯飯時,這裡的客人卻悠閒地享用有latte art 的咖啡,氣氛真是天和地的分別。

很有藝術家氣質的年青店主極友善, 初次見面已聊得像認識了很久,後來還從雪櫃裡拿出貴價藍色盒裝鮮奶示人, 以表小店用料上佳, 有趣! 店主泡咖啡前還主動詢問客人喜愛的咖啡濃度/甜度等問題,以方便泡製一杯合意咖啡予客人,實在細心。

如果沒記錯,店主說iced latte有2 shots 咖啡, 因此咖啡香氣真的夠濃,加了鮮奶後入口更為順滑,飲後沒有酸酸感覺還有回香, 好飲耶! 因我要求少甜, 加上少量黃糖後甜度真的剛好,份量拿揑相當準確,以$20實在物超所值!

香濃咖啡中有朱古力香的mocha, 除了顏色較深外,也看到不少朱古力粉在杯中浮沉,飲品多了朱古力香, 但不失咖啡味道, 兩者平衡度真的不錯,不過還是純味咖啡更美味。

店主介紹白朱古力MOCHA , 剛遇上新開咖啡豆即磨, 咖啡香氣真的似乎更為濃郁, 咖啡香可在口腔裡停留好一陣子,讚! 至於白朱古力味道相對不明顯, 也沒黑朱古力般有香味, 一試無妨。

店主很有心思將各款咖啡和飲品分別以Family & Friends; Sad & Sorrow ; Love & Romance ; Work & Play; Joy & Peace ; Life & Dream分類,還有以店主名字的推介,很有條理的餐單。

外賣膠杯上的魚頭貼紙總覺有點突兀, 初期不太明白為什麼咖啡店會用條魚當logo, 忽然看到魚頭上那一個髻和那張像舒淇的厚嘴唇, 蘇眉?! soulmate!!!! 好有古sir 爛gag feel!

試過咖啡再試其蛋糕,檸檬林明頓的檸檬味來自面層軟綿綿的部份,灑上很多椰絲,在軟綿蛋糕中又多點嚼勁,吃來沒那麼單調;中間海綿蛋糕層同是柔軟,兩者加起來感覺不錯,檸檬味雖未夠天然但清香度還算OK,用來伴咖啡也不失為佳選。

朱古力brownie 質感相對較硬實, 朱古力味可以更濃, 面層蛋糕稍脆,中間蛋糕部份卻較乾, 不如一般BROWNIE通常帶點濕潤, 若以朱古力蛋糕看待會較合適, 蛋糕甜度不高,可以一試。

餅櫃裡多款蛋糕看來不俗,原來是來自土瓜灣歌劇院餅店的蛋糕, 通常會有芝士蛋糕/ 提拉米蘇/ 黑朱古力mousse等選擇, 經店主推介後選了濃味的黑朱古力慕絲, 最頂一層朱古力片很濃朱古力味,味道微甜; mousse和蛋糕梅花間竹地相隔, 朱古力海綿蛋糕質感略乾, mousse做得細滑,兩者配合得蠻好,只是以黑朱古力為名卻略甜,可以稍帶一點苦味會更切合黑朱古力之名,吃著吃著竟有點膩,少有地ko不完一件蛋糕........

等候咖啡時看到其他客人的有LATTE ART的咖啡, 拉得也很漂亮! 有機會要安坐小店欣賞一下才成。

新鮮雞飯店(西環)

政府嚴命街市雞檔每天下午6時後不能見活雞，並高價回收活雞檔牌，我家樓下街市不知何時已聽不著雞鳴，亦再嗅不到雞的羶臭味，冰鮮雞年代離我愈來愈近，為嚐一口新鮮雞的肉甜與雞皮下脂肪的油臊味，專程造訪堅尼地城的新鮮雞飯店。

這裡從前是利隆生滾粥店（現遷入同區熟食中心），冬天來碗生滾魚粥確是窩心滋味，易手後是貼滿各式招牌雞作的港式小店，也有特色。

食友人在途中，我打量著二人打理小店，配套所限，小小明檔主力滷浸菜式，$128的三式雞套餐，能試上豉油雞、海南雞及湛江雞三味，還配上兩款小吃及燉雞湯，幾豐富的。

熱雞湯，鮮味滲著薄薄雞油，淡黃色澤與甜品是源自粟米，滿意。

清遠雞與湛江雞都是浸的，肉質纖嫩有彈性，雞味不俗，皮爽嫩帶油香，好吃。

湛江雞肉吃起來肉嫩亦有雞味。

吃畢，看看錶，已近四時了，是時候動身了。

更詳盡的文章分享請參閱：
http://foodxfile.blogspot.com/2009/10/blog-post_25.html

小魚滋味(太子)

補寫食評

今日下午約了在太子附近試衫，附近好像選擇不多於是來到始創中心，走了一圈，看到這食店的整修ｏｋ，決到就食呢間．

來到是已差不多兩點，剛好有一張二人枱，於就就坐低了，枱不算闊，而且在通道旁，坐到不太舒服．

看了餐牌，套餐大約四十元一個，心想也可已，於是點了兩個餐，轉凍飲要加三蚊，，又不想飲熱的，唯有就范．凍擰茶可叫了少甜，但還有很甜，

食物方面，一個是豬頸肉炒蜜糖豆加如丸米線，豬頸肉只有幾片，也不算好味，蜜糖豆過熟太腍，而且沒有把兩邊的絲除去，食落有渣，米線太腍，魚丸比街邊的貨色還不如．

另外女友的是咕嚕肉菜飯，咕嚕肉完成不脆，汁好杰．

總括來說，食物是街邊十多元兩餸飯的級數，其餘的錢是給裝修及服務的（但裝修亦只是一邊而已

玲瓏酒廊(尖沙咀)

半島早年的新作，莫過於以虛幻人物De Ning設計的酒吧。

幾個小區間分，各有主題各有特色，一些古玩是由瑞士餐廳Chesa帶來的，亦少不特半島特色銀器餐具。

約了行家談點事，想起對方也有興趣看看Live show，雖然來過幾次，但今次來，感覺來得輕鬆。

一杯自家品牌的怡人氣酒，配一客Foie Gras，不算很濃郁，卻有著鵝肝的潤滑，閒聊了大半晚，期間幾款特色小吃，似乎是中央廚房出品的，不錯。

埋單每人$350左右，不平的，但來到半島的貴氣，加上古玩配套，沒收貴的。

更多的飲食文章分享@
http://foodxfile.blogspot.com/

星巴克咖啡(佐敦)

寒風襲來，約了朋友吃日式串燒，但離發定時間尚早，衣衫單薄，也想找處室內空間坐下，喝杯熱朱古力什麼的。路過見星巴克掛著聖誕樹，橫豎有位，探聽下新一季的冬日情報也好。

這裡路過多次，總是其門如市，不少是附近酒店住客，也有些經紀來這裡傾公事，商務式咖啡店，坐得無P記般舒服，有得揀我會算P記。

要了杯冬日新作Ginger Latte，咖啡、奶然後是一泡忌廉，很簡單做法，味道一般，雖下了奶卻談不上滑，薑味也只是很一般，似乎是粉開的味道。

薑不辣不好，幸好室內還算和暖，看看錶，是時候去吃期待的一餐了！