更多
2014-08-18
5839 瀏覽
一向都鐘意揾新嘅地方high tea,但香港可以high tea 而又坐得舒舒服服嘅又唔係好多,除酒店外,好多小店又真係太細而又坐得唔舒服,但最大嘅問題係high tea set 真係千篇一律,而且又越嚟越本地化,呢幾年除咗Mo Bar 嘅Jimmy choo tea set真正係一個surprise 外,其他嘅tea真係無乜特别驚喜。。。上兩星期突然喺instagram 見到好多Atum Desserant嘅post,尤其是佢地嘅signature "Improvisation",係呢幾年流行嘅甜品style,又或可歸納為分子料理嘅類別,第一次喺文華嘅KrugRoom見過類似嘅,之後再喺Liberty Private works 試過,其實係先舖一塊膠墊或板,然後由廚師喺墊上以繪畫嘅形式create一個平舖式嘅甜品,雪糕或sorbet會係甜品中嘅主要部份,再on top 加上不同種類嘅syrup去畫不同嘅線條去繪畫出大致嘅輪廓,另再加上生果,Nuts,Crunch, Meringue 作不同層次嘅舖排,完成後就如一幅畫一樣。。。今次專程為試"Improvisation"而嚟,其實me
上兩星期突然喺instagram 見到好多Atum Desserant嘅post,尤其是佢地嘅signature "Improvisation",係呢幾年流行嘅甜品style,又或可歸納為分子料理嘅類別,第一次喺文華嘅KrugRoom見過類似嘅,之後再喺Liberty Private works 試過,其實係先舖一塊膠墊或板,然後由廚師喺墊上以繪畫嘅形式create一個平舖式嘅甜品,雪糕或sorbet會係甜品中嘅主要部份,再on top 加上不同種類嘅syrup去畫不同嘅線條去繪畫出大致嘅輪廓,另再加上生果,Nuts,Crunch, Meringue 作不同層次嘅舖排,完成後就如一幅畫一樣。。。 今次專程為試"Improvisation"而嚟,其實menu共有9款 甜品,Green,Apple,Lime,Peanut,Stone,Bamboo Charcoal,Steak,Uncertain同埋Improvisation,由$108~$328,此價錢已包括咖啡或茶,如order 朱古力或special tea需另加錢。(Improvisation $328 為二人份量) order 後會有一個refreshment drink ,之後就開始做”Improvisation "。。。。
先會用caramel and raspberry syrup 去畫個初形,然後再灑上綠茶粉,爆炸糖,燕麥同蜜糖crunch,下一步就係Meringue,綠茶mochi,橙味啫喱同埋生果等等。。。每一樣亦係我嘅至愛 最主要部份係Raspberry雪葩,以液態氮冷卻嘅雪葩變爲硬身,但入口十分滑身,raspberry 嘅酸味一點都唔覺得腻,而且每種配搭的口感亦十分不同,每一啖亦充满驚喜,而且每個師傅嘅手勢或做出嚟嘅圖案亦每次唔同,就更加如一幅可以食嘅Artpiece一樣。。。
其實香港好少類似Atum Desserant 呢類形嘅dessert bar,或者大家亦一窩峰去做waffle或台式甜品,又或者只有酒店嘅tea set。如單純做dessert bar 而有質素嘅,香港一路都無。東京嘅Toshi Yoroizuka一向都係我嘅至愛,又靚又好味,如果喺香港要食到同類形而又presentable,要到Amber ,Caprice 或Pierre先食到又有質素又靚嘅甜品(Ritz Carlton嘅Tosca唔算在内,因為得個樣,唔好食,質素又唔穩定。。),所以我十分欣賞Atum專心一意做甜品,不複雜只有9款甜品,其實全世界做得成功嘅食店,都係專注做某一種類嘅食品,但當然定期更新menu係必須,先保持新鲜感。
唯一美中不足之處係無酒供應,因為營業時間至零晨12點,如果夜晚食甜品再配一 杯dessert wine或者champagne,全件事就perfect 了!!!
題外話/補充資料:
朋友建議我一定要試”steak",話好好味,下次就試試
(以上食評乃用戶個人意見 , 並不代表OpenRice之觀點。)
張貼