更多
2014-11-19
2116 瀏覽
呢間係橫街嘅鋪仔之前食過幾次,雖然唔係正宗韓燒,但就鍾意呢度D肉唔會醃過.夠新鮮同肉味濃!! 因為價錢都好合理,所以今次同3個壽星賀壽(連埋我自己 )揀咗呢度食烤肉!早兩日已經同老闆B哥講定,叫佢搵D特別D嘅野食俾我地,果然無甩拖~~~ 一坐低,整咗盤刺身俾我地:日本亞紀丸蠔同挪威SCAMPI日本蠔甜味重,又夠肥美,雖然海水味唔重,但係今晚女士多,佢地好啱食,食得好開心,一食完仲要即刻ENCORE!另外一樣SCAMPI,平時係日本料理都好少見到,之前係尖沙咀食過一次,要成$120一隻,今次B哥特別幫我地拎,都只係$68一隻,真係唔話得! SCMAPI同牡丹蝦比,肉比較爽甜,膏又香又多D,咁嘅價錢,真係超值!!不過要早3-4日預訂.跟住就梗係烤肉啦~~~ORDER咗個牛魔皇,加拿大豬鞍同五花腩,另外B哥幫我地買咗D海鮮一齊燒. 呢度個牛魔皇真係無得輸,美國肉眼扒,牛小排薄切,牛舌厚切同埋牛仔骨~~件肉眼正過好多西餐廳,又夠厚,肉味濃,有人話食全熟都唔'鞋',牛小排極淋滑,呢兩樣大力推介!跟住成班人見到件加拿大豬鞍麵嘩嘩聲,梗係啦,吋幾厚,個個都問點燒熟,我食咗幾次,無難度啦!
早兩日已經同老闆B哥講定,叫佢搵D特別D嘅野食俾我地,果然無甩拖~~~
一坐低,整咗盤刺身俾我地:日本亞紀丸蠔同挪威SCAMPI
日本蠔甜味重,又夠肥美,雖然海水味唔重,但係今晚女士多,佢地好啱食,食得好開心,一食完仲要即刻ENCORE!另外一樣SCAMPI,平時係日本料理都好少見到,之前係尖沙咀食過一次,要成$120一隻,今次B哥特別幫我地拎,都只係$68一隻,真係唔話得! SCMAPI同牡丹蝦比,肉比較爽甜,膏又香又多D,咁嘅價錢,真係超值!!不過要早3-4日預訂.
跟住就梗係烤肉啦~~~ORDER咗個牛魔皇,加拿大豬鞍同五花腩,另外B哥幫我地買咗D海鮮一齊燒. 呢度個牛魔皇真係無得輸,美國肉眼扒,牛小排薄切,牛舌厚切同埋牛仔骨~~件肉眼正過好多西餐廳,又夠厚,肉味濃,有人話食全熟都唔'鞋',牛小排極淋滑,呢兩樣大力推介!跟住成班人見到件加拿大豬鞍麵嘩嘩聲,梗係啦,吋幾厚,個個都問點燒熟,我食咗幾次,無難度啦! 件豬鞍爽口彈牙,肉汁多,個個都讚不絕口,一絕呀! 至於海鮮就有貴妃蚌同鮑魚仔,第一次燒貴妃蚌,真係估唔到咁甜,連啖汁我地都飲埋 鮑魚仔就唔算大隻,但勝在軟滑,燒極都唔UN.都幾好!第一次係度食刺身同海鮮,大家都好滿足!
今晚7個人,個個都讚D野食無介紹錯~~~~跟手睇埋張單,1千9百幾,2千有找,真係好食又抵食!睇嚟呢度又可以做我地嘅飯堂!臨走,B哥叫我地下次嚟試手切肥牛韓式火煱,聽到都開心,又有新野試!好,約好腳11月中試!
張貼
