更多
2014-09-18
1180 瀏覽
華嫂冰室出左名好食但難等位, 摸過幾次門釘既我,建議各位可以係FACEBOOK留意下華嫂冰室既動向, 睇下會唔會有特別情況唔開, 星期日亦係唔開的!!同埋記得要早啲去拎位先, 1點至2點係休息時間其實早到既話, 1點4至1點半到已經可以去排住隊等2點個輪, 包保你2點鐘準時有得食。黎到華嫂識叫一定係叫鮮茄豬扒雞翼通粉! 蕃茄湯底簡直無敵, 用茄肉切碎而成,味道入口濃郁, 每一口湯都有啖啖茄肉, 口感豐富。豬扒亦軟硬適中, 雞翼更加十分入味, 帶有少少瑞士汁的甜味, 配合上微酸的鮮茄湯底, 整個組合簡直絕配。另外不得不試既係華嫂既魚餅!另外一碗自選麵---冬蔭功牛肉魚餅米線, 魚餅金黃色的外表, 炸到脆卜卜咁, 而且咬落彈牙又唔腥, 普通既鯪魚餅絕對無法媲美, 完全係市區食唔到既味道。冬蔭功湯底更加係令人回味無窮, 帶少少酸味又唔太辣, 岩晒啲唔食得辣既朋友仔! 加上碗米線同生菜充分吸收左湯底的鮮味, 成碗食完冬蔭功既味道仲充斥住係個口度, 齒頰留香, 實在值得推介!仲有招牌既餐蛋麪! 遠處已經飄黎香香既麻油味, 煎到金黃色既雞蛋, 咬落蛋白邊鬆脆, 中間半生熟既蛋黃實在令人垂涎三尺,
建議各位可以係FACEBOOK留意下華嫂冰室既動向,
睇下會唔會有特別情況唔開, 星期日亦係唔開的!!
同埋記得要早啲去拎位先, 1點至2點係休息時間
其實早到既話, 1點4至1點半到已經可以去排住隊等2點個輪, 包保你2點鐘準時有得食。
黎到華嫂識叫一定係叫鮮茄豬扒雞翼通粉!蕃茄湯底簡直無敵, 用茄肉切碎而成,味道入口濃郁, 每一口湯都有啖啖茄肉, 口感豐富。
豬扒亦軟硬適中, 雞翼更加十分入味, 帶有少少瑞士汁的甜味, 配合上微酸的鮮茄湯底,
整個組合簡直絕配。
另外不得不試既係華嫂既魚餅!
另外一碗自選麵---冬蔭功牛肉魚餅米線, 魚餅金黃色的外表, 炸到脆卜卜咁,
而且咬落彈牙又唔腥, 普通既鯪魚餅絕對無法媲美, 完全係市區食唔到既味道。
冬蔭功湯底更加係令人回味無窮, 帶少少酸味又唔太辣, 岩晒啲唔食得辣既朋友仔!
加上碗米線同生菜充分吸收左湯底的鮮味, 成碗食完冬蔭功既味道仲充斥住係個口度,
齒頰留香, 實在值得推介!
仲有招牌既餐蛋麪!
遠處已經飄黎香香既麻油味, 煎到金黃色既雞蛋, 咬落蛋白邊鬆脆,
中間半生熟既蛋黃實在令人垂涎三尺, 仲有兩塊厚餐肉, 加上彈牙的公仔麪,
同出面茶餐廳普通既餐蛋麪相比, 實在係大相逕庭, ichiban!
飲品方面, 我地叫左杯冰花奶茶, 果然茶香幾濃，奶同糖既比例亦相當佳,
有細碎的冰花, 茶既濃味完全唔會好似普通奶茶咁被冰融化既水沖淡,
天氣炎熱啜一啖簡直爽到上天!
招牌菠蘿包, 外脆內軟, 熱呼呼鬆脆既外層, 一口咬落去一塊厚切凍牛油,又冷又熱既口感, 實在十分新奇, 而且甜甜既酥皮外層, 配合內餡的蕃茄, 蛋,
咸咸甜甜既配搭, 令人想一口食完整個菠蘿包, 既清新又新鮮!
題外話/補充資料：
排隊個陣仲要記得諗定食咩, 近排好似落左單後無得加單, 真心有啲可惜。:(
(以上食評乃用戶個人意見 , 並不代表OpenRice之觀點。)
張貼
