汀汀烤活魚 (已結業)

訂咗位，不過去到都要等15分鐘先有位。店內嘅位比較密，同埋地下有水有D滑。抽風唔夠，所以食完之後成身油煙味。食物方面，魚好新鮮，完全唔腥，魚肉好滑，湯底好惹味。我地兩個女仔叫咗一條魚，一碟牛，一個雜菇，食得好飽。其中有個年紀比較大嘅侍應叔叔，見我朋友唔識中文，佢就主動過黎用英文介紹個魚煲，仲教我地從邊個部位開始食。我朋友食唔到咁辣，個侍應叔叔仲幫我地「筆」起d辣椒同加湯，叫我地食到咁上下先至加返落去，好細心呀！