更多
2014-10-08
7731 瀏覽
同媽媽去做完美容!媽咪鍾意食鐵板燒,之前帶住班馬騮唔方便,趁今日班馬騮不在!帶媽咪去試下!不過無訂位,我哋1130去到,食店都未開門,店員都在預備中!經理見到我哋,我話我哋無訂位,佢望下本訂位簿之後,問我哋介唔介意坐鐵板位,我哋無所謂,被安排坐近窗鐵板位!位置好開揚!午餐選擇好多,我主力睇鐵板燒套餐!揀咗:蟹家海鮮套餐($168)薄燒牛肉套餐($220)因為兩個餐嘅食品無分開上!所以我都唔太清楚邊個小食跟邊個餐!只講食物質素!蟹柳沙律--呢個蟹肉好粗,蔬菜新鮮爽脆,尤其係個柚子汁!酸酸甜甜!好味到媽媽清碟!蟹籽蘆筍豆腐--蘆筍爽,蟹籽卜卜脆,豆腐軟滑!賣相靚味道又好味!三文魚刺身--正常!鵝肝多士--呢個即做,塊鵝肝仲大塊過塊法包,真係煎到外脆內軟,係脆到外層一咬有細細聲chok一聲(平時鵝肝只係煎香表面!唔會脆),而內裡又油香四溢!係我食咁多次鵝肝最好味一次!薄燒牛肉卷--牛肉五片,廚師會問定要幾成熟(我同媽咪唔同的)我5成,媽咪7成,廚師煎好會包上金蒜片及青蔥,然後上菜,我們食完一件,廚師先再煎一件,唔係一次過上晒,等食客可以食到最新鮮嘅牛肉,牛肉片即煎,油香四溢,連內裡包嘅蒜片青
蟹家海鮮套餐($168)
薄燒牛肉套餐($220)
因為兩個餐嘅食品無分開上!所以我都唔太清楚邊個小食跟邊個餐!只講食物質素!
蟹柳沙律--呢個蟹肉好粗,蔬菜新鮮爽脆,尤其係個柚子汁!酸酸甜甜!好味到媽媽清碟!
蟹籽蘆筍豆腐--蘆筍爽,蟹籽卜卜脆,豆腐軟滑!賣相靚味道又好味!
三文魚刺身--正常!
鵝肝多士--呢個即做,塊鵝肝仲大塊過塊法包,真係煎到外脆內軟,係脆到外層一咬有細細聲chok一聲(平時鵝肝只係煎香表面!唔會脆),而內裡又油香四溢!係我食咁多次鵝肝最好味一次!
薄燒牛肉卷--牛肉五片,廚師會問定要幾成熟(我同媽咪唔同的)我5成,媽咪7成,廚師煎好會包上金蒜片及青蔥,然後上菜,我們食完一件,廚師先再煎一件,唔係一次過上晒,等食客可以食到最新鮮嘅牛肉,牛肉片即煎,油香四溢,連內裡包嘅蒜片青蔥!好香口!
鐵板海鮮--海鮮款式好多,有兩件蟹,廚師會除殻先比我們食,所以食得好方便,唔使整到一手都係,鱈魚一塊,好滑,煎完魚油出晒,三文魚塊,一樣好滑好香(平時熟三文魚會嚡,呢度唔會)蝦一隻,好大隻蝦,調味後剛好!唔會過咸又帶出了鮮味!我無落檸檬汁!因為食材新鮮!唔使辟腥!我亦無用醬汁!因為已經夠味!
炒雜菜--蔬菜新鮮爽脆,輕微調味已經夠,炒完熱辣辣食好味!
蟹肉炒飯--好多蟹肉,每一啖都充滿蟹肉!飯炒得乾身!可惜我實在太飽!只係食到一半!
麵豉湯--夠熱!唔味精!配料帶豆腐及海帶!可以解膩!
餐茶:檸檬茶!普通!正常!
食物無得頂,服務更加要讚!入座後茶水不斷!經理又會取布袋蓋住我們的手袋!又推多張櫈比我們放東西!廚師更加厲害,煮食物之外,又要同食客傾偈!又會睇住我哋食物嘅進度!(唔只我哋兩個,仲有其他食客)
經理亦好細心,坐低見我哋多袋,會即刻推張櫈比我們放袋,而且仲會用個布袋套住!午餐時段店內全滿!但又唔會好嘈!環境開揚,可以望到維港!午餐可以食到店內招牌菜!好抵食!
張貼