155
16
26
港鐵尖沙咀/尖東站 L5 出口, 步行約2分鐘
繼續閱讀
開飯介紹
響葫蘆位於尖沙咀，亞士厘道17-19號4樓(新建大廈)，以時尚特色設計概念，設有主題食區-壽司吧及特色露天戶外坐位
繼續閱讀
營業時間
星期一至日
12:00 - 15:30
18:00 - 23:00
以上資料只供參考, 請與餐廳確認詳情
招牌菜
食家推介
第一次嚟呢間食放題,主要都係想食佢個團購賣点：原條蒲燒鳗魚!一開始先嚟個刺身,有三文魚、立魚、牡丹蝦、榮螺、帶子等等……我個人覺得牡丹蝦肉質夠鮮甜,又夠大隻,鐘意食生蝦嚟粉丝嚟講可以不断追加,帶子又滑,仲以為刺身食材都咁得,咁其他食品都應該唔差呱。叫咗個放題我必食既炸鷄軟骨佐啤酒啦,因為我只有2人食,都預咗份量少少哋,嚟到連同其他炸物一併用個碗仔奉上。芝麻鷄翼炸得唔係脆,個燒鷄皮可以一試,有少少脆!另外個賣点燒鳗鱼味道尚算合格,如果有一班朋友嚟食,個賣相應該幾壯觀,因為我得2人,所以一碟只有四小件。如果係鐘意食多類型既朋友應該會難滿足到佢哋,冇甜品、冇鍋類,天婦羅選擇少,炒菜類只有一款。總括嚟講我個人認為呢個食肆如果大家要求唔高都可以嚟食一次既。
繼續閱讀
半年前食響葫蘆真係驚為天人，刺身、熱食都好高質。今次見佢做團購，諗都唔諗，即買，仲叫埋親戚朋友食。點知中大伏。首先，冇左個好好味既鱈魚食，明明團購網話有的，我上次都有食。然係d刺身質素同上次比差好遠，冇三文魚腩。但都仲叫食得落口。火灸壽司既size全部係迷你版... 海膽手卷既海膽得弱弱一pat...熟食份量細到慘不忍到。牛肉粒得手指頭咁大、鰻魚切到細細，hea幾片俾你。最激氣係d炸物，油到濕pat pat，好得人驚。其實做到咁，不如唔好搞團購，自己做得唔gur，d客又食到一肚氣。
繼續閱讀
我們一行9人訂了這間。看見團購288。而家包加一225。諗住288既質素應該唔會點差掛。打去問。不用買直接給我們團購的價錢。訂了。去到。9個人要坐外面。無冷氣。先黎海膽手卷 - 份量少，唔新鮮。好難食刺身 - 三文魚好一般，算差。 蝦是唯一可以食的。 希靈魚叫50片黎10片。(9個人呀！)之後叫炸野。咩都放埋一碟上。亂七八糟。味道一般。到重點鰻魚任食。叫20份。黎20小片都無。一人都無一片。再叫80。服務員黑晒面話我地唔合理。食完先再叫。求其黎左3碟算。好我地好快食完再叫。又要等。8:15入座，9:30都未到先要埋單。一人都唔知有無食到3小片鰻魚。埋完單吹last order。食到火都黎。9個人根本未飽。焗住點其他野食。食完就走。以後都唔會再黎。收貴但係所有事都好差。食物，服務。食物種類超小。千祈唔好去試！！！
繼續閱讀
又食放題喇！今日嚟到，梗係要大擦一餐啦！唔好講咁多，即刻叫個刺身船先啦。我對刺身既要求就好簡單，就要夠新鮮，色水夠靚。呢度既 三文魚同蝦都新鮮甜美，帆立貝，吞拿魚都幾好。原條燒鰻魚就真係不得了，燒得香脆又熱辣辣原盅蒸紫薯仔，好得意係出面都未食過，軟綿綿又甜既紫薯最岩就係清蒸咁，甜味出晒黎飲品食物選擇都幾多，又唔會有漏單問題
繼續閱讀
團購上寫明有嘅嘢都無，有欺騙成份。買團購時話明有銀雪魚、牛舌、海老天婦羅都無，所有嘅食物都係縮水迷你版，原條鰻魚得四粒手指尾頭一節咁細，連羊鞍都得條骨。。。。。嘢飲無乜選擇另外，侍應服務態度有待改善絕對不會再去食
繼續閱讀