鳴橋燒肉料理 (已結業)

老朋友聚餐，今次試一間位於旺角既日式燒肉放題。老友話佢老婆上个月試過，話肉類款式雖然吾多，但每款都好味，話一定要試下。店舖位於旺角，方便各老友放工聚餐，我地訂左6點六位，可能係星期三，去到時得两枱客，店員介绍我地有兩款餐，一個178，另一個218可食多六款食物…，仲話而家做優惠每人送多隻特大刺身蝦。成班老友成年冇見，當然食好D。因為友人話肚餓，於是叫个靚女姐姐上刺身同比碗湯先，可能客吾多，不到5分鐘就上菜，個三文魚湯有驚喜,冇想過放題可以飲到咁高水淮既湯。其他肉類、海鲜都好快上,其中一位友人係蝦精，D蝦比想像中大隻，佢話超正，個人食左最小5-6隻。我同太太最愛食肉，和牛粒同牛肋肉牛味好重，想不到放題會食到呢個級數既牛肉。另外羊架我平時好少食，友人拯力推介，我試左一件，真係好好味，但注意不要燒太耐，店員持別提醒最好七成熟。刺身方面雖然吾多，但款式都大路，有三文魚、北寄貝、馬刀貝、帯子等…呢个價食到呢類刺身，算好低。