更多
2014-11-13
3077 瀏覽
媽媽生日，想同佢食好D，本身媽媽好鍾意食“韓雅林”，不過因為佢好耐都決定唔到，到佢決定到我又BOOK唔到枱，所以就同佢食之前朋友生日食過嘅新羅寶，因為都覺得好好味，所以梗係即刻打電話喇，好彩都訂到枱~~因為其實上次食都係食4人餐，所以我地都不作他選，3個人都叫個4人餐，因為呢間嘢唔係太大碟~~去到韓式烤肉或者韓式飯店，韓式小食一定唔少得，個人都幾鍾意新羅寶嘅餐前小食，有菠菜、蓮藕、兩款泡菜、椰菜花由於一向本人都唔鍾意食泡菜，因為佢酸，我最怕食酸嘢，所以極少幫襯泡菜呢樣餐前小食，不過，新羅寶呢度嘅泡菜有分兩款，一款就係新醃，一款就醃耐少少﹔新醃嘅呢，就會係用娃娃菜醃嘅，好香麻油味，爽脆，一D都唔酸，好好味，不過食食吓都會幾辣，但係走之前真係會忍唔住買一盒返屋企，佢唔係好貴，一盒好似50幾蚊，以新鮮醃嚟講，呢個價錢都好合理呢個似係豬扒同豬肩，好冧，好好味，佢其實係醃得好好，到燒嘅時候，基本上唔多需要自己動手，佢幫你燒、剪埋帶子，本身係4人餐，唔知點解會得6粒，XDXD不過真係好大粒，好鮮味，服務員會將帶子放最後燒牛肋骨，呢個幾乎係我去食韓燒不可不叫嘅食物，呢間做得好好，好冧，本身對醃料有敏
因為其實上次食都係食4人餐，所以我地都不作他選，3個人都叫個4人餐，因為呢間嘢唔係太大碟~~
去到韓式烤肉或者韓式飯店，韓式小食一定唔少得，個人都幾鍾意新羅寶嘅餐前小食，有菠菜、蓮藕、兩款泡菜、椰菜花
由於一向本人都唔鍾意食泡菜，因為佢酸，我最怕食酸嘢，所以極少幫襯泡菜呢樣餐前小食，不過，新羅寶呢度嘅泡菜有分兩款，一款就係新醃，一款就醃耐少少﹔新醃嘅呢，就會係用娃娃菜醃嘅，好香麻油味，爽脆，一D都唔酸，好好味，不過食食吓都會幾辣，但係走之前真係會忍唔住買一盒返屋企，佢唔係好貴，一盒好似50幾蚊，以新鮮醃嚟講，呢個價錢都好合理
呢個似係豬扒同豬肩，好冧，好好味，佢其實係醃得好好，到燒嘅時候，基本上唔多需要自己動手，佢幫你燒、剪埋
帶子，本身係4人餐，唔知點解會得6粒，XDXD不過真係好大粒，好鮮味，服務員會將帶子放最後燒
牛肋骨，呢個幾乎係我去食韓燒不可不叫嘅食物，呢間做得好好，好冧，本身對醃料有敏感症嘅我，呢間就算醃得好香，都對我冇乜影響，唔錯，不過如果齋叫呢個都幾貴，好似要3百幾
呢個係半生熟牛肉，要用生菜、蒜頭、辣椒膏、洋蔥包住食，當然，我只係用辣椒同生菜就算喇，因為我對呢啲咁重口味嘅配料冇興趣覺得呢款其實一啲都唔特別~~
牛肉手打鍋麵，麵係新羅寶自己手打，湯底係清湯，不過喺煮嘅時候，服務員會好細心咁幫你個湯底落調味當中辣粉同蒜蓉佢會問咗你先加嘅，雖然我就唔好蒜蓉，不過同我同行嘅兩位，完全唔介意食呢啲重口味嘢，佢地重叫人落多啲 >.<
呢個麵真係好好味架，雖然今晚呢餐就比較貴，但係都叫值回票價架~~
張貼
