新斗記 (已搬遷) 新店位置

星期六下午心血來潮去新斗記飲茶，發現都幾唔錯，所以同大家分享下。當日我同屋企人就叫左9個點心，其中我覺得最出色就係D蝦餃、腸粉、糯米雞糯米雞係全場最出色，去到一定要食！Ｄ糯米好香同好好咬口，雖然餡未必特別多，但隻糯米雞好入味。味道夠得黎又唔會太鹹，真係一定要試。蝦餃皮比起平時其他酒樓食既蝦餃薄，而且蝦夠大隻同新鮮，加埋其他配料，所以食落去都幾滿意而腸粉同樣都係皮薄餡多，都係推介之選。另外服務既姐姐態度都唔錯。雖然價錢比較貴，但平時屋企附近食開既其他酒樓平少少水準差好多，所以我諗下次都會幫襯番新斗記。