Oliva di Oliva (尖沙咀)

今年生日飯全部都係食italian food。
因為對上兩餐都去集團式經營既，今次三個女仔食，就黎新開無耐既小店試試。

我地比booking time 遲左5分鐘，餐廳既人已經打黎問係咪會到~ 都唔明點解咁緊張 :-)

到左之後有個男仔waiter 係地面等我地，陪我地落去。餐廳環境ok，只係一檯客都無。

坐低之後佢地問我地要sparkling water 定still water (口快快up 左still water，但其實之後我地唔開多一支，佢地都有俾tap water我地飲 -_-iii)

好在佢地都有心機介紹menu。set dinner $298，可以有湯，salad/ antipasti 同埋一個main。不過叫grilled dish (肉類) 要加$90 (叫果時佢先講 >.<)。 bread basket 包包(有focaccia，crisp bread，grissini 同埋black olive bread) 同埋自家製麵包醬都好香好好味。

湯有mushroom (cream coup) 同菜湯。 我飲個菜湯好濃蕃茄味，幾對辦。

前菜我地要左一個beef carpaccio，一個parma ham with figs and rocket，一個grilled cod fish。好笑地三個antipasti都有rocket leaves......味道唔錯，especially 係beef carpaccio。不過olive oil好似唔駛錢咁，大家去食記得要叫少油呀。

main 我地要左一個fettuccine with scallops ，一個italian porcini mushroom risotto 同埋一個lamb rack。 pasta 好味~ 不過朋友仔話粒scallop 有沙。risotto 就好似無落鹽.....lamb rack 三件上，其實肉質幾好，味道都ok ，但係其中一件肥d。

食完main 佢地都有問返我地意見。再叫dessert 我地叫左 d classic 野 (本來佢有panna cotta我都想試，不過朋友仔唔好奶味所以都give up左)。tiramisu 同埋chocolate fondant - tiramisu d ladyfingers 浸coffee 過左火，濕得滯，食個底就覺得比較苦。
chocolate fondant 同一般出面食到既唔係太大分別。 整體黎講甜品無咩驚喜。

臨走因為我果兩個朋友仔話俾佢地知係同我celebrate 生日，所以送左三袋仔homemade cookie + biscotti 俾我地~ hoho~

overall service幾好，食物環境ok，雖然播來播去都係果兩三隻歌 (katharine jenkins)但想靜靜地傾計都可以。

結果直到我地食完走，都係得我地一檯客。希望佢地頂得住啦，我都會再幫襯ger。

銅鑼灣正記潤牛麵餐廳 (銅鑼灣)

一個人食午飯,四處行都唔知食乜好???
呢間未食過就入去試試...

叫了個潤牛麵跟凍檸茶走甜,每樣只有3件,少了一點。牛肉夠諗,但無乜牛味,應該落左好多"疏打粉",豬潤唔夠維苑的滑,比較硬。杯O茶"太溶",飲完有D作嘔作悶。

河泰國餐廳 (太子)

早排突然想食泰國野, 係網度search到呢間泰菜buffet, 每位百零蚊, 就有多款菜式可以任叫任食.

我地第一輪叫佐八樣野, 樣樣野都好好食, 質素高味道好. 我以為佢會因為任食既關係而將貨就價, 但呢度無咁做喎. 例如個冬陰公裏面, 竟然有兩, 三隻大蝦; 個柚子沙律勁多柚子; 個泰式金邊粉係勁好食, 同埋裏面竟然有多隻大蝦係度, D蝦仲要幾彈牙, 唔係雪到霉晒果D蝦毛喎. 係出面D餐廳比錢單叫個金邊粉, 最低限度都六, 七十蚊啦, 都無呢度既咁大碟咁多蝦咁足料咁好食~ 所以明知如果食晒成個金邊粉, 就無空間再食其他野, 但為表呢間餐廳對食物既誠意, 我決定成個金邊粉食晒佢.

結果我地第二輪落單淨係要佐兩款甜品, 然後就埋單走人, 已經飽到食唔落. 下次有機會一定要再黎~ 我仲有好多菜式未試. 同埋呢度既服務好好喎, D waiter好主動咁斟水, 成餐飯斟佐好多次, 態度又好~~ 抵讚!!

最後一提, 即使係個甜品都好好食呀, 尤其是個"椰汁芋頭糕".

