更多
2014-11-19
3593 瀏覽
早起的鳥兒有蟲吃🐥雖然住近屏山，不過都未去過「華嫂」，見今日咁早起身就即興去！平日，十點左右去到😳已經排緊隊拎籌等位...可能老友記晨運完黎，後生仔就返工前黎，仲有我地呢啲慕名而黎既人，還好等左三個字左右就有位，啲街坊見有人排隊，好合作食完都會快快走讓出座位🙆屋仔入面出面大約坐到廿幾人，人流都算去得快。一場黎到都點左幾樣試試👅🍴雖然價錢以士多仔黎講都算偏貴，不過睇得出都有比到心機同要求去製作，唔似一般士多茶記落完單就甘掉比你。包類以為一叫就上，原來都要花時間製，要比啲耐心，就好似個厚料層層菠蘿包🍍🍞((HKD $15)) 成個包都烘得脆卜卜但又唔會覺得烘到乾左，口感岩岩好。切落去咬落去都唔會有面包個種面粉少少黏住既感覺，而係一碎就粉碎😂唔單止個面，成個都係酥脆既。加埋半溶凍牛油，煎蛋，蕃茄片，想完美一啖咬晒我就唔得既🙈🙈🍴不過對於我唔多好菠蘿油既人都覺得唔錯既，唔會有過甜同太油膩既感覺，配搭幾新鮮，算係有水準既菠蘿包啦😆招牌芝士咸牛肉蛋豬仔包((HKD $17))雖然呢個同菠蘿包都係招牌😝菠蘿包有驚喜不過個人更偏愛呢個豬仔包，入口因為mix埋咸牛肉同蛋汁，完全唔會乾爭爭，加埋融化既芝士
早起的鳥兒有蟲吃🐥
雖然住近屏山，不過都未去過「華嫂」，見今日咁早起身就即興去！
平日，十點左右去到😳已經排緊隊拎籌等位...可能老友記晨運完黎，後生仔就返工前黎，仲有我地呢啲慕名而黎既人，還好等左三個字左右就有位，啲街坊見有人排隊，好合作食完都會快快走讓出座位🙆屋仔入面出面大約坐到廿幾人，人流都算去得快。
一場黎到都點左幾樣試試👅🍴
雖然價錢以士多仔黎講都算偏貴，不過睇得出都有比到心機同要求去製作，唔似一般士多茶記落完單就甘掉比你。
包類以為一叫就上，原來都要花時間製，要比啲耐心，就好似個厚料層層菠蘿包🍍🍞
((HKD $15))
成個包都烘得脆卜卜
但又唔會覺得烘到乾左，口感岩岩好。
切落去咬落去都唔會有面包個種面粉少少黏住既感覺，而係一碎就粉碎😂唔單止個面，成個都係酥脆既。加埋半溶凍牛油，煎蛋，蕃茄片，想完美一啖咬晒我就唔得既🙈🙈🍴不過對於我唔多好菠蘿油既人都覺得唔錯既，唔會有過甜同太油膩既感覺，配搭幾新鮮，算係有水準既菠蘿包啦😆
招牌芝士咸牛肉蛋豬仔包
((HKD $17))
雖然呢個同菠蘿包都係招牌😝菠蘿包有驚喜不過個人更偏愛呢個豬仔包，入口因為mix埋咸牛肉同蛋汁，完全唔會乾爭爭，加埋融化既芝士又加多個層次😍👍好滿足！
其實個麵都唔錯，但無包有咁大驚喜
不過老水雞翼好入味但又好嫩😳👍蕃茄湯底幾濃，黎到都可以試一碗👅好似大約((HKD $35))
張貼
