185
39
26
港鐵尖沙咀/尖東站 B2 出口, 步行約3分鐘
繼續閱讀
電話號碼
23114700
開飯介紹
以靚牛肉出名的日式燒肉店，廚房師傅全為日本人，店中用蚊香形電爐頭，火力平均，易於控制。
繼續閱讀
獎項殊榮
最優秀開飯日本菜餐廳 (2011)
營業時間
星期一至日
12:00 - 15:00
18:00 - 23:00
以上資料只供參考, 請與餐廳確認詳情
招牌菜
食家推介
相關文章
食物質素差左好多，連普通港式放題都不如！！！比碟打邊爐既肥牛我地，話叫做"薄切牛扒"D蝦好大隻，但d 肉係梅既，爛爛地，完全唔新鮮D 牛又un 完全唔似以前伊呂波質素，一連七個朋友一齊食，全部食完肚痛肚痾（d 野有燒到熟晒），我自己就痾左三日，其他朋友有d 仲嘔，好彩唔洗入醫院，但我地以後都唔會再幫襯好少打食評但今次真嬲，唔想再有人受害囉！！！！
繼續閱讀
非常難食！$398 per head 團購價都係免加一 $40 only，超唔抵，大家千祈唔好去!!!!所有凍肉簡直係百零蚊任食 BBQ 場質素，又鞋又蘇。塊塊牛肉都雪到"黑心"嘅，完全無味(亦無調味)；豬肉燒完成條柴咁；蝦同魷魚好梅，蝦一來已經甩頭，梅梅地亦無蝦味；魷魚軟冧冧，無味。成餐得塊炸蓮藕同生椰菜係好味，叫個燒飯團，總算夾硬塞包個肚。難怪由開始到食完都無乜客，『伊呂波』雖生猶死，已經完全唔係以前間野嘅味道，簡直浪費錢同時間，失望！
繼續閱讀
同同學仔片完車，再一齊去尖沙咀食燒肉放題，呢個都係團購嘅，$268一個大人，小朋友無買團購就$164，大人食當日要比$30小費！去到門面好日式，有隻大熊本熊在門口迎賓，入內更驚喜，個場裝修日本和式廳堂，中央有個榻榻米地台，要脫鞋先可以上去，旁邊就分咗幾個有簷嘅小室，有晒門簾，燈光略暗！好有味道！我味坐中間地台，有腳位可以放腳（唔使盤膝！）一條長方枱對坐，好似日本婚宴咁，未有其他客時，地台比我哋玩晒，好free，坐低就落單，有普通（55品）同豪華版（64品），我哋係普通版，限時90分鐘，寫紙仔好快就到！牛肉🐮牛柳鹽燒牛舌：薄切牛排肉：牛排肉牛排肉連骨牛里脊肉牛胸內膜我主打牛肉，連骨嗰款唔喜歡，其他款式都比想像中好，牛肉淋無筋，雖然唔算好雪花（一分錢 一分貨）每款肉味濃，最長最肥嗰款最淋（一次燒得多，燒嘅時間會起大火🔥🔥🔥）牛舌薄，易燒又彈牙，食食食貝拼盤🐚（蜆、馬珂貝、地花蜆）錫紙盤內放汁，幾款貝分唔到，肉唔算肥，不過無沙又無腥，好味！紅蝦🦐好大隻，燒熟肉質爽！好味魷魚🦑無食雞翼🐔無食，食咗嘅朋友話完全無味（雞翼白雪雪）又厚又難燒熟！粟米🌽南瓜🎃枝豆：無食牛舌拌青瓜：牛舌碎唔彈牙，反而似內臟嘅沙沙地，青瓜爽口，麻辣醬汁辣辣地好味！芝士薯餅：無食天婦羅拼盤（蝦🦐茄子🍆南瓜🎃）無食炸豆腐：無食煮牛筋腩：無食燒飯糰🍙配埋醬油同油掃，飯糰自己燒，第一次邊燒邊掃失敗，第二次掃好晒醬油，燒嘅時候唔好經常翻，燒好一面脆才轉面！鹹鹹地脆卜卜好味！白飯🍚無食蛋花湯🍲無食冷麵🍜無食豆腐沙律🥗凍豆腐嫩滑，加蕃茄同洋蔥碎好清爽牛舌沙律🥗無食蔬菜沙律🥗好爽脆，加啲油醋汁已好味可樂、忌廉、雪碧、Ginger Ale：簡單罐裝汽水店員有禮！上食物好快手，唔寫紙開口講都得！好快速！（得90分鐘，你拖我就生氣）小朋友多，難免嘈吵！店員都好包容食物選擇多，水準不錯，服務有禮，環境舒服，一大班人都唔覺迫，正！$268（大人團購）+$30（大人小費）+$164（小童連小費）
繼續閱讀
滿心期待等左2個月早前團購買落...其實都係平得果30蚊左右~點知入黎食垃圾好彩無食最貴既牛~ONLY 55品試試諗住幾企理咁...牛既每樣都試~每樣都係垃圾全部0味道~點解可以無味又鞋口......以前食銅鑼灣LUNCH SET都唔係咁.........蝦係又霉又爛既..............熟食還叫有味....但亦都係難食水準*****連雞翼亦無味...................最正常係蜆了........................唉...呢間野對我黎講都有D回憶...點解要咁難食食平價韓燒都無咁嬲總結:垃圾歡迎去試..........
繼續閱讀
今年嚟食既目的係同朋友慶祝生日，由於朋友今次想食日式燒肉，就立即提議幾年前食過既伊呂波。我地係網上買左團購，團購價錢有分55品同64品，我地就揀左55品個隻，原價係298加一，團購就係268一位，去到再有30蚊服務費現場俾，計返既話就係平左服務費個三十蚊。環境方面，其實伊呂波既環境真係唔錯，每一組人有獨立一個有布遮住既Area，會有返私隱度，講嘢唔怕俾隔離枱聽到，而上菜既時候亦都好方便會放係中間，亦都有掛衫掛袋既釣係牆上面，枱面放食物既位置都好充足，唔會有唔夠位放既情況出現。如果你人太多，係餐廳中間會有開放式既枱，係日式要除鞋坐上去個種。講返食物選擇方面，選擇都算幾多，牛既每個部分都好齊全，例如牛舌、牛脊、牛柳、牛排肉等，豬同雞既選擇就計返就會少左啲，得五花腩、豬頸肉、雞脾肉同雞翼，海鮮既選擇都好滿意，蝦蜆呢啲都有，而小食沙津炸物湯都算齊全，另外都有包汽水。但係係食物質素方面就同以前既出入好大，食既肉都無乜味.. 真係講唔上好食，除左蜆同牛舌以外，基本上要燒食物都可以話唔好食，，反而小食可以比較接受，芝士薯餅都唔錯，不過正確嚟講佢係芝士年榚先啱，豆腐沙津都算係唔錯。有叫左一個蛋花湯，但係飲落去飲唔到湯既味道，只係一碗有黑椒係入面既熱水。服務態度都唔太好，每次都揮左手好耐先叫到staff嚟都等左好耐時間，而佢哋嚟到之後好似等多一等都唔得，好急要離開，但係成間餐廳都只有幾枱客人，未睇到佢哋要忙既地方。而Staff係一到時間完就趕你走，呢樣真係令人覺得唔好算。總括嚟講，燒肉既話呢個價錢應該可以搵到更多好食同有更好服務態度既餐廳。
繼續閱讀