52
18
20
港鐵油麻地站 A2 出口, 步行約4分鐘
繼續閱讀
附加資料
開瓶費:第1支酒無需收開瓶費,第2支酒開始計每支收$50
營業時間
星期一至日
12:00 - 15:00
18:00 - 00:00
以上資料只供參考, 請與餐廳確認詳情
招牌菜
食家推介
兩點下午茶時間, 入內看完餐牌, 想出門外多看一次剛才門外看過的食物餐點, 店員見狀話餐牌裏面已經有哂, 無問有咩可以幫到我, 唯有睇餐牌內相片揀, 叫左兩個SET: 刺身壽司SET($55)和叉燒拉面SET($42), 見圖都OK, 但上枱食物真身出現時判若兩人, 完全吾認得, 刺身壽司東歪西倒, 飯無味似爭鮮質素, 已經覺得中了伏, 失望後悔剛才無出門口走左.....點知再來拉面更差, 全碗淡荗荗無味,同一時間左耳傳來隔離座食客問店員取鹽話無味, 都吾緊要, 淡的話我可以自己加豉油五味粉, 食左舊叉燒, 無燒過,肥肉勁多, 有雪藏豬腥味, 吐返出來無食過, 蛋全熟硬乾, 蛋白剝開時甩漏難看, 拉面的配菜是生菜粟米和海帶, 非常求其........失敗, 家裏自己煮的水準還要比它好吃....唯一可取的是最後一小杯蛋布甸甜品好味少少.....全程太失望無影相,........此間是鉄板燒餐廳. 坐在吧枱, 睇見所有燒烤員工面上縐著眉工作, 非常沒趣面有難色....... 員工態度和食物水準之間想必有點闗係吧? 不知道燒物食物是否好一點, 但以後也不會再來......無緣再試了
繼續閱讀
如果七月一定要破地獄的話，今日相信已經破了。今日學完日文十級肚餓，一落堂就快步揾好西，今次唔想幫趁連鎖店，想支持下小店，特登去旺角內街既小店，尋尋覓覓，揾到間平靚正（我以為）既日式鐵板專門店，咁我緊係睇下有冇人先啦，起碼中伏都唔會死得太肉酸。睇到都坐左一半人諗住冇死啦，隔離幾間人都冇個係入面，隔住道門望著有即炒鐵板燒，嘩！正！幻想住一開門會迎來氛香撲鼻既牛肉香，口水都快流出黎，誰知，一開門迎來的唔係食物既味道而係霉味，係霉味，係霉味！！.........太可怕要講一千次！先講價錢，除左個特別晚餐同個別小菜價錢正常外，其他套餐根本就係酒店既價錢可惜佢不但冇酒店既環璄，除左發霉既味道仲有千年塵痴住部冷氣，四周殘殘舊舊，廚房（唔係鐵板個邊）污污糟糟，半場客，兩個侍應行行企企但就食飯兩尾，張單全漏，我諗因為我叫特價晚餐所以特價服務，兩個字形容厘間餐，就係垃圾。個主菜同炒飯味道係叫正常，但絕唔稱得上好食，水準係冇，冇heart垃圾言歸正傳，當時雖然內心既恐懼又害怕，但見到既然咁多人就係諗，一定係禾稈冚珍珠，要比機會佢既。咁我坐底好快就叫左兩個一人晚餐$88唔好講笑，其他餐我真係食唔起，郁下話700-800，幾千一個餐都有，嘩！玩咁大，唔好食都唔會渣啦！只可以話我真係太天真太傻！等左陣，先黎個野菜沙律，放底個下呆左，唔係話要你比咩貴沙律菜，生菜又好青瓜絲沙律都冇問題，大佬你個生菜沙律啲菜發黃，就標水咁樣，你放門口唔駛錢都唔食啦，平日做廚餘架！你侮辱我唔緊要，你身為廚師，咁樣唔尊重你既專業我真係好痛心！