更多
2014-09-21
1658 瀏覽
尋日(20-9-2014 Sat)晏晝,同爸爸送堂伯最後一程後,跟大隊食英雄宴,爸爸話係葵芳o既富臨.葵芳有富臨?邊個位?o黎到,原來o係呢o度,上一手o既尚賓樓都執o左.入到去,裝修都幾落本,幾盞水晶吊燈,我o地一共開三圍,o係一間房入面.由於堂伯家人要o係屋企整o野,所以我o地係咁等,等呀等,等呀等,同枱o既堂叔話好肚餓,(我就唔肚餓,因為朝早同爸爸飲茶時已經被佢塞飽o左)時間都差唔多兩點,堂叔就唔客氣叫個炒米食,女侍應係咁問要咩炒米?爸爸就話排骨炒米,混亂間又你一言我一語,變變吓就變o左唔知咩炆米出o黎.我問爸爸,會唔會整好耐?咪到時人齊上英雄宴o既餸同時間上喎.但冇人理喇.之後,似係 叉燒炆米o既食物到o黎,由於我真係飽,所以冇食,不過我嗅到幾香.冇耐,其中一位堂姐打電話俾佢o地,問佢o地攪幾耐,我o地未食,佢o地答叫o左唔使等食先.咁就叫起菜.1. 燒腩仔切得好細舊,肥瘦相間,皮脆,肉質鬆軟,入口即化同仍暖暖地,我覺得夠味.2. 帶子西芹帶子唔大粒且偏少,西芹嫩口冇渣.3. 油豆腐小棠菜正正常常,冇乜問題.4. 白切雞冇鮮雞味,係冰鮮雞.5. 蒸魚有啲過火,o鞋.6. 蛋白蝦
入到去,裝修都幾落本,幾盞水晶吊燈,我o地一共開三圍,o係一間房入面.由於堂伯家人要o係屋企整o野,所以我o地係咁等,等呀等,等呀等,同枱o既堂叔話好肚餓,(我就唔肚餓,因為朝早同爸爸飲茶時已經被佢塞飽o左)時間都差唔多兩點,堂叔就唔客氣叫個炒米食,女侍應係咁問要咩炒米?爸爸就話排骨炒米,混亂間又你一言我一語,變變吓就變o左唔知咩炆米出o黎.
我問爸爸,會唔會整好耐?咪到時人齊上英雄宴o既餸同時間上喎.但冇人理喇.
之後,似係 叉燒炆米o既食物到o黎,由於我真係飽,所以冇食,不過我嗅到幾香.冇耐,其中一位堂姐打電話俾佢o地,問佢o地攪幾耐,我o地未食,佢o地答叫o左唔使等食先.咁就叫起菜.
1. 燒腩仔
切得好細舊,肥瘦相間,皮脆,肉質鬆軟,入口即化同仍暖暖地,我覺得夠味.
2. 帶子西芹
帶子唔大粒且偏少,西芹嫩口冇渣.
3. 油豆腐小棠菜
正正常常,冇乜問題.
4. 白切雞
冇鮮雞味,係冰鮮雞.
5. 蒸魚
有啲過火,o鞋.
6. 蛋白蝦仁羹
蝦仁係切成細細粒,內裡都有少少魚肉,成個羹都唔太鹹,但爸爸話鹹,食o左一啖唔食.
7. 蝦仁炒蛋
炒蛋同蝦仁分離, 蝦仁走晒出o黎, 炒蛋嫩滑,蝦仁o岩o岩熟,都爽o既.
8. 蛋白炒飯
其實我已經停手唔食,但堂姐話好食,啲飯夠軟.我都勺兩匙食,呢個清清地,但冇我想像中咁軟.
味道係3.325分,抵食係2.5分
小插曲:
好奇怪,上晒7道菜後俾西瓜我o地食,即應該食晒啦,點知重上蛋白炒飯,侍應話蛋白炒飯耐啲.其實耐啲咪耐啲囉,我o地都係咁等o架喇.
服務:
堂伯佢o地係呢o度o既常客,但服務都係一般咋喎,開餐後, 一路都冇幫人加茶水,要叫至斟.
題外話/補充資料：
其實我好少o黎呢個商場, 同一地點o既酒樓,但由2008年起,食第一餐親戚o既英雄宴後,計埋今次共四次(其中一次我冇送別),呢個位置o既酒樓時時轉手,令我感慨良多.
(以上食評乃用戶個人意見 , 並不代表OpenRice之觀點。)
張貼