飽點王子 (旺角)

食完隔籬個間都要試埋呢間至得，兩間唔知邊間開先?但係有番咁上下實力至敢同人fight尤其隔籬個間係集團形式經營。呢度種類較少但係都有十幾款揀，其中標榜流沙系列，流沙义燒包同流沙奶皇包，兩款都係$4.5。其實嚴格上唔可以叫做流沙尤其係义燒包，只可以叫做流汁，因為真係好多汁流晒出嚟，至於D义燒饀就好好味，义燒都幾多又唔會肥。流沙奶皇包都同樣係流汁因為無咗咸蛋黃個種起沙嘅口感，但都OK。兩間比較，似乎王子略勝一籌，唔通真係後生可畏。

堂記腸粉專門店 (佐敦)

20/11 做完facial都已經9點左右，結果皇子話去堂記吃腸粉啦~~

去到9點15分，都幾多人。不過我地好快等到位，不過一直等都無人執走上手食淨既野；一直都無人肯過黎落單，終於見到個阿姐，不過佢一直叫我等陣；因為全間舖頭得佢一個人，無人做野。等左15分鐘先可以落單，我地又再等...等左25分鐘....終於有粥食喇，一碗菜干豬骨粥，一碗柴魚花生粥。
菜干粥好濃，好似一碗菜干湯一樣；內有三嚿大豬骨
柴魚花生粥，一般...搵唔到柴魚既~
又再等左15分鐘....鴨肉豬膶腸、炸兩、牛肉鮮蝦腸到喇~
鴨肉豬膶腸，味道好濃郁；估唔到咁夾，好味道
炸兩，一般...無特別
牛肉鮮蝦腸，牛肉一般、鮮蝦好爽口同彈牙....好好食呀

腸粉好薄好滑，豉油調較得好好；不過真係等得太耐喇~~~

包點先生 (旺角)

茶樓餐廳等食肆條人龍唔見咗，但呢D飽點店又幾好生完意，人潮不絕，唔通人人食個包就算。同一條街有兩間一模一樣嘅食店，所賣的包點又好相似，梗會互相比較，款式似乎呢間多D除咗中式亦有西式甜品如布甸等，中式包類尤其係咸點都有D創新款式，但我都係保守D試咗韭菜包（$4）同南瓜包（$4）。首先兩種包都好鬆軟，饀料就咸點好D，韭菜味好香，但南瓜茸就無乜南瓜味亦唔係好甜，普通而已，似乎真係咸包好D。

好旺角麵家 (旺角)

夠竟金融海嘯威力有幾大？以下情況，可見一班。中午路經旺角沿通菜街一路行，成條街都係食肆，真係多到數唔晒，但係滿座嘅幾乎無，有D更惨情全店都只得幾檯客，間間鋪派人響門口招徠都無用，根本無乜人行過，睇嚟唔使幾耐好多都會做唔住。
但係又唔使咁悲觀，好嘢始終有人欣賞，好似呢度真係一位難求，好彩一個人左攝右攝終於揾到個位，未坐定阿姐已經問你食乜，諗都無諗就叫咗炸醬麵($22)。D炸醬好深色同一般好唔同，但係好好味，甜中帶少少辣，好正。麵質爽口彈牙又無鹼水味，而碗湯好香大地魚味，雖然咸咗D但都飲晒。見呢度咁好生意仲以為個市好好景。

雲南風味過橋小鍋米綫 (深水埗)

呢間舖頭係我十幾年前第一次接觸米線呢家嘢!果時仲揸住部成皮嘢嘅StarTec…
但幾年後出現咗譚仔就好少再番去呢度幫襯,除咗好想食氣鍋雞.
炸醬腩肉豬潤 X 2---炸醬味濃小小辣偏咸,唔似出面其它鋪果Ｄ似蕃茄肉醬咁核突!腩肉同豬潤份量越來越少…亦都越來越淡!(黃鱔最衰賣晒!因為最好食係佢,鱔肉加豬皮加大粒蒜頭……)米線份量亦少了起碼三份一!湯底無咩感覺因為加咗好多辣油.
勁厚粉炸雞翼---懷舊情意結!上脆漿炸好似以前茘園門口炸果種!唔好理面果浸皮,裡面雞翼係幾滑吓溉！
原味氣鍋雞---呢樣嘢好在咁多年水準都未變過！大量雲耳墊底,索晒鍋底嘅雞汁!雞肉細細件肉質滑份量唔算少, 仲有最欣賞嘅係每次打開個蓋都出晒蒸氣夠晒熱!
隔一排想起個氣鍋雞又會再嚟!

JW's 壽司吧 (金鐘)

又係一間咩都有得食既餐廳~
日本刺生方面, 沒什麼特別, 同平時食自助餐既質素差不多~ 上次order 左個刺生飯, 好多材料, 好飽~
西餐方面, 有次叫左個龍蝦set, hm...隻龍蝦好似熟左少少~ 甜品都ok 既~
整體黎講, 都算平均~~ sushi bar 總好過樓上間fish bar!!
順帶一提, 呢度d 服務員非常nice~

板長壽司 (鰂魚涌)

好耐都無寫食評...看看上一篇已差不多1年前,全因自己懶!
今日"戚"起條"根"寫番篇食評。
約一星期前經過板長見到"海嘯價"三文魚壽司"3蚊件",咪同"蝦子餅"去試試!
之前食過3,4次,OK嫁!魚生頗新鮮,他的姜很"脆口"
嘩嘩嘩!"海嘯"三文魚足足令我等左45分鐘,對我講真係史無前例。
點之...
"海嘯"三文魚還OK
但那些正價兼略貴的如帶子，秋刀魚，海老...舊飯一夾即"散"
連D姜都"淋 Pat Pat"

我諗又排都唔會去住!

東海堂 (屯門)

不知是否新產品呢? $18一個, 外形是圓形, 全個綠茶色, 餅面上有粒草莓及數粒籃莓, 都幾靚呀.

食落好好味喎, 外面是好厚的綠茶紅豆芝士慕士, 中間有層蛋糕, 再有一層綠茶紅豆芝士, 仲有消化餅底, 所以這配合實好食呢,

見它還有籃莓, 朱古力, 咖啡芝士等數款, 應該都好食的, 下次再試其他味道.

泰簡單 (銅鑼灣)

今日用呢個標題係因為唔知tama點解咁鍾情泰國菜~

本身係附近返工~ 又得知呢間野嘅環境唔錯~

跟住立即同tama講有間ok嘅泰菜館~ 佢即刻tamatamatamatama咁話去~ 一於去食lunch~

上到去~環境真係一流~同人多又擠迫嘅central同wanchai比真係好超多～

係呢度食飯真係可以放鬆下～　　

ｌｕｎｃｈ　ｓｅｔ　大概有五至六款選擇再加兩款特餐~ 我諗應該唔係日日唔同~

今日叫左椰汁咖哩雞飯同埋泰式撈米線~

咖哩雞係好大碟~薯仔好好食~ 咖哩算不上頂尖~但係是ok的~~

撈米線好清新~有扎肉,小蝦~~ 加上泰式魚露和醋~開胃之選!

套餐會送埋野飲同甜品~ 今日係一小碗紫米露~ 唔錯!

差d唔記得講~呢度轉特飲唔會好貴!三十蚊或以下嘅加五蚊~ 以上嘅就加十蚊!

tama要左荔枝特飲~修正: 佢應該係黎自泰國嘅荔枝園~唔知點解咁鍾情於荔枝!

我加十蚊就叫左個椰青~正爆!好清甜! 兩個人食左百一蚊左右~

講到食物～雖然未到好好嘅地步～但係絕對係開飯之選！！

Marion Crepes (銅鑼灣)

Went to buy a crepe to eat ytd after lunch. I ordered a strawberry icecream cheesecake crepe with banana n chocolate dressing. It taste very good, i liked it a lot.... The cheesecake is very smooth n strong cheese taste and goes well with other ingrediance making it a very good match. Very hard to describe how good it is. So must try must try.

寶島餐廳 (元朗)

打完牌搵地方食晚飯, 行經此地, 打算好好醜醜食餐飽。

要了芝士焗龍利柳飯。
飲胚芽珍珠。
等三個字, 焗飯到。
本來就甚不抱期望, 亦預了飯底吾係真正炒飯, 芝士吾係果種芝士, 汁係生粉溝出黎。
哈！就是預不到會全中。恭喜我自己！
芝士好『特別』, 一塊塊好似結他pick既形狀。又吾係芝士味...........
不過龍利柳都OK。算是Bonus。
朋友飲埋杯野飲。

朋友M要沙爹金菇肥牛煲, 附送例湯, 超多味精！

PS.點解元朗咁多間寶島餐廳...

百事吉餅店 (灣仔)

自少吃過不少提子包,就是不能抗拒這家 大提子包 的誘惑!!
這一家的提子包,有一種獨有的麥香味, 甜而不膩, 而且夠鬆軟~
只可惜提子的份量比以前少!

PS. 這是大提子包獨有的味道, 小提子包不知怎地小了一種麥香味!