更多
2012-07-16
10 瀏覽
既然呢間餐廳係我提OPENRICE UPDATE，又未有人寫第一篇食評就等我寫第一篇啦話說，星期日同朋友由旺角一路行，經過由麻地都冇咩好食終於行到佐敦，見到1000円同2000円招牌，就諗住上去問下價錢同有冇位啦一問之下先知道原來原本既2000円(佐敦分店)已經冇左，裝修後重開成呢間1000円門口果位應該係經理或部門級既先生(下稱部長)好好人，主動邀請我地入去參觀一下有咩食先入到去見到地方唔算大，但全新裝修，而且坐位都幾鬆動同舒適食物一字排開，放既地方唔算大，但款式可能都接近50款了每款食物放出黎既量唔多，但時不時有人REFILL，呢點幾值得欣賞部長話加埋一就$136一位，限食兩個鐘，另外任飲飲品就$15一位，任食甜品就再$15一位本身都覺得任飲另加唔太抵，但睇一睇飲品櫃，除左百事、七喜等汽水外，仲有道地無糖綠茶同烏龍等甜品就唔考慮喇，我地一行三人就決定叫任燒+任飲食物方面有牛肉、肥牛卷、牛利、牛柳粒、肥牛串雞柳、有骨雞翼、無骨雞翼、雞皮、雞心、雞腎、雞軟骨豬柳、豬頸肉、豬肉卷(即係肥牛卷既豬肉版)秋刀魚、魚柳、多春魚、鯖魚原隻蝦、蝦仁、魷魚鬚、墨魚仔包心丸、腸仔、雞尾腸、墨魚餅仔(圖
就等我寫第一篇啦
話說，星期日同朋友由旺角一路行，經過由麻地都冇咩好食
終於行到佐敦，見到1000円同2000円招牌，就諗住上去問下價錢同有冇位啦
一問之下先知道原來原本既2000円(佐敦分店)已經冇左，裝修後重開成呢間1000円
門口果位應該係經理或部門級既先生(下稱部長)好好人，主動邀請我地入去參觀一下有咩食先
入到去見到地方唔算大，但全新裝修，而且坐位都幾鬆動同舒適
食物一字排開，放既地方唔算大，但款式可能都接近50款了
每款食物放出黎既量唔多，但時不時有人REFILL，呢點幾值得欣賞
部長話加埋一就$136一位，限食兩個鐘，另外任飲飲品就$15一位，任食甜品就再$15一位
本身都覺得任飲另加唔太抵，但睇一睇飲品櫃，除左百事、七喜等汽水外，仲有道地無糖綠茶同烏龍等
甜品就唔考慮喇，我地一行三人就決定叫任燒+任飲
食物方面
有牛肉、肥牛卷、牛利、牛柳粒、肥牛串雞柳、有骨雞翼、無骨雞翼、雞皮、雞心、雞腎、雞軟骨
豬柳、豬頸肉、豬肉卷(即係肥牛卷既豬肉版)
秋刀魚、魚柳、多春魚、鯖魚
原隻蝦、蝦仁、魷魚鬚、墨魚仔
包心丸、腸仔、雞尾腸、墨魚餅仔(圖中白雪雪上面有舊黑色紫菜果件就係)
錫紙兜有金菇、冬菇、粟米、蜆
菜蔬類有冬菇、青椒、菠蘿
配菜有大蔥、蒜
另外可以自製沙律
調味料有鐵板燒醬、柚子醋、粗醬、黑椒、芥辣沙律醬同芝麻沙律醬
太多了不能盡錄(因為我唔太記得
服務方面我覺得唔錯，部長經常走黎走去幫客人
又有人專責檢查食物剩餘量同補充
我同朋友都跌左幾次筷子佢地都冇黑面(話時話點解D筷子咁易跌
另外就係夠鐘時部長冇即時拎張單埋黎，而係埋黎問左我地想唔想加野先，見我地話唔需要先問幫我地埋左張單先好唔好，食咁多間放題都得一兩間係咁好
有D二百幾蚊既放題 LAST ORDER完過左半個鐘就拎張單埋黎，同佢講有好多野未到佢就即刻話"你地夠鐘喇喎"係都強調好多次佢野食唔黎係佢錯佢先黑面然後去拎D野食黎要求五分鐘內食哂
題外話/補充資料：
[b]
呢PART FOR餐廳本身，希望佢地會睇到啦
每台提供一個竹夾，但一個又太少又唔太好用
建議換走，好似韓燒咁一人比返對竹筷夾生野始終好D
如果想環保一D，一人一對黑一白分別用黎夾生熟食都OK
當日我去只坐七成滿，而且團購未開始用所以唔會爆
希望人多之後都KEEP返服務，另外就係搞團購後一定令質素有所下降
(因為全部時段比人BOOK FULL，趕住交場令員工壓力倍增)
反而令真心想享受既人失望而回，唔再有下次，可能難以累積熟客
而訂唔到台亦會令到團購客人反感
何況本身星期日都係百五蚊位亦唔過份，我個人希望唔好再有團購出現了[/b]
(以上食評乃用戶個人意見 , 並不代表OpenRice之觀點。)
張貼