算！！我輕輕有禮貌咁食左幾粒粟米就冇再掂！個侍應收碟亦冇問有咩問題，即係正常！跟住既就係一場漫長既等待，我飢腸轆轆，餓到金精火眼，望穿秋水，隔離枱食貴野既都陸續上菜，說好的刺身，檸茶，炒雜菜.......通通不見蹤影......一次又一次我按下即刻比錢走人既衝動，不停同自己講，食埋個主菜先至算，等左半個鐘終於黎左個鐵板配菜-燒茄子同帶內臟帶子仲見到屎既，茄子正常既，個帶子我小心翼翼肢解左佢食，係入得口但係un既，跟住又等左陣黎埋個主菜！我x!!見到個薄牛..........頂你係四片佳寶肥牛，你老尾！！！！ 我餓到仆街你比四片肥牛我（兩個餐加埋四片），然後旁邊係一堆充飢炒雜菜！味道正常！食完當然唔飽，跟住迎接我既仍然既無盡等待！終於黃金炒飯黎左，填飽個肚麵豉湯，檸茶，刺身仍不見蹤影！忍唔住催促一下，侍應有禮貌講左唔好意思，等左陣黎左一碟廚餘三文魚，實左分唔到一片片，上面仲有點點黑色！我真係崩潰了！！立刻起身走人埋單甜品，麵鼓湯，檸茶依然冇黎個叻叻侍應仲收我205蚊，而且一句都冇問食物有乜問題，同食物未齊等，佢嘴上依然禮貌，厘一刻，我覺得佢有禮既對答仲難聽過粗口，我真係忍唔住就問88x2點解205，佢話要加一（你老尾冇服務仲要加一）仲有綠茶同醬要每位收$5，嘩！你以爲你係酒樓呀！要收茶芥！我忍住怒火比錢，出門口真係忍唔住要影低相，以免有人中伏，苦！我一個人受好了，唔希望仲有人受害！
繼續閱讀
去睇戲之前 係旺角搵食經過行走 咁岩想食日本野 見到個價錢合理 就入左去我地叫左兩個$88嘅一人餐 餐牌都叫多野食 有刺身 又有鐵板燒先黎嘅係三文魚刺身份量比較少 但味道唔錯 口感新鮮 油份豐富之後上嘅就係鐵板燒 由於我唔係坐近鐵板 所以師傅自己燒好先拎比我地份量都係偏少 全部野都係得一兩件味道方面，牛肉唔太熟 比較難入口 帶子同菜比較咸 可能落鹽重手左總結黎講主食表現平平最後上甜品 蛋味重 甜味淡 但食完重口味野點綴下唔錯另外，見到其他餐牌見到其他餐 有$6xx 又有$1xxx 的二人餐 變化真大
繼續閱讀
一早訂了上野鉄板燒，5月23係小弟生日，友人推止店的，生日當然試試，叫了二人前套餐788。首先來了沙律及刺身都新鮮但無特別，主菜有黃金老虎大蝦，鰻魚，鵝肝及牛柳，大蝦原來是這裏招牌菜，好好味，加了芝士及蛋黃。鰻魚就無特別。鵝肝燒得好香，入面好滑牛柳要了3成熟，師傅會點火，有氣氛及有牛肉味及好滑口師傅好好傾，到炒飯時，叫師傅寫了生日快樂給我，謝謝！整體而言，食物新鮮，服務週到，環境幾舒服，可以慢慢食，抽風系統做得好，食完無油煙味，一定會再嚟
繼續閱讀
1023 瀏覽
有時和朋友去到一些餐廳，遇到一些不太禮貌的服務員，都會有股衝動想立即向他們的公司反映(其實就是投訴吧)，不過總怕他們轉過頭在廚房裡靜雞雞在餸菜之中吐口水或落藥害我們，就此作罷。所以，小妹一向對鐵板燒或手握壽司的店舖情有獨鍾，除了保證食物有一定質素外，更加能在進食過程中，面對面地欣賞廚師在弄食物的功架，不單提升食慾，也提高了整餐飯的回票價。小妹經常是這間店舖的棒場客，要知道在旺角女人街的細巷之中，餐廳的數目多不勝數，要在眾多餐廳突圍而出，除了靠員工在門外拉攏客人或宣傳外，食物的質素也是重要的一環。小妹就是十分欣賞這間店舖的廚師，對每樣食材的煮法，排列先後，裝飾也極度講究，光顧了三年，食物價錢沒有提高多少，但食物品質同樣不變。一早鎖定了餐牌的鐵板大蝦二人餐($568)，分有十道菜，包括了木魚絲蟹子沙律、雙色刺身、鐵板配菜、老虎大蝦、美國安格斯肉眼扒、香草三文魚扒或香草龍脷柳、牛肉炒烏冬或煙肉黃金炒飯、日式炒時菜、活蜆雜菇麵豉湯和甜品。先來的是木魚絲蟹子沙律和雙色刺身，因為這兩款都不用廚師在現場效勞。只是幾啖開胃的生菜片，蟹柳條和粟米都是清甜之選，配上木魚絲，又帶多幾分香甜。刺身是三文魚和八爪魚片，前者肉厚柔軟，魚脂甘香，後者爽口鮮甜，不過質地較薄。活蜆雜菇麵豉湯，湯質不會太過咸惹，湯材裏有很多豆腐粒和海帶，甜甜咸咸的接住下來鐵板燒來一口溫暖。香草龍脷柳餐廳的三文魚扒吃得多，今次則要了香草龍脷柳，廚師把龍脷柳煎香兩邊，要灑下大量的香草，未吃先有一股陣陣迷人的草香撲鼻，更令人垂涎三尺。煎過的龍脷柳，面層有著一層「紙甘薄」的黃金色皮焦，甘香脆口，但內裡仍是純白啖啖肉的魚肉，魚香豐脥，加上脂肪少而蛋白質含量豐富，實在是不可不吃之選。老虎大蝦虎蝦是小妹這晚最期待的一環，完全盡顯廚師的刀功。師傅利用一把刀、一把丫叉，先把蝦頭切開，繼而去殼，一手便切去腸衣，刀功利落，接著把脫出來的身殼燒至金黃，最後將蝦肉切粒，連蝦頭蝦殼一拼上碟，絲毫沒有浪費任何一節的虎蝦，連蝦殻都能用作襯碟之用，非常出色。蝦肉利用牛油調味，蝦肉爽口彈牙，牛油香豐盈，接近頭部部分還保留一點點的蝦膏，盡是鮮味的亮點，令人停不了口。美國安格斯肉眼扒點了七成熟的肉眼扒，心中的厚度當然不能媲美牛柳的雄厚，不過單靠廚師的功力，肉眼扒外表深竭，内裡是清晰可見的粉嫩紅色卻不滲血水的美。肉眼扒以牛油和黑椒調味，廚師特意沿著筋位切走肥膏部分，令每啖咬下去不致會咬到韌而不斷的筋部，每啖都是嫩化濃厚的牛味，肉汁與牛油的化學作用，令口感油潤香軟，油而不膩，再沾上小妹最愛的炸蒜，脆卜卜的感覺令口感更加錦上添花。煙肉黃金炒飯滿足完食肉獸的慾望，便要再來一點澱粉質去填飽肚子。師傅將所有材料，包括煙肉、蔥花、胡蘿蔔絲、珍珠米一拼在鐵版上兜炒。所謂的黃金炒飯，就是用雞蛋蛋汁炒成金黃狀。看見師傅雙手並用起勢地兜呀～炒呀～再把米飯分成一碗碗盛上。米飯粒粒分明，每粒都平均沾起金黃色的蛋汁，絕無色差。質感光亮但入口沒有油的感覺，米飯香軟煙韌，蛋香依依誘人，輕輕咸香的煙肉又令人不知不覺地吃掉一碗米飯，一粒不漏。日式炒時菜生菜絲和胡蘿蔔絲在鐵板上加入水，立即用鐵鍋把蔬菜焗熟。沒有加入太多油或鹽調味，蔬菜味道較淡，但來得更清新健康，爽口程度依舊，小妹當然非常受落，但若果喜歡重口味一點的可預先跟師傅說一聲。日式燉蛋布甸最後的甜品是日式燉蛋布甸，小妹以前來吃時，一是雪糕或雪葩，一就是布甸了。加入花奶點綴，布甸嫩嫩滑滑的質感十分討好，濃郁的蛋香令人一度誤會以為花奶其實就是蛋汁般濃滑，飯後甜一甜是這晚最完美的結束。
繼續閱讀