更多
2014-08-11
10894 瀏覽
好少可就到同妹妹一起放假，妹妹話好想食放題，我地猶疑左好耐，吉壽定呢間好，同同事講開，佢話吉壽曾經出過事，極力叫我地唔好去，所以選擇左大滿喜。前一日就BOOK定位，所以去到唔駛等，即刻入得。呢個蟹粥勁多味精，一開始就上呢個，令我地好失望，亦都覺得對自己個胃同肚唔住，哂左配額。下次再去唔會再叫呢個！北海道牛乳海鮮鍋，都OK，不過覺得D蝦唔係咁新鮮。鐵板牛柳粒同帆立貝，已經寫左兩次，但一直都唔見，見旁邊遲黎D人都上左，忍不住問個店員。店員好好，即刻幫我地跟進。不過黎到個陣妹妹已經食飽左，所以我只好一個人消滅佢地。今次放題我覺得呢兩個係值得推介的，牛柳粒一D都唔老，好嫩滑，令人意想不到。三文魚、甜蝦等刺身都係妹妹食既，佢話以咁既價錢食到呢D素質已經算唔錯。我只係食左鮑片刺身，同平時係街食到既無咩分別，不過不失。全部既炸物都試左，芝士年糕、芝士蝦丸、芝麻雞翼、吉列蠔、吉列蝦同香芋丸，最喜歡食雞翼都香芋丸，正！無記錯呢個係鹽燒雞翼，同上邊個個芝麻雞翼相比，上邊個個正好多，所以我地再叫！無記錯呢幾件係火炙壽司。一人一件龍蝦沙律手卷，無咩特別。反而旁邊個幾件卷物好特別！妹妹唔肯試，話覺得好怪，但我試
前一日就BOOK定位，所以去到唔駛等，即刻入得。
呢個蟹粥勁多味精，一開始就上呢個，令我地好失望，亦都覺得對自己個胃同肚唔住，哂左配額。下次再去唔會再叫呢個！
北海道牛乳海鮮鍋，都OK，不過覺得D蝦唔係咁新鮮。
鐵板牛柳粒同帆立貝，已經寫左兩次，但一直都唔見，見旁邊遲黎D人都上左，忍不住問個店員。店員好好，即刻幫我地跟進。不過黎到個陣妹妹已經食飽左，所以我只好一個人消滅佢地。今次放題我覺得呢兩個係值得推介的，牛柳粒一D都唔老，好嫩滑，令人意想不到。
三文魚、甜蝦等刺身都係妹妹食既，佢話以咁既價錢食到呢D素質已經算唔錯。我只係食左鮑片刺身，同平時係街食到既無咩分別，不過不失。全部既炸物都試左，芝士年糕、芝士蝦丸、芝麻雞翼、吉列蠔、吉列蝦同香芋丸，最喜歡食雞翼都香芋丸，正！
無記錯呢個係鹽燒雞翼，同上邊個個芝麻雞翼相比，上邊個個正好多，所以我地再叫！
無記錯呢幾件係火炙壽司。
一人一件龍蝦沙律手卷，無咩特別。反而旁邊個幾件卷物好特別！妹妹唔肯試，話覺得好怪，但我試完之後忍唔住再叫，特別係個芝士草莓卷，估唔到D味咁夾，好香芝士味！
燒羊鞍，一向麻麻地好羊，無食到，妹妹話算唔錯。
之前見D人推介話一定要食呢個燒菠蘿，好乾，無咩汁，食完無再叫。
炸蟹棒天婦羅、虎蝦天婦羅、有機甜蕃薯，我發覺自己真係好喜歡食甜野，呢個甜蕃薯細細舊，攪到我食左勁多，不停叫。
魷魚鬚幾香，不過妹妹已經好飽，所以我一個人食哂。我地仲食左椰汁燉蛋同雪糕，好滿足咁抱住肚皮離開。
張貼
