更多
2014-10-20
770 瀏覽
添好運已成為本地名牌，每次去都要排隊已是常識。除咗價錢相宜，水準穩定地高先可以留住客人。今日再幫襯，可謂MOUNTAIN PEOPLE MOUNTAIN SEA ,只等30分鐘有位坐，飛快叫點心。酥皮焗叉燒包$18鎮店招牌，酥皮鬆化，叉燒新鮮，餡汁結實，保持水準。 鮑汁鳳爪$25必食點心。師傅無偷懶，鳳爪炆得夠時間，腍身無黐骨，索透鮑魚汁，讚 黃沙豬潤腸粉$20現時已經好少酒樓會賣黃沙豬潤腸粉，因為嫌功夫多兼且難整得好。試過太多又腥又韌過柴皮嘅出品，但呢度處理得非常到家，所以每次都一定叫呢個點心。腸粉爽滑係基本，豬潤難得鬆化，無腥味，油份足，配腸粉一流。👍鮮蝦燒賣皇$25中規中矩，蝦仁爽，肉彈牙。豉汁蒸排骨$15排骨清爽入味，汁肉分明。唔似其他酒樓重生粉醃肉，蒸完出嚟個汁似漿糊。香煎蘿蔔糕$14師傅心機之作。蘿蔔絲比例高，而且係一條條切絲而非絞碎，師傅工序多，但食落有𡁻口，配小量臘腸蒸成，輕輕一煎，香氣四溢，難怪每年添好運過年賣糕都供不應求。杞子桂花糕$10糕點晶瑩結實，用料簡單但慷慨。滿佈桂花及杞子，清淡微甜， 多食而不覺膩。點心點心，顧名思義就係點心師傅對客人一點心意，舖頭門
添好運已成為本地名牌，每次去都要排隊已是常識。除咗價錢相宜，水準穩定地高先可以留住客人。
今日再幫襯，可謂MOUNTAIN PEOPLE MOUNTAIN SEA ,只等30分鐘有位坐，飛快叫點心。
酥皮焗叉燒包$18
鎮店招牌，酥皮鬆化，叉燒新鮮，餡汁結實，保持水準。
鮑汁鳳爪$25
必食點心。師傅無偷懶，鳳爪炆得夠時間，腍身無黐骨，索透鮑魚汁，讚
黃沙豬潤腸粉$20
現時已經好少酒樓會賣黃沙豬潤腸粉，因為嫌功夫多兼且難整得好。試過太多又腥又韌過柴皮嘅出品，但呢度處理得非常到家，所以每次都一定叫呢個點心。腸粉爽滑係基本，豬潤難得鬆化，無腥味，油份足，配腸粉一流。👍
鮮蝦燒賣皇$25
中規中矩，蝦仁爽，肉彈牙。
豉汁蒸排骨$15
排骨清爽入味，汁肉分明。唔似其他酒樓重生粉醃肉，蒸完出嚟個汁似漿糊。
香煎蘿蔔糕$14
師傅心機之作。蘿蔔絲比例高，而且係一條條切絲而非絞碎，師傅工序多，但食落有𡁻口，配小量臘腸蒸成，輕輕一煎，香氣四溢，難怪每年添好運過年賣糕都供不應求。
杞子桂花糕$10
糕點晶瑩結實，用料簡單但慷慨。滿佈桂花及杞子，清淡微甜， 多食而不覺膩。
點心點心，顧名思義就係點心師傅對客人一點心意，舖頭門庭若市全因師傅喺每樣出品上加一點專注同尊重，魔鬼隱藏在細節，只要基本功紮實，毋需刻意求變嘩眾取寵，學食神話齋，煮食之道全憑一個「心」字，添好運做到咗，而我，亦到感受到。
張貼
