更多
2014-09-07
714 瀏覽
因為成日見呢間餐廳好多人等位，路過好多次，朋友們又話食過好食，所以決定今次見少少人等就去試下。其實我心裡面抱住與一品比較雞煲嘅心態去試，但經個侍應左右，點左個今日先出街嘅「法國麵包蟹雞煲」嚟試。滾左之後，打開個蓋，一陣唔係辣雞味，係麵包蟹嘅蟹味，個人認為係香味嚟講已經輸左一截。開始食勒，無疑真係童叟無欺，係全隻麵包蟹嘅份量，但亦都因為咁，我明明係叫左半隻雞嘅份量，好似得返1/4隻雞咁麵包蟹係多肉嘅，但係真係搶哂雞嘅味，照道理雞同蟹應該兩者平衡先啱，但係今晚呢隻蟹係暄賓奪主 ! 加上八角味道比花椒更濃，嚴重失衡的，令我更失望。雖然佢呢度都有一品大大杯檸茶，但係佢明明俾左半個檸檬我，我桔到爛哂都竟然冇乜檸檬味，我似係飲凍茶多啲。我地最後食到半路，就叫左響鈴同牛栢葉，牛栢葉正常所以唔講勒，我特別想講下呢個響鈴。其實賣相唔係話真係好好，因為我食過炸得最好嘅小肥牛嘅炸響鈴(雖然已經跌WATT) 係清楚見到每一層，而且每一層都有少少空間，但呢個其實係無，炸到死實實，但當放佢入去個鍋嗰度嘅時候，真係聽到佢好似啱啱放落炸鍋度炸咁嘅聲，啲脆響鈴索左雞鍋入面啲汁之後，忽然間好味左好多! 當然，凍左就變左死
其實我心裡面抱住與一品比較雞煲嘅心態去試，但經個侍應左右，點左個今日先出街嘅「法國麵包蟹雞煲」嚟試。
滾左之後，打開個蓋，一陣唔係辣雞味，係麵包蟹嘅蟹味，個人認為係香味嚟講已經輸左一截。
開始食勒，無疑真係童叟無欺，係全隻麵包蟹嘅份量，但亦都因為咁，我明明係叫左半隻雞嘅份量，好似得返1/4隻雞咁麵包蟹係多肉嘅，但係真係搶哂雞嘅味，照道理雞同蟹應該兩者平衡先啱，但係今晚呢隻蟹係暄賓奪主 ! 加上八角味道比花椒更濃，嚴重失衡的，令我更失望。
雖然佢呢度都有一品大大杯檸茶，但係佢明明俾左半個檸檬我，我桔到爛哂都竟然冇乜檸檬味，我似係飲凍茶多啲。
我地最後食到半路，就叫左響鈴同牛栢葉，牛栢葉正常所以唔講勒，我特別想講下呢個響鈴。其實賣相唔係話真係好好，因為我食過炸得最好嘅小肥牛嘅炸響鈴(雖然已經跌WATT) 係清楚見到每一層，而且每一層都有少少空間，但呢個其實係無，炸到死實實，但當放佢入去個鍋嗰度嘅時候，真係聽到佢好似啱啱放落炸鍋度炸咁嘅聲，啲脆響鈴索左雞鍋入面啲汁之後，忽然間好味左好多! 當然，凍左就變左死實實勒，所以真係奉勸大家一嚟真係要即食! 總括而言，其實試過一次就夠，我實在沒有清清楚楚感覺到呢度雞煲有幾吸引，而且其他東西都不見得可以encore !
題外話/補充資料：
人龍之迷：其實9點後入座半價，唔怪得成日見到人龍排啦!
坐收銀嘅疑似老闆問我好唔好食，emememem.... 我客套話好食，佢又問我係唔係附近住呀點呀咁，令我誤以為有折扣優惠，最後係..........冇嘅。嗚....失望~
(以上食評乃用戶個人意見 , 並不代表OpenRice之觀點。)
張貼
