真香蛋卷

營業中

休息中

好姊妹托住元朗的朋友買給我, 其實之前未聽過呢個品牌, 不過一打開我驚歎咗一聲, 點解可以一D都無撞碎嘅? 因為盒蛋卷由元朗運到好姊妹手中, 佢由屋企攞到中環OFFICE再交俾我, 我又由中環攞到返屋企, 個罐全程打側一D都無小心輕放嘅意識, 開封時蛋卷竟然條條完整。我檢查清楚看看罐內有無特別裝置保護蛋卷, 答案係「無」! 蛋卷的抗碎能力實在令人讚歎。至於蛋卷的味道, 亦無令我失望。蛋卷好脆但唔會硬, 甜度剛好不過甜, 亦唔會有太重牛油味, 相對地無咁肥。蛋卷有蛋味但不算很重, 如果蛋味再提升一點會更好。一盒蛋卷一家人食貶吓眼就食完, 睇黎要再ENCORE多幾罐先夠喉。