番本日式放題 (已結業) 查看

放工又黎食放題，上次食過番本都幾好味，今次又揀返呢度。book左枱，上到黎唔使等就有位。兩個人分到張牆邊嘅細枱，坐得迫啲，不過都ok嘅，靜靜地，唯個位比較黑，手機影唔到靚相。上次黎到無set定餐具，張濕紙巾又幾靚喎。加五十蚊可以升級，多啲刺身揀，個人唔係好好刺身，我覺得加唔加都得。熟食先黎，炸物我覺得幾好味，唔算好油。炒雜菌，牛仔粒，好味，encore！串燒嘅翠玉瓜好多汁，正。冬菇就鹹左啲，同今次好細粒，縮哂水，上次啲日式菇好味啲。左上係普通menu嘅刺身，右上係升級menu，帶子好鮮甜，其他一般。左下嘅羊扒大堆介！！肉嫩唔羶，醬汁好味。右下忌廉青口，忌廉幾滑易入口，但有啲漏。焗蠔，個汁怪怪地，酸酸甜甜。枝豆，麻醬豆腐作為小食唔錯，食完又唔會飽肚。芒果布甸超甜，綠茶同香芋糯米滋凍凍甜甜好味，芝士年糕好好好食，炸香蕉加朱古力醬好甜，都幾好食，但呢兩樣超飽肚。食飽飽去行街街，hea下hea下又一晚。