更多
2014-09-14
2142 瀏覽
上星期放學之後，大約七點幾，兩個同學知我鍾意食蕃茄，帶左我去大埔蕃滿門食。我地大埔墟站出去之後，行左一段幾長既路程，地點確實唔算方便。去到蕃滿門，門口都幾多人等緊位，所以都等左大約10-15分鐘。餐廳入面暗暗地，幾有情調，環境都好整潔，又幾安靜，令人感覺好舒適，好適合朋友一路食一路傾偈。黎到蕃滿門，一定要食的係蕃茄湯的粉麵，有好多粉麵可以配搭，例如意粉、長通粉，甚至有飯，而我今次就揀左螺絲粉。另外，蕃茄湯就有得揀辣唔辣，我揀左小辣。蕃茄湯果然好濃好有味，不過建議叫左辣既話，記得食之前可以撈一撈先，以免D辣味沉哂喺底，食到最後就會有D太辣！個蛋都幾滑幾好味，整體黎講唔錯！叫蕃茄湯螺絲粉之外，仲可以配一D小食，我今次就揀左酥炸雞扒！雞扒既皮好脆好香，唔算太肥太油，好味道！而且雞肉都幾嫩，好易咬。雞扒仲附送一個醬汁，酸酸甜甜，點雞扒黎食又有另一番味道。食雞扒同螺絲粉大約需要四十幾蚊，價錢對我黎講都算合理，而且整體黎講都幾好味，絕對值得一試!
我地大埔墟站出去之後，行左一段幾長既路程，地點確實唔算方便。
去到蕃滿門，門口都幾多人等緊位，所以都等左大約10-15分鐘。
餐廳入面暗暗地，幾有情調，環境都好整潔，又幾安靜，令人感覺好舒適，好適合朋友一路食一路傾偈。
黎到蕃滿門，一定要食的係蕃茄湯的粉麵，有好多粉麵可以配搭，例如意粉、長通粉，甚至有飯，而我今次就揀左螺絲粉。另外，蕃茄湯就有得揀辣唔辣，我揀左小辣。蕃茄湯果然好濃好有味，不過建議叫左辣既話，記得食之前可以撈一撈先，以免D辣味沉哂喺底，食到最後就會有D太辣！個蛋都幾滑幾好味，整體黎講唔錯！
叫蕃茄湯螺絲粉之外，仲可以配一D小食，我今次就揀左酥炸雞扒！雞扒既皮好脆好香，唔算太肥太油，好味道！而且雞肉都幾嫩，好易咬。雞扒仲附送一個醬汁，酸酸甜甜，點雞扒黎食又有另一番味道。食雞扒同螺絲粉大約需要四十幾蚊，價錢對我黎講都算合理，而且整體黎講都幾好味，絕對值得一試!
張貼
