更多
2014-11-20
3160 瀏覽
再次來呢到食飯，同一地點同是生日飯，不過上次係我的生日飯，其實本來想去咖啡弄的，但我地等左一陣，有店員用普通話講而家排隊的都可能會冇位，因為每枱限食９０分鐘，相信佢都點算過吧......咁我地就無謂再等啦，係臨急臨忙要揀過另一間食飯，佢第一時間就問去返美麗華食過果間好冇喇！？哦.....都ＯＫ吖，就係咁就返來了。記得上次食我地有Book位的，我地1930來到好彩都有位，相信係因為平日易搵位啦！呢晚我地坐左係近正門的另一邊，都係近商鋪的，其實我係覺得呢到比較貴，不過以呢間Caffè HABITŪ九龍分店來睇，美麗華算係較靜，傾得下環境較好喇，生日飯貴少少都ＯＫ嘅。呢晚我地２人點了以下野食：① 愛爾蘭咖啡 Irish Coffee ($58)② 朱古力咖啡 Caffe Mocha (Grande $48)③ 青蘋果合桃火箭菜沙律 Green Apple, Rocket & Walnut Salad ($68)④ 香辣肉醬焗雙色粟米片 Blue and Gold Nachos ($82)⑤ 英式炸魚薯條 Beer-Battered Fish n' Chips ($130)Total：$386
咁我地就無謂再等啦，係臨急臨忙要揀過另一間食飯，佢第一時間就問去返美麗華食過果間好冇喇！？哦.....都ＯＫ吖，就係咁就返來了。
記得上次食我地有Book位的，我地1930來到好彩都有位，相信係因為平日易搵位啦！
呢晚我地坐左係近正門的另一邊，都係近商鋪的，其實我係覺得呢到比較貴，不過以呢間Caffè HABITŪ九龍分店來睇，美麗華算係較靜，傾得下環境較好喇，生日飯貴少少都ＯＫ嘅。
呢晚我地２人點了以下野食：
① 愛爾蘭咖啡 Irish Coffee ($58)
② 朱古力咖啡 Caffe Mocha (Grande $48)
③ 青蘋果合桃火箭菜沙律 Green Apple, Rocket & Walnut Salad ($68)
④ 香辣肉醬焗雙色粟米片 Blue and Gold Nachos ($82)
⑤ 英式炸魚薯條 Beer-Battered Fish n' Chips ($130)
Total：$386
10% Service Charge Total = $426
右：說真的，飲過多間有＜愛爾蘭咖啡＞的店，Caffè HABITŪ的水準係最平均分量最適中，咖啡味同酒味都均等，真係好飲，每次來到呢到就算有新款coffee，但我都只會揀 Irish Coffee 架咋。
左：佢揀左＜朱古力咖啡＞，我都試左Ｄ，朱古力味極濃，根本就似一杯凍朱古力，冇咖啡味，如果當一杯朱古力來飲就好，當咖啡嘅話....加多一份Espresso會好Ｄ。
我地揀嘅＜青蘋果合桃火箭菜沙律＞最快到，成碟都好翠綠，中間加點車厘茄紅幾靚仔，火箭菜好新鮮，我地都好鍾意食；青蘋果片爽脆微酸配黑醋檻欖油汁幾好味，合桃份量唔算多，剛好吧，最估唔到會有藍芝士，同合桃同食又幾夾。
好快就到＜香辣肉醬焗雙色粟米片＞，份量都幾大，有原味同藍粟米片，我就鍾意藍粟米片多Ｄ，因比較厚硬且脆，黃粟米片就薄Ｄ；頂層２款醬係Cream Cheese及牛油果醬，２款都好味，但我較鍾意Cream Cheese，滑Ｄ；中間一層厚厚溶了的芝士在香辣肉醬上，熱熱的係好味嘅，只係食到碟底見到有一陣油，令在底層的粟米片淋哂就要扣少少分了...。
點菜到上枱15分鐘後到的＜英式炸魚薯條＞，真係即叫即炸，上枱熱辣辣！原來我地都係第一次食 fish and chips，金黃色炸得好靚呀！２件炸魚柳大大件，表面層炸粉唔厚且脆但冇魚味，咁一定會油膩架喇，不過尚可接受；我就覺得粗薯條比炸魚好食，正！
Caffè HABITŪ the table尖沙咀彌敦道132號美麗華商場B1017號舖
T: 3572 0846
張貼
