鹿鳴春飯店 (已結業)

雞煲翅十分好飲，個雞湯真係好正，我地叫細煲三個人分，每人最後飲左五碗仲可以打包，其實飲到第三碗已經好夠，不過侍應問洗唔洗加多碗嘅時候因為真係太好味，所以由加啦，哈哈。味道放面，濃湯，湯底以老雞熬，骨膠原十足，雞味濃香帶黏性，翅十分爽口，一梳梳嘅翅無骨無肉。雞煲翅仲送兩個饅頭，饅頭好特別，之前從來無食過，好香麵粉麥嘅味，外面好香好脆，不過又唔會覺得好多油，雞煲翅同饅頭同樣十分出色主角片皮鴨等左成大半個小時，超級大隻鴨，師傅兩三嘢就片哂啲皮，超快。片皮鴨當然係連大蔥絲、青瓜絲、甜麵醬，用薄餅夾埋一齊食啦，一隻鴨有成兩碟鴨皮，我地三個人用薄餅每塊夾兩片鴨皮食，好好味，肉脂多，皮香口，正。真係好欣賞鹿鳴春呢位做麵粉嘅師傅，薄餅好正，平時食嘅好小會留意薄餅or啲饅頭，不過真係要講，薄餅係厚過其他餐廳嘅不過厚又有厚好，好香，薄餅唔硬相反好鬆軟，就算同甜麵醬一齊食都食到薄餅嘅味道，令人欽佩