更多
2014-09-28
201 瀏覽
旺角好多糖水甜品舖,每次想食中式糖水一定會嚟哩到.位置好方便,從個門面睇就知店舖夠哂老,一定食到懷舊嘅味道.糖水都係大路野.
每次嚟都好爆嫁,通常都係食中式糖水多,而且份量多,價錢合理.
熱蛋白燉鮮奶,夠熱,甜度適中,略嫌奶味不足.
熱杏仁糊好大碗,每次姨姨都會裝到滿瀉,流到下面個碟仔都係.食中式糖水,喜好食熱,哩到真係夠熱.杏仁味同甜度都合適,而且又唔太稀.試過其他中式糖水,例如芝麻,合桃糊都不錯嫁！另外凍嘅,如涼粉都係大大碗.哩到d野真係大件夾抵食！
張貼
