更多
2014-09-11
1285 瀏覽
呢間意蠔屋啲食物非常之差! 平時見呢間小店午市時段好多人响門囗等位, 於是今日 “的” 起心肝去試吓.佢冇特定嘅午餐選擇, 反而好似車仔麵嘅模式自己劃紙揀餸配意粉, 感覺好奇怪!我叫咗白汁吞拿魚意粉, 等咗約5分鐘就奉上, 我O晒咀, 第一次見啲意粉係用方形碗盛載! 碟都唔用, 毫無賣相! 咁快有得食, 全因佢連炒都費事! 加啲罐頭湯水同罐頭吞拿魚撈埋就算數. 碟粉核突到餵俾貓食嘅罐頭都仲好過佢! 意粉煮到淋 “bap bap” , 而我同事叫嗰碟茄汁蕃茄雜菌雞肉意粉, 果啲所謂雜菌原來係罐頭草菇, 真係好離譜! 而個茄汁好似溝咗水咁, “浠Lau Lau”.唉…… 枉佢有咁多好評, 完全令人費解!
張貼