更多
2014-09-16
2093 瀏覽
呢間銅鑼灣人氣甜品店！經常大排長龍！今日帶住兩隻馬騮！唸住下午七點鐘應該唔係咁多人（因為大部份人都食緊晚餐 ）膽粗粗去試下！去到居然無人在門口 四個人即刻入內坐低！店內環境乾淨企理，燈光光猛，以淺色木傢俬為主，新潮和式格局，座位唔多！我們坐好門口已經又有人龍，店員比張餐牌我揀食物！揀好就去櫃台自己落單！只收現金唔係咁方便！甜品價錢又唔平！買四份甜品都兩百蚊！買好就坐低等店員上菜！叫了：糯米糍紅豆抹茶牛奶雪榚--豬表妹食！糯米糍牛奶雪榚--肥髀食白玉牛奶雪榚--媽咪食！黃豆粉白玉紅豆抹茶牛奶雪榚--我食！黃豆粉少許起沙，增加香味，紅豆甜糯，軟滑好味，白玉煙韌，抹茶雪榚甘香香滑，喜歡味道微甘，好成人嘅味道，好像食80%朱古力一樣，帶甘，令抹茶味道在口中遛連，所有配料味道好夾！食物好味之外，食具配合都好有心思，用個淺木盆盛住上菜，好精緻，每碟仲附加一小壺楓糖漿！不過我覺得已經夠甜！只係落少許增加香味！連埋小匙及紙巾一齊上，好窩心！店員都好好禮貌，我兩隻馬騮想坐店內唯一嘅吊椅，因為進店時已經有客人坐緊，到該客人食完離開，我就要求轉位（其實當時我們都食咗大半）店員都好好比我們轉，而且肥髀因為
叫了：
糯米糍紅豆抹茶牛奶雪榚--豬表妹食！
糯米糍牛奶雪榚--肥髀食
白玉牛奶雪榚--媽咪食！
黃豆粉白玉紅豆抹茶牛奶雪榚--我食！黃豆粉少許起沙，增加香味，紅豆甜糯，軟滑好味，白玉煙韌，抹茶雪榚甘香香滑，喜歡味道微甘，好成人嘅味道，好像食80%朱古力一樣，帶甘，令抹茶味道在口中遛連，所有配料味道好夾！
食物好味之外，食具配合都好有心思，用個淺木盆盛住上菜，好精緻，每碟仲附加一小壺楓糖漿！不過我覺得已經夠甜！只係落少許增加香味！連埋小匙及紙巾一齊上，好窩心！
店員都好好禮貌，我兩隻馬騮想坐店內唯一嘅吊椅，因為進店時已經有客人坐緊，到該客人食完離開，我就要求轉位（其實當時我們都食咗大半）店員都好好比我們轉，而且肥髀因為我落錯佢份甜品而在店內哭鬧（好醜）店員都包容無出聲！大家坐低食下甜品加傾下偈！氣氛好悠閒，不過見出面排長龍都唔好意思長坐（店員唔會趕客）好開心可以試到呢間食店！
張貼
