福斯特夫人 (已結業)

在團購看到任食，又是小本經營的餐廳，所以買來一試。 星期三，七點半去到無人，店內約10個位左右，如果人多會有點迫。 我們買的是半自助餐，老闆向我們推介全自助餐，每人加一百蚊，主菜連甜品都任食，但主菜只有飯同意粉，甜品仲係超市成品，老婆便一口拒絕。 我們點了每人一份湯，小食每樣一款。等了20分鐘，先送來金荀湯，凍的，無乜味，問老闆，老闆說再送過來，湯由凍轉微暖，這碗只有點淡淡的金荀味，勁。 焗魚枊，一張半八達通咁大，開鍚紙時很嗅到很香，魚肉熟的是程度是剛好的但味道很喊，喊到蓋過了魚味及他調味，無言。 燒雞半隻，手掌般大，有燶濃的燒烤味，骨肉做到一食已分離，全晚最好食。 青口薯條，青口有陣死魚味，薯條煙紉咬不開，叫老闆換，不理，利害。 食完再追老闆，但說只會出主菜及甜品，很嬲，想點飯及意粉各一試試，老闆說只可要兩個飯或兩個意粉，我們選了飯。意大利海鮮飯出來時只有酒樓飯婉咁大一碗，說好的蝦，帶子不見了，只有幾隻蜆仔及兩片尤魚。飯很淡淡的CREAM味，那幾隻蜆及兩片尤魚雪味很重，而且咬不開。 叫老闆上甜品，她說我們食得慢，不肯上了，所以無評價。