更多
2014-10-31
2437 瀏覽
兩星期前,OpenRice同Casio搞咗個美食攝影班,由專業攝影師Kenny哥哥教路影相,及「Next Station Dessert」贊助甜品,XO仔同K哥哥都有份參與,嘻嘻,榮幸之際,個肚都好滿足 !攝影班喺Next Station Dessert近門口唯一有陽光透射o既位置進行,因為老師Kenny哥哥話影食物一定要用天然o既光線,一用閃光燈幅相就玩完。甜品屋中間有個開放式廚房,如果要偷師,不妨坐喺圍住廚房o既吧位。店內其他散座全為方形餐桌,方便隨時合併或分解成二人至十多人o既長枱,尚算乾淨企理。其中一邊o既椅櫈同吧位一樣咁高,身材高大o既食客唔洗屈住坐,應該舒服好多。當日二十多位學生分為四組,每組都有一至兩部Casio新型號相機輪流試用。課堂一共有四個環節,由Kenny老師講解及示範拍攝四款不同形狀o既甜品;環節之間當然係有足夠o既時間比學員練習攝影、發問問題及品嚐甜品啦!好學o既XO仔提出多條問題,老師都好有耐心地一一解答,練習期間亦不忘加添建議,更作出鼓勵評價,氣氛既輕鬆又正面 。 環節一之暖朱古力泡沫 Warm Chocolate Foam($56)Kenny老師話
攝影班喺Next Station Dessert近門口唯一有陽光透射o既位置進行,因為老師Kenny哥哥話影食物一定要用天然o既光線,一用閃光燈幅相就玩完。甜品屋中間有個開放式廚房,如果要偷師,不妨坐喺圍住廚房o既吧位。店內其他散座全為方形餐桌,方便隨時合併或分解成二人至十多人o既長枱,尚算乾淨企理。其中一邊o既椅櫈同吧位一樣咁高,身材高大o既食客唔洗屈住坐,應該舒服好多。
當日二十多位學生分為四組,每組都有一至兩部Casio新型號相機輪流試用。課堂一共有四個環節,由Kenny老師講解及示範拍攝四款不同形狀o既甜品;環節之間當然係有足夠o既時間比學員練習攝影、發問問題及品嚐甜品啦!好學o既XO仔提出多條問題,老師都好有耐心地一一解答,練習期間亦不忘加添建議,更作出鼓勵評價,氣氛既輕鬆又正面 。
環節一之暖朱古力泡沫 Warm Chocolate Foam($56)
Kenny老師話影食物要留意好多野:
第一:唔好用閃光燈,要盡量用天然o既光線,同時唔好背光。
第二:要影出圓形甜品之立體感,大家唔好從高角度影,應以水平角度拍攝。 可能影相時間長咗,到我地食暖朱古力泡沫時,雪糕及暖朱古力已互相交溶,大家都唔係好食得出泡沫暖暖o既溫度,不過 甜品o既朱古力味香濃幼滑,是不錯之選。 食到中途,細佬突然醒起老師提及過當食物已被分解成不似原形o既狀態時,如果真係要影幅相,其實係有竅門o既,咁究境係咪呢?答案好簡單,原來就係將食物以匙羮或其他餐具提起,令焦點轉移落匙羮上。 環節二之鳥結糖芭菲Nougat Parfait($49)
第三:避免將食物構圖於相片之正中位置。大家如果以井字切割相片成九格,影相時擺放食物於左手邊三格,食物會更突出,更吸引。
第四:影食物時,最好唔好影哂成隻碟或承載食物o既器皿。 第五:大家不妨以其他食物作為背景,擺放主菜於前方。 甜甜o既鳥結糖芭菲唔會好似普通鳥結糖咁黐牙,但係味道又未好食到令小肥要大讚一番囉。 環節三之栗香紫薯山 Chestnut Purple Sweet Potato Mountain($65)
第六:構圖時,可營造出有方向感o既線條,引導讀者o既視線。
第七:可採用焦點放前,以線條拉出食物,配上水平線拍攝顯示出立體感。 小肥對栗子敏感,未能品嚐,但同組人都覺得個 甜品好清香。 環節四之綠茶心太軟配綠茶雪糕Green Tea Molten Cake Served with Green Tea Ice-Cream($55)
第八:正常情況,心太軟隻碟上會有個空白位,準備軟心流出;要個心流得靚,應該用兩刀切出小三角形,但切忌切到底。 綠茶心太軟甜得黎個味道好假,配上味較淡o既綠茶雪糕雖然可以中和陣假甜味,但係個人都係鍾情朱古力味囉。 於美食攝影班上,老師教o既不單有以上八點,只係XO仔記憶力有限 ,未能一一盡錄。其實Kenny哥哥亦有講解Casio新型號相機o既多項功能,例如可直接以wifi上載相片,活動熒光幕,一次過為同一張相捕捉不同光色效果等,非常詳盡 。 在此要再一次特別鳴謝Openrice同Casio合辦今次攝影班活動,安排得咁妥當,參加者獲益良多之餘,亦大享口福,感激!感激!
張貼