更多
2014-09-15
1707 瀏覽
中秋節 人月兩團圓 我們這一家做節好少會去酒樓酒店 怕多人 今人決定去試下係土瓜灣一角既上海小店-華美我地訂左6點 去到已有幾家人坐底左 準備點菜 店鋪裝修好簡單 左邊卡位 中間大圓枱 可以坐到10個人 老闆娘同侍應們係上海人 白白皮膚 餸菜應該好正中我地4個人叫左7個餸1個甜品同豆漿 豆漿係自家整 有屋企煲既味道 唔太甜好香黃豆味醉豬手-豬手一放低已經聞到好香酒味 份量相當足夠 豬皮同豬腳筋好爽好彈牙 一d都唔肥 唔會一啖咬落去成口肥膏 d 骨已經已經索埋d酒香味 唔會有好大陣雪藏腥味酸辣湯-有好多料 豆腐 木耳 豬紅 筍 樣樣切到一絲絲 好爽口 辣味同辣味剛剛好 冇加好多粉漿 所以唔會好杰身 一人差不多有兩碗飲回煱肉炒年糕-我好鐘意食年糕 係我食上海野必點 年糕加埋回煱肉好惹味 年糕好軟身 攤凍左都唔會硬身 回煱肉唔會太多油太多獻汁 其實都算大碟控食 又多肉又多年糕小籠包-即叫即蒸 不過皮較厚 個頂好硬 所以冇夾穿過一，粒 入面都好多湯 舊肉唔會太紅色 好多時出街食小籠包d肉好紅 冇咩肉味 好似雪左好耐 呢到處理得唔錯鱔胡-平時唔多食黃鱔 因為怕太多激素 但知道鱔胡係呢到招牌菜 點
中秋節 人月兩團圓 我們這一家做節好少會去酒樓酒店 怕多人 今人決定去試下係土瓜灣一角既上海小店-華美
我地訂左6點 去到已有幾家人坐底左 準備點菜 店鋪裝修好簡單 左邊卡位 中間大圓枱 可以坐到10個人 老闆娘同侍應們係上海人 白白皮膚 餸菜應該好正中
我地4個人叫左7個餸1個甜品同豆漿 豆漿係自家整 有屋企煲既味道 唔太甜好香黃豆味
醉豬手-豬手一放低已經聞到好香酒味 份量相當足夠 豬皮同豬腳筋好爽好彈牙 一d都唔肥 唔會一啖咬落去成口肥膏 d 骨已經已經索埋d酒香味 唔會有好大陣雪藏腥味
酸辣湯-有好多料 豆腐 木耳 豬紅 筍 樣樣切到一絲絲 好爽口 辣味同辣味剛剛好 冇加好多粉漿 所以唔會好杰身 一人差不多有兩碗飲
回煱肉炒年糕-我好鐘意食年糕 係我食上海野必點 年糕加埋回煱肉好惹味 年糕好軟身 攤凍左都唔會硬身 回煱肉唔會太多油太多獻汁 其實都算大碟控食 又多肉又多年糕
小籠包-即叫即蒸 不過皮較厚 個頂好硬 所以冇夾穿過一，粒 入面都好多湯 舊肉唔會太紅色 好多時出街食小籠包d肉好紅 冇咩肉味 好似雪左好耐 呢到處理得唔錯
鱔胡-平時唔多食黃鱔 因為怕太多激素 但知道鱔胡係呢到招牌菜 點都要試下 佢鋪得好靚 好有層次 唔會大兜亂 炒完上碟就算 雖然望落去好似好多油 但食落去又唔覺 芽菜吸哂d汁 好入味 唔咸唔多油 仍然好爽口 黃鱔好彈牙 唔腥唔會有潺 送飯食一流
奶油津白-都係招牌菜之一 不過有些少失望 好似食緊白汁意粉 好西式同好膩 菜比較老 整體麻麻地
炸銀絲卷-熱辣辣 好吸引 好脆口 不過可能因為個晚太忙 太多客 個銀色卷唔似即炸 係番炸 比較硬
豆沙窩餅-本來係想食高力豆沙 但老闆娘話個晚整唔切 豆沙窩餅每一件都有豆沙饀 仲熱辣辣 唔太甜 外脆內軟 最欣賞係隻碟面冇油 唔會油林林
咁豐富一餐都係$399 食物質素唔錯 價錢又抵 係出面連鎖上海餐廳一定唔只呢個價錢 大家如果想光顧 記得要訂位 因為就算唔係做節 晚市都會好多人
張貼